လံာ်ယဃ့းစက့လး 13:9 - Sgaw Karen Common Bible

⁹ ဘူးယကစံၣ်ညီၣ်သုဝဲသ့ၣ်တဖၣ်လၢအအိၣ်ဒီးတၢ်ထံၣ်လၢ ညါခီတဖၣ်လၢအတတီဘၣ်ဒီးဒုးအိၣ်ထီၣ်တၢ်တဲဆိပာ်တဖၣ်လၢ အဆှၢကမၣ်တၢ်န့ၣ်လီၤ. ဖဲယပှၤဂီၢ်မုၢ်ပာ်ဖှိၣ်အသးလၢကစံၣ်ညီၣ်တဲာ်တၢ်ဂ့ၢ်တၢ်ကျိၤ တဖၣ်န့ၣ်သုတအိၣ်ဖဲန့ၣ်ဘၣ်. လၢကီၢ်အံၣ်စရ့လးအထံဖိကီၢ်ဖိအမံၤအတၢ်ကွဲးနီၣ်အပူၤန့ၣ် သုမံၤတအိၣ်ဝဲဘၣ်. သုတက့ၤကဒါက့ၤဘၣ်ဆူသုထံသုကီၢ်နီတစုဘၣ်. အန့ၣ်ဒီးသုကသ့ၣ်ညါလၢယမ့ၢ်ယွၤပၢဘၣ်တၢ်ခဲလၢာ် အကစၢ်န့ၣ်လီၤ.

လံာ်ယဃ့းစက့လး 13:9 Iomraidhean Croise

လံာ်စီၤပၤအခီၣ်ထံးတဘ့ၣ် 13:18

အန့ၣ်ဒီးဝံသးပှၢ်လၢဝ့ၢ်ဘ့ၤသ့လးစံးဘၣ်အီၤ, “ယမ့ၢ်စ့ၢ်ကီးဝံတဂၤဒ်နၤအသိး, ဒီးဒ်ယွၤအတၢ်မၤလိာ်အ သိး, ကလူးတဂၤတဲဘၣ်ယၤလၢယကဘၣ်က့ၤကိးနၤဆူ ဟံၣ်ဒီးတူၢ်လိာ်ခီၣ်ဆၢနၤန့ၣ်လီၤ.” နီၢ်နီၢ်တခီဝံသးပှၢ်န့ၣ်လီတၢ်လီၤ.

လံာ်စီၤဧ့စြၤ 2:59

ပှၤခဲလၢာ်အိၣ်ဝဲ ဃုကယၤယဲၢ်ဆံခံ ဂၤလၢအမ့ၢ်ဝဲ, ပှၤတဖၣ်လၢအဟဲက့ၤလၢဝ့ၢ်တဖၣ်လၢကီၢ်တ့ၤလမ့ၤလၤ, ကီၢ်တ့လဃၢ်ၡၤ, ကီၢ်ခ့ရူၤ, ကီၢ်အးဒၣ်ဒီးကီၢ်အံးမ့ၢ်တဖၣ်,

လံာ်စီၤနဃ့မယၤ 7:62

အဝဲသ့ၣ်ဟဲလီၤစၢၤလီၤသွဲၣ်လၢစီၤဒလါယၤအဒူၣ်ဖိထၢဖိ, စီၤတိၤဘံယၤအဒူၣ်ဖိထၢဖိ, ဒီးစီၤနကိဒၤအဒူၣ်ဖိထၢဖိ, ပှၤခဲလၢာ်အတၢ်ဂံၢ်အိၣ်ဝဲပှၤဃုကယၤလွံၢ်ဆံခံဂၤလီၤ.

လံာ်စီၤနဃ့မယၤ 7:64

မ့ၢ်လၢအဝဲသ့ၣ်ပာ်ဖျါအမိၢ်ပၢ်ဖံဖုလၢပျၢၤတဖၣ်မ့ၢ်မတၤန့ၣ်, တသ့ဝဲအဃိ, အဝဲသ့ၣ်တဘၣ်တၢ်တူၢ်လိာ်အီၤဒ်ပှၤလုၢ်တၢ်အခိၣ်တဖၣ် ဘၣ်.

စံးထီၣ်ပတြၢၤ 101:7

ပှၤလၢအလီတၢ်န့ၣ် တအိၣ်တဆိးဘၣ်လၢ ယနူၢ်ပူၤစီၤပူၤဘၣ်. ပှၤလၢအပာ်မၤအသးတဖၣ်န့ၣ် တအိၣ်တဆိးဘၣ်လၢယမဲာ်ညါနီတဂၤဘၣ်.

စံးထီၣ်ပတြၢၤ 69:28

မ်အမံၤဘၣ်တၢ်တြူာ်ကွံာ်အီၤလၢလံာ်မူအပူၤတက့ၢ်. မ်အသုတအိၣ်ကွဲးလီၤအသးလၢ ပှၤအတီအလိၤတဖၣ်အကျါတဂ့ၤ.

စံးထီၣ်ပတြၢၤ 69:5

ကစၢ်ယွၤဧၢ, နသ့ၣ်ညါယတၢ်သူၣ်တဆးသးတဆးလီၤ. ယတၢ်ဒဲးဘးတဖၣ်လၢယမၤတ့ၢ်လံအီၤန့ၣ် တအိၣ်တဒၢဘၣ်လၢနၤဘၣ်.

စံးထီၣ်ပတြၢၤ 87:6

ယွၤကကွဲးလီၤအပှၤဂီၢ်မုၢ်အမံၤ အတၢ်ကွဲးနီၣ်ဒီး ဒၢနုာ်အဝဲသ့ၣ်ခဲလၢာ်ဒ် ဝ့ၢ်ယရူၤၡလ့ၣ်အပှၤဝ့ၢ်ဖိတဖၣ်အသိး န့ၣ်လီၤ. စ့လၤ

စံးထီၣ်ပတြၢၤ 95:11

ယသးဒိၣ်ထီၣ်ဒီးမၤတၢ်အၢၣ်လီၤ သမှံၤသပှၢ်တထံၣ် ဒီးစံး, “သုတလဲၤနုာ်ဘၣ်ဆူ ကီၢ်ဖဲယကဟ့ၣ်သုတၢ် တၢ်အိၣ်ဘှံးအပူၤန့ၣ်နီတစုဘၣ်.”

လံာ်ယၡါယၤ 4:3

ပှၤကိးဂၤဒဲးလၢအအိၣ်လီၤတဲာ်တ့ၢ် လၢဝ့ၢ်ယရူၤၡလ့ၣ်အပူၤပှၤလၢယွၤ ဃုထၢတ့ၢ်အီၤလၢကမူဒံးတဖၣ်ကဘၣ် တၢ်ကိးအီၤလၢပှၤစီဆှံလီၤ.

လံာ်ယံးရမံယၤ 14:15

ယၤ, ယွၤအံၤ, တဲဘၣ်နၤတၢ်လၢယကမၤဘၣ်ဝံတဖၣ်န့ၣ်လၢ ယတမၢလီၤအီၤဘၣ်, ဘၣ်ဆၣ်အဝဲသ့ၣ်မ့ၢ်ပှၤကတိၤတၢ်လၢယမံၤ အပူၤ, ဒီးစံးဝဲလၢတၢ်ဒုးတၢ်ယၤဒီးတၢ်သၣ်ဝံၤ လီၤဒိတမၤဘၣ်ဒိထံကီၢ်အံၤဘၣ်န့ၣ်လီၤ. ယကမၤသံအဝဲသ့ၣ်လၢ တၢ်ဒုးတၢ်ယၤအပူၤဒီးခီဖျိတၢ်သၣ်ဝံၤလီၤဒိန့ၣ်လီၤ.

လံာ်ယံးရမံယၤ 17:13

ယွၤဧၢ, နမ့ၢ်ကီၢ်အံၣ်စရ့လးအတၢ်မုၢ်လၢ်လီၤ. ကယဲၢ်ပှၤလၢအပာ်လီၤတဲာ်ကွံာ်နၤန့ၣ် ကဘၣ်တၢ်မၤမဲာ်ဆှးအီၤလီၤ. အဝဲသ့ၣ်ကလီၤမၢ်ကွံာ်ဝဲဒ်မံၤတဖၣ်လၢအဘၣ်တၢ်ကွဲးလီၤအီၤလၢဖၣ် ကမူၣ်ဖၣ်ဆါကျါအသိး, မ့ၢ်လၢအဝဲသ့ၣ်ပာ်လီၤတဲာ်ကွံာ်နၤ, ယွၤတဂၤလၢအမ့ၢ်ထံမူအထံထီၣ်ပၢၢ်အဃိန့ၣ်လီၤ.

လံာ်ယံးရမံယၤ 23:20

ဒီးတဆိကတီၢ်ဘၣ်အသးတုၤလီၤလၢတၢ်လၢအဝဲတိာ်လၢကမၤဝဲ တဖၣ်မၤဝံၤဘၣ်က့ၤဝဲခဲလၢာ်တစုန့ၣ်ဘၣ်. လၢမုၢ်နံၤလၢအကဟဲ တဖၣ်အပူၤန့ၣ်, အပှၤဂီၢ်မုၢ်ကနၢ်ပၢၢ်တၢ်အံၤဆှံဆှံန့ၣ်လီၤ.”

လံာ်ယံးရမံယၤ 4:9

ယွၤစံးဝဲဒၣ်, “လၢမုၢ်နံၤအဝဲန့ၣ်, စီၤပၤတဖၣ်ဒီးပဒိၣ် ပပှၢ်တဖၣ်အတၢ်သးဒူကလီၤမၢ်ကွံာ်န့ၢ်အီၤ, ပှၤလုၢ်တၢ်အခိၣ်တဖၣ်အသးကလီၤကတုၤကွံာ်, ဒီးဝံတဖၣ် ကကမၢကမၣ်ဝဲဒၣ်လီၤ.”

လံာ်ယဃ့းစက့လး 11:10

ဒီးသုကဘၣ်တၢ်မၤသံသုလၢတၢ်ဒုးတၢ်ယၤအပူၤလၢသုထံ သုကီၢ်ဒၣ်ဝဲအပူၤလီၤ. တုၤနုၤတစုပှၤကိးဂၤဒဲးကသ့ၣ်ညါလၢ ယမ့ၢ်ယွၤန့ၣ်လီၤ.

လံာ်ယဃ့းစက့လး 12:20

ဝ့ၢ်တဖၣ်လၢအခဲအံၤပှဲၤဝဲဒီးပှၤဂီၢ်မုၢ်န့ၣ်ကဘၣ်တၢ်မၤဟး ဂီၤကွံာ်အီၤဒီးထံကီၢ်ကဘၣ်တၢ်ဒုးကဲထီၣ်အီၤလၢပှၢ်မုၢ် ကနၢတတီၤန့ၣ်လီၤ. အန့ၣ်ဒီး, အဝဲသ့ၣ်ကသ့ၣ်ညါဝဲလၢယမ့ၢ်ယွၤန့ၣ်လီၤ.

လံာ်ယဃ့းစက့လး 13:14

ယတိာ်ပာ်ယသးလၢယကမၤလီၤပှီၢ်တၢ်ဒူၣ်လၢအဝဲသ့ၣ်ဖှူဝဲလၢထူၣ် ဝါန့ၣ်, ယကမၤလီၤကလဲကွံာ်အီၤ, ဒီးယကပာ်လ့ၤကဒိတၢ်အခီၣ်ထံးအလၢၢ်တဖၣ်န့ၣ်လီၤ. တၢ်ဒူၣ်န့ၣ်ကလီၤပှီၢ်ဝဲဒီးမၤသံသုခဲလၢာ်လီၤ. အန့ၣ်ဒီး, ပှၤကိးဂၤဒဲးကသ့ၣ်ညါလၢယမ့ၢ်ယွၤန့ၣ်လီၤ.

လံာ်ယဃ့းစက့လး 13:23

အဃိဒီးခဲကနံၣ်အံၤ, သုတၢ်ထံၣ်လၢညါခီတဖၣ်လၢအမ့ၢ်တၢ်လၢ အတတီဒီးသုတၢ်တဲဆိပာ်တဖၣ်လၢအဆှၢကမၣ်တၢ်န့ၣ်အတၢ်မၤဝံၤ လံ. ယကမၤပူၤဖျဲးယပှၤဂီၢ်မုၢ်လၢသုတၢ်စိကမီၤအဖီလာ်, ဒ်သိးသုကသ့ၣ်ညါလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 20:38

ယကဟံးထီၣ်ကွံာ်ပှၤတဖၣ်လၢအပူထီၣ်တၢ်ဒီးမၤတၢ်ဒဲးဘးလၢသု ကျါန့ၣ်လီၤ. ယကထုးထီၣ်ကွံာ်အဝဲသ့ၣ်တဖၣ်လၢကီၢ်တဖၣ်လၢအဝဲသ့ၣ်အိၣ်ဆိးဝဲ လၢအပူၤခဲကနံၣ်အံၤ, ဘၣ်ဆၣ်ယတပျဲအဝဲသ့ၣ်က့ၤကဒါက့ၤဆူကီၢ်အံၣ်စရ့လးလၢၤဘၣ်. အန့ၣ်ဒီးသုကသ့ၣ်ညါလၢယၤ, ယမ့ၢ်ယွၤန့ၣ်လီၤ.”

လံာ်ဒၤနံးယ့လး 12:1

မူခိၣ်ကလူးလၢအသိးဆ့ဖှီဝါကဆှၣ်စံးဝဲ, “အကတီၢ်ဖဲန့ၣ် မူခိၣ်ကလူးဖးဒိၣ်မံၤက့လး, ပှၤလၢအပၢၤဃးနပှၤဂီၢ်မုၢ်က အိၣ်ဖျါထီၣ်ဝဲလီၤ. ဒီးဖဲန့ၣ်တၢ်ကီတၢ်ခဲတဖၣ် အကတီၢ်ကတုၤဝဲ, တၢ်ကီတၢ်ခဲအနးကတၢၢ် လၢအတမၤတ့ၢ်အသးဒံးဘၣ်, စးထီၣ်လၢပှၤတကလုာ်ကဲ ထီၣ်ဝဲတုၤမုၢ်တနံၤန့ၣ်လီၤ. ဘၣ်ဆၣ်ဒီးအကတီၢ်ဖဲန့ၣ်န့ၣ်, နပှၤဂီၢ်မုၢ်ကဘၣ်တၢ်မၤပူၤဖျဲးအီၤ, ကယဲၢ်ပှၤလၢအမံၤအိၣ်ကွဲးအသး လၢကစၢ်ယွၤအလံာ်ပူၤန့ၣ်ကတုၤလၢတၢ်အုၣ်က့ၤခီၣ်က့ၤန့ၣ်လီၤ.

လံာ်ဟိၤၡ့ 4:5

လၢမုၢ်နၤဒီးလၢမုၢ်ဆါန့ၣ်သုမၤကမၣ်တၢ်လၢတၢ်တပလီၢ်ပဒီ သးအပူၤ, ဒီးဝံတဖၣ်, မၤဝဲတဂ့ၤအါန့ၢ်သုဘၣ်. ယကမၤဟးဂီၤကွံာ်သုမိၢ်, ကီၢ်အံၣ်စရ့လးန့ၣ်လီၤ.

လံာ်ဟိၤၡ့ 9:3

ကီၢ်အံၣ်စရ့လးအပှၤဂီၢ်မုၢ်တအိၣ်တ့ၢ်ဘၣ်လၢယွၤအကီၢ် ပူၤလၢၤဘၣ်. မ့မ့ၢ်ကဘၣ်က့ၤကဒါက့ၤဆူကီၢ်အဲၤကူပတူးဒီးကဘၣ်အီၣ်တၢ်အီၣ် လၢတၢ်တြီအဝဲသ့ၣ်တဖၣ်လၢကဘၣ်ဟးဆှဲးဝဲလၢကီၢ်အၤၡူၢ်အပူၤ န့ၣ်လီၤ.

လံာ်မံကၤ 3:5

ယပှၤဂီၢ်မုၢ်ဘၣ်တၢ်လီန့ၢ်အီၤလၢဝံတဖၣ်လၢအအၢၣ်လီၤတၢ်ဃူတၢ် ဖိးဆူပှၤတဖၣ်လၢအဟ့ၣ်အီၤစ့, ဘၣ်ဆၣ်ဒီးပှၤလၢအတဟ့ၣ်တဖၣ်န့ၣ်မၤပျံၤမၤဖုးဝဲလၢတၢ်ဒုးတၢ်ယၤလီၤ. ယွၤစံးဘၣ်ဝံသ့ၣ်တဖၣ်အံၤ,

လံာ်မံကၤ 3:6

“ဝံသ့ၣ်ဧၢ, သုမုၢ်နံၤဘူးကကတၢၢ်လီၤ. သုမုၢ်လီၤနုာ်လံ. အဂ့ၢ်ဒ်အံၤ, သုဆှၢကမၣ်ယပှၤဂီၢ်မုၢ်အဃိဝံအတၢ်ထံၣ် လၢညါခီတဖၣ်တအိၣ်လၢၤဘၣ်ဒီးသုဘၣ်. သုဖးဆိပာ်တၢ်တသ့လၢၤနီတမံၤဘၣ်”.

လံာ်လူၤကၣ် 10:20

ဘၣ်ဆၣ်ဒီး, တဘၣ်သူၣ်ခုသးခုလၢတၢ်ဝံတၢ်နါတဖၣ်စူၢ်သု ကလုၢ်အဃိတဂ့ၤ. မ့မ့ၢ်, သူၣ်ခုသးခုလၢသုမံၤတဖၣ်ဘၣ်တၢ်ကွဲးလီၤပာ်အီၤလၢမူခိၣ် အဃိန့ၣ်တက့ၢ်.”

ဖံလံးပံၤ 4:3

ဒီးနဲဒၣ်စ့ၢ်ကီး, ပှၤမၤသကိးတၢ်ဒီးယၤလၢအသးတီ တဂၤဧၢ, ယအဲၣ်ဒိးလၢနကမၤစၢၤပိာ်မုၣ်တဖၣ်အံၤန့ၣ်လီၤ. အဂ့ၢ်ဒ်အံၤ, အဝဲသ့ၣ်မၤသကိးတၢ်ဒီးယၤဆူၣ်ဆူၣ်လၢတၢ်ရၤလီၤတၢ်သးခုကစီၣ် အပူၤ, ဃုာ်ဒီးစီၤကျ့မ့ၤဒီးယပှၤမၤသကိးတၢ်အဂၤတဖၣ်, လၢအမံၤအိၣ်ကွဲးလီၤအသးလၢကစၢ်ယွၤအလံာ်မူအပူၤန့ၣ်လီၤ.

ဧ့ၤဘြံၤ 12:23

ဆူပှၤဂီၢ်မုၢ်လၢအပှဲၤဒီးတၢ်သးခုဒီးတၢ်အိၣ်ဖှိၣ်ဘၣ်ဃးဒီး ဝဲၢ်ကိလၢအမံၤအိၣ်ကွဲးအသးလၢမူခိၣ်တဖၣ်အအိၣ်, ဒီးဆူကစၢ်ယွၤလၢအစံၣ်ညီၣ်ပှၤခဲလၢာ်အအိၣ်, ဒီးဆူပှၤအတီအလိၤအသးလၢအဘၣ်တၢ်မၤလၢထီၣ်ပှဲၤထီၣ်အီၤ တဖၣ်အအိၣ်,

လံာ်လီၣ်ဖျါ 13:8

ပှၤကိးဂၤဒဲးလၢအအိၣ်ဝဲဆိးဝဲလၢဟီၣ်ခိၣ်ချၢကဘူၣ် ထီၣ်ဘါထီၣ်အီၤ, ဒီးပှၤလၢအတဘါထီၣ်အီၤန့ၣ်, မ့ၢ်ထဲပှၤလၢအမံၤအိၣ်ကွဲးအသးလၢလံာ်မူအပူၤ, တချုးတၢ်တ့လီၤပာ်လီၤဟီၣ်ခိၣ်ဒံးဘၣ်, လံာ်မူလၢအမ့ၢ်သိဖိလၢအဘၣ်တၢ်မၤသံအီၤတဒုန့ၣ် အတၢ်လီၤ.

လံာ်လီၣ်ဖျါ 19:20

တၢ်ဒူတၢ်ဃိၤတဒုန့ၣ်ဘၣ်တၢ်ဖီၣ်န့ၢ်အီၤတပူၤဃီဒီးဝံ အဘျၣ်လၢအမၤတ့ၢ်တၢ်လီၤလးတဖၣ်လၢတၢ်ဒူတၢ်ဃိၤ တဒုန့ၣ်အမဲာ်ညါလီၤ. (ခီဖျိတၢ်လီၤလးတဖၣ်န့ၣ်, အဝဲဒၣ်လီန့ၢ်တ့ၢ်ပှၤသ့ၣ်တဖၣ်လၢအအိၣ်ဒီးတၢ်ဒူတၢ်ဃိၤ တဒုန့ၣ်အတၢ်ပနီၣ်, ဒီးပှၤသ့ၣ်တဖၣ်လၢအဘါတ့ၢ်တၢ်ဒူတၢ်ဃိၤတဒုန့ၣ် အက့ၢ်အဂီၤလီၤ.) တၢ်ဒူတၢ်ဃိၤဒီးဝံအဘျၣ်စ့ၢ်ကီး, ဘၣ်တၢ်တ့ၢ်လီၤမူဒံးအီၤဆူနိၣ်မ့ၣ်အူလၢအအီၣ်ဃုာ် တၢ်ဒီးကးန့ၣ်လီၤ.

လံာ်လီၣ်ဖျါ 20:12

ဒီးယထံၣ်ဘၣ်ပှၤသံတဖၣ်, အဒိၣ်ဒီးအဆံးစ့ၢ်ကီး, အိၣ်ဆၢထၢၣ်လၢလီၢ်ပစိာ်အမဲာ်ညါန့ၣ်လီၤ. လံာ်တဖၣ် ဘၣ်တၢ်အိးထီၣ်အီၤ, ဒီးအန့ၣ်ဝံၤအလီၢ်ခံလံာ်အဂၤ တဘ့ၣ်ဘၣ်တၢ်အိးထီၣ်အီၤ, လၢအမ့ၢ်လံာ်မူတဘ့ၣ်န့ၣ်လီၤ. ပှၤသံတဖၣ်ဘၣ်တၢ်စံၣ်ညီၣ်အီၤဒ်တၢ်လၢအဝဲသ့ၣ် မၤတ့ၢ်ဝဲ, ဒ်အဘၣ်တၢ်ကွဲးနီၣ်တ့ၢ်အီၤလၢလံာ်တဖၣ် အပူၤအသိးန့ၣ်လီၤ.

လံာ်လီၣ်ဖျါ 20:15

ပှၤတဂၤလၢ်လၢ်လၢအမံၤတအိၣ်ကွဲးအသးလၢလံာ်မူ အပူၤန့ၣ်, ဘၣ်တၢ်တ့ၢ်လီၤကွံာ်အီၤဆူနိၣ်မ့ၣ်အူအပူၤလီၤ.