လံာ်ယဃ့းစက့လး 13:8 - Sgaw Karen Common Bible

⁸ လၢတၢ်န့ၣ်အဃိဒီး, ယွၤပၢဘၣ်တၢ်ခဲလၢာ်ကစၢ်စံးဘၣ်အဝဲသ့ၣ်, “သုတၢ်ကတိၤတဖၣ်န့ၣ်မ့ၢ်တၢ်လၢအတတီဘၣ်ဒီးသုတၢ်ထံၣ်လၢညါခီ သ့ၣ်တဖၣ်န့ၣ်မ့ၢ်တၢ်လီတၢ်ဝ့ၤလီၤ. ယထီဒါသုန့ၣ်လီၤ.

လံာ်ယဃ့းစက့လး 13:8 Iomraidhean Croise

လံာ်စီၤပၤအခီၣ်ထံးတဘ့ၣ် 13:18

အန့ၣ်ဒီးဝံသးပှၢ်လၢဝ့ၢ်ဘ့ၤသ့လးစံးဘၣ်အီၤ, “ယမ့ၢ်စ့ၢ်ကီးဝံတဂၤဒ်နၤအသိး, ဒီးဒ်ယွၤအတၢ်မၤလိာ်အ သိး, ကလူးတဂၤတဲဘၣ်ယၤလၢယကဘၣ်က့ၤကိးနၤဆူ ဟံၣ်ဒီးတူၢ်လိာ်ခီၣ်ဆၢနၤန့ၣ်လီၤ.” နီၢ်နီၢ်တခီဝံသးပှၢ်န့ၣ်လီတၢ်လီၤ.

လံာ်ယံးရမံယၤ 21:13

နဲဒၣ်, ဝ့ၢ်ယရူၤၡလ့ၣ်ဧၢ, နဆ့ၣ်နီၤနဲလၢတၢ်လီၢ်ထီၣ်ထီလၢ တၢ်လူၢ်တၢ်တြီၤအဖီခိၣ်, လီၤဂာ်ဒ်လၢၢ်တဖျၢၣ်လၢအအိၣ်ထီၣ် ထီလၢပျီတဘ့ၣ်အဖီခိၣ်အသိးန့ၣ်လီၤ. ဘၣ်ဆၣ်ဒီးယကဒုးတၢ်ထီဒါ နၤလီၤ. နစံးလၢပှၤဟဲထီၣ်ဒုးနၤမ့ၢ်ဂ့ၤ, ပှၤဟဲနုာ်ခီဖျိနတၢ်ပၢၢ် ဆၢအလီၢ်တဖၣ်မ့ၢ်ဂ့ၤ, တသ့နီတဂၤဘၣ်.

လံာ်ယံးရမံယၤ 23:30

ယထီဒါဝံတဖၣ်န့ၣ်လၢအဟံးန့ၢ်တဂၤဒီးတဂၤအတၢ် ကတိၤဒီးဘိးဘၣ်သ့ၣ်ညါဝဲဒ်အမ့ၢ်ယတၢ်ကစီၣ်အသိးန့ၣ်လီၤ.

လံာ်ယံးရမံယၤ 29:31

ယကဆှၤလီၤတၢ်ကစီၣ်အံၤ ဆူပှၤလၢအဘၣ် တၢ်စိာ်မၢကဲကုၢ်အီၤလၢ ကီၢ်ဘၤဘူၤလိၣ်ခဲလၢာ် အအိၣ်ဘၣ်ဃးဒီး စီၤၡမါယၤ အဂ့ၢ်န့ၣ်လီၤ. “ယၤ, ယွၤအံၤ, ကစံၣ်ညီၣ်စီၤၡမါယၤဒီး အစၢၤအသွဲၣ်ခဲ လၢာ်လီၤ. ယတမၢလီၤဘၣ်အီၤဘၣ်. ဘၣ်ဆၣ် အဝဲ ကတိၤတၢ်ဒီးသု, မၤအသးဒ်အမ့ၢ်ဝံတဂၤအသိး ဒီးအဝဲမၢသုနာ်တၢ်လီတၢ်ဝ့ၤတဖၣ်န့ၣ်လီၤ.

လံာ်ယံးရမံယၤ 51:25

ကီၢ်ဘၤဘူၤလိၣ်ဧၢ, နမၤနသးဒ်ကစၢၢ်တဖျၢၣ်လၢ အမၤဟးဂီၤဟီၣ်ခိၣ်ဒီဘ့ၣ်, ဘၣ်ဆၣ်ယၤ, ယွၤအံၤ, မ့ၢ်နဒုၣ်နဒါန့ၣ်လီၤ. ယကဟံးဃာ်နၤ, တလ့ၣ်လီၤနၤလၢ တၢ်လီၢ်ထီၣ်ထီဆူဟီၣ်ခိၣ်အလိၤ, ဒီးဒုးကဲထီၣ်နၤလၢဖၣ် ဆါန့ၣ်လီၤ.

လံာ်ယဃ့းစက့လး 21:3

လၢတၢ်လၢယၤ, ယွၤစံးဝဲန့ၣ်တက့ၢ်, ယမ့ၢ်နဒုၣ်နဒါလီၤ. ယကထုးထီၣ်ယနးဒီးမၤသံကွံာ်ပှၤလၢအအိၣ်နပူၤခဲလၢာ်, ပှၤအဂ့ၤမ့ၢ်ဂ့ၤပှၤအအၢမ့ၢ်ဂ့ၤဒ်သိးသိးန့ၣ်လီၤ.

လံာ်ယဃ့းစက့လး 26:3

အန့ၣ်ဝံၤဒီး, ခဲကနံၣ်အံၤ, အအံၤမ့ၢ်တၢ်လၢယၤ, ယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. ဝ့ၢ်ထါယၢၣ်ဧၢ, ယမ့ၢ်နဒုၣ်နဒါလီၤ. ယကဟဲစိာ်ပှၤကလုာ်အါကလုာ် လၢကဟဲဒုးတၢ်, ဒီးအဝဲသ့ၣ်ကဟဲဝဲဒၣ်ဒ်လပီတဖၣ်လၢ ပီၣ်လဲၣ်ပူၤအသိးန့ၣ်လီၤ.

လံာ်ယဃ့းစက့လး 29:10

မ့ၢ်လၢနစံးလၢထံကျိနံၤ လါမ့ၢ်နတၢ်ဒီးနမၤအီၤလၢ ကစၢ်ဒၣ်နဲအဃိ, ယမ့ၢ်နဒုၣ်နဒါဒီးနထံကျိနံၤလါ အဒုၣ်အဒါန့ၣ်လီၤ. ယကဒုးကဲထီၣ် ကီၢ်အဲၤကူပတူးဒီဘ့ၣ်လၢ တၢ်လီၢ်တတီၤလၢအအိၣ်လီၤဃီ, စးထီၣ်လၢ ဝ့ၢ်မံးကဒိးလးလၢ ကလံၤစိးတကပၤတုၤဆူစဝ့နၤလၢကလံၤထံးတခီ, ဒီကျဲညါပၢၢ်တုၤလၢပှၤကူၤၡးဖိတဖၣ်အထံဆၢကီၢ်ဆၢန့ၣ်လီၤ.

လံာ်ယဃ့းစက့လး 34:10

ယၤ, ယွၤပၢဘၣ်တၢ်ခဲလၢာ်ကစၢ်ဘိးဘၣ်သ့ၣ်ညါကျၤမနၤ လၢယမ့ၢ်သုဒုၣ်သုဒါန့ၣ်လီၤ. ယကဟံးထီၣ်ကွံာ်ယသိလၢ သုအိၣ်ဒီးယတပျဲကဒီးလၢသုကမ့ၢ်အဝဲသ့ၣ်အပှၤကွၢ်သိတဖၣ် နီတစုလၢၤဘၣ်. ယတပျဲသုကွၢ်ထွဲလီၤက့ၤထဲဒၣ်သုသးနီတစု လၢၤဘၣ်. ယကမၤပူၤမၤဖျဲးက့ၤယသိလၢသုစုပူၤဒီးတပျဲ သုအီၣ်အဝဲသ့ၣ်လၢၤဘၣ်.

လံာ်ယဃ့းစက့လး 35:3

တဲဘၣ်ပှၤဂီၢ်မုၢ်, တၢ်လၢယၤ, ယွၤပၢဘၣ်တၢ်ခဲလၢာ်ကစၢ် ကစံးဝဲန့ၣ်တက့ၢ်. ကီၢ်အဒိၣ်အကစၢၢ်ကလိသ့ၣ်ဧၢ, ယမ့ၢ်သုဒုၣ်သုဒါန့ၣ်လီၤ. ယကဒုးကဲထီၣ်သုလၢတၢ် လီၢ်အိၣ်သယုၢ်လီၤဃီတတီၤန့ၣ်လီၤ.

လံာ်ယဃ့းစက့လး 39:1

ယွၤပၢဘၣ်တၢ်ခဲလၢာ်ကစၢ်စံးဝဲ, “ပှၤကညီလၢအသံသ့ဧၢ, စံးလၢစီၤကိးလၢအမ့ၢ်ပှၤမ့ၤၡးဖိဒီးပှၤတူၤဘလးဖိအပှၤကလုာ် တဖၣ်အပှၤပၢတၢ်အဒိၣ်ကတၢၢ်ကြၢးဘၣ်တၢ်စံၣ်ညီၣ်ဒီးတဲဘၣ်အီၤ လၢယမ့ၢ်အဒုၣ်အဒါန့ၣ်တက့ၢ်.

လံာ်ယဃ့းစက့လး 5:8

လၢတၢ်န့ၣ်အဃိ, ယၤ, ယွၤပၢဘၣ်တၢ်ခဲလၢာ်ကစၢ်, စံးဘၣ်နၤလၢယမ့ၢ်နဒုၣ်နဒါလီၤ. ယကစံၣ်ညီၣ်နၤဖဲပှၤကလုာ်ခဲ လၢာ်ထံၣ်ဘၣ်ဝဲကသ့န့ၣ်လီၤ.

လံာ်နၤဃူၣ် 2:13

ယွၤသ့တၢ်လၢာ်စံးဝဲဒၣ်, “ယမ့ၢ်နဒုၣ်နဒါလီၤ. ယကဒွဲၣ်အူကွံာ်နလ့ၣ်ကဟၣ်ဒုးသုးတဖၣ်လီၤ. နပှၤသုးဖိတဖၣ်ကဘၣ်တၢ်မၤသံကွံာ်အီၤလၢတၢ်ဒုးတၢ်ယၤအပူၤ, ဒီးယကဟံးထီၣ်ကွံာ်ကယဲၢ်တၢ်ခဲလၢာ်လၢန ဟံးန့ၢ်လၢပှၤဂၤတဖၣ်အအိၣ်န့ၣ်လီၤ. ဒီးနပှၤဃ့ၢ်စိာ်ဆှၢတၢ်ကစီၣ်အကလုၢ်န့ၣ်, တၢ်တနၢ်ဟူလၢၤဘၣ်အီၤနီတစုဘၣ်.”

၁ တံၤမသ့း 4:1

ယွၤအသးစံးဝဲလီၤတံၢ်လီၤဆဲးလၢပှၤတနီၤကစူးကွံာ်ညိကွံာ် တၢ်စူၢ်တၢ်နာ်အံၤလၢမုၢ်နံၤခံကတၢၢ်တဖၣ်အပူၤန့ၣ်လီၤ. အဝဲသ့ၣ်ကစူၢ်သးလၢအလီတၢ်တဖၣ်ဒီးကပိာ်ထွဲတၢ်ဝံတၢ်နါ တဖၣ်အတၢ်သိၣ်လိသီလိအခံန့ၣ်လီၤ.

၁ တံၤမသ့း 4:8

နီၢ်ခိအတၢ်ဟူးတၢ်ဂဲၤအိၣ်ဒီးအဘျုးအဖှိၣ်တနီၤ, မ့မ့ၢ်သးအတၢ်ဟူးတၢ်ဂဲၤအဘျုးအဖှိၣ်အိၣ်ဝဲလၢကျဲခဲလၢာ်, မ့ၢ်လၢအအိၣ်ဒီးတၢ်အၢၣ်လီၤအီလီၤဘၣ်ဃးတၢ်မူလၢဆၢ ကတီၢ်ခဲအံၤအဂီၢ်မ့ၢ်ဂ့ၤ, တၢ်မူလၢခဲကိာ်တဃၣ်အဂီၢ်မ့ၢ်ဂ့ၤ အဃိန့ၣ်လီၤ.

၁ ပ့းတရူး 3:12

အဂ့ၢ်ဒ်လဲၣ်န့ၣ်, ကစၢ်အံးက့ၤကွၢ်က့ၤပှၤအတီအလိၤ ဒီးဒိကနၣ်အဝဲသ့ၣ်အတၢ်ထုကဖၣ်တဖၣ်လီၤ. မ့မ့ၢ်ပှၤလၢအမၤတၢ်အၢတၢ်သီတဖၣ်န့ၣ်, အဝဲထီဒါအီၤလီၤ” (စံး ၃၄:၁၂-၁၆).