လံာ်ယဃ့းစက့လး 13:6 - Sgaw Karen Common Bible

⁶ အဝဲသ့ၣ်အတၢ်ထံၣ်လၢညါခီသ့ၣ်တဖၣ်န့ၣ်မ့ၢ်တၢ်လၢအတ တီဘၣ်ဒီးအတၢ်တဲဆိပာ်တၢ်တဖၣ်န့ၣ်မ့ၢ်တၢ်လီတၢ်ဝ့ၤတဖၣ်လီၤ. အဝဲသ့ၣ်စံးဝဲလၢအကတိၤယတၢ်ကစီၣ်, ဘၣ်ဆၣ်ယတမၢလီၤအဝဲသ့ၣ်ဘၣ်. အန့ၣ်ဒၣ်လဲာ်, အဝဲသ့ၣ်မုၢ်လၢ်ဝဲလၢအတၢ်ကတိၤတဖၣ်ကလၢထီၣ်ပှဲၤ ထီၣ်ဝဲန့ၣ်လီၤ.

လံာ်ယဃ့းစက့လး 13:6 Iomraidhean Croise

လံာ်စီၤပၤအခီၣ်ထံးတဘ့ၣ် 22:12

ကယဲၢ်ဝံအဂၤတဖၣ်စံးတၢ်တမံၤဃီန့ၣ်လီၤ. လဲၤထီၣ်ဒုးတၢ်ထီဒါဝ့ၢ်ရၤမိးဒီးနကမၤနၢၤတၢ်န့ၣ်လီၤ. ယွၤကဟ့ၣ်နၤတၢ်မၤနၢၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 22:15

ဖဲအဝဲဟဲပာ်ဖျါထီၣ်အသးလၢစီၤပၤအၤဃာ်အမဲာ်ညါန့ၣ်စီၤပၤ သံကွၢ်အီၤ, “စီၤမံၤကါယၤဧၢ, မ့ၢ်စီၤပၤယဟိၡၤဖးဒီးယၤပကြၢးလဲၤ ထီၣ်ဒုးဝ့ၢ်ရၤမိးဧါ. မ့တမ့ၢ်ပတကြၢးလဲၤဘၣ်န့ၣ်လဲၣ်.” စီၤမံၤကါယၤစံးဆၢဝဲ, “လဲၤထီၣ်ဒုးတက့ၢ်. သပှၢ်ကတၢၢ်သုကမၤနၢၤတၢ်လီၤ. ယွၤကဟ့ၣ်သုတၢ်မၤနၢၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 22:27

တဲဘၣ်အဝဲသ့ၣ်လၢကဒၢနုာ်အီၤဆူဃိာ်ပူၤဒီးလုၢ်အီၣ်လုၢ်အီ လၢကိၣ်ဒီးထံတုၤလၢယဟဲက့ၤတုၤမုာ်မုာ်န့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 22:37

အအံၤမ့ၢ်စီၤပၤအၤဃာ်အတၢ်သံန့ၣ်လီၤ. အဝဲအစိၣ်ဘၣ်တၢ်စိာ်အီၤဆူဝ့ၢ်ၡၤမရံဒီးဘၣ်တၢ်ခူၣ်လီၤကွံာ် အီၤဖဲန့ၣ်လီၤ.

လံာ်စီၤပၤအခီၣ်ထံးတဘ့ၣ် 22:6

လၢတၢ်န့ၣ်အဃိစီၤအၤဃာ်ကိးနုာ်ဝံတဖၣ်ခဲလၢာ်ပှၤအဂၤလွံၢ် ကယၤဃၣ်ဃၣ်ဒီးသံကွၢ်အဝဲသ့ၣ်, “မ့ၢ်ယကဘၣ်လဲၤထီၣ်ဒုးဝ့ၢ်ရၤမိး, မ့တမ့ၢ်ယတဘၣ်လဲၤဘၣ်ဧါ.” အဝဲသ့ၣ်စံးဆၢဝဲ, “လဲၤထီၣ်ဒုးအီၤတက့ၢ်. ယွၤကဟ့ၣ်နၤတၢ်မၤနၢၤလီၤ.”

တၢ်ကတိၤဒိ. 14:15

ပှၤဟးဂီၤဖိကနာ်တၢ်တမံၤဂ့ၤတမံၤဂ့ၤလီၤ. မ့မ့ၢ်, ပှၤလၢအသူၣ်ဆးသးဆးတဖၣ်ပလီၢ်ပဒီအသးလၢ အခီၣ်ကါန့ၣ်လီၤ.

လံာ်ယံးရမံယၤ 14:14

ဘၣ်ဆၣ်ဒီးယွၤစံးဆၢက့ၤဝဲ, “ဝံတဖၣ်န့ၣ်ကတိၤလီတၢ်လၢယမံၤအပူၤလီၤ. ယတမၢလီၤဘၣ်အဝဲသ့ၣ်မ့ၢ်ဂ့ၤ, ဟ့ၣ်လီၤအဝဲသ့ၣ်လၢယကလုၢ်တမံၤမံၤမ့ၢ်ဂ့ၤ, ကတိၤတၢ်တဘီဒၣ်လဲာ်ဒီးအဝဲသ့ၣ်မ့ၢ်ဂ့ၤန့ၣ်ဘၣ်. တၢ်ထံၣ်လၢညါခီတဖၣ်လၢအဝဲသ့ၣ်စံးကတိၤဝဲလၢ အဂ့ၢ်န့ၣ်တဟဲလၢယအိၣ်ဘၣ်. အဝဲသ့ၣ်အတၢ်ကတိၤဆိ ပာ်တၢ်တဖၣ်န့ၣ်မ့ၢ်တၢ်တဖၣ်လၢအလုၢ်အပှ့ၤတအိၣ် ဘၣ်လၢအဆိကမိၣ်ထီၣ်န့ၢ်ဒၣ်ဝဲန့ၣ်လီၤ.

လံာ်ယံးရမံယၤ 23:16

ယွၤသ့တၢ်လၢာ်စံးဘၣ်ဝ့ၢ်ယရူၤၡလ့ၣ်အပှၤဂီၢ်မုၢ်, “ဒိကနၣ်တၢ်လၢဝံတဖၣ်စံးကတိၤဝဲန့ၣ်တဂ့ၤ. အဝဲသ့ၣ်မၤပှဲၤသုဒီးတၢ်မုၢ်လၢ်လၢအတတီဘၣ်တဖၣ်န့ၣ်လီၤ. အဝဲသ့ၣ်တဲဘၣ်သုတၢ်လၢအဆိကမိၣ်ထီၣ်ဒၣ်ဝဲ, ဒီးတမ့ၢ်ဘၣ်တၢ်လၢယစံးတ့ၢ်တဖၣ်န့ၣ်ဘၣ်.

လံာ်ယံးရမံယၤ 28:1

တနံၣ်ဃီအဝဲန့ၣ်, လၢစီၤစံးဒယံယၤကဲထီၣ်သီစီၤပၤပှဲၤထီၣ် လွံၢ်နံၣ်တနံၣ်, လၢလါယဲၢ်လါတလါအပူၤန့ၣ်, ပှၤဝ့ၢ်ကံး ဘိၣ်ဖိ စီၤဧၤစူၢ်အဖိခွါ ဝံဃနၤနယၤကတိၤတၢ်ဒီး ယၤလၢယွၤအတၢ်လုၢ်ဟံၣ်အပူၤန့ၣ်လီၤ. လၢပှၤလုၢ်တၢ်အခိၣ်တဖၣ်ဒီး ပှၤဂီၢ်မုၢ်အမဲာ်ညါန့ၣ်, အဝဲဒၣ်တဲဘၣ်ယၤလၢ,

လံာ်ယံးရမံယၤ 28:15

ယတဲစီၤဃနၤနယၤတၢ်အံၤ, ဝံၤဒီးယတဲအါထီၣ်ယဲ, “ဒိကနၣ်တက့ၢ်, စီၤဃနၤနယၤဧၢ, ယွၤတမၢလီၤနၤဘၣ်, ဒီးနမၢပှၤဂီၢ်မုၢ်တဖၣ်အံၤ နာ်တၢ်လီတၢ်ဝ့ၤတမံၤန့ၣ်လီၤ.

လံာ်ယံးရမံယၤ 28:2

ယွၤသ့တၢ်လၢာ်, အံၣ်စရ့လးအကစၢ်ယွၤစံးတ့ၢ်ဝဲဒ်အံၤ, “ယမၤဟးဂီၤကွံာ် ကီၢ်ဘၤဘူၤလိၣ်အစီၤပၤ အစိကမီၤလံ.

လံာ်ယံးရမံယၤ 29:31

ယကဆှၤလီၤတၢ်ကစီၣ်အံၤ ဆူပှၤလၢအဘၣ် တၢ်စိာ်မၢကဲကုၢ်အီၤလၢ ကီၢ်ဘၤဘူၤလိၣ်ခဲလၢာ် အအိၣ်ဘၣ်ဃးဒီး စီၤၡမါယၤ အဂ့ၢ်န့ၣ်လီၤ. “ယၤ, ယွၤအံၤ, ကစံၣ်ညီၣ်စီၤၡမါယၤဒီး အစၢၤအသွဲၣ်ခဲ လၢာ်လီၤ. ယတမၢလီၤဘၣ်အီၤဘၣ်. ဘၣ်ဆၣ် အဝဲ ကတိၤတၢ်ဒီးသု, မၤအသးဒ်အမ့ၢ်ဝံတဂၤအသိး ဒီးအဝဲမၢသုနာ်တၢ်လီတၢ်ဝ့ၤတဖၣ်န့ၣ်လီၤ.

လံာ်ယံးရမံယၤ 29:8

ယၤ, ယွၤ, အံၣ်စရ့လးအကစၢ်ယွၤအံၤ, ဟ့ၣ်ပလီၢ်သုဒ်သိး လၢဝံတဖၣ်လၢ အအိၣ်ဝဲဆိးဝဲလၢ သုကျါမ့ၢ်ဂ့ၤ, ပှၤအဂၤ တဖၣ် လၢအစံးလီၤအသးလၢ အဝဲသ့ၣ်ကတိၤဆိပာ် တၢ်ကမၤအသး ဆူညါအဂ့ၢ်သ့ဝဲ, မ့ၢ်ဂ့ၤ, သုတလီန့ၢ်သုတဂ့ၤ န့ၣ်လီၤ. ကနၣ်ဃုာ်အဝဲသ့ၣ်အတၢ်မံမီၢ်တဖၣ်န့ၣ်တဂ့ၤ.

လံာ်ယံးရမံယၤ 37:19

နဝံတဖၣ်လၢ အတဲဘၣ်တ့ၢ်နၤလၢ ကီၢ်ဘၤဘူၤလိၣ်အစီၤပၤ တဟဲထီၣ်ဒုးနၤမ့ၢ်ဂ့ၤ, နထံနကီၢ်မ့ၢ်ဂ့ၤန့ၣ်, တၢ်မၤတ့ၢ်အသးဒီး အဝဲသ့ၣ်ဒ်လဲၣ်.

လံာ်ယံးရမံယၤ 5:31

ဝံတဖၣ်တကတိၤတၢ်အဂၤဘၣ်မ့ၢ်ဒၣ်ထဲတၢ်လီတၢ်ဝ့ၤ, ပှၤလုၢ်တၢ်အခိၣ်တဖၣ်ပၢတၢ်ဒ်ဝံတဖၣ်အံၤဟ့ၣ်လီၤအကလုၢ်အသိး, ဒီးယပှၤဂီၢ်မုၢ်တဒုးနဲၣ်ဘၣ်အတၢ်သးတလီၤပလိာ်လၢတၢ်ဂ့ၢ်တဖၣ် အံၤအဖီခိၣ်နီတမံၤဘၣ်. ဘၣ်ဆၣ်, ဖဲတၢ်အံၤခဲလၢာ်အကတၢၢ် ဟဲတုၤလံန့ၣ်အဝဲသ့ၣ်ကမၤတၢ်မနုၤလဲၣ်.”

လံာ်သးသယုၢ်တၢ် 2:14

နဝံတဖၣ်န့ၣ်ကတဲနၤတၢ်တအိၣ်ဘၣ်နီတမံၤဘၣ်. မ့မ့ၢ်အိၣ်ထဲတၢ်ကဘျံးကဘျၣ်လီၤ. လၢတၢ်တမၤဖျါထီၣ်နတၢ်ဒဲးဘးအဃိအတၢ်စံၣ်တဲၤတဲ လီၤတဖၣ်လီန့ၢ်နၤလီၤ. အဝဲသ့ၣ်မၤဝဲဒ်သိးနကဆိကမိၣ်လၢတလိၣ်လၢနကဘၣ်ပီၢ်ယၢ်လီၤက့ၤ နသးန့ၣ်ဘၣ်.

လံာ်ယဃ့းစက့လး 13:7

ယတဲဘၣ်အဝဲသ့ၣ်, တၢ်ထံၣ်လၢညါခီလၢသုထံၣ်တဖၣ်န့ၣ်မ့ၢ်တၢ်လၢ အတတီဘၣ်ဒီးသုတၢ်တဲဆိပာ်တဖၣ်န့ၣ်, မ့ၢ်တၢ်လီတၢ်ဝ့ၤတဖၣ်လီၤ. သုစံးလၢတၢ်န့ၣ်မ့ၢ်ယတၢ်ကတိၤတဖၣ်ဘၣ်ဆၣ်ဒီး ယတကတိၤတ့ၢ်တၢ်ဒီးသုဘၣ်.”

လံာ်ယဃ့းစက့လး 21:23

ဝ့ၢ်ယရူၤၡလ့ၣ်အပှၤဂီၢ်မုၢ်တမ့ၢ်ကနာ်တၢ်ဂ့ၢ်အံၤဘၣ်, မ့ၢ်လၢလံာ်ဃံၤဃာ်တဖၣ်လၢအဝဲသ့ၣ်မၤတ့ၢ်အီၤအဃိန့ၣ်လီၤ. ဘၣ်ဆၣ်ဝံအတၢ်ကတိၤဆိပာ်အံၤမ့ၢ်တၢ်လၢကဒုးသ့ၣ်နီၣ်ထီၣ် အဝဲသ့ၣ်လၢအဝဲသ့ၣ်အတၢ်ဒဲးဘးတဖၣ်ဒီးဟ့ၣ်ပလီၢ် အဝဲသ့ၣ်လၢအဝဲသ့ၣ်ကဘၣ်တၢ်ဖီၣ်န့ၢ်အီၤန့ၣ်လီၤ.

လံာ်ယဃ့းစက့လး 21:29

တၢ်ထံၣ်လၢညါတဖၣ်လၢသုထံၣ်ဘၣ်န့ၣ်မ့ၢ်တၢ်ကဘျံး ကဘျၣ်ဒီးတၢ်ကတိၤဆိပာ်စၢၤတဖၣ်လၢသုမၤအီၤန့ၣ်မ့ၢ်တၢ်လီ တၢ်ဝ့ၤတဖၣ်လီၤ. သုမ့ၢ်ပှၤတတီတလိၤဒီးပှၤအၢပှၤသီ, ဒီးသုမုၢ်နံၤမုၢ်သီန့ၣ်ဟဲဝဲ, မုၢ်တနံၤလၢသုတၢ်စံၣ်ညီၣ်လၢခံ ကတၢၢ်အဂီၢ်န့ၣ်လီၤ. နးတဘ့ၣ်ကလီၤလၢသုကိာ်တဖၣ်အလိၤန့ၣ်လီၤ.

လံာ်ယဃ့းစက့လး 22:28

ဝံတဖၣ်ပာ်ခူသူၣ်တၢ်ဒဲးဘးတဖၣ်အံၤဒ်ပှၤကညီဖှူဝါထီၣ်က့ၤတၢ် ဒူၣ်တခါအသိးန့ၣ်လီၤ. အဝဲသ့ၣ်ထံၣ်တၢ်ထံၣ်လၢညါခီလၢ အကမၣ်တဖၣ်ဒီးကတိၤဆိတၢ်လၢတမ့ၢ်တတီတဖၣ်န့ၣ်လီၤ. အဝဲသ့ၣ်စံးလီၤအသးလၢအကတိၤတၢ်ကတိၤလၢအဟဲလၢယွၤပၢဘၣ်တၢ် ခဲလၢာ်ကစၢ်အအိၣ်န့ၣ်လီၤ. ဘၣ်ဆၣ်ယၤ, ယွၤအံၤတကတိၤတ့ၢ်ဒီးအဝဲသ့ၣ်န့ၣ်ဘၣ်.

လံာ်စကၤရယၤ 10:2

ပှၤဂီၢ်မုၢ်ဃ့တၢ်ဟ့ၣ်ကူၣ်လၢတၢ်ဂီၤတၢ်ဖီၣ်တဖၣ်ဒီးပှၤဖးတၢ် ဟဲဝံဟဲစိာ်တဖၣ်အအိၣ်ဘၣ်ဆၣ်ဒီးတၢ် စံးဆၢတဖၣ်လၢအမၤန့ၢ်ဝဲန့ၣ်မ့ၢ်ဒၣ်တၢ်ကဘျံးကဘျၣ် ဒီးတၢ်ကလီကလီလီၤ. ပှၤတနီၤဖးတၢ်မံမီၢ်တဖၣ်အခီပညီ, ဘၣ်ဆၣ်မ့ၢ်ဒၣ်တၢ်ဆှၢကမၣ်သုလီၤ. တၢ်မၤမုာ်ထီၣ်လၢအဝဲသ့ၣ်ဟ့ၣ်သုန့ၣ်မ့ၢ်ဒၣ်တၢ်ကလီကလီလီၤ. လၢတၢ်န့ၣ်အဃိပှၤဂီၢ်မုၢ်ဟးဝ့ၤဝီၤဒ်သိလၢအဟးဖျိးကျဲအသိးန့ၣ်လီၤ. အဝဲသ့ၣ်အိၣ်လၢတၢ်ကိၢ်တၢ်ဂီၤအပူၤမ့ၢ်လၢအခိၣ်အနၢ် တအိၣ်ဘၣ်နီတဂၤအဃိန့ၣ်လီၤ.

လံာ်မၢ်ကူး 13:6

ပှၤအါဂၤကဟဲဒီးကမၤအသးဒ်အမ့ၢ်ယၤအသိးဒီးကစံးဝဲလၢအမ့ၢ် ခရံာ်ဒီးကလီန့ၢ်လွဲန့ၢ်ပှၤအါဂၤအသးလီၤ.

၂ သ့းစၤလနံ 2:11

လၢတၢ်န့ၣ်အဃိ, ယွၤမၢလီၤတၢ်ဆိကမိၣ်လၢအဆှၢ ကမၣ်တၢ်ဆူၣ်ဆူၣ်ကလဲာ်လၢအဝဲသ့ၣ်အပူၤဒ်သိး အဝဲသ့ၣ်ကနာ်တၢ်လၢအတမ့ၢ်တတီဘၣ်,

၂ ပ့းတရူး 2:18

အဝဲသ့ၣ်ကတိၤဒိၣ်ကတိၤသွါတၢ်လၢအခီပညီတအိၣ် တဖၣ်, ဒီးသူဝဲနီၢ်ခိအတၢ်သူၣ်ကတၢသးကတၢလုၢ်လၢ်အၢသီ တဖၣ်လၢအကကွဲန့ၢ်လွဲန့ၢ်ပှၤလၢအထူၣ်ဖျဲးထီၣ်သီလၢပှၤလၢ အအိၣ်မူလၢတၢ်ကမၣ်အပူၤတဖၣ်အကျါန့ၣ်လီၤ.