လံာ်ယဃ့းစက့လး 13:3 - Sgaw Karen Common Bible

³ အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. “ဝံအမၢးတဖၣ်အံၤဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်ဟ့ၣ်ထီၣ်တၢ်သူၣ်ဆူၣ်သးဂဲၤဒၣ်ဝဲတဖၣ်ဒီးဒုးအိၣ်ထီၣ် တၢ်ထံၣ်လၢညါခီဒၣ်ဝဲတဖၣ်န့ၣ်လီၤ.

လံာ်ယဃ့းစက့လး 13:3 Iomraidhean Croise

တၢ်ကတိၤဒိ. 15:14

ပှၤလၢအအိၣ်ဒီးတၢ်သူၣ်ဆးသးဆးန့ၣ်သးအိၣ်မၤလိတၢ်လီၤ. မ့မ့ၢ်ပှၤလၢအသးတဆးတဖၣ်န့ၣ်သးမံဒၣ်ဝဲလၢအတၢ်တမၤလိ မၤဒိးတၢ်အပူၤန့ၣ်လီၤ.

တၢ်ကတိၤဒိ. 15:2

ဖဲပှၤကူၣ်သ့ကတိၤတၢ်န့ၣ်, ဒုးကဲထီၣ်တၢ်သ့ၣ်ညါလၢတၢ်ထုးန့ၢ် ပှၤအသးလီၤ. မ့မ့ၢ်ပှၤဟးဂီၤဖိအထးခိၣ်ဖျိးထီၣ်လၢတၢ်တဂီာ်တသီၣ်ဘၣ်န့ၣ်လီၤ.

လံာ်ယံးရမံယၤ 23:1

ပှၤပၢတၢ်ပြးတၢ်တဖၣ်လၢအမၤဟးဂီၤဒီးမၤလီၤပြံလီၤပြါအပှၤ ဂီၢ်မုၢ်န့ၣ်, ယွၤအတၢ်စံၣ်ညီၣ်အီၤကလီၤပျံၤလီၤဖုးဆံးဒိၣ်လဲၣ်.

လံာ်ယံးရမံယၤ 23:16

ယွၤသ့တၢ်လၢာ်စံးဘၣ်ဝ့ၢ်ယရူၤၡလ့ၣ်အပှၤဂီၢ်မုၢ်, “ဒိကနၣ်တၢ်လၢဝံတဖၣ်စံးကတိၤဝဲန့ၣ်တဂ့ၤ. အဝဲသ့ၣ်မၤပှဲၤသုဒီးတၢ်မုၢ်လၢ်လၢအတတီဘၣ်တဖၣ်န့ၣ်လီၤ. အဝဲသ့ၣ်တဲဘၣ်သုတၢ်လၢအဆိကမိၣ်ထီၣ်ဒၣ်ဝဲ, ဒီးတမ့ၢ်ဘၣ်တၢ်လၢယစံးတ့ၢ်တဖၣ်န့ၣ်ဘၣ်.

လံာ်ယံးရမံယၤ 23:9

ယသးဘၣ်တၢ်မၤလီၤသဘှံးအီၤ ဒီးယကနိးကစုာ်ယဲလီၤ. အဂ့ၢ်ဒ်အံၤ, လၢယွၤအဃိ, ဒီးလၢအကလုၢ်ကထါစီဆှံအဃိန့ၣ်, ယလီၤဂာ်ဒ်ပှၤတဂၤလၢအအီမူၤသံးအသိး, ဒ်ပှၤတဂၤလၢအအီစပံးထံအါကဲၣ်ဆိးအသိးန့ၣ်လီၤ.

လံာ်ယံးရမံယၤ 28:15

ယတဲစီၤဃနၤနယၤတၢ်အံၤ, ဝံၤဒီးယတဲအါထီၣ်ယဲ, “ဒိကနၣ်တက့ၢ်, စီၤဃနၤနယၤဧၢ, ယွၤတမၢလီၤနၤဘၣ်, ဒီးနမၢပှၤဂီၢ်မုၢ်တဖၣ်အံၤ နာ်တၢ်လီတၢ်ဝ့ၤတမံၤန့ၣ်လီၤ.

လံာ်သးသယုၢ်တၢ် 2:14

နဝံတဖၣ်န့ၣ်ကတဲနၤတၢ်တအိၣ်ဘၣ်နီတမံၤဘၣ်. မ့မ့ၢ်အိၣ်ထဲတၢ်ကဘျံးကဘျၣ်လီၤ. လၢတၢ်တမၤဖျါထီၣ်နတၢ်ဒဲးဘးအဃိအတၢ်စံၣ်တဲၤတဲ လီၤတဖၣ်လီန့ၢ်နၤလီၤ. အဝဲသ့ၣ်မၤဝဲဒ်သိးနကဆိကမိၣ်လၢတလိၣ်လၢနကဘၣ်ပီၢ်ယၢ်လီၤက့ၤ နသးန့ၣ်ဘၣ်.

လံာ်ယဃ့းစက့လး 13:18

ဒီးတဲဘၣ်အဝဲသ့ၣ်တၢ်လၢယွၤပၢဘၣ်တၢ်ခဲလၢာ်အကစၢ်စံးဘၣ် အဝဲသ့ၣ်န့ၣ်တက့ၢ်. သုဝဲပိာ်မုၣ်တဖၣ်ဧၢ, သုဘၣ်တၢ်စံၣ်ညီၣ်ဃါမနၤလီၤ. သုဆးသုစုဒ့ကွီၤမၤကဒါပှၤမဲာ်တဖၣ်လၢပှၤကိးဂၤဒဲးအဂီၢ် ဒီးမၤနီၣ်ကျၢၢ်ဘၢခိၣ်မၤကဒါပှၤမဲာ်တဖၣ်, အကလုာ်ကလုာ်လၢပှၤကိးဂၤဒဲးကစၢထီၣ်ဝဲလၢအခိၣ်တဖၣ်အလိၤ, ဒ်သိးဒီးအဝဲသ့ၣ်ကအိၣ်ဒီးတၢ်စိကမီၤလၢပှၤဂီၢ်မုၢ်အဂၤတဖၣ် အတၢ်အိၣ်မူအဖီခိၣ်အဂီၢ်န့ၣ်လီၤ. သုသးအိၣ်မၤန့ၢ်တၢ်စိကမီၤဘၣ်ဃးဒီးတၢ်မူဒီးတၢ်သံလၢယပှၤ ဂီၢ်မုၢ်အဖီခိၣ်ဒီးသူအီၤလၢသုတၢ်ဘၣ်ဘျုးဒၣ်ဝဲအဂီၢ်န့ၣ်လီၤ.

လံာ်ယဃ့းစက့လး 13:4

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, သုဝံတဖၣ်တဂိာ်တသီၣ်ဘၣ်တၢ် ဒ်သိးဒၣ်ထွံၣ်မံၤတဖၣ်လၢအအိၣ်ဆိးလၢဝ့ၢ်တဝ့ၢ်အတၢ်ဟးဂီၤတဖၣ် အကျါအသိးန့ၣ်လီၤ.

လံာ်ဟိၤၡ့ 9:7

တၢ်ဆၢကတီၢ်လၢတၢ်စံၣ်ညီၣ်အဂီၢ်, တၢ်ဆၢကတီၢ်လၢပှၤဂီၢ်မုၢ်တဖၣ်ကဒိးန့ၢ်တၢ်လၢအကြၢးဒိးန့ၢ်ဘၣ် ဝဲန့ၣ်ဟဲတုၤလံ. ဖဲတၢ်န့ၣ်မၤအသးဒီးကီၢ်အံၣ်စရ့လးကသ့ၣ်ညါအီၤလီၤ. သုစံးလၢဝံတဂၤအံၤမ့ၢ်ပှၤဟးဂီၤဖိန့ၣ်လီၤ. ပှၤလၢယွၤဟ့ၣ်စိဟ့ၣ်ကမီၤအီၤတဂၤအံၤပျုၢ်လီၤ. သုပှၤဂီၢ်မုၢ်တဖၣ်သးဟ့ယၤနးနးကလဲာ်မ့ၢ်လၢသုတၢ်ဒဲးဘး န့ၣ်အါဝဲအဃိလီၤ.

လံာ်စကၤရယၤ 11:15

ဒီးယွၤစံးဘၣ်ယၤ, “အအံၤတစုမၤပှၤကွၢ်သိလၢအတဂီာ်တသီၣ်တဂၤအတၢ်မၤတက့ၢ်.

လံာ်လူၤကၣ် 11:40

ပှၤဟးဂီၤဖိသ့ၣ်ဧၢ, မ့ၢ်ကစၢ်ယွၤလၢအတ့လီၤပာ်လီၤတၢ်အိၣ် လၢတၢ်ချၢန့ၣ်, တတ့လီၤပာ်လီၤစ့ၢ်ကီးတၢ်အိၣ်လၢတၢ်အိပူၤဘၣ်ဧါ.

လံာ်လူၤကၣ် 11:52

သုဘၣ်အဖှီၣ်ဆံးဒိၣ်လဲၣ်, ပှၤသ့တၢ်ဘူၣ်တၢ်ဘါအတၢ်သိၣ်တၢ်သီသ့ၣ်ဧၢ, သုပၢၤဃာ်လံနီၣ်ဝံာ်ခံလၢတၢ်ကအိးထီၣ်တၢ်သ့ၣ်ညါနၢ်ပၢၢ် အဟံၣ်တဖျၢၣ်န့ၣ်အတြဲၤအဂီၢ်လၢသုအိၣ်လီၤ. သုနီၢ်ကစၢ်ဒၣ်သုဝဲသုတလဲၤနုာ်ဘၣ်. ဒီးပှၤသ့ၣ်တဖၣ်လၢအဂုာ်ကျဲးစၢးလဲၤနုာ်ဝဲန့ၣ်သုတြီအီၤလီၤ.”

1 ကရံၣ်သူး 9:16

ယတအိၣ်ဒီးတၢ်အခွဲးအယာ်လၢယကပာ်ကဖၢလၢယသး, မ့ၢ်လၢယစံၣ်တဲၤတဲလီၤတၢ်သးခုကစီၣ်အဃိဘၣ်. နီၢ်နီၢ်တခီန့ၣ်တၢ်ဟ့ၣ်လီၤယၤတၢ်ကလုၢ်လၢယကမၤတၢ်မၤ တမံၤအံၤန့ၣ်လီၤ. ဒီးယမ့ၢ်တစံၣ်တဲၤတဲလီၤတၢ်သးခုကစီၣ်န့ၣ်, တၢ်ကနးကဖှီၣ်မးလၢယဂီၢ်ဆံးဒိၣ်လဲၣ်.

၁ တံၤမသ့း 6:4

ပာ်ကဖၢလၢအသးဒီးတသ့ၣ်ညါတၢ်နီတမံၤဘၣ်. အဝဲအိၣ်ဒီးသးလၢအတလိၤဘၣ်လၢအအဲၣ်ဒိးဂ့ၢ်လိာ်ဘှီ လိာ်ဒီးအ့ၣ်လိာ်ဆိးက့လိာ်အသးဘၣ်ဃးတၢ်ကတိၤတဖၣ်, ဒီးတၢ်ဝဲအံၤ ဒုးအိၣ်ထီၣ်တၢ်သူၣ်က့ၣ်သးကါ, တၢ်အ့ၣ်လိာ်ဆိးက့လိာ်, တၢ်ဒုၣ်ဒွဲၣ်စံးအၢ, ဒီးတၢ်ဆိကမိၣ်ကမၣ်အအၢအသီတဖၣ်,

၂ တံၤမသ့း 3:9

ဘၣ်ဆၣ်ဒီးအဝဲသ့ၣ်တလဲၤတၢ်ယံၤယံၤလၢၤဘၣ်. အဂ့ၢ်မ့ၢ်လၢပှၤကိးဂၤဒဲးကထံၣ်အတၢ်သူၣ်တဆးသး တဆးန့ၣ်လီၤ. တၢ်န့ၣ်မ့ၢ်တၢ်လၢအမၤတ့ၢ်အသးဒီး စီၤယၣ်နံၤဒီးစီၤယၣ်ဘြံၤန့ၣ်လီၤ.