လံာ်ယဃ့းစက့လး 13:18 - Sgaw Karen Common Bible

¹⁸ ဒီးတဲဘၣ်အဝဲသ့ၣ်တၢ်လၢယွၤပၢဘၣ်တၢ်ခဲလၢာ်အကစၢ်စံးဘၣ် အဝဲသ့ၣ်န့ၣ်တက့ၢ်. သုဝဲပိာ်မုၣ်တဖၣ်ဧၢ, သုဘၣ်တၢ်စံၣ်ညီၣ်ဃါမနၤလီၤ. သုဆးသုစုဒ့ကွီၤမၤကဒါပှၤမဲာ်တဖၣ်လၢပှၤကိးဂၤဒဲးအဂီၢ် ဒီးမၤနီၣ်ကျၢၢ်ဘၢခိၣ်မၤကဒါပှၤမဲာ်တဖၣ်, အကလုာ်ကလုာ်လၢပှၤကိးဂၤဒဲးကစၢထီၣ်ဝဲလၢအခိၣ်တဖၣ်အလိၤ, ဒ်သိးဒီးအဝဲသ့ၣ်ကအိၣ်ဒီးတၢ်စိကမီၤလၢပှၤဂီၢ်မုၢ်အဂၤတဖၣ် အတၢ်အိၣ်မူအဖီခိၣ်အဂီၢ်န့ၣ်လီၤ. သုသးအိၣ်မၤန့ၢ်တၢ်စိကမီၤဘၣ်ဃးဒီးတၢ်မူဒီးတၢ်သံလၢယပှၤ ဂီၢ်မုၢ်အဖီခိၣ်ဒီးသူအီၤလၢသုတၢ်ဘၣ်ဘျုးဒၣ်ဝဲအဂီၢ်န့ၣ်လီၤ.

လံာ်ယဃ့းစက့လး 13:18 Iomraidhean Croise

တၢ်ကတိၤဒိ. 6:26

ပှၤတဂၤဒိးလဲဃဲသဲမုၣ်တဂၤလၢကိၣ်တလိၣ်အပှ့ၤသ့ဝဲ, ဘၣ်ဆၣ်တၢ်အဲၣ်ဘၢမါအဲၣ်ဘၢဝၤအပှ့ၤကလံၤန့ၣ်ကမ့ၢ်တၢ်လၢ အအိၣ်ဒီးအီၤခဲလၢာ်လီၤ.

လံာ်ယံးရမံယၤ 4:10

အန့ၣ်ဒီးယစံး, “ယွၤပၢဘၣ်တၢ်ခဲလၢာ်ကစၢ်ဧၢ, ဝ့ၢ်ယရူၤၡလ့ၣ် အပှၤဂီၢ်မုၢ်တဖၣ်နလီန့ၢ်အီၤလၢာ်လၢာ်ဆ့ဆ့လီၤ. နစံးတ့ၢ်လၢ တၢ်ဃူတၢ်ဖိးကအိၣ်ဝဲလီၤ. ဘၣ်ဆၣ်ဒီးနးတဘ့ၣ်အိၣ်ဘူးဒီး အဝဲသ့ၣ်အကိာ်ယူၢ်တဖၣ်န့ၣ်လီၤ.”

လံာ်ယံးရမံယၤ 6:14

အဝဲသ့ၣ်ပာ်ဒၣ်ယပှၤဂီၢ်မုၢ်အပူၤလီၢ်ပူၤကျဲတဖၣ်ဒ်တၢ်ဘၣ်ကွး တဆံးတက့ၢ်အသိးန့ၣ်လီၤ. တၢ်ခဲလၢာ်န့ၣ်ဂ့ၤဝဲလီၤ,’ အဝဲသ့ၣ်စံးဝဲ, ဖဲနီၢ်နီၢ်တခီ, တၢ်ခဲလၢာ်န့ၣ်တဂ့ၤဝဲဘၣ်န့ၣ်လီၤ.

လံာ်ယဃ့းစက့လး 13:10

ဝံတဖၣ်ဆှၢကမၣ်ယပှၤဂီၢ်မုၢ်ခီဖျိအစံးဝဲလၢတၢ်ခဲလၢာ်ဂ့ၤ ဝဲန့ၣ်လီၤ. နီၢ်နီၢ်တခီတၢ်ခဲလၢာ်န့ၣ်တဂ့ၤဝဲဘၣ်. ယပှၤဂီၢ်မုၢ်ဘှီထီၣ်တၢ်အဒူၣ်တဒူၣ်လၢလၢၢ်တဂ့ၤတဃိတဖၣ်လၢ အတတံာ်ဘၣ်, ဝံၤဒီးဝံတဖၣ်ဟဲဝဲဒီးဖှူဘၢအီၤလၢထူၣ်ဝါန့ၣ်လီၤ.

လံာ်ယဃ့းစက့လး 13:16

ဝံတဖၣ်စ့ၢ်ကီးပှၤလၢအဒုးနုာ်နီၢ်ကီၢ်ဝ့ၢ်ယရူၤၡလ့ၣ်လၢတၢ်ခဲ လၢာ်ဂ့ၤဝဲဖဲနီၢ်နီၢ်တခီတၢ်ခဲလၢာ်တဂ့ၤဝဲဘၣ်န့ၣ်လီၤ.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 13:20

ခဲကနံၣ်အံၤ, တၢ်အံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲ နံၣ်လီၤ. “ယသးဟ့စုဒ့ကွီၤတဖၣ်လၢသုသူအီၤလၢသုတၢ်ကျဲး စၢးပၢၤတၢ်မူဒီးတၢ်သံအဂီၢ်န့ၣ်လီၤ. ယကဖှီယာ်ကွံာ်အီၤလၢသုစုတီၤတဖၣ်အလိၤဒီးမၤထူၣ်ဖျဲးယပှၤ ဂီၢ်မုၢ်လၢသုပၢၤတ့ၢ်အီၤန့ၣ်လီၤ.

လံာ်ယဃ့းစက့လး 13:21

ယကဖှီယာ်ကွံာ်သုနီၣ်ကျၢၢ်ဘၢခိၣ်တဖၣ်ဒီးပျဲယပှၤဂီၢ်မုၢ်ဃ့ၢ် ထူၣ်ဖျဲးထီၣ်လၢသုတၢ်စိတၢ်ကမီၤအဖီလာ်ထဲတဘျီဧိၤ, ဒီးအဝံၤန့ၣ်လီၤ. ဒီးသုကသ့ၣ်ညါလၢယမ့ၢ်ယွၤန့ၣ်လီၤ.

လံာ်ယဃ့းစက့လး 22:25

ပှၤခိၣ်ပှၤနၢ်တဖၣ်န့ၣ်လီၤဂာ်ဒ်ခ့ယုၢ်တဖၣ်လၢအကညီၤထီၣ်ဝဲလၢ ဆၣ်ဖိကီၢ်ဖိတဖၣ်လၢအမၤသံတ့ၢ်ဝဲအလိၤအသိးန့ၣ်လီၤ. အဝဲသ့ၣ်မၤသံပှၤဂီၢ်မုၢ်, ဟံးန့ၢ်ကွံာ်ကျိၣ်စ့ခဲလၢာ်ဒီး အတၢ်စုလီၢ်ခီၣ်ခိၣ်တဖၣ်လၢအမၤန့ၢ်ဝဲသ့, ဒီးခီဖျိအဝဲသ့ၣ် အတၢ်မၤသံမၤဝီန့ၣ်, ပိာ်မုၣ်အါဂၤအိၣ်လီၤတဲာ်ဝဲဒ်ပှၤမုၣ်ကမဲတဖၣ်အသိးန့ၣ်လီၤ.

အ့းဖ့းစူး 4:14

တုၤနုၤတစုပတမ့ၢ်လၢၤပှၤဖိသၣ်လၢအဘၣ်တၢ်ဆှၢကဒံ ဆှၢကဒါဒီးထုးဝ့ၤထုးဝီၤအီၤလၢပှၤလီန့ၢ်တၢ်ဖိအတၢ်သိၣ်လိ သီလိအကလံၤလၢအဆှၢကမၣ်ပှၤခီဖျိတၢ်လီတၢ်ဝ့ၤအတၢ် ကူၣ်သ့န့ၣ်လၢၤဘၣ်.

၂ တံၤမသ့း 4:3

တၢ်ဆၢကတီၢ်ကဟဲဝဲဖဲပှၤတဒိကနၣ်လၢၤတၢ်သိၣ်လိသီလိလၢအမ့ၢ် အတီဘၣ်, မ့မ့ၢ်ကပိာ်ထွဲတၢ်သူၣ်လီသးကွံတဖၣ်အခံဒီးကပာ်ဖှိၣ်သရၣ် တဖၣ်အါထီၣ်အါထီၣ်လၢ အဝဲသ့ၣ်အကစၢ်ဒၣ်ဝဲအဂီၢ်, လၢအကစံးဘၣ်တဲဘၣ်အီၤတၢ်လၢအဝဲသ့ၣ်ဘၣ်အသး ဒီးသးအိၣ်နၢ်ဟူဝဲတဖၣ်န့ၣ်လီၤ.

၂ ပ့းတရူး 2:14

အဝဲသ့ၣ်အမဲာ်ပှဲၤဝဲဒီးတၢ်သးအိၣ်မၤကမၣ်မုၣ်ကမၣ်ခွါ, ဒီးမၤတၢ်ဒဲးဘးတလၢမၤနီတဘျီဘၣ်. အဝဲသ့ၣ်ကွဲန့ၢ်လွဲန့ၢ် ပှၤလၢအဂံၢ်စၢ်ဘါစၢ်တဖၣ်ဆူတၢ်ဒဲးဘးအပူၤလီၤ. တၢ်သူၣ်လီသးကွံအသးဒိၣ်စိလၢအပူၤဒီးအဝဲသ့ၣ်အိၣ်လၢ ယွၤအတၢ်ဆိၣ်အၢအဖီလာ်လီၤ.