လံာ်ယဃ့းစက့လး 13:14 - Sgaw Karen Common Bible

¹⁴ ယတိာ်ပာ်ယသးလၢယကမၤလီၤပှီၢ်တၢ်ဒူၣ်လၢအဝဲသ့ၣ်ဖှူဝဲလၢထူၣ် ဝါန့ၣ်, ယကမၤလီၤကလဲကွံာ်အီၤ, ဒီးယကပာ်လ့ၤကဒိတၢ်အခီၣ်ထံးအလၢၢ်တဖၣ်န့ၣ်လီၤ. တၢ်ဒူၣ်န့ၣ်ကလီၤပှီၢ်ဝဲဒီးမၤသံသုခဲလၢာ်လီၤ. အန့ၣ်ဒီး, ပှၤကိးဂၤဒဲးကသ့ၣ်ညါလၢယမ့ၢ်ယွၤန့ၣ်လီၤ.

လံာ်ယဃ့းစက့လး 13:14 Iomraidhean Croise

စံးထီၣ်ပတြၢၤ 11:3

တၢ်အခီၣ်ထံးသ့ၣ်တဖၣ်မ့ၢ်ဟးဂီၤကွံာ်ဒီး ပှၤအတီအလိၤမၤတၢ်မနုၤကသ့န့ၣ်လဲၣ်.

လံာ်ပှၤစံၣ်တဲၤတဲလီၤတၢ် 3:3

တၢ်အကတီၢ်လၢတၢ်မၤသံတၢ်အဂီၢ်, ဒီးတၢ်အကတီၢ်လၢတၢ်မၤဘျါက့ၤ တၢ်အဂီၢ်, တၢ်အကတီၢ်လၢတၢ်ဂုၤလီၤပှီၢ်တၢ်အဂီၢ်, ဒီးတၢ်အကတီၢ်လၢတၢ်သူၣ် ထီၣ်ဘှီထီၣ်တၢ်အဂီၢ်လီၤ.

လံာ်ယၡါယၤ 28:17

တၢ်စံၣ်ညီၣ်တီကမ့ၢ်နီၣ်ထိၣ်အပျံၤတဘိလၢတၢ်အခီၣ်ထံး အဂီၢ်, ဒီးတၢ်သူၣ်လိၤသးဘျၢကမ့ၢ်အနီၣ်ထိၣ်ထံအပျံၤ လၢအလီၤစဲၤဝဲန့ၣ်လီၤ.” ကလံၤမုၢ်အိၣ်ဒီးသူၣ်ကစိာ်ကွံာ် တၢ်လီတၢ်ဝ့ၤခဲလၢာ်လၢသုသန့ၤသုသး, ဒီးထံလုၣ်ဘၢ တၢ်ကမၤဟးဂီၤသုတၢ်ပူၤဖျဲးအလီၢ်န့ၣ်လီၤ.

လံာ်ယၡါယၤ 30:13

သုတၢ်ကမၣ်အိၣ်လီၤ. သုလီၤဂာ်ဒီးတၢ်အခိၣ်ဒူအထီၣ်ထီလၢ အအိၣ်ဒီးအတၢ်တဲၤဖးလၢအခိၣ်ဒီးတုၤလၢအခီၣ်ထံးလီၤ. သုကလီၤပှီၢ်သတူၢ်ကလာ်လီၤ.

လံာ်ယံးရမံယၤ 14:15

ယၤ, ယွၤအံၤ, တဲဘၣ်နၤတၢ်လၢယကမၤဘၣ်ဝံတဖၣ်န့ၣ်လၢ ယတမၢလီၤအီၤဘၣ်, ဘၣ်ဆၣ်အဝဲသ့ၣ်မ့ၢ်ပှၤကတိၤတၢ်လၢယမံၤ အပူၤ, ဒီးစံးဝဲလၢတၢ်ဒုးတၢ်ယၤဒီးတၢ်သၣ်ဝံၤ လီၤဒိတမၤဘၣ်ဒိထံကီၢ်အံၤဘၣ်န့ၣ်လီၤ. ယကမၤသံအဝဲသ့ၣ်လၢ တၢ်ဒုးတၢ်ယၤအပူၤဒီးခီဖျိတၢ်သၣ်ဝံၤလီၤဒိန့ၣ်လီၤ.

လံာ်ယံးရမံယၤ 23:15

သတးဒီးတၢ်အံၤမ့ၢ်ယၤ, ယွၤသ့တၢ်လၢာ်, စံးတၢ်ဘၣ်ဃး ဝ့ၢ်ယရူၤၡလ့ၣ်အဝံတဖၣ်အဂ့ၢ်န့ၣ်လီၤ. ယကဟ့ၣ်အဝဲသ့ၣ်တၢ်မုၢ်တၢ်ဘိအခၣ်တဖၣ်လၢကအီၣ် ဝဲဒီးစုၣ်လၢကအီဝဲအဂီၢ်န့ၣ်လီၤ. အဂ့ၢ်ဒ်အံၤ, အဝဲသ့ၣ်ရၤလီၤတၢ်တယူးယီၣ်ယွၤလၢထံ ကီၢ်ဒီဘ့ၣ်ညါအဃိန့ၣ်လီၤ.”

လံာ်ယံးရမံယၤ 6:15

လၢအဝဲသ့ၣ်မၤတ့ၢ်တၢ်လီၤသးဘၣ်အၢဒ်သိးအံၤတဖၣ်အဃိ, မ့ၢ်အဝဲသ့ၣ်အမဲာ်ကဆှးကစီဒီဧါ. တမဲာ်ဆှးဘၣ်. အဝဲသ့ၣ်တမဲာ်ဆှးလ့ၤတက့ၤဘၣ်. အဝဲသ့ၣ်တသ့ၣ်ညါဒၣ်လဲာ်လၢကဘၣ် မဲာ်ကိၢ်နါကိၢ်ဘၣ်. လၢတၢ်န့ၣ်အဃိ, အဝဲသ့ၣ်ကလီၤဃံၤဝဲ ဒ်ပှၤတဖၣ်လီၤဃံၤတ့ၢ်ဝဲအသိးန့ၣ်လီၤ. ဖဲယစံၣ်ညီၣ်အဝဲသ့ၣ် န့ၣ်, တၢ်န့ၣ်ကမ့ၢ်တၢ်အကတၢၢ်လၢအဝဲသ့ၣ်အဂီၢ်လီၤ. ယၤ, ယွၤအံၤကတိၤလံတၢ်လံ.”

လံာ်ယံးရမံယၤ 8:12

ယပှၤဂီၢ်မုၢ်သ့ၣ်ဧၢ, လၢသုမၤတ့ၢ်တၢ်လီၤသးဘၣ်အၢဒ်သိးအံၤ တဖၣ်အဃိ, မ့ၢ်သုတမဲာ်ဆှးတ့ၢ်ဘၣ်ဧါ. သုတမဲာ်ဆှး လ့ၤတက့ၤဘၣ်. သုတသ့ၣ်ညါဘၣ်ဒၣ်လဲာ်လၢသုကဘၣ်မဲာ်ကိၢ်နါကိၢ်ဒ်လဲၣ်န့ၣ်ဘၣ်. လၢတၢ်န့ၣ်အဃိသုကလီၤဃံၤဝဲဒ်ပှၤဂၤတဖၣ် လီၤဃံၤဝဲအသိးန့ၣ်လီၤ. ဖဲယစံၣ်ညီၣ်သုန့ၣ်, အဝဲန့ၣ်ကမ့ၢ်တၢ်အကတၢၢ်လၢသုဂီၢ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယဃ့းစက့လး 13:15

တၢ်ဒူၣ်ဒီးပှၤတဖၣ်လၢအဖှူဘၢအီၤလၢထူၣ်ဝါန့ၣ်, ကကလၢၢ်ဘၣ်ယတၢ်သးထီၣ်အသဟီၣ်န့ၣ်လီၤ. ဝံၤဒီးယကတဲဘၣ်သုလၢတၢ်ဒူၣ်န့ၣ်တအိၣ်လၢၤဘၣ်. ဒီးဒ်န့ၣ်အသိး, ပှၤတဖၣ်လၢအဖှူဝါအီၤ,

လံာ်ယဃ့းစက့လး 13:21

ယကဖှီယာ်ကွံာ်သုနီၣ်ကျၢၢ်ဘၢခိၣ်တဖၣ်ဒီးပျဲယပှၤဂီၢ်မုၢ်ဃ့ၢ် ထူၣ်ဖျဲးထီၣ်လၢသုတၢ်စိတၢ်ကမီၤအဖီလာ်ထဲတဘျီဧိၤ, ဒီးအဝံၤန့ၣ်လီၤ. ဒီးသုကသ့ၣ်ညါလၢယမ့ၢ်ယွၤန့ၣ်လီၤ.

လံာ်ယဃ့းစက့လး 13:23

အဃိဒီးခဲကနံၣ်အံၤ, သုတၢ်ထံၣ်လၢညါခီတဖၣ်လၢအမ့ၢ်တၢ်လၢ အတတီဒီးသုတၢ်တဲဆိပာ်တဖၣ်လၢအဆှၢကမၣ်တၢ်န့ၣ်အတၢ်မၤဝံၤ လံ. ယကမၤပူၤဖျဲးယပှၤဂီၢ်မုၢ်လၢသုတၢ်စိကမီၤအဖီလာ်, ဒ်သိးသုကသ့ၣ်ညါလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 13:9

ဘူးယကစံၣ်ညီၣ်သုဝဲသ့ၣ်တဖၣ်လၢအအိၣ်ဒီးတၢ်ထံၣ်လၢ ညါခီတဖၣ်လၢအတတီဘၣ်ဒီးဒုးအိၣ်ထီၣ်တၢ်တဲဆိပာ်တဖၣ်လၢ အဆှၢကမၣ်တၢ်န့ၣ်လီၤ. ဖဲယပှၤဂီၢ်မုၢ်ပာ်ဖှိၣ်အသးလၢကစံၣ်ညီၣ်တဲာ်တၢ်ဂ့ၢ်တၢ်ကျိၤ တဖၣ်န့ၣ်သုတအိၣ်ဖဲန့ၣ်ဘၣ်. လၢကီၢ်အံၣ်စရ့လးအထံဖိကီၢ်ဖိအမံၤအတၢ်ကွဲးနီၣ်အပူၤန့ၣ် သုမံၤတအိၣ်ဝဲဘၣ်. သုတက့ၤကဒါက့ၤဘၣ်ဆူသုထံသုကီၢ်နီတစုဘၣ်. အန့ၣ်ဒီးသုကသ့ၣ်ညါလၢယမ့ၢ်ယွၤပၢဘၣ်တၢ်ခဲလၢာ် အကစၢ်န့ၣ်လီၤ.

လံာ်ယဃ့းစက့လး 14:8

ယကထီဒါအီၤလီၤ. ယကဒုးကဲထီၣ်အီၤလၢတၢ်အဒိအတဲာ်တမံၤလီၤ. ယကသုးကွံာ်အီၤလၢယပှၤဂီၢ်မုၢ်အတၢ်အိၣ်မူကရူၢ်အပူၤဒ်သိးသု ကသ့ၣ်ညါလၢယမ့ၢ်ယွၤန့ၣ်လီၤ.

လံာ်မံကၤ 1:6

မ်ဒ်န့ၣ်ဒီးယွၤစံးဝဲဒၣ်, ယကဒုးကဲထီၣ်ၡၤမရံလၢတၢ်ဟးဂီၤပူၣ်ထီၣ်သးအလီၢ်တပူၤလၢတၢ်ပျီပူၤ, တၢ်လီၢ်လၢတၢ်ကသူၣ်စပံးမုၢ်အဂီၢ်လီၤ. ယကဂၢ်လီၤကွံာ်လၢၢ်အက့အခီတဖၣ်လၢဝ့ၢ်ပူၤဆူကစၢၢ်ကဆူးအပူၤ ဒီးယကဒုးအိၣ်ဖျါထီၣ်ဝ့ၢ်အခီၣ်ထံးတဖၣ်လီၤ.

လံာ်ဃဘးကူာ် 3:13

နဟးထီၣ်လၢနကအုၣ်က့ၤခီၣ်က့ၤပှၤဂီၢ်မုၢ် ဒီးလၢစီၤပၤလၢနဃုထၢတ့ၢ်လံအီၤ အတၢ်အုၣ်က့ၤခီၣ်က့ၤအဂီၢ်လီၤ. နတီၢ်လီၤဃံၤကွံာ်ပှၤတတီတလိၤအခိၣ်အနၢ် ဒီးမၤဟးဂီၤကွံာ်အပျဲၢ်အဘီၣ်တဖၣ် လၢာ်လၢာ်ဆ့ဆ့လီၤ.

လံာ်လူၤကၣ် 6:49

မ့မ့ၢ်ပှၤတဂၤလၢအနၢ်ဟူယကလုၢ်ဒီးတစူၢ်ဝဲန့ၣ်, လီၤဂာ်ဒီးပှၤတဂၤလၢ အသူၣ်ထီၣ်အဟံၣ်လၢဟီၣ်ခိၣ်လိၤ, တအိၣ်ဒီးတၢ်ပာ်လီၤဃာ်အခီၣ်ထံးခီၣ်ဘိနီတမံၤဘၣ်န့ၣ်လီၤ. ဖဲထံလုၣ်ဘၢတၢ်ဒီးဘၣ်ဒိဟံၣ်အဝဲန့ၣ်န့ၣ်, လီၤပှီၢ်ကွံာ်ဝဲတဘျီဃီ, ဒီးအတၢ်လီၤပှီၢ်န့ၣ်မ့ၢ်တၢ်နးမးန့ၣ်လီၤ.”