လံာ်ယဃ့းစက့လး 13:13 - Sgaw Karen Common Bible

¹³ အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲလီၤ. “လၢယတၢ်သးထီၣ်အပူၤန့ၣ်ယကမၢလီၤကလံၤမုၢ်ဆူၣ်, တၢ်စူၤလီၤလီၤသလၢ်, ဒီးသူၣ်ဖးဒိၣ်တဖၣ်လၢကမၤဟးဂီၤတၢ်ဒူၣ် အဂီၢ်န့ၣ်လီၤ.

လံာ်ယဃ့းစက့လး 13:13 Iomraidhean Croise

လံာ်စီၤယိၤဘး 38:22

မ့ၢ်နလဲၤတုၤဘၣ်တ့ၢ်လံဆူတၢ်လီၢ်ဖဲယပၢၤဃးမူခိၣ်ဖီဒီးသူၣ် စ့ၢ်ကီးဧါ.

လံာ်စီၤယိၤဘး 38:23

ယပၢၤဃာ်အီၤလၢတၢ်ကိၢ်တၢ်ဂီၤအကတီၢ်ဒီးလၢတၢ်ဒုးတၢ် ယၤအမုၢ်နံၤတဖၣ်အဂီၢ်န့ၣ်လီၤ.

စံးထီၣ်ပတြၢၤ 105:32

လၢတၢ်စူၤအလီၢ်န့ၣ် အဝဲဟ့ၣ်လီၤသူၣ် ဒီးလီဝၢ်ဒံးလၢ ထံကီၢ်အဖီခိၣ်လီၤ.

စံးထီၣ်ပတြၢၤ 107:25

အဂ့ၢ်ဒ်အံၤ, ယွၤဟ့ၣ်လီၤအကလုၢ်, ဒီးဒုးအူထီၣ်ကလံၤမုၢ်တွၤလၢ အမၤဒိၣ်ထီၣ်ပီၣ်လဲၣ်အလပီတဖၣ်လီၤ.

စံးထီၣ်ပတြၢၤ 148:8

လီဝၢ်ဒံးဒီးသူၣ်, မူခိၣ်ဖီဒီးတၢ်အၢၣ်တဖၣ်, ကလံၤမုၢ်ဆူၣ်လၢအမၤလၢပှဲၤအတၢ်မၤလိာ်ဧၢ,

လံာ်ယၡါယၤ 30:30

ယွၤကပျဲပှၤကိးဂၤဒဲးနၢ်ဟူဘၣ်အကလုၢ်ကဟုကညီၢ်ဒီး ကလၢၢ်ဘၣ်အတၢ်သးကဲၤထီၣ်အသဟီၣ်လီၤ. မ့ၣ်အူလၣ်တဖၣ်, တၢ်အၢၣ်အတၢ်သီၣ်ထီၣ်တဖၣ်, သူၣ်အဖျၢၣ်တဖၣ်, ဒီး တၢ်စူၤလီၤဒိၣ်ဒိၣ်မုၢ်မုၢ်တဖၣ်ကအိၣ်ထီၣ်ဝဲန့ၣ်လီၤ.

လံာ်ယံးရမံယၤ 23:19

အဝဲအတၢ်သးဒိၣ်မ့ၢ်ကလံၤမုၢ်, ကလံၤသဝံးလၢအအူတၢ်ဆူၣ်ဆူၣ် လၢပှၤအၢပှၤသီတဖၣ်အခိၣ်အဖီခိၣ်,

လံာ်သးသယုၢ်တၢ် 2:1

ယွၤ, လၢအတၢ်သးဒိၣ်အပူၤကးဘၢတ့ၢ်ကစၢၢ်စံယိၣ်လၢတၢ်ခံးတၢ် နၤလီၤ. အတၢ်ကဟုကညီၢ်ဒ်လၢမူခိၣ်အသိးန့ၣ်, ယွၤဘိးဃၣ်ကွံာ်ဝဲဆူတၢ် ဟးဂူာ်ဟးဂီၤတဖၣ်အပူၤလီၤ. လၢအတၢ်သးဒိၣ်အမုၢ်တနံၤန့ၣ်ညိကွံာ်အတၢ်လုၢ်ဟံၣ်ဒၣ်လဲာ်လီၤ.

လံာ်သးသယုၢ်တၢ် 2:3

လၢအတၢ်သးကဲၤထီၣ်အပူၤဒီၣ်တဲာ်ကွံာ်ဝဲအံၣ်စရ့လးအဂံၢ် အဘါန့ၣ်လီၤ. ဖဲဒုၣ်ဒါတဖၣ်ဟဲန့ၣ်အဝဲဂ့ၢ်လိာ်တ့ၢ်လၢကမၤစၢၤပှၤအဂီၢ်လီၤ. အသးဒိၣ်ကဲၤထီၣ်ထီဒါပှၤဒ်မ့ၣ်အူအသိး, မၤဟးဂီၤကွံာ်တၢ် ခဲလၢာ်န့ၣ်လီၤ.

လံာ်သးသယုၢ်တၢ် 2:4

ပညိၣ်ဃီၤတ့ၢ်ဝဲအပျၢ်တဖၣ်ဆူပအိၣ်ဒ်ဒုၣ်ဒါတဂၤအသိးလီၤ. မၤသံကွံာ်ဝဲကယဲၢ်ပှၤလၢအမ့ၢ်ပတၢ်သးခုဒီးပတၢ်သးမုာ်တဖၣ် န့ၣ်လီၤ. ဖဲအံၤလၢဝ့ၢ်ယရူၤၡလ့ၣ်အပူၤန့ၣ်ပကလၢၢ်ဘၣ်တ့ၢ်အသးဒိၣ်ကဲၤ ထီၣ်န့ၣ်လီၤ.

လံာ်ယဃ့းစက့လး 1:4

ယကွၢ်ထီၣ်တၢ်ဒီးထံၣ်ဘၣ်ကလံၤမုၢ်ဟဲထီၣ်လၢကလံၤစိးတခီလီၤ. လီဝၢ်ထီၣ်အဒံးလၢတၢ်အၢၣ်ဖးဒိၣ်တလိၣ်အလိၤဒီးမူကပိာ်လိၤဝး တရံးအီၤန့ၣ်ကပြုၢ်ကပြီၤထီၣ်ဝဲလီၤ. ဖဲလီၢ်ဝၢ်ထီၣ်အဒံးအလီၢ်န့ၣ်, တၢ်ကပီၤထီၣ်ဝဲတမံၤဒ်တိၢ်ဘီအသိးန့ၣ်လီၤ.

လံာ်ယဃ့းစက့လး 13:12

တၢ်ဒူၣ်ကလီၤပှီၢ်ကွံာ်ဝဲ, ဒီးပှၤကိးဂၤဒဲးကသံကွၢ်သု, တၢ်ဖှူ ဘၢတၢ်လၢထူၣ်ဝါန့ၣ်, မၤဂ့ၤတၢ်မနုၤလဲၣ်.”

လံာ်တၢ်ဘူၣ်ထီၣ်ဘါထီၣ် 26:28

ယကဃၣ်ယသးဆူသုအိၣ်လၢတၢ်သးထီၣ်အပူၤဒီးစံၣ်ညီၣ်သုအၢန့ၢ်ဒံးအလီၢ်နွံဘျီန့ၣ်လီၤ.

လံာ်ယိၤနါ 1:4

ဘၣ်ဆၣ်ဒီးယွၤဒုးလီၤကလံၤမုၢ်ဖးဒိၣ်လၢပီၣ်လဲၣ်ပူၤ, ဒီးကလံၤမုၢ်အံၤဆူၣ်ဒိၣ်မးတုၤဒၣ်လဲာ်ကဘီဘူးကဟးဂီၤန့ၣ်လီၤ.

လံာ်ဃးကဲ 2:17

ယမၢလီၤတ့ၢ်ကလံၤကိၢ်တဖၣ်ဒီးသူၣ်, ဒ်သိးကမၤဟးဂီၤတၢ်တမံၤလၢ်လၢ်လၢသုကျဲးစၢးသူၣ်လီၤဖျး လီၤအီၤ, ဘၣ်ဆၣ်သုတပီၢ်ယၢ်လီၤက့ၤတ့ၢ်ဒံးသုသးဘၣ်.

လံာ်လီၣ်ဖျါ 11:19

တုၤနုၤတစုကစၢ်ယွၤအတၢ်လုၢ်ဟံၣ်လၢမူခိၣ်အိးထီၣ်အသး, ဒီးတၢ်အၢၣ်လီၤအီလီၤအတလါဘၣ်တၢ်ထံၣ်အီၤဖဲန့ၣ်လီၤ. အန့ၣ်ဝံၤဒီးလီဝၢ်အဒံး, တၢ်သီၣ်ထီၣ်ဝဲဒၣ်ရုၢ်ရုၢ်, လီသီၣ်လီသဲ, ဟီၣ်ခိၣ်ဟူးဝးဒီးသူၣ်အဖျၢၣ်တဖၣ်ဟဲလီၤဝဲဒ် တၢ်စူၤဖးဒိၣ်အသိးန့ၣ်လီၤ.

လံာ်လီၣ်ဖျါ 16:21

တၢ်စူၤလီၤသူၣ်ဖးဒိၣ်တဖၣ်, လၢတဖျၢၣ်ဒီးတဖျၢၣ်ဃၢဝဲသၢမၢ ဃၣ်ဃၣ်, ဒီးဟဲလီၤဝဲလၢမူခိၣ်ဒီးလီၤဘၣ်ပှၤကညီတဖၣ်တုၤ ဒၣ်လဲာ်အဆိၣ်အၢကစၢ်ယွၤလၢတၢ်သံသတြိာ်ဘၣ်ဃးဒီးသူၣ်, အဂ့ၢ်မ့ၢ်လၢအမ့ၢ်ဝဲတၢ်သံသတြိာ်လီၤပျံၤလီၤဖုးတမံၤ အဃိန့ၣ်လီၤ.

လံာ်လီၣ်ဖျါ 8:7

ကလူးအဆိကတၢၢ်တဂၤအူထီၣ်အကွဲၤလီၤ. သူၣ်ဒီးမ့ၣ်အူ, ဃါဃုာ်ဒီးတၢ်သွံၣ်ဟဲလီၤဝဲဒၣ်လၢဟီၣ်ခိၣ် အဖီခိၣ်လီၤ. မ့ၣ်အူအီၣ်ကွံာ်ဟီၣ်ခိၣ်သၢပူတပူ, သ့ၣ်အထူၣ်တဖၣ်သၢပူတပူဒီးတပံၢ်တမါအသံကစဲာ် တဖၣ်ကိးဘိဒဲးလီၤ.