လံာ်ယဃ့းစက့လး 12:4 - Sgaw Karen Common Bible

⁴ ဖဲမုၢ်ဆါအတၢ်ကပီၤအိၣ်ဒံးဝဲန့ၣ်, ဘိၣ်ထီၣ်နတၢ်ဘိၣ်လၢတၢ်လဲၤ ကဲကုၢ်အဂီၢ်, ဒ်သိးအဝဲသ့ၣ်ထံၣ်ဘၣ်နၤကသ့, ဒီးပျဲအဝဲသ့ၣ်ထံၣ်နဟးထီၣ်လၢဟါခီ, ဒ်နကလဲၤဆူတၢ်ဘၣ်စိာ်မၢကဲကုၢ်အပူၤအသိးန့ၣ်တက့ၢ်.

လံာ်ယဃ့းစက့လး 12:4 Iomraidhean Croise

လံာ်စီၤပၤခံဘ့ၣ်တဘ့ၣ် 25:4

ဝ့ၢ်ခိၣ်ဒူတဖၣ်ဘၣ်တၢ်ဘၢၣ်ဖျိကွံာ်အီၤန့ၣ်လီၤ. ပှၤဘၤဘူၤလိၣ်ဖိတဖၣ်ကဝီၤဝ့ၢ်ဒၣ်လဲာ်န့ၣ်, ကယဲၢ်ပှၤသုးဖိ ခဲလၢာ်ဃ့ၢ်ပူၤဖျဲးကွံာ်ဝဲဒၣ်လၢမုၢ်နၤအခါန့ၣ်လီၤ. အဝဲသ့ၣ်ဟးထီၣ်ကွံာ်လၢစီၤပၤအတၤသၣ်လီၢ်အကျဲ, လဲၤခီဖျိဝဲကျဲစၢၤလၢအဒုးစဲဘူးတၢ်ဒူၣ်ခံခါဒီးဃ့ၢ် ပူၤဖျဲးကွံာ်ဝဲဒၣ်ဆူယၢ်ဒ့ၣ်အတၢ်တြီၤပူၤတခီန့ၣ်လီၤ.

လံာ်ယံးရမံယၤ 39:4

ဖဲစီၤပၤစံးဒကံယၤဒီး ကယဲၢ်အဝဲသုးဖိတဖၣ်ထံၣ် တၢ်လၢအမၤအသးန့ၣ်ဒီး, အဝဲသ့ၣ်ကျဲးစၢးဃ့ၢ်ပူၤဖျဲး အသးလၢ ဝ့ၢ်န့ၣ် လၢမုၢ်နၤခီအဆၢကတီၢ်လီၤ. အဝဲသ့ၣ်ဟးထီၣ်ကွံာ်ဝဲလၢ စီၤပၤအတၤသၣ်အလီၢ်အကျဲ, လဲၤခီဖျိကွံာ်ကျဲစၢၤဖိလၢ အဒုးစဲဘူးတၢ်ဒူၣ်ခံဒူၣ်ဒီး ပူၤဖျဲးဝဲဆူ ထံကျိယၢ်ဒ့ၣ်အတြီၤပူၤန့ၣ်လီၤ.

လံာ်ယံးရမံယၤ 52:7

ဒီးဝ့ၢ်အခိၣ်ဒူ တဖၣ်ဘၣ်တၢ်မၤလီၤပှီၢ်ဘၢၣ်ဖျိအီၤန့ၣ်လီၤ. ပှၤဘၤဘူၤလိၣ်ဖိတဖၣ် မ့ၢ်ကဝီၤဃာ်ဝ့ၢ်ဒၣ်လဲာ်န့ၣ်, ပှၤ သုးဖိခဲလၢာ် ဃ့ၢ်ထူၣ်ဖျဲးဝဲလၢ မနၤခီအဆၢကတီၢ်လီၤ. အဝဲသ့ၣ်ဟးထီၣ်ကွံာ်ဝဲလၢ စီၤပၤအတၤသၣ်လီၢ်အကျဲ, လဲၤခီဖျိကျဲစၢၤလၢ အဒုးစဲဘူးတၢ်ဒူၣ်ခံခါ, ဒီးထွးထီၣ်ဃ့ၢ် ကွံာ်ဆူ ထံကျိယၢ်ဒ့ၣ်အတြီၤန့ၣ်လီၤ.

လံာ်ယဃ့းစက့လး 12:12

စီၤပၤဖိလၢအပၢအဝဲသ့ၣ်, ကဝံထီၣ်ယိးထီၣ်အတၢ်ဘိၣ်လၢအဖံဘၣ် ခိၣ်လၢတၢ်ခံးတၢ်နၤအကျါဒီးဃ့ၢ်ထူၣ်ဖျဲးကွံာ်ခီဖျိတၢ်ပူၤတပူၤလၢ အဝဲသ့ၣ်ဘၢၣ်ဖျိဝဲလၢအဂီၢ်လၢတၢ်ဒူၣ်အပူၤန့ၣ်လီၤ. အဝဲကကးဘၢအမဲာ်ချံတဖၣ်ဒီးအဝဲကလဲၤဆူလဲၣ်န့ၣ်တထံၣ်ဝဲဘၣ်.

လံာ်ယဃ့းစက့လး 12:5

ဖဲအဝဲသ့ၣ်ကွၢ်တၢ်အဖၢမုၢ်န့ၣ်ဘၢၣ်ဖျိတၢ်ပူၤတပူၤလၢနဟံၣ် အတၢ်ဒူၣ်, ဒီးစိာ်ထီၣ်ကွံာ်နတၢ်ဘိၣ်ခီဖျိတၢ်ပူၤအံၤန့ၣ်တက့ၢ်.