လံာ်ယဃ့းစက့လး 12:3 - Sgaw Karen Common Bible

³ ပှၤကညီလၢအသံသ့ဧၢ, ခဲကနံၣ်အံၤဘိၣ်ထီၣ်တၢ်ဘိၣ်တဘိၣ်ဒ်ပှၤဘၣ် ဃ့ၢ်ကွံာ်ဆူထံဂၤကီၢ်ဂၤကမၤဝဲအသိး, ဒီးတချုးတၢ်ခံးလီၤဒံးဘၣ်န့ၣ်, ဟးထီၣ်နဲတက့ၢ်. ပျဲပှၤကိးဂၤဒဲးထံၣ်ထွဲနတၢ်ဟးထီၣ်ဒီးလဲၤဆူတၢ်လီၢ်အဂၤ တတီၤန့ၣ်တက့ၢ်. ဘၣ်သ့ၣ်သ့ၣ်, ပှၤပူထီၣ်တၢ်တဖၣ်န့ၣ်ကပာ်သူၣ်ပာ်သးလၢနၤလီၤ.

လံာ်ယဃ့းစက့လး 12:3 Iomraidhean Croise

စံးထီၣ်ပတြၢၤ 81:13

ယဆၢလၢယပှၤဂီၢ်မုၢ်ကဒိကနၣ်ယၤဆံးဒိၣ်လဲၣ်. ယဆၢလၢအဝဲသ့ၣ်ကစူၢ်ယၤဆံးဒိၣ်လဲၣ်.

လံာ်ယံးရမံယၤ 10:17

ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, သုဘၣ်တၢ်ကဝီၤဃာ်သုလံ. ပာ်ဖှိၣ်ထီၣ်သုတၢ်ဖိတၢ်လံၤတဖၣ်တက့ၢ်.

လံာ်ယံးရမံယၤ 26:3

ဘၣ်သ့ၣ်သ့ၣ် ပှၤဂီၢ်မုၢ်ကဒိကနၣ်ဝဲဒီး ဃၣ်ကွံာ်အသးလၢ အကျဲ အအၢအသီတဖၣ်န့ၣ်လီၤ. အဝဲသ့ၣ်မ့ၢ် မၤဝဲဒီး, ယကလဲလိာ်ကွံာ် ယတၢ်ပာ်လီၤယသးလၢ တၢ်ဟးဂီၤလၢ ယကူၣ်ထီၣ်လၢ ယကဒုးလီၤဘၣ်လၢ အဝဲသ့ၣ်အလိၤလၢ အဝဲသ့ၣ်အတၢ်မၤအအၢအသီ တဖၣ်အဃိန့ၣ်လီၤ.”

လံာ်ယံးရမံယၤ 27:2

ယကမၤနီၣ်ယိးဘိတဘိလၢ ယဂီၢ်ဒၣ်ယဲလၢ ပျံၤတၢ်ဖံးဒီးသ့ၣ် အဘိဒီးယကယိးထီၣ်အီၤလၢ ယကိာ်လိၤန့ၣ်လီၤ.

လံာ်ယံးရမံယၤ 36:3

ဘၣ်သ့ၣ်သ့ၣ် ဖဲကီၢ်ယူဒၤအပှၤဂီၢ်မုၢ်နၢ်ဟူ တၢ်ဂ့ၢ်ဘၣ်ဃးတၢ်ဟးဂီၤလၢ ယတိာ်ပာ်လၢ ယကဒုးလီၤဘၣ်လၢအဝဲသ့ၣ်အလိၤန့ၣ်, အဝဲသ့ၣ် ကဃၣ်ကွံာ်အသးလၢ ကျဲအအၢအသီတဖၣ်န့ၣ်လီၤ. အန့ၣ်ဒီး, ယကပျၢ်ကွံာ်အဝဲသ့ၣ်အတၢ်အၢတၢ်သီဒီး အတၢ်ဒဲးဘးတဖၣ်န့ၣ်လီၤ.”

လံာ်ယံးရမံယၤ 36:7

ဘၣ်သ့ၣ်သ့ၣ်, အဝဲသ့ၣ်ကဃ့ထုကဖၣ်တၢ်ဆူယွၤ ဒီးဃၣ်ကွံာ်အသးလၢ အကျဲအအၢအသီတဖၣ် အပူၤ, မ့ၢ်လၢယွၤမၤပျံၤမၤဖုးပှၤဂီၢ်မုၢ်အံၤလၢအတၢ် သးဒိၣ်ဒီး အတၢ်သးကဲၤထီၣ်လၢ အလီၤပျံၤလီၤဖုးဒိၣ် မးအဃိန့ၣ်လီၤ.”

လံာ်ယံးရမံယၤ 7:26

အန့ၣ်ဒၣ်လဲာ်, ပှၤတဒိကနၣ်တ့ၢ်တၢ်ဒီးတကနၣ်ဃုာ်တၢ်နီတဂၤဘၣ်. အခိၣ်တလိာ်, သုကဲထီၣ်ပှၤအခိၣ်ကိၤဒီးပူထီၣ်လီထီၣ်တၢ်အါန့ၢ်ဒံး သုမိၢ်သုပၢ်ဖံဖုလၢပျၢၤတဖၣ်တက့ၢ်န့ၣ်လီၤ.

လံာ်ယဃ့းစက့လး 12:7

ယမၤတၢ်လၢယွၤတဲဘၣ်တ့ၢ်ယၤလၢယကဘၣ်မၤအီၤန့ၣ်လီၤ. မုၢ်နံၤအဝဲန့ၣ်ယဘိၣ်ထီၣ်တၢ်ဘိၣ်တဘိၣ်ဒ်ပှၤဃ့ၢ်ကွံာ်ဆူထံဂၤ ကီၢ်ဂၤတဂၤမၤဝဲအသိး, ဒီးလၢဟါအဝဲန့ၣ်ဖဲတၢ်ခံးလီၤန့ၣ်, ယဘၢၣ်ဖျိတၢ်ပူၤတပူၤလၢဟံၣ်အတၢ်ဒူၣ်လၢယစုဒၣ်ယဲဒီးဟးထီၣ် ကွံာ်ယဲလီၤ. ဖဲပှၤကိးဂၤဒဲးကွၢ်တၢ်အဖၢမုၢ်န့ၣ်, ယဝံထီၣ်တၢ်ဘိၣ်လၢယဖံဘၣ်ခိၣ်အလိၤဒီးဟးထီၣ်ကွံာ်န့ၣ်လီၤ.

လံာ်ယဃ့းစက့လး 3:26

ယကဒုးစဲဘူးနပျ့ၤဒီး နခၣ်ခိၣ်ဒီး နကအိၣ်တအုၣ်ဒ်သိးနဟ့ၣ်ပလီၢ် ပှၤဂီၢ်မုၢ်လၢ အပူထီၣ်တၢ်တဖၣ်အံၤ အသုတသ့တဂ့ၤအဂီၢ်လီၤ.

လံာ်ယဃ့းစက့လး 3:27

အနၣ်ဝံၤဒီး, ဖဲယကတိၤကဒီးတၢ်ဒီးနၤ တဘျီဒီးဟ့ၣ်ကဒါက့ၤ နၤတၢ်သ့ကတိၤတၢ်န့ၣ်, နကတဲဘၣ်အဝဲသ့ၣ်တၢ်လၢယၤ, ယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. အဝဲသ့ၣ်တနီၤကဒိကနၣ် တၢ်, ဘၣ်ဆၣ် တကနၣ်ဃုာ်နၤဘၣ်. အဂ့ၢ်ဒ်အံၤ, အဝဲသ့ၣ်မ့ၢ်ပှၤပူထီၣ် တၢ်ဖိတကလုာ်န့ၣ်လီၤ.”

လံာ်ယဃ့းစက့လး 33:11

တဲဘၣ်အဝဲသ့ၣ်လၢဒ်ယၤ, ယွၤပၢဘၣ်တၢ်ခဲလၢာ်ကစၢ်မ့ၢ်ကစၢ်ယွၤ လၢအမူဝဲတဂၤအသိးန့ၣ်, ယစံးယဲ, ယတမုာ်လၤသးခုလၢ တၢ်ထံၣ်ဘၣ်ပှၤတၢ်ဒဲးဘးဖိတဂၤသံန့ၣ်ဘၣ်. ယအဲၣ်ဒိးထံၣ်ဒါခီလၢအဝဲသ့ၣ်ဆိကတီၢ်မၤတၢ်ဒဲးဘးဒီးမူဝဲန့ၣ်လီၤ. ကီၢ်အံၣ်စရ့လးဧၢ, ဆိကတီၢ်ကွံာ်တၢ်အၢတၢ်သီလၢနမၤအီၤန့ၣ် တက့ၢ်. ဘၣ်မနုၤအဃိနအဲၣ်ဒိးသံန့ၣ်လဲၣ်.

လံာ်ယဃ့းစက့လး 43:11

ဒီးတုၤအဝဲသ့ၣ်အမဲာ်ဆှးလၢတၢ်လၢအမၤတ့ၢ်ဝဲတဖၣ်အဃိဝံၤန့ၣ်, ဒုးတၢ်နၢ်ပၢၢ်အဝဲသ့ၣ်ယွၤအတၢ်လုၢ်ဟံၣ်အက့ၢ်အဂီၤအဒိလၢ တၢ်ပာ်လီၤပာ်စၢၤအီၤလၢအမ့ၢ်, အက့ၢ်အဂီၤအတကွီၣ်, နုာ်က့ၤ ဟးထီၣ်အကျဲစၢၤကျိၤထံးတဖၣ်, တၢ်ဘှီထီၣ်အီၤအက့ၢ်အဂီၤ, တၢ်လၢအဘၣ်တၢ်ရဲၣ်လီၤကျဲၤလီၤအီၤကိးမံၤဒဲးဒီးအတၢ်သိၣ်တၢ်သီတဖၣ်ဒီးတၢ်ဘျၢတဖၣ်လၢတၢ်ကဘၣ်မၤထွဲအီၤန့ၣ်တက့ၢ်. ကွဲးလီၤတၢ်သ့ၣ်တဖၣ်အံၤခဲလၢာ်လၢအဝဲသ့ၣ်အဂီၢ် ဒ်သိးအဝဲသ့ၣ်ထံၣ်ဝဲကသ့လၢတၢ်ကိးမံၤဒဲးအံၤ ဘၣ်တၢ်ရဲၣ်ကျဲၤအီၤဒ်လဲၣ်ဒီးမၤပိာ်ထွဲတၢ်သိၣ်တၢ်ဘျၢခဲလၢာ် ကသ့ဝဲအဂီၢ်န့ၣ်တက့ၢ်.

လံာ်လူၤကၣ် 13:34

ယရူၤၡလ့ၣ်ဧၢ, ယရူၤၡလ့ၣ်ဧၢ, နမၤသံဝံတဖၣ်, ဒီးပှၤစိာ်တၢ်ကစီၣ်လၢကစၢ်ယွၤဆှၢလီၤဝဲဆူနအိၣ်တဖၣ်န့ၣ် နကွံာ်သံအီၤလၢလၢၢ်လီၤ. ဆၢကတီၢ်အိၣ်ဝဲအဘျီတဖၣ်အဘျီဖဲယသး အိၣ်ဖိးဟုနပှၤဂီၢ်မုၢ်တဖၣ်, ဒ်ဆီမိၢ်ပှၢ်တဘ့ၣ်ဒုးအိၣ်ဖှိၣ်အဖိတဖၣ်လၢ အဒံးဆ့အဖီလာ်န့ၣ်အသိး, ဘၣ်ဆၣ်ဒီးနတပျဲယၤဘၣ်.

လံာ်လူၤကၣ် 20:13

တုၤနုၤတစုစပံးလီၢ်ကစၢ်စံးဝဲ, ‘ယကဘၣ်မၤဒ်လဲၣ်. ယကဆှၢလီၤယဖိခွါသးဘိဒၣ်ယဲဒီး, သပှၢ်ကတၢၢ်, အဝဲသ့ၣ်ကယူးယီၣ်ပာ်ကဲအီၤလီၤ.’

လံာ်သိၣ်လီၤသီလီၤတၢ် 32:29

ဘၣ်မနုၤအဃိအဝဲသ့ၣ်ဘၣ်တၢ်မၤနၢၤအီၤလဲၣ်န့ၣ်, အဝဲသ့ၣ်ထံၣ်ဝဲတသ့ဘၣ်, တၢ်လၢအမၤတ့ၢ်အသးန့ၣ်အဝဲသ့ၣ်နၢ်ပၢၢ်ဝဲ တသ့ဘၣ်.

လံာ်သိၣ်လီၤသီလီၤတၢ် 5:29

ထီဘိအဝဲသ့ၣ်မ့ၢ်ပာ်သူၣ်ပာ်သးဒၣ်ဒ်သိးအံၤဧိၤ, အဝဲသ့ၣ်မ့ၢ်မၤလၤကပီၤဒၣ်ထဲယၤတဂၤအံၤဧိၤ, ဒီးစူၢ်ကယဲၢ်ယတၢ်မၤလိာ်တဖၣ်န့ၣ်, တၢ်ကိးမံၤဒဲးကမၤအသးဂ့ၤ ဂ့ၤဘၣ်ဘၣ်လၢအဝဲသ့ၣ်အဂီၢ်ဒီးလၢအဝဲသ့ၣ်အစၢၤအသွဲၣ်တဖၣ်အဂီၢ် လီၤထူလီၤယိာ်န့ၣ်လီၤ.

၂ တံၤမသ့း 2:25

လၢအသိၣ်က့ၤသီက့ၤပှၤလၢအထီဒါအီၤတဖၣ်လၢတၢ်သးစူၤ အပူၤန့ၣ်လီၤ. မ့ၢ်မၤဝဲဒ်န့ၣ်ဒီး, ဘၣ်တဘၣ်ကစၢ်ယွၤကဟ့ၣ်လီၤအဝဲသ့ၣ်တၢ်အခွဲးအယာ်လၢ ကပီၢ်ယၢ်လီၤက့ၤအသးဒီးကတုၤလၢတၢ်သ့ၣ်ညါတၢ်မ့ၢ်တၢ်တီ အဂီၢ်န့ၣ်လီၤ.