လံာ်ယဃ့းစက့လး 12:28 - Sgaw Karen Common Bible

²⁸ အဃိဒီးတဲဘၣ်အဝဲသ့ၣ်လၢ, ယၤ, ယွၤပၢဘၣ်တၢ်ခဲလၢာ်စံးဝဲ, တၢ်မၤယံာ်မၤနီၢ်တအိၣ်လၢၤဘၣ်. တၢ်လၢယစံးတ့ၢ်န့ၣ်ကဘၣ်တၢ်မၤအီၤလီၤ.” ယၤ, ယွၤပၢဘၣ်တၢ်ခဲလၢာ်ကစၢ်, ကတိၤလံတၢ်လံ.”

လံာ်ယဃ့းစက့လး 12:28 Iomraidhean Croise

လံာ်ယံးရမံယၤ 1:11

ယွၤသံကွၢ်ယၤ, “စီၤယံးရမံယၤဧၢ, နထံၣ်တၢ်မနုၤလဲၣ်.” ယစံးဆၢအီၤ, “ယထံၣ်သ့ၣ်ၡၤကးအဒ့တဒ့လီၤ.”

လံာ်ယံးရမံယၤ 1:12

ယွၤစံးဝဲ, “နစံးတၢ်န့ၣ်ဘၣ်လီၤ. ယခိးကွၢ်တၢ်ဒ်သိးယကထံၣ် ဘၣ်ယတၢ်ကတိၤတဖၣ်ကလၢထီၣ်ပှဲၤထီၣ်ဝဲအဂီၢ်လီၤ.”

လံာ်ယံးရမံယၤ 1:13

အန့ၣ်ဒီး, ယွၤကတိၤကဒီးတၢ်ဒီးယၤ, ဒီးသံကွၢ်ဝဲ, “နထံၣ်တၢ်အဂၤမနုၤဒံးလဲၣ်.” ယစံးဆၢအီၤ, “ယထံၣ်သပၢၤတဖျၢၣ်ကလာ်ထီၣ်လၢကလံၤစိးတခီ, ဒီးမၤအသးဒ်ကတကျၢၢ်လီၤအသးဆူအံၤတကပၤအသိးန့ၣ်လီၤ.”

လံာ်ယံးရမံယၤ 4:7

ဒ်ခ့ယုၢ်တဒုဟဲထီၣ်လၢအတၢ်အိၣ်ခူသူၣ်အလီၢ်အသိးန့ၣ်, ပှၤတဂၤလၢကမၤဟးဂီၤပှၤကလုာ်တဖၣ်ဟဲဟးထီၣ်လံန့ၣ်လီၤ. အဝဲဒၣ်ဟဲဝဲလၢကမၤဟးဂီၤကီၢ်ယူဒၤအဂီၢ်လီၤ. ကီၢ်ယူဒၤအဝ့ၢ်တဖၣ်ကအိၣ်လီၤတဲာ်လၢတၢ်ဟးဂူာ် ဟးဂီၤအပူၤဒီးပှၤတအိၣ်လၢအဝဲသ့ၣ်အပူၤ နီတဂၤဘၣ်န့ၣ်လီၤ.

လံာ်ယံးရမံယၤ 44:28

ဘၣ်ဆၣ်ဒီး သုဝဲစှၤဂၤကပူၤဖျဲးဒီး တၢ်သံဒီးဟဲက့ၤကဒါက့ၤ လၢ ကီၢ်အဲၤကူပတူးဆူ ကီၢ်ယူဒၤန့ၣ်လီၤ. အန့ၣ်တစု, ပှၤလၢအအိၣ်မူလီၤတဲာ်တဖၣ် ကသ့ၣ်ညါဝဲလၢ မတၤအတၢ်ကတိၤတဖၣ် လၢထီၣ်ပှဲၤထီၣ်လဲၣ်. ယၤဧါ, မ့တမ့ၢ်, အဝဲသ့ၣ်တဖၣ်ဧါ.

လံာ်ယဃ့းစက့လး 13:1

ယွၤကတိၤတၢ်ဒီးယၤလီၤ. အဝဲစံးဝဲ, “ပှၤကညီလၢအသံသ့ဧၢ, စံးလၢကီၢ်အံၣ်စရ့လးအဝံ တဖၣ်လၢအဒုးအိၣ်ထီၣ်အကစၢ်ဒၣ်ဝဲအဝံအတၢ်စံးပာ် တဖၣ်န့ၣ်ဂ့ၤဘၣ်တၢ်စံၣ်ညီၣ်အီၤတက့ၢ်. တဲဘၣ်အဝဲသ့ၣ်လၢကဒိကနၣ်ယွၤအကလုၢ်န့ၣ်တက့ၢ်.”

လံာ်ယဃ့းစက့လး 7:13

ပှၤကူၣ်တၢ်ကၤတၢ်တအိၣ်မူဘၣ်ဝဲတုၤလၢအကမၤန့ၢ်က့ၤအတၢ်လီၤမၢ် နီတဂၤန့ၣ်ဘၣ်. အဂ့ၢ်ဒ်အံၤ, ကစၢ်ယွၤအတၢ်သးဒိၣ်ထီၣ်လီၤဘၣ်ပှၤကိးဂၤဒဲးန့ၣ်လီၤ. ပှၤတဖၣ်လၢအအၢအသီန့ၣ်အိၣ်မူလီၤတဲာ်တသ့ဘၣ်.

လံာ်ယဃ့းစက့လး 7:7

တၢ်အကတၢၢ်ဟဲဝဲလၢသုဝဲပှၤဂီၢ်မုၢ်လၢအအိၣ်ဆိးလၢကီၢ်အံၤ အပူၤအဂီၢ်လီၤ. တၢ်ဆၢကတီၢ်ဘူးထီၣ်လံလၢတၢ်မၤမူးပွဲအသီၣ်တအိၣ်လၢၤဘၣ်လၢ ကစၢၢ်ကလိအတၢ်လုၢ်လီၢ်တဖၣ်န့ၣ်ဘၣ်. ကအိၣ်ဒၣ်ထဲတၢ်သဘံၣ်ဘုၣ်န့ၣ်လီၤ.

လံာ်လီၣ်ဖျါ 3:3

လၢတၢ်န့ၣ်အဃိ, သ့ၣ်နီၣ်ထီၣ်က့ၤတၢ်လၢနဘၣ်တၢ်သိၣ်လိ တ့ၢ်နၤ, ဒီးတၢ်လၢနနၢ်ဟူဘၣ်တ့ၢ်နဲန့ၣ်တက့ၢ်. စူၢ်အီၤဒီးဃၣ်ကွံာ်လၢနတၢ်ဒဲးဘးတဖၣ်န့ၣ်တက့ၢ်. နမ့ၢ်တဖု သံနီၣ်ထီၣ်ဘၣ်ဒီးယကဟဲဆူနအိၣ်ဒ်တၢ်ဘျၣ်တဂၤအသိး, ဒီးယကဟဲဖဲတၢ်ဆၢကတီၢ်နၣ်ရံၣ်မတၤလဲၣ်န့ၣ်တမ့ၢ်လၢ နကသ့ၣ်ညါနဲဒၣ်လဲာ်ဘၣ်.