လံာ်ယဃ့းစက့လး 12:25 - Sgaw Karen Common Bible

²⁵ ယၤ, ယွၤအံၤ, ကတိၤတၢ်ဒီးအဝဲသ့ၣ်, ဒီးတၢ်လၢယစံးန့ၣ်ကဘၣ်တၢ်မၤအီၤန့ၣ်လီၤ. တၢ်မၤယံာ်မၤနီၢ်တအိၣ်လၢၤဘၣ်. သုဝဲပှၤပူထီၣ်တၢ်ဖိသ့ၣ်ဧၢ, လၢသုတၢ်အိၣ်မူအမုၢ်နံၤဒၣ်ဝဲအပူၤန့ၣ်, ယကမၤတၢ်လၢယဟ့ၣ်ပလီၢ်တ့ၢ်သုလၢယကမၤအီၤန့ၣ်လီၤ. ယကတိၤလံတၢ်လံ.” ယွၤပၢဘၣ်တၢ်ခဲလၢာ်ကစၢ်စံးဝဲ.

လံာ်ယဃ့းစက့လး 12:25 Iomraidhean Croise

လံာ်ယၡါယၤ 14:24

ယွၤသ့တၢ်လၢာ်ကစၢ်မၤတ့ၢ်လံတၢ်ဆိၣ်တမံၤစံးဝဲ, “တၢ်လၢယကျဲၤတ့ၢ်န့ၣ်ကမၤအသးဒီးတၢ်လၢယပာ်လီၤတ့ၢ် ယသးလၢယကမၤန့ၣ်, ကဘၣ်တၢ်မၤကဲထီၣ်အီၤန့ၣ်လီၤ.

လံာ်ယၡါယၤ 55:11

ယကလုၢ်ကထါလၢယကတိၤအီၤအံၤကမ့ၢ်တၢ်ဒ်န့ၣ် အသိးစ့ၢ်ကီးလီၤ. တလီၤတူာ်လီၤကာ်လၢကမၤ တၢ်ဒ်ယကူၣ်ကျဲၤပာ်အီၤအဂီၢ်န့ၣ်ဘၣ်. ဒီးကမၤတၢ်တမံၤလၢ်လၢ်လၢယမၢအမၤအီၤန့ၣ်လီၤ.

လံာ်ယံးရမံယၤ 1:11

ယွၤသံကွၢ်ယၤ, “စီၤယံးရမံယၤဧၢ, နထံၣ်တၢ်မနုၤလဲၣ်.” ယစံးဆၢအီၤ, “ယထံၣ်သ့ၣ်ၡၤကးအဒ့တဒ့လီၤ.”

လံာ်ယံးရမံယၤ 16:9

ဒိကနၣ်တၢ်လၢယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ကစံးဘၣ်ဝဲန့ၣ်တက့ၢ်. ယကမၤဘှ့ၣ် မၤဘှီၣ်ကွံာ်တၢ်သးခုဒီးတၢ်သူၣ်ဖှံသးညီအသီၣ်တဖၣ်ဒီးတၢ် တ့တၢ်ဖျီအတၢ်အီၣ်အမူးတဖၣ်အတၢ်သူၣ်ဖှံသးညီအသီၣ်န့ၣ်လီၤ. ပှၤဂီၢ်မုၢ်ဖဲအံၤကအိၣ်မူထံၣ်ဘၣ်တၢ်အံၤမၤအသးန့ၣ်လီၤ.

လံာ်သးသယုၢ်တၢ် 2:17

လၢခံကတၢၢ်န့ၣ်, ယွၤမၤဝံၤတၢ်ဒ်အကတိၤပျံၤကတိၤဖုးဆိပာ်ဝဲ လၢအကမၤတၢ်န့ၣ်လီၤ. အဝဲမၤဟးဂီၤတ့ၢ်ပှၤဒ်အဟ့ၣ်ပလီၢ်တ့ၢ်ပှၤလၢပျၢၤလံၤလံၤအသိး ဒီးတသးကညီၤဘၣ်တၢ်ဘၣ်. ဟ့ၣ်လီၤတၢ်မၤနၢၤလၢပဒုၣ်ပဒါတဖၣ်, ဟ့ၣ်လီၤအီၤလၢတၢ်သးခု လၢပတၢ်လီၤပှီၢ်အဖီခိၣ်န့ၣ်လီၤ.

လံာ်ယဃ့းစက့လး 12:26

ယွၤစံးဘၣ်ယၤ, “ပှၤကညီလၢအသံသ့ဧၢ, ပှၤအံၣ်စရ့လးဖိတဖၣ်ဆိကမိၣ်ဝဲလၢနတၢ် ထံၣ်လၢညါခီတဖၣ်ဒီးဝံအတၢ်စံးပာ်တဖၣ်န့ၣ်ဘၣ်ဃးဒၣ်ဒီးခါ ဆူညါလၢအယံၤဒံးန့ၣ်လီၤ.

လံာ်ယဃ့းစက့လး 12:28

အဃိဒီးတဲဘၣ်အဝဲသ့ၣ်လၢ, ယၤ, ယွၤပၢဘၣ်တၢ်ခဲလၢာ်စံးဝဲ, တၢ်မၤယံာ်မၤနီၢ်တအိၣ်လၢၤဘၣ်. တၢ်လၢယစံးတ့ၢ်န့ၣ်ကဘၣ်တၢ်မၤအီၤလီၤ.” ယၤ, ယွၤပၢဘၣ်တၢ်ခဲလၢာ်ကစၢ်, ကတိၤလံတၢ်လံ.”

လံာ်ယဃ့းစက့လး 6:10

အဝဲသ့ၣ်ကသ့ၣ်ညါဝဲလၢယမ့ၢ်ယွၤ, ဒီးလၢယတၢ်ဟ့ၣ်ပလီၢ်တဖၣ်တမ့ၢ် တၢ်မၤပျံၤမၤဖုးကလီကလီဘၣ်န့ၣ်လီၤ.

လံာ်ယဃ့းစက့လး 7:13

ပှၤကူၣ်တၢ်ကၤတၢ်တအိၣ်မူဘၣ်ဝဲတုၤလၢအကမၤန့ၢ်က့ၤအတၢ်လီၤမၢ် နီတဂၤန့ၣ်ဘၣ်. အဂ့ၢ်ဒ်အံၤ, ကစၢ်ယွၤအတၢ်သးဒိၣ်ထီၣ်လီၤဘၣ်ပှၤကိးဂၤဒဲးန့ၣ်လီၤ. ပှၤတဖၣ်လၢအအၢအသီန့ၣ်အိၣ်မူလီၤတဲာ်တသ့ဘၣ်.

လံာ်ဒၤနံးယ့လး 9:12

နမၤတ့ၢ်တၢ်လၢနစံးတ့ၢ်နကမၤအီၤလၢပလိၤဒီးပပှၤပၢတၢ် တဖၣ်အလိၤန့ၣ်လီၤ. နစံၣ်ညီၣ်တ့ၢ်ဝ့ၢ်ယရူၤၡလ့ၣ်နးဒိၣ်န့ၢ်ဒံး ဝ့ၢ်အဂုၤအဂၤလၢဟီၣ်ခိၣ်ချၢ,

လံာ်ဃဘးကူာ် 1:5

တုၤနုၤတစု, ယွၤစံးဘၣ်အပှၤဂီၢ်မုၢ်, “ခိးကွၢ်ပှၤကလုာ်တဖၣ်လၢအအိၣ်ဝးတရံးနၤဒီးနကကမၢက မၣ်လၢတၢ်လၢနထံၣ်ဘၣ်န့ၣ်လီၤ. ယကမၤတၢ်တမံၤလၢနတနာ်ဘၣ်အီၤဖဲနနၢ်ဟူလၢအဂ့ၢ်န့ၣ်လီၤ.

လံာ်ဃဘးကူာ် 2:3

ကွဲးလီၤတၢ်အံၤတက့ၢ်. အဂ့ၢ်ဒ်အံၤ, အဆၢကတီၢ်တဘၣ်ဒံးလၢကလၢ ထီၣ်ပှဲၤထီၣ်အဂီၢ်ဘၣ်. ဘၣ်ဆၣ်ဒီးတၢ်ဆၢကတီၢ်ဟဲဝဲချ့သဒံးဒီးတၢ်လၢယဒုးနဲၣ်နၤ ကလၢထီၣ်ပှဲၤထီၣ်လီၤ. အတၢ်ဟဲကအိၣ်ဖျါဃၢဝဲဘၣ်ဆၣ် အိၣ်ခိးအီၤတက့ၢ်. တၢ်အံၤကမၤအသးသပှၢ်ကတၢၢ်ဒီး တသုးနံၤသုးသီဘၣ်.”

လံာ်စကၤရယၤ 1:6

ယဟ့ၣ်လီၤတ့ၢ်သုမိၢ်ပၢ်ဖံဖုတဖၣ်လၢယတၢ်မၤလိာ် တဖၣ်ဒီးတၢ်ဟ့ၣ်ပလီၢ်တဖၣ်ခီဖျိယခ့ယပှၤဝံသ့ၣ်တဖၣ် ဘၣ်ဆၣ်ဒီးအဝဲသ့ၣ်တကနၣ်ဃုာ်ဝဲတၢ်သ့ၣ်တဖၣ်န့ၣ်အဃိတူၢ်ဘၣ် က့ၤတၢ်လၢတၢ်သ့ၣ်တဖၣ်န့ၣ်အဂီၢ်လီၤ. အဝဲသ့ၣ်ပီၢ်ယၢ်လီၤက့ၤအသးဒီးအၢၣ်လီၤအီလီၤဝဲဒီးသ့ၣ်ညါ ဝဲလၢယၤ, သ့တၢ်လၢာ်ယွၤစံၣ်ညီၣ်တ့ၢ်အဝဲသ့ၣ်ဒ်အဝဲသ့ၣ်ကြၢးတူၢ်ဘၣ်တၢ် အသိးဒီးဒ်ယပာ်လီၤတ့ၢ်ယသးလၢယကမၤတၢ်အသိးန့ၣ်လီၤ.”

လံာ်တၢ်ဂံၢ် 11:23

ယွၤစံးဆၢဝဲဒၣ်, “မ့ၢ်တၢ်တြီဃာ်ယစိယကမီၤအဆၢသ့ဧါ. တယံာ်ဘၣ်ဒီးနကထံၣ်ဘၣ်တၢ်လၢယစံးတ့ၢ်ဝဲန့ၣ်ကကဲထီၣ်ဧါ တကဲထီၣ်ဘၣ်ဧါန့ၣ်လီၤ.”

လံာ်မးသဲ 24:35

မူခိၣ်ဒီးဟီၣ်ခိၣ်ကလဲၤပူၤကွံာ်ဝဲ, မ့မ့ၢ်ယကလုၢ်ယကထါတဖၣ်တလဲၤပူၤကွံာ်နီတဘျီဘၣ်.

လံာ်လူၤကၣ် 21:13

အဝဲအံၤကမ့ၢ်တၢ်ခွဲးဂ့ၤယာ်ဘၣ်လၢသုဂီၢ်လၢသုကစံးဘၣ် တဲဘၣ်ပှၤလၢတၢ်သးခုအကစီၣ်န့ၣ်လီၤ.

လံာ်လူၤကၣ် 21:33

မူခိၣ်ဒီးဟီၣ်ခိၣ်ကလဲၤပူၤကွံာ်ဝဲလီၤ. ဘၣ်ဆၣ်ဒီး, ယကလုၢ်ကထါတဖၣ်တလဲၤပူၤကွံာ်ဝဲနီတစုဘၣ်.