လံာ်ယဃ့းစက့လး 12:19 - Sgaw Karen Common Bible

¹⁹ တဲဘၣ်ပှၤဒီကလုာ်ညါ, အအံၤမ့ၢ်ယွၤပၢဘၣ်တၢ်ခဲလၢာ်ကစၢ်အတၢ် ကစီၣ်ဆူဝ့ၢ်ယရူၤၡလ့ၣ်အပှၤဂီၢ်မုၢ်လၢအအိၣ်ဆိးဒံးဒၣ်လၢအကီၢ် ပူၤအအိၣ်တက့ၢ်. အဝဲသ့ၣ်ကကနိးကစုာ်ဝဲဖဲအအီၣ်တၢ်အခါ, ဒီးကဟူးဝးဝဲလၢတၢ်ပျံၤတၢ်ဖုးအပူၤ, ဖဲအအီတၢ်အခါလီၤ. အဝဲသ့ၣ်အထံအကီၢ်ကဘၣ်တၢ်ဂုာ်န့ၢ်ဆူၣ်အီၤစီဖ့ကလ့ၤ, မ့ၢ်လၢပှၤအိၣ်ဖဲန့ၣ်ကိးဂၤဒဲးမ့ၢ်ပှၤလၢအတဒိကနၣ်တၢ်သိၣ်တၢ် သီအဃိန့ၣ်လီၤ.

လံာ်ယဃ့းစက့လး 12:19 Iomraidhean Croise

စံးထီၣ်ပတြၢၤ 107:34

အဝဲဒၣ်ဒုးကဲထီၣ်ကီၢ်လၢအသၣ်ထီၣ်တဘ့ၣ်ဆူ အံသၣ်အလီၢ်, မ့ၢ်လၢပှၤလၢအအိၣ်ဝဲဆိးဝဲတဖၣ် အတၢ်အၢတၢ်သီအဃိန့ၣ်လီၤ.

စံးထီၣ်ပတြၢၤ 24:1

ဟီၣ်ခိၣ်ဒီးတၢ်လၢအအိၣ်လၢအပူၤ ခဲလၢာ်အံၤ မ့ၢ်ယွၤအတၢ်လီၤ. ဟီၣ်ခိၣ်ဒီးပှၤလၢအအိၣ်ဝဲဆိးဝဲလၢအပူၤ ခဲလၢာ်အံၤ မ့ၢ်အတၢ်လီၤ.

လံာ်ယၡါယၤ 6:11

ယသံကွၢ်တၢ်ဒီးစံး, “ယွၤဧၢ, တၢ်ဒ်သိးအံၤကမၤဒံးအသး ဆံးယံာ်လဲၣ်.” အဝဲဒၣ်စံးဆၢယၤ, “တုၤလီၤလၢဝ့ၢ်တဖၣ် ဟးဂီၤကွံာ်ခဲလၢာ်ဒီးအိၣ်ကလီဝဲ, တုၤလီၤလၢဟံၣ်တဖၣ်ပှၤ တအိၣ်လၢအပူၤလၢၤဘၣ်, ဒီးတုၤလီၤလၢထံကီၢ်အနီၢ်ကစၢ်အံၤ အိၣ်သယုၢ်သညိဒီးလီၤဃီကွံာ်ဝဲတစုန့ၣ်လီၤ.

လံာ်ယံးရမံယၤ 10:22

ဒိကနၣ်တက့ၢ်. တၢ်ကစီၣ်ဟဲတုၤဝဲလံ. တၢ်တၢထီၣ်တၢ်လီၤဖးဒိၣ်တမံၤမၤအသးလၢကီၢ်လၢက လံၤစိးတခီအပှၤတကလုာ်အကျါန့ၣ်လီၤ. အဝဲသ့ၣ်အသုးမုၢ်ကဒုးကဲထီၣ်ကီၢ်ယူ ဒၤအဝ့ၢ်တဖၣ်လၢမဲးမုၢ်ခိၣ်, တၢ်လီၢ်တတီၤလၢထွံၣ်ဟီၣ်ခိၣ်အိၣ်ဝဲဆိးဝဲန့ၣ်လီၤ.”

လံာ်ယံးရမံယၤ 18:16

အဝဲသ့ၣ်ဒုးကဲထီၣ်တ့ၢ်ကီၢ်အံၤလၢတၢ် လီၤပျံၤလီၤဖုးအလီၢ်တတီၤ, လၢတၢ်ကသးဘၣ်အၢအီၤလီၤထူလီၤယိာ် အဂီၢ်န့ၣ်လီၤ. ကယဲၢ်ပှၤလၢအလဲၤခီဘၣ်ဖဲန့ၣ်, ကကမၢကမၣ်ဒီးသူၣ်ပျံၤသးဖုး လၢတၢ်လၢအဝဲသ့ၣ်ထံၣ်ဘၣ်ဝဲအဃိန့ၣ်လီၤ. အဝဲသ့ၣ်ကဂံၤဂုၤအခိၣ်လၢ တၢ်ကမၢကမၣ်အပူၤန့ၣ်လီၤ.

လံာ်ယံးရမံယၤ 25:11

ထံကီၢ်ဒီဘ့ၣ်ညါအံၤ ကအိၣ်တ့ၢ်လၢတၢ်ဟးဂီၤအပူၤ ဒီးကမ့ၢ်တၢ်ထံၣ်ဘၣ်အလီၢ်လၢအလီၤကမၢကမၣ်န့ၣ်လီၤ. ဒီးကီၢ်ယူဒၤအပှၤဂီၢ်မုၢ်ဒီး ပှၤကလုာ်တဖၣ်လၢ အအိၣ်ဘူးအိၣ်တံၢ်ဒီး အီၤကမၤကီၢ်ဘၤဘူၤလိၣ်အစီၤပၤအတၢ်မၤအနံၣ်နွံဆံန့ၣ်လီၤ.

လံာ်ယံးရမံယၤ 32:28

ယကဟ့ၣ်လီၤဝ့ၢ်အံၤဆူ ကီၢ်ဘၤဘူၤလိၣ်အစီၤပၤနဘူၤကးန့ စၢ် ဒီးအသုးမုၢ်အစုပူၤလီၤ. အဝဲသ့ၣ်ကမၤန့ၢ်အီၤ,

လံာ်ယံးရမံယၤ 33:10

ယွၤစံးဝဲဒၣ်, “ပှၤဂီၢ်မုၢ်စံးဝဲလၢ တၢ်လီၢ်အံၤ လီၤဂာ်ဒီး မဲးမုၢ်ခိၣ်တတီၤ, လၢပှၤကညီမ့ၢ်ဂ့ၤ, ဆၣ်ဖိကီၢ်ဖိတဖၣ်မ့ၢ်ဂ့ၤတအိၣ်ဆိးလၢ အပူၤဘၣ်န့ၣ်လီၤ. ဒီးအဝဲသ့ၣ်စံးတၢ်န့ၣ် ဘၣ်လီၤ. ကီၢ်ယူဒၤအဝ့ၢ်တဖၣ်ဒီး ဝ့ၢ်ယရူၤၡလ့ၣ်အကျဲတဖၣ် အပူၤအိၣ်ကလီဝဲလီၤ. ပှၤကညီမ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤ တအိၣ်ဆိးဖဲန့ၣ်ဘၣ်. ဘၣ်ဆၣ်ဒီး, လၢတၢ်လီၢ်တဖၣ်အံၤ အပူၤန့ၣ် နကနၢ်ဟူကဒီး,

လံာ်ယံးရမံယၤ 33:12

ယွၤသ့တၢ်လၢာ်စံးဝဲဒၣ်, “လၢကီၢ်လၢအလီၤဂာ်ဒီး မဲးမုၢ်ခိၣ်တတီၤအံၤအပူၤ, ဒီးလၢတၢ်လီၢ်ဖဲပှၤကညီ မ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤ တအိၣ်ဘၣ်လၢအပူၤအံၤန့ၣ်, တၢ်အီၣ်ဆၣ်အလီၢ်လါဟ့ တဖၣ်လၢပှၤကွၢ်သိတဖၣ် ကဒုးကိာ်လီၤအသိန့ၣ် ကအိၣ်ထီၣ်က့ၤကဒီးဝဲလီၤ.

လံာ်ယံးရမံယၤ 4:27

(ယွၤစံးတ့ၢ်ဝဲလၢဟီၣ်ခိၣ်ဒီဘ့ၣ်ညါကကဲထီၣ်တၢ်လီၢ်အိၣ်သယုၢ်, ဘၣ်ဆၣ်, အဝဲတမၤဟးဂီၤကွံာ်အီၤလၢာ်လၢာ်ဆ့ဆ့ဘၣ်)

လံာ်ယံးရမံယၤ 6:7

ဒ်ထံပူၤတပူၤကတီၤဃာ်အထံဆှံထံဂ့ၤအသိးန့ၣ်, ဝ့ၢ်ယရူၤရှလ့ၣ်ကတီၤဃာ်အတၢ်အၢတၢ်သီ, သီကဘှဲဒဲန့ၣ်လီၤ. ယနၢ်ဟူတၢ်စုဆူၣ်ခီၣ်တကးဒီးတၢ်မၤဟးဂီၤလၢဝ့ၢ်န့ၣ်အပူၤ, ဒီးတၢ်လၢယထံၣ်ခဲလၢာ်န့ၣ်မ့ၢ်ဒၣ်တၢ်ဆူးတၢ်ဆါဒီးတၢ်ပူၤလီၢ်ပူၤကျဲ တဖၣ်န့ၣ်လီၤ.

လံာ်ယဃ့းစက့လး 36:3

ကတိၤတၢ်လၢဝံအကျိာ်, အန့ၣ်ဝံၤဒီး, ဘိးဘၣ်သ့ၣ်ညါတၢ်လၢယၤယွၤပၢ ဘၣ်တၢ်ခဲလၢာ်ကစၢ်ကစံးဝဲန့ၣ်တက့ၢ်. တုၤပှၤကလုာ်အိၣ်ခိၣ်အိၣ်ဃၢၤတဖၣ်ဒုးန့ၢ်ဒီးဂုာ်ဆူၣ်ပျိဆူၣ်ကီၢ် အံၣ်စရ့လးအကစၢၢ်ကလိတဖၣ်ဒီးမ့ၢ်အဝဲသ့ၣ်ခဲလၢာ်ကတိၤတရီတပါ ကီၢ်အံၣ်စရ့လးန့ၣ်လီၤ.

လံာ်ယဃ့းစက့လး 4:16

ဒီးကစၢ်ယွၤစံးအါထီၣ်, “ပှၤကညီလၢအသံသ့ဧၢ, ယကဒီၣ်တဲာ်ကွံာ်တၢ်ဆှၢလီၤကိၣ်လၢဝ့ၢ်ယရူၤၡလ့ၣ်အဂီၢ်န့ၣ်လီၤ. ပှၤဂီၢ်မုၢ်ဖဲန့ၣ်တဖၣ်ကဘၣ်တၢ်ကိၢ်တၢ်ဂီၤဒီးကအိၣ်ဒီးတၢ်ဘၣ် ယိၣ်ဘၣ်ဘီ, ဖဲအဝဲသ့ၣ်စီၤထီၣ်ဝဲတၢ်အီၣ်လၢအဝဲသ့ၣ်အီၣ်ဝဲဒီးဃီၣ်ဝဲထံ လၢအဝဲသ့ၣ်အီဝဲအခါန့ၣ်လီၤ.

လံာ်ယဃ့းစက့လး 6:14

မ့ၢ်လီၤ. ယကယူာ်ထီၣ်ယစုဒီးမၤဟးဂီၤအဝဲသ့ၣ်အထံအကီၢ်န့ၣ်လီၤ. ယကဒုးကဲထီၣ်အီၤလၢတၢ်လီၢ်လီၤဟိတပူၤစးထီၣ်လၢကလံၤထံး မဲးမုၢ်ခိၣ်တုၤလီၤလၢဝ့ၢ်ဒံးဘလးလၢကလံၤစိးတခီ, ဒီးယတပျဲပူၤတၢ်လီၢ်နီတတီၤဖဲပှၤအံၣ်စရ့လးဖိတဖၣ်အိၣ်ဆိး ဝဲန့ၣ်ဘၣ်လီၤ. အန့ၣ်ဒီး, ပှၤခဲလၢာ်ကသ့ၣ်ညါလၢယမ့ၢ်ယွၤန့ၣ်လီၤ.

လံာ်ယဃ့းစက့လး 7:23

တၢ်ကိးမံၤဒဲးန့ၣ်အိၣ်လၢတၢ်မရံၢ်ဘံဘူအပူၤန့ၣ်လီၤ. ထံဧိၤကီၢ်ဧိၤန့ၣ်ပှဲၤဒီးတၢ်မၤသံမၤဝီတဖၣ်ဒီးဝ့ၢ်တဖၣ် န့ၣ်ပှဲၤဒီးတၢ်မၤဆူၣ်မၤစိးန့ၣ်လီၤ.

လံာ်မံကၤ 7:13

မ့မ့ၢ်ဟီၣ်ခိၣ်အလီၢ်အိၣ်လီၤတဲာ်တဖၣ်န့ၣ်ကကဲထီၣ်ပှၢ်မုၢ်ကနၢ လၢပှၤအိၣ်ဝဲဆိးဝဲလၢအပူၤတဖၣ်အတၢ်အၢတၢ်သီအဃိလီၤ.

လံာ်စကၤရယၤ 7:14

ဒ်ကလံၤမုၢ်ဆူၣ်အသိးန့ၣ်ယအူဖျိးကွံာ်အဝဲသ့ၣ်လၢကလဲၤအိၣ် ဆိးလၢတခီထံတခီကီၢ်တဖၣ်အပူၤန့ၣ်လီၤ. ထံကီၢ်အဂ့ၤအံၤအိၣ်တ့ၢ်ဝဲဒ်တၢ်လီၢ်အိၣ်သယုၢ်တတီၤအသိး, လၢပှၤတအိၣ်ဆိးနီတဂၤလၢအပူၤဘၣ်န့ၣ်လီၤ.”

1 ကရံၣ်သူး 10:26

အဂ့ၢ်ဒ်အံၤ, ဒ်တၢ်ကွဲးအသးစံးဝဲအသိးန့ၣ်, “ဟီၣ်ခိၣ်ဒီးတၢ်ခဲလၢာ်ခဲဆ့လၢအအိၣ်လၢအပူၤန့ၣ်, ဘၣ်ထွဲလၢကစၢ်လီၤ.”

1 ကရံၣ်သူး 10:28

ဘၣ်ဆၣ်ဒီး, ပှၤတဂၤဂၤမ့ၢ်စံးဘၣ်နၤ, “တၢ်အီၣ်အဝဲအံၤဘၣ်တၢ်လုၢ်ထီၣ်တ့ၢ်အီၤဆူတၢ်ဂီၤ တၢ်ဖီၣ်အအိၣ်” န့ၣ်တဘၣ်အီၣ်တၢ်အီၣ်အဝဲန့ၣ်တဂ့ၤ. မ့ၢ်တၢ်ကွၢ်တၢ်လၢပှၤလၢအစံးဘၣ်တဲဘၣ်နၤတၢ်ဂ့ၢ်တဂၤန့ၣ် အဂီၢ်, ဒီးမ့ၢ်လၢသးလၢအသ့ၣ်ညါဒၣ်တၢ်အဃိ,