လံာ်ယဃ့းစက့လး 12:15 - Sgaw Karen Common Bible

¹⁵ ဖဲယမၤလီၤပြံလီၤပြါအဝဲသ့ၣ်လၢပှၤကလုာ်ဂၤတဖၣ်အကျါဒီးလၢ တခီထံတခီကီၢ်တဖၣ်အပူၤန့ၣ်, အဝဲသ့ၣ်ကသ့ၣ်ညါဝဲလၢယမ့ၢ်ယွၤန့ၣ်လီၤ.

လံာ်ယဃ့းစက့လး 12:15 Iomraidhean Croise

စံးထီၣ်ပတြၢၤ 9:16

ယွၤဒုးနဲၣ်အသးခီဖျိအတၢ်စံၣ်ညီၣ်အတီအလိၤတဖၣ်, ဒီးပှၤတတီတလိၤတဖၣ်န့ၣ်, ဘၣ်ဘျးလၢပျံၤသကွီၤလၢ အမၤဝဲလၢအစုဒၣ်ဝဲလီၤ. ဟံၣ်ကယိၣ်စ့လၤ

လံာ်ယံးရမံယၤ 29:18

ယကလူၤအဝဲသ့ၣ်လၢ တၢ်ဒုးတၢ်ယၤ, တၢ်သၣ်ဝံၤ လီၤဒိ, ဒီးတၢ်ဆူးတၢ်ဆါဒီး ကယဲၢ်ပှၤကလုာ်လၢ ဟီၣ်ခိၣ်ချၢကဘၣ် တၢ်မၤပျံၤမၤဖုးအီၤလၢ တၢ်လၢ အဝဲသ့ၣ်ထံၣ်ဘၣ်ဝဲအဃိန့ၣ်လီၤ. တပူၤလၢ်လၢ် ဖဲယမၤလီၤပြံလီၤပြါအဝဲသ့ၣ်န့ၣ် ပှၤဂီၢ်မုၢ်ကကမၢကမၣ်ဒီး အိၣ်ဒီးတၢ်ပျံၤတၢ်ဖုးလၢ တၢ်လၢအမၤတ့ၢ်အသးဒီး အဝဲသ့ၣ်အဃိန့ၣ်လီၤ. ပှၤဂီၢ်မုၢ်ကဒုၣ်ဒွဲၣ်အဝဲသ့ၣ်ဒီး သူအဝဲသ့ၣ်အမံၤဒ် တၢ်ဆိၣ်အၢ တမံၤအသိးန့ၣ်လီၤ.

လံာ်ယံးရမံယၤ 49:32

ဟံးန့ၢ်အဝဲသ့ၣ်အကီၤလၤ အူးတဖၣ်ဒီးအဆၣ်ဖိကီၢ်ဖိ တဖၣ်ခဲလၢာ်တက့ၢ်. ပှၤဂီၢ်မုၢ်တဖၣ်အံၤလၢ အတံာ်ဖုၣ်အခိၣ်ဆူၣ်န့ၣ် ယကမၤပြံမၤပြါအီၤဆူ ကိးကျိၤကိးကျဲဒဲးဒီး ယကဒုးလီၤတၢ်တတၢးတနါလၢ အလိၤလၢတၢ်ကိးကပၤဒဲးန့ၣ်လီၤ.

လံာ်ယဃ့းစက့လး 11:10

ဒီးသုကဘၣ်တၢ်မၤသံသုလၢတၢ်ဒုးတၢ်ယၤအပူၤလၢသုထံ သုကီၢ်ဒၣ်ဝဲအပူၤလီၤ. တုၤနုၤတစုပှၤကိးဂၤဒဲးကသ့ၣ်ညါလၢ ယမ့ၢ်ယွၤန့ၣ်လီၤ.

လံာ်ယဃ့းစက့လး 12:16

ယကပျဲအဝဲသ့ၣ်စှၤဂၤအိၣ်လီၤတဲာ်တ့ၢ်လၢတၢ်ဒုးတၢ်ယၤ, တၢ်သၣ်ဝံၤလီၤဒိ, ဒီးလၢတၢ်ဆူးတၢ်ဆါတဖၣ်မၤအသးဝံၤအလီၢ်ခံ, ဖဲန့ၣ်လၢပှၤကလုာ်တဖၣ်အကျါ့ၣ်, အဝဲသ့ၣ်ကသ့ၣ်ညါနၢ်ပၢၢ်ဝဲလၢ အတၢ်မၤတဖၣ်လီၤသးဘၣ်အၢတ့ၢ်ဒ်လဲၣ်ဒီးကအၢၣ်လီၤအီၤလီၤဝဲလၢ ယမ့ၢ်ယွၤ, န့ၣ်လီၤ.”

လံာ်ယဃ့းစက့လး 12:20

ဝ့ၢ်တဖၣ်လၢအခဲအံၤပှဲၤဝဲဒီးပှၤဂီၢ်မုၢ်န့ၣ်ကဘၣ်တၢ်မၤဟး ဂီၤကွံာ်အီၤဒီးထံကီၢ်ကဘၣ်တၢ်ဒုးကဲထီၣ်အီၤလၢပှၢ်မုၢ် ကနၢတတီၤန့ၣ်လီၤ. အန့ၣ်ဒီး, အဝဲသ့ၣ်ကသ့ၣ်ညါဝဲလၢယမ့ၢ်ယွၤန့ၣ်လီၤ.

လံာ်ယဃ့းစက့လး 14:18

ဒီးပှၤသၢဂၤန့ၣ်မ့ၢ်အိၣ်မ့ၢ်ဆိးဖဲန့ၣ်ဒၣ်လဲာ်, ယၤ, ယွၤပၢဘၣ်တၢ်ခဲလၢာ်ကစၢ်, ဒ်ယမ့ၢ်ကစၢ်ယွၤလၢအမူဝဲတဂၤအသိး, ယစံးယဲပှၤသၢဂၤန့ၣ်အုၣ်က့ၤခီၣ်က့ၤအဖိဒၣ်ဝဲတဖၣ်ဒၣ်လဲာ်တသ့ဘၣ်. မ့မ့ၢ်အုၣ်က့ၤခီၣ်က့ၤကသ့ဒၣ်ထဲအသးသမူဒၣ်ဝဲတဖၣ်န့ၣ်လီၤ.

လံာ်ယဃ့းစက့လး 24:27

လၢမုၢ်တနံၤဃီန့ၣ်, နကမၤန့ၢ်ကဒါက့ၤတၢ်သ့ကတိၤတၢ်လၢ အလီၤမၢ်တ့ၢ်လၢနအိၣ်, ဒီးနကကတိၤတၢ်ဒီးအီၤန့ၣ်လီၤ. လၢကျဲဒ်အံၤန့ၣ်နကကဲထီၣ်တၢ်ပနီၣ်တမံၤလၢပှၤဂီၢ်မုၢ်အဂီၢ်, ဒီးအဝဲသ့ၣ်ကသ့ၣ်ညါဝဲလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 25:11

ယကစံၣ်ညီၣ်ကီၢ်မိၤအးဒီးအဝဲသ့ၣ်ကသ့ၣ်ညါလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 26:6

ဒီးလၢအဝဲသ့ၣ်အနးတဖၣ်န့ၣ်, အဝဲသ့ၣ်ကမၤသံကွံာ်ပှၤတဖၣ်လၢ အအိၣ်လၢအဝ့ၢ်တဖၣ်အပူၤလၢကီၢ်မိၢ်ပှၢ်အဖီခိၣ်န့ၣ်လီၤ. အန့ၣ်ဒီးမ့ၢ်ထါယၢၣ်ကသ့ၣ်ညါလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 28:26

အဝဲသ့ၣ်ကအိၣ်ဆိးဝဲဖဲန့ၣ်လၢတၢ်ဘံၣ်တၢ်ဘၢအပူၤန့ၣ်လီၤ. အဝဲသ့ၣ်ကဘှီထီၣ်ဟံၣ်တဖၣ်ဒီး ကသူၣ်လီၤစပံးမုၢ်လီၢ်တဖၣ်လီၤ. ယကစံၣ်ညီၣ်ကယဲၢ်ပှၤအိၣ်ခိၣ် အိၣ်ဃၢၤအဝဲသ့ၣ်တဖၣ်လၢအဒုၣ်ဒွဲၣ်တ့ၢ်အဝဲသ့ၣ်, ဒီးကီၢ်အံၣ်စရ့လး ကအိၣ်ဂၢၢ်ဆိးကျၢၤဝဲလီၤ. အန့ၣ်တစု, အဝဲသ့ၣ်ကသ့ၣ်ညါဝဲလၢယမ့ၢ်ယွၤအဝဲသ့ၣ်အကစၢ်ယွၤန့ၣ်လီၤ.”

လံာ်ယဃ့းစက့လး 33:33

ဘၣ်ဆၣ်တုၤနတၢ်ကတိၤတဖၣ်လၢထီၣ်ပှဲၤထီၣ်ဝဲ, ကလၢထီၣ် ပှဲၤထီၣ်ဝဲသပှၢ်ကတၢၢ်န့ၣ်, အန့ၣ်တစု, အဝဲသ့ၣ်ကသ့ၣ်ညါ ဝဲလၢဝံတဂၤအိၣ်ဝဲလၢအဝဲသ့ၣ်အကျါန့ၣ်လီၤ.”

လံာ်ယဃ့းစက့လး 39:28

အန့ၣ်ဒီးယပှၤဂီၢ်မုၢ်ကသ့ၣ်ညါလၢယမ့ၢ်ယွၤ, အဝဲသ့ၣ်အကစၢ်ယွၤ န့ၣ်လီၤ. အဝဲသ့ၣ်ကသ့ၣ်ညါတၢ်အံၤမ့ၢ်လၢယဆှၢဃီၤအဝဲသ့ၣ် ဆူတၢ်စိာ်မၢကဲကုၢ်အလီၢ်, ဒီးခဲကနံၣ်အံၤ, ပာ်ဖှိၣ်က့ၤ အဝဲသ့ၣ်ဒီးဟဲက့ၤစိာ်ကဒါက့ၤအဝဲသ့ၣ်ဆူအကီၢ်ဒၣ်ဝဲအပူၤ တပာ်လီၤတဲာ်ကွံာ်ဘၣ်အဝဲသ့ၣ်နီတဂၤဒၣ်လဲာ်အဃိန့ၣ်လီၤ.

လံာ်ယဃ့းစက့လး 5:10

မၤသးဒ်န့ၣ်ဒီး, မိၢ်ပၢ်တဖၣ်လၢဝ့ၢ်ယရူၤရှလ့ၣ်အပူၤကအီၣ်အဖိ တဖၣ်, ဒီးအဖိတဖၣ်ကအီၣ်အမိၢ်ပၢ်တဖၣ်န့ၣ်လီၤ. ယကစံၣ်ညီၣ်နၤဒီးပှၤလၢအအိၣ်မူလီၤတဲာ်တဖၣ်န့ၣ်, ယကမၤလီၤပြံလီၤပြါအီၤဆူကလံၤကျိၤကိးကျိၤဒဲးန့ၣ်လီၤ.

လံာ်ယဃ့းစက့လး 5:13

သုကကလၢၢ်ဘၣ်ယတၢ်သးဒိၣ်ဒီးသးကဲၤထီၣ်အသဟီၣ်တုၤယသးမံယဲ တစုလီၤ. ဖဲတၢ်ခဲလၢာ်အံၤမၤအသးန့ၣ်, သုကနာ်နီၢ်နီၢ်လၢယၤ, ယွၤအံၤ, ကတိၤလံတၢ်ဒီးသုမ့ၢ်လၢယကသး ကဲၤထီၣ်ဘၣ်သုတၢ်သူၣ်တတီသးတလိၤအဃိန့ၣ်လီၤ.

လံာ်ယဃ့းစက့လး 6:14

မ့ၢ်လီၤ. ယကယူာ်ထီၣ်ယစုဒီးမၤဟးဂီၤအဝဲသ့ၣ်အထံအကီၢ်န့ၣ်လီၤ. ယကဒုးကဲထီၣ်အီၤလၢတၢ်လီၢ်လီၤဟိတပူၤစးထီၣ်လၢကလံၤထံး မဲးမုၢ်ခိၣ်တုၤလီၤလၢဝ့ၢ်ဒံးဘလးလၢကလံၤစိးတခီ, ဒီးယတပျဲပူၤတၢ်လီၢ်နီတတီၤဖဲပှၤအံၣ်စရ့လးဖိတဖၣ်အိၣ်ဆိး ဝဲန့ၣ်ဘၣ်လီၤ. အန့ၣ်ဒီး, ပှၤခဲလၢာ်ကသ့ၣ်ညါလၢယမ့ၢ်ယွၤန့ၣ်လီၤ.

လံာ်ယဃ့းစက့လး 6:7

ပှၤဂီၢ်မုၢ်ကဘၣ်တၢ်မၤသံအီၤလၢတၢ်လီၢ်ကိးပူၤဒဲး, ဒီးပှၤတဖၣ်လၢအအိၣ်လီၤတဲာ်တၢ်န့ၣ်, ကသ့ၣ်ညါအၢၣ်လီၤအီလီၤဝဲ လၢယမ့ၢ်ယွၤန့ၣ်လီၤ.

လံာ်ယဃ့းစက့လး 7:4

ယတဒုးပူၤဖျဲးနၤမ့ၢ်ဂ့ၤ, ဒုးနဲၣ်နၤတၢ်သးကညီၤတမံၤဂ့ၤတမံၤဂ့ၤန့ၣ်ဘၣ်. ယကစံၣ်ညီၣ်နၤလၢတၢ်လီၤသးဘၣ်အၢတဖၣ်လၢနမၤတ့ၢ်နဲအဃိ, ဒ်သိးနကသ့ၣ်ညါလၢယမ့ၢ်ယွၤန့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 26:33

ဒီးယကဟဲစိာ်တၢ်ဒုးတၢ်ယၤဒီးသုကလီၤပြ လီၤပြါဆူပှၤကလုာ်ဂၤအကျါလီၤ. သုထံဧိၤကီၢ်ဧိၤကအိၣ်သယုၢ်ဒီးသုဝ့ၢ်တဖၣ်ကအိၣ်လၢတၢ်ဟးဂီၤ အပူၤန့ၣ်လီၤ.