လံာ်ယဃ့းစက့လး 12:11 - Sgaw Karen Common Bible

¹¹ တဲဘၣ်အဝဲသ့ၣ်လၢ, တၢ်လၢနမၤတ့ၢ်န့ၣ်, မ့ၢ်တၢ်ပနီၣ်တမံၤလၢတၢ် လၢယဟဲဘၣ်အဝဲသ့ၣ်အဂီၢ်န့ၣ်တက့ၢ်. အဝဲသ့ၣ်ကကဲထီၣ်ပှၤဘၣ်ဃ့ၢ်ကွံာ်ဆူထံဂၤကီၢ်ဂၤတဖၣ်ဒီးပှၤလၢ အဘၣ်တၢ်ဖီၣ်န့ၢ်အီၤတဖၣ်န့ၣ်လီၤ.

လံာ်ယဃ့းစက့လး 12:11 Iomraidhean Croise

လံာ်စီၤပၤခံဘ့ၣ်တဘ့ၣ် 25:11

ဝံၤဒီးစီၤနဘူစၢ်ရဒၣ်စိာ်ထီၣ်ကွံာ်, ပှၤဂီၢ်မုၢ်လၢအအိၣ်လီၤ တဲာ်ဒံးလၢဝ့ၢ်ပူၤခဲလၢာ်, ပှၤမၤတၢ်သ့ဂ့ၤဂ့ၤလၢအအိၣ်လီၤတဲာ်ဒံးတဖၣ်, ဒီးပှၤတဖၣ်လၢအပာ်လီၤတဲာ်အကီၢ်ဒီးခီနုာ်ဆူပှၤဘၤဘူၤလိၣ် ဖိတဖၣ်အကျါ, န့ၣ်လီၤ.

လံာ်စီၤပၤခံဘ့ၣ်တဘ့ၣ် 25:7

ဖဲစီၤစံးဒကံယၤကွၢ်တၢ်အဖၢမုၢ်န့ၣ်, အဝဲအဖိခွါတဖၣ်ဘၣ်တၢ် မၤသံအီၤဝံၤဒီးစီၤနဘူၤကးန့စၢ်အူခွဲးထီၣ်ကွံာ်စီၤစံး ဒကံယၤအမဲာ်ချံစၢဃာ်အီၤလၢထးသွဲဒီးက့ၤမိၤအီၤဆူ ဝ့ၢ်ဘၤဘူၤလိၣ်န့ၣ်လီၤ.

လံာ်ယံးရမံယၤ 10:17

ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, သုဘၣ်တၢ်ကဝီၤဃာ်သုလံ. ပာ်ဖှိၣ်ထီၣ်သုတၢ်ဖိတၢ်လံၤတဖၣ်တက့ၢ်.

လံာ်ယံးရမံယၤ 15:2

ဖဲအဝဲသ့ၣ်သံကွၢ်နၤလၢအဝဲသ့ၣ်ကဘၣ်လဲၤဖဲလဲၣ်န့ၣ်, တဲဘၣ် အဝဲသ့ၣ်လၢယစံးယဲဒ်အံၤတက့ၢ်. အဝဲသ့ၣ်တနီၤလၢကသံလၢတၢ်ဆူးတၢ်ဆါအဃိဃါမနၤန့ၣ်, ကလဲၤဆူတၢ်ဆူးတၢ်ဆါအအိၣ်, ပှၤအဂၤတဖၣ်လၢကသံလၢတၢ်ဒုးတၢ်ယၤအပူၤ ဃါမနၤန့ၣ်, ကလဲၤဆူတၢ်ဒုးတၢ်ယၤအပူၤ, ပှၤအဂၤတနီၤလၢကသံလၢတၢ်သၣ်ဝံၤလီၤဒိအဃိ ဃါမနၤန့ၣ်, ကလဲၤဆူတၢ်သၣ်ဝံၤလီၤဒိအအိၣ်, ပှၤအဂၤတဖၣ်လၢကဘၣ်တၢ်စိာ်မၢကဲကုၢ်အီၤဒ်ပှၤဘၣ်တၢ်စၢဃာ် တဖၣ်ဃါမနၤန့ၣ်, ကလဲၤဆူတၢ်စိာ်မၢကဲကုၢ်အလီၢ်န့ၣ်လီၤ.

လံာ်ယံးရမံယၤ 52:15

ဝံၤဒီး, စီၤနဘူစၢ်ရဒၣ်က့ၤ ကိးကွံာ်ပှၤဂီၢ်မုၢ်လၢအအိၣ်လီၤတဲာ် လၢဝ့ၢ်အပူၤ, ပှၤမၤတၢ်ဖိအသ့အဘၣ်လၢ အအိၣ်တီၢ်တဖၣ်, ဒီးပှၤအဂၤတဖၣ်လၢ အပာ်လီၤတဲာ်အကီၢ်ဒီး ခီနုာ်ဆူပှၤဘၤဘူၤလိၣ်ဖိတဖၣ်အကျါန့ၣ်လီၤ.

လံာ်ယဃ့းစက့လး 12:3

ပှၤကညီလၢအသံသ့ဧၢ, ခဲကနံၣ်အံၤဘိၣ်ထီၣ်တၢ်ဘိၣ်တဘိၣ်ဒ်ပှၤဘၣ် ဃ့ၢ်ကွံာ်ဆူထံဂၤကီၢ်ဂၤကမၤဝဲအသိး, ဒီးတချုးတၢ်ခံးလီၤဒံးဘၣ်န့ၣ်, ဟးထီၣ်နဲတက့ၢ်. ပျဲပှၤကိးဂၤဒဲးထံၣ်ထွဲနတၢ်ဟးထီၣ်ဒီးလဲၤဆူတၢ်လီၢ်အဂၤ တတီၤန့ၣ်တက့ၢ်. ဘၣ်သ့ၣ်သ့ၣ်, ပှၤပူထီၣ်တၢ်တဖၣ်န့ၣ်ကပာ်သူၣ်ပာ်သးလၢနၤလီၤ.

လံာ်ယဃ့းစက့လး 12:6

ပျဲအဝဲသ့ၣ်ကွၢ်နဝံထီၣ်ယိးထီၣ်နတၢ်ဘိၣ်လၢနဖံဘၣ်ခိၣ်အလိၤ ဒီးနတၢ်ဟးထီၣ်ကွံာ်ဆူတၢ်ခံးကျါအိၣ်ဒီးနမဲာ်ချံတဖၣ်ဘၣ်တၢ် ကးဘၢအီၤ, ဒ်သိးနကလဲၤဆူလဲၣ်န့ၣ်နထံၣ်ဘၣ်သုတသ့တဂ့ၤန့ၣ် တက့ၢ်. တၢ်လၢနမၤအီၤအံၤကမ့ၢ်တၢ်ဟ့ၣ်ပလီၢ်တမံၤလၢပှၤ အံၣ်စရ့လးဖိတဖၣ်အဂီၢ်န့ၣ်လီၤ.”

လံာ်ယဃ့းစက့လး 4:1

ကစၢ်ယွၤစံးဝဲဒၣ်, “ပှၤကညီလၢအသံသ့ဧၢ, ဟံးန့ၢ်ဒၢးခီတဖျၢၣ်, ပာ်လီၤအီၤလၢနမဲာ်ညါဒီးတိၤလီၤတၢ်လၢအလိၤလၢကပာ် ဖျါအီၤဒ်ဝ့ၢ်ယရူၤၡလ့ၣ်အဒိအသိးန့ၣ်တက့ၢ်.

လံာ်ယဃ့းစက့လး 4:3

ဟံးန့ၢ်သပၢၤထးဘံၣ်သလၣ်တဖျၢၣ်ဒီးပာ်လီၤအီၤဒ်တၢ်အဒူၣ်အသိး လၢနၤဒီးဝ့ၢ်အဘၢၣ်စၢၤန့ၣ်တက့ၢ်. ဃၣ်နမဲာ်ဆူဝ့ၢ်န့ၣ်တက့ၢ်. ဝ့ၢ်ဘၣ်တၢ်ကဝီၤဃာ်အီၤလံဒီးနမ့ၢ်ပှၤတဂၤလၢအကဝီၤဃာ်အီၤန့ၣ်လီၤ. အဝဲအံၤကမ့ၢ်တၢ်ပနီၣ်တမံၤလၢအံၣ်စရ့လးအပှၤတကလုာ်အဂီၢ်န့ၣ်လီၤ.

လံာ်စကၤရယၤ 3:8

ပှၤလုၢ်တၢ်အခိၣ်အဒိၣ်ကတၢၢ်စီၤယိၤၡူဧၢ, ဒိကနၣ်တက့ၢ်. အတံၤသကိးကဒဲကဒဲပှၤလုၢ်တၢ်အခိၣ်တဖၣ်, သုဝဲလၢအမ့ၢ်တၢ်ပနီၣ်အဂ့ၤတမံၤလၢခါဆူညါအဂီၢ်သ့ၣ်ဧၢ, ဒိကနၣ်တက့ၢ်. ယကလီၣ်ဖျါထီၣ်ယခ့ယပှၤ, လၢအဘၣ်တၢ်ကိးအီၤလၢတၢ်အဒ့န့ၣ်လီၤ.