လံာ်ယဃ့းစက့လး 11:3 - Sgaw Karen Common Bible

³ အဝဲသ့ၣ်စံးလၢ, တယံာ်လၢၤဘၣ်န့ၣ်ပကသူၣ်ထီၣ်ဘှီထီၣ်ကဒီးဟံၣ် တဖၣ်လီၤ. ဝ့ၢ်အံၤလီၤဂာ်ဒီးတၢ်ဖီအီၣ်တ့ၤအီၣ်သပၢၤတဖျၢၣ်, ဒီးပလီၤဂာ်ဒီးတၢ်ညၣ်အိၣ်လၢအပူၤ, ဘၣ်ဆၣ်ဒီးအစှၤကတၢၢ်န့ၣ် ပဘၣ်တၢ်ဒီဒၣ်ပှၤလၢမ့ၣ်အူကစီဒီန့ၣ်လီၤ.

လံာ်ယဃ့းစက့လး 11:3 Iomraidhean Croise

လံာ်စီၤပၤခံဘ့ၣ်တဘ့ၣ် 4:38

ဘၣ်တဘျီ, ဖဲတၢ်သၣ်ဝံၤလီၤဒိတမံၤမၤအသးလၢထံကီၢ်ဒီဘ့ၣ် ညါအခါန့ၣ်, စီၤအလံၤၡါဟဲက့ၤကဒါက့ၤဆူဝ့ၢ်ကံးလကၤလးန့ၣ်လီၤ. ဖဲအဝဲသိၣ်လိဝံတဖၣ်အခါန့ၣ်အဝဲတဲဘၣ်အခ့အပှၤလၢကဒိထီၣ် သပၢၤဖးဒိၣ်တဖျၢၣ်လၢမ့ၣ်အူအဖီခိၣ်ဒီးဖီန့ၢ်အဝဲသ့ၣ်ကသူ ထံတကပၢၤန့ၣ်လီၤ.

လံာ်ယၡါယၤ 5:19

သုစံး, “ပျဲယွၤမၤချ့ချ့ဒီးမၤတၢ်လၢအစံးဝဲလၢအကမၤဝဲဒ်သိး ပကထံၣ်ဘၣ်အီၤအဂီၢ်တက့ၢ်. မ်အံၣ်စရ့လးအကစၢ်ယွၤစီဆှံမၤ ကဲထီၣ်လိၣ်ထီၣ်အတၢ်တိာ်ကျဲၤတဖၣ်တက့ၢ်. မ်ပကကွၢ်တၢ်မနုၤတမံၤအိၣ်လၢအသးပူၤလဲၣ်တက့ၢ်.”

လံာ်ယဃ့းစက့လး 7:7

တၢ်အကတၢၢ်ဟဲဝဲလၢသုဝဲပှၤဂီၢ်မုၢ်လၢအအိၣ်ဆိးလၢကီၢ်အံၤ အပူၤအဂီၢ်လီၤ. တၢ်ဆၢကတီၢ်ဘူးထီၣ်လံလၢတၢ်မၤမူးပွဲအသီၣ်တအိၣ်လၢၤဘၣ်လၢ ကစၢၢ်ကလိအတၢ်လုၢ်လီၢ်တဖၣ်န့ၣ်ဘၣ်. ကအိၣ်ဒၣ်ထဲတၢ်သဘံၣ်ဘုၣ်န့ၣ်လီၤ.

လံာ်ဧၤမိၣ် 6:5

ဒ်စီၤဒၤဝံးမၤတ့ၢ်ဝဲအသိးသုအဲၣ်ဒိးကွဲးကဲထီၣ်တၢ်သးဝံၣ် တဖၣ်ဒီးဒ့အီၤလၢတနၢ်တဖၣ်န့ၣ်လီၤ.

လံာ်မံကၤ 3:3

သုအီၣ်ကွံာ်ယပှၤဂီၢ်မုၢ်, အုၣ်ကွံာ်အဖံး, မၤကၢ်ကွံာ်အဃံတဖၣ်, ဒီးကျီပြံအီၤဒ်တၢ်ညၣ်လၢသပၢၤအဂီၢ်အသိးန့ၣ်လီၤ.

၂ ပ့းတရူး 3:4

ဒီးကသံကွၢ်သု, “အဝဲအၢၣ်လီၤလၢကဟဲဝဲတမ့ၢ်ဘၣ်ဧါ. အဝဲအိၣ်ဖဲလဲၣ်. ပပၢ်တဖၣ်သံတ့ၢ်လံ, ဘၣ်ဆၣ်တၢ်ခဲလၢာ်မ့ၢ်ဒံးဒၣ်ဒ်တၢ်တ့လီၤဟီၣ်ခိၣ်လၢ အခီၣ်ထံးလံၤလံၤအသိးန့ၣ်လီၤ.”