လံာ်ယဃ့းစက့လး 11:21 - Sgaw Karen Common Bible

²¹ ဘၣ်ဆၣ်ဒီးယကစံၣ်ညီၣ်ပှၤဂီၢ်မုၢ်လၢအအဲၣ်ဘူၣ်ထီၣ်ဘါထီၣ်တၢ်ဂီၤ တၢ်ဖီၣ်တဖၣ်လၢအဘၣ်အၢဘၣ်သီဒီးအလီၤသးဘၣ်အၢန့ၣ်လီၤ. ယကစံၣ်ညီၣ်အဝဲသ့ၣ်လၢတၢ်လၢအဝဲသ့ၣ်မၤတ့ၢ်ဝဲအဃိလီၤ. ယွၤပၢဘၣ်တၢ်ခဲလၢာ်ကစၢ်, ကတိၤလံတၢ်လံ.’ ”

လံာ်ယဃ့းစက့လး 11:21 Iomraidhean Croise

လံာ်ပှၤစံၣ်တဲၤတဲလီၤတၢ် 11:9

ပှၤသးစၢ်သ့ၣ်ဧၢ, မုာ်လၤလၢနတၢ်မ့ၢ်ပှၤသးစၢ်အဃိတက့ၢ်. ဖဲနသးစၢ်ဒံးအခါအံၤန့ၣ်, သူၣ်ဖှံသးညီတက့ၢ်. မၤတၢ်လၢနအဲၣ်ဒိးမၤဒီးလူၤထွဲနသးအတၢ်ဆၢန့ၢ်ဘၣ်တက့ၢ်. ဘၣ်ဆၣ်သ့ၣ်နီၣ်ထီၣ်က့ၤလၢကစၢ်ယွၤကစံၣ်ညီၣ်နၤလၢတၢ်လၢနမၤ အီၤတမံၤဂ့ၤတမံၤဂ့ၤအဃိတက့ၢ်.

လံာ်ယံးရမံယၤ 1:16

ယကစံၣ်ညီၣ်ယပှၤဂီၢ်မုၢ်မ့ၢ်လၢအဝဲသ့ၣ်မၤတ့ၢ်တၢ်ဒဲးဘးအဃိလီၤ. အဝဲသ့ၣ်ပာ်လီၤတဲာ်ကွံာ်ယၤ, လုၢ်ထီၣ်တ့ၢ်တၢ်လုၢ်တၢ်ပာ်တဖၣ်ဆူ ကစၢ်အဂၤတဖၣ်အအိၣ်, ဒီးတ့ထီၣ်တၢ်ဂီၤတဖၣ်ဒီးဘူၣ်ထီၣ်ဘါထီၣ် တ့ၢ်အီၤအဃိလီၤ.

လံာ်ယံးရမံယၤ 16:11

အန့ၣ်ဒီးတဲဘၣ်အဝဲသ့ၣ်လၢယွၤစံးဝဲဒၣ်, သုမိၢ်ပၢ်ဖံဖုလၢ ပျၢၤတဖၣ်ဃၣ်ကွံာ်အသးလၢယၤဒီးဘူၣ်ထီၣ်ဘါထီၣ်ဒီးမၤကစၢ်အဂၤ တဖၣ်အတၢ်လီၤ. အဝဲသ့ၣ်ပာ်လီၤတဲာ်ကွံာ်ယၤ, ဒီးတစူၢ်ဘၣ်ယတၢ်သိၣ်လိသီလိတဖၣ်ဘၣ်.

လံာ်ယံးရမံယၤ 16:18

ယကမၢအဝဲသ့ၣ်ဟ့ၣ်က့ၤတၢ်အပှ့ၤခံစး လၢအဝဲသ့ၣ်အတၢ်ဒဲးဘး ဒီးအတၢ်တတီတလိၤအဂီၢ်, မ့ၢ်လၢအဝဲသ့ၣ်မၤဘၣ်အၢဘၣ်သီ တ့ၢ်ယကီၢ်လၢတၢ်ဂီၤတၢ်ဖီၣ်တဖၣ်လၢအတၢ်မူတအိၣ်ဘၣ်ဒ်ပှၤ အစိၣ်တဖၣ်အသိး, ဒီးမၤပှဲၤအီၤဒီးအဝဲသ့ၣ်အကစၢ် ကဘျံးကဘျၣ်တဖၣ်အဃိန့ၣ်လီၤ.”

လံာ်ယံးရမံယၤ 17:9

မတၤသ့ၣ်ညါနၢ်ပၢၢ်ပှၤကညီအသးကသ့တဂၤလဲၣ်. တၢ်အဂၤလၢအလီန့ၢ်တၢ်သ့ထဲထဲန့ၣ်တအိၣ်ဘၣ်. အၢဝဲသီဝဲကဲၣ်ဆိးလၢတၢ်ကမၤဘျါက့ၤအီၤ အဂီၢ်န့ၣ်လီၤ.

လံာ်ယံးရမံယၤ 2:20

ယွၤပၢဘၣ်တၢ်ခဲလၢာ်ကစၢ်စံးဝဲ, “ကီၢ်အံၣ်စရ့လးဧၢ, နညိကွံာ်တ့ၢ်, ယတၢ်စိတၢ်ကမီၤလၢပျၢၤလံၤလံၤလီၤ. နဂ့ၢ်လိာ် လၢနကစူၢ်ယၤဒီးဘူၣ်ထီၣ်ဘါထီၣ်ယၤလီၤ. လၢတၢ်လူၢ်လၢ အထီကိးလူၢ်ဒဲးအလိၤဒီးလၢသ့ၣ်လၢအလါဟ့ကိးထူၣ်ဒဲးအဖီလာ် န့ၣ်, နဘူၣ်ထီၣ်ဘါထီၣ်ပှၤတစူၢ်တနာ်ယွၤ အကစၢ်တဖၣ်ဒီးမၤပှၤဃဲသဲမုၣ်အတၢ်မၤဖဲန့ၣ်လီၤ.

လံာ်ယဃ့းစက့လး 11:18

ဖဲအဝဲသ့ၣ်ဟဲက့ၤကဒါက့ၤန့ၣ်, အဝဲသ့ၣ်ကဘၣ်မၤဟးဂီၤကွံာ် ကယဲၢ်တၢ်ဂီၤတၢ်ဖီၣ်တဖၣ်လၢအဘၣ်အၢဘၣ်သီဒီး အလီၤသးဘၣ်အၢလၢအထံၣ်ဝဲန့ၣ်လီၤ.

လံာ်ယဃ့းစက့လး 16:43

ဖဲနသးစၢ်အခါယမၤဘၣ်နၤဒ်လဲၣ်န့ၣ်, နသးပ့ၤနီၣ်ကွံာ်အီၤလံ. ဒီးနမၤသးဒိၣ်ထီၣ်ယၤခီဖျိတၢ်ခဲလၢာ်လၢနမၤတ့ၢ်အီၤန့ၣ်လီၤ. လၢတၢ်န့ၣ်အဃိဒီး, ယမၢနဟ့ၣ်တၢ်အပှ့ၤလၢတၢ်သ့ၣ်တဖၣ်အံၤခဲလၢာ် အဂီၢ်လီၤ. ဘၣ်မနုၤအဃိနမၤအါထီၣ်တၢ်ကလုာ်ကလိၤလၢတၢ်အဂၤခဲလၢာ်လၢ နမၤတ့ၢ်လၢအလီၤသးဘၣ်အၢတဖၣ်အဖီခိၣ်န့ၣ်လဲၣ်.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 20:16

ယမၤတ့ၢ်တၢ်ဆိၣ်န့ၣ်, မ့ၢ်လၢအဝဲသ့ၣ်စူးကွံာ်ညိကွံာ်ယတၢ်မၤ လိာ်တဖၣ်, လုၢ်သ့ၣ်ခါပတာ်ယတၢ်ဘူၣ်တၢ်ဘါအတၢ်သိၣ်တၢ် သီတဖၣ်ဒီးမၤတရီတပါမုၢ်အိၣ်ဘှံးနံၤ, ဒီးအဝဲသ့ၣ်ဘၣ်သူၣ်ဘၣ် သးလၢကဘူၣ်ထီၣ်ဘါထီၣ်အဝဲသ့ၣ်အတၢ်ဂီၤတၢ်ဖီၣ်တဖၣ်အဃိန့ၣ် လီၤ.

လံာ်ယဃ့းစက့လး 20:31

မုၢ်တနံၤအံၤဒၣ်လဲာ်န့ၣ်သုလုၢ်ထီၣ်, တၢ်ဟ့ၣ်တမံၤဃီတဖၣ်, ဒီးမၤဘၣ်အၢသုသးဒီးတၢ်ဂီၤတၢ်ဖီၣ်တမံၤဃီတဖၣ်, ခီဖျိသုလုၢ်ထီၣ်သုဖိတဖၣ်ဆူအဝဲသ့ၣ်အအိၣ်လၢမ့ၣ်အူပူၤ န့ၣ်လီၤ. အန့ၣ်ဝံၤဒီးသုဝဲ ပှၤအံၣ်စရ့လးဖိတဖၣ်ဟဲဒံးဆူယအိၣ်ဒီးသံကွၢ်လၢယတၢ်ဘၣ်ယသး မ့ၢ်တၢ်ဒ်လဲၣ်န့ၣ်လီၤ. ဒ်ယၤ, ယွၤပၢဘၣ်တၢ်ခဲလၢာ်ကစၢ်, မ့ၢ်နီၢ်နီၢ်ကစၢ်ယွၤလၢအမူဝဲတဂၤအသိးယစံးယဲ, ယတပျဲ သုသံကွၢ်ယၤတၢ်နီတမံၤလၢၤဘၣ်.

လံာ်ယဃ့းစက့လး 20:38

ယကဟံးထီၣ်ကွံာ်ပှၤတဖၣ်လၢအပူထီၣ်တၢ်ဒီးမၤတၢ်ဒဲးဘးလၢသု ကျါန့ၣ်လီၤ. ယကထုးထီၣ်ကွံာ်အဝဲသ့ၣ်တဖၣ်လၢကီၢ်တဖၣ်လၢအဝဲသ့ၣ်အိၣ်ဆိးဝဲ လၢအပူၤခဲကနံၣ်အံၤ, ဘၣ်ဆၣ်ယတပျဲအဝဲသ့ၣ်က့ၤကဒါက့ၤဆူကီၢ်အံၣ်စရ့လးလၢၤဘၣ်. အန့ၣ်ဒီးသုကသ့ၣ်ညါလၢယၤ, ယမ့ၢ်ယွၤန့ၣ်လီၤ.”

လံာ်ယဃ့းစက့လး 22:31

လၢတၢ်န့ၣ်အဃိယကလူလီၤဂာ်လီၤယတၢ်သးထီၣ်လၢအဝဲသ့ၣ် တဖၣ်အဖီခိၣ်ဒီးဒ်မ့ၣ်အူအသိးယကမၤဟးဂီၤကွံာ်အဝဲသ့ၣ် လၢတၢ်လၢအဝဲသ့ၣ်တဖၣ်မၤတ့ၢ်ဝဲအဃိန့ၣ်လီၤ.” ယွၤပၢဘၣ်တၢ်ခဲလၢာ်အကစၢ်ကတိၤလံတၢ်လံ.

လံာ်ယဃ့းစက့လး 7:3

ကီၢ်အံၣ်စရ့လးဧၢ, တၢ်အကတၢၢ်ဟဲလံဝဲလံ. နကကလၢၢ်ဘၣ်ယတၢ်သး ဒိၣ်ထီၣ်လီၤ. အဂ့ၢ်ဒ်အံၤ, ယစံၣ်ညီၣ်နၤလၢတၢ်လၢနမၤတ့ၢ်အီၤ အဃိန့ၣ်လီၤ. လၢနသကဲာ်ပဝးလၢအလီၤသးဘၣ်အၢခဲလၢာ်အဂီၢ်န့ၣ်, ယကဟ့ၣ်ကၣ်ဆၢက့ၤနၤန့ၣ်လီၤ.

လံာ်ယဃ့းစက့လး 7:4

ယတဒုးပူၤဖျဲးနၤမ့ၢ်ဂ့ၤ, ဒုးနဲၣ်နၤတၢ်သးကညီၤတမံၤဂ့ၤတမံၤဂ့ၤန့ၣ်ဘၣ်. ယကစံၣ်ညီၣ်နၤလၢတၢ်လီၤသးဘၣ်အၢတဖၣ်လၢနမၤတ့ၢ်နဲအဃိ, ဒ်သိးနကသ့ၣ်ညါလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 7:8

ခဲအံၤ, တယံာ်လၢၤဘၣ်, နကကလၢၢ်ဘၣ်ယတၢ်သးဒိၣ်ထီၣ်အသဟီၣ်လီၤ. ယစံၣ်ညီၣ်နၤလၢတၢ်လၢနမၤတ့ၢ်နဲအဃိ, ဒီးလၢနသကဲာ်ပဝးလၢအလီၤသးဘၣ်အၢခဲလၢာ်အဂီၢ်န့ၣ်, ယကဟ့ၣ်ကၣ်ဆၢက့ၤနၤလီၤ.

လံာ်ယဃ့းစက့လး 9:10

ဘၣ်ဆၣ်ဒီးယတသးကညီၤအဝဲသ့ၣ်ဘၣ်. ယကမၤအဝဲသ့ၣ်ဒ်အဝဲသ့ၣ်မၤတ့ၢ်ပှၤဂၤတဖၣ်အသိးန့ၣ်လီၤ.

ဧ့ၤဘြံၤ 10:38

ဘၣ်ဆၣ်ဒီးယပှၤဂီၢ်မုၢ်အတီအလိၤန့ၣ် ကမူဝဲလၢတၢ်နာ်လီၤ. ဘၣ်ဆၣ်အဝဲသ့ၣ်အကျါတဂၤမ့ၢ်ဂုၤက့ၤဆူအလီၢ်ခံဒီး ယတဘၣ်သူၣ်ဘၣ်သးလၢၤအီၤဘၣ်.

ယူဒၤ 1:19

ပှၤသ့ၣ်တဖၣ်အံၤမ့ၢ်ပှၤလၢအမၤလီၤဖးတၢ်, ဒီးဘၣ်တၢ်ပၢၤအီၤလၢအနီၢ်ခိဖံးညၣ်အတၢ်သူၣ်လီသးကွံဒၣ်ဝဲ ဒီးတအိၣ်ဒီးယွၤအသးဘၣ်န့ၣ်လီၤ.