လံာ်ယဃ့းစက့လး 11:12 - Sgaw Karen Common Bible

¹² သုကသ့ၣ်ညါလၢယမ့ၢ်ယွၤ, ဒီးဖဲသုဟံးဃာ်ဒံးပှၤကလုာ်လၢသု ဃၢၤတဖၣ်အတၢ်သိၣ်တၢ်သီတဖၣ်အဖၢမုၢ်န့ၣ်, မ့ၢ်သုထီဒါယတၢ်သိၣ်တၢ်သီတဖၣ်လၢပှၤယူဒၤဖိအဂီၢ်ဒီးတစူၢ် ဘၣ်ယတၢ်မၤလိာ်တဖၣ်ဘၣ်န့ၣ်လီၤ.”

လံာ်ယဃ့းစက့လး 11:12 Iomraidhean Croise

လံာ်စီၤပၤအခီၣ်ထံးတဘ့ၣ် 11:33

ယကမၤတၢ်အံၤမ့ၢ်လၢစီၤၡလိၤမိၤညိကွံာ်လံယၤဒီးဘူၣ်ထီၣ်ဘါ ထီၣ်ပှၤတခီဘီမုၢ်ဖိအကစၢ်တဖၣ်လၢအမ့ၢ်ဝဲ, ကီၢ်စံဒိၣ်အကစၢ်မုၣ်ဧၤၡတြိး, ကီၢ်မိၤအးအကစၢ်ကမိၣ်, ဒီးကီၢ်ဧၣ်မိၣ်အကစၢ်မိလးအဃိန့ၣ်လီၤ. စီၤၡလိၤမိၤတစူၢ်တ့ၢ်ယၤလၢၤဘၣ်. အဝဲမၤကမၣ်တ့ၢ်တၢ်ဒီးတတိၢ် န့ၢ်ဖံးဃာ်ယတၢ်သိၣ်တၢ်သီတဖၣ်ဒီးယတၢ်မၤလိာ်တဖၣ်ဒ်အပၢ်စီၤဒၤ ဝံးမၤတ့ၢ်ဝဲအသိးန့ၣ်ဘၣ်.

လံာ်စီၤပၤခံဘ့ၣ်တဘ့ၣ် 16:3

ဒီးပိာ်ထွဲကီၢ်အံၣ်စရ့လးအစီၤပၤတဖၣ်အဒိအတဲာ်အခံန့ၣ်လီၤ. အဝဲလုၢ်ထီၣ်ဒၣ်လဲာ်အဖိခွါဒၣ်ဝဲဒ်တၢ်လုၢ်မ့ၣ်အူတမံၤဆူ တၢ်ဂီၤတၢ်ဖီၣ်တဖၣ်, မၤဒိးလုၢ်လၢ်လီၤသးဘၣ်အၢလၢပှၤဂီၢ်မုၢ် မၤတ့ၢ်ဝဲ, ပှၤဂီၢ်မုၢ်လၢယွၤဟီထီၣ်ကွံာ်တ့ၢ်အီၤလၢထံဧိၤကီၢ်ဧိၤအပူၤ ဖဲပှၤအံၣ်စရ့လးဖိတဖၣ်ဟဲထီၣ်ဒုးတၢ်အခါန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:12

ၡၤမရံလီၤကွံာ်ဝဲ, မ့ၢ်လၢပှၤအံၣ်စရ့လးဖိတဖၣ်တစူၢ်ယွၤ, အဝဲသ့ၣ်အကစၢ်ယွၤဘၣ်, မ့မ့ၢ်ဘိးဃၣ်ကွံာ်တၢ်အၢၣ်လီၤအီလီၤလၢ ယွၤမၤတ့ၢ်ဒီးအဝဲသ့ၣ်, ဒီးတစူၢ်ဘၣ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢအဘၣ်တၢ် ဟ့ၣ်လီၤလၢယွၤအခ့အပှၤစီၤမိၤၡ့အဃိန့ၣ်လီၤ. အဝဲသ့ၣ်တဒိကနၣ်တၢ်ဒီးတစူၢ်တၢ်ဘၣ်.

လံာ်စီၤပၤခံဘ့ၣ်တဘ့ၣ် 21:2

စီၤမနၤၡ့ၤမၤတၢ်ဒဲးဘးထီဒါယွၤ, ခီဖျိတၢ်ပိာ်ထွဲပှၤ ကလုာ်တဖၣ်အတၢ်မၤလၢအလီၤသးဘၣ်အၢတဖၣ်အခံ, ပှၤတဖၣ်လၢယွၤဟီထီၣ်ကွံာ်တ့ၢ်အီၤလၢကီၢ်ဖဲအဝဲအပှၤဂီၢ်မုၢ် ဟဲထီၣ်ဒုးတၢ်အခါန့ၣ်လီၤ.

လံာ်စီၤပၤခံဘ့ၣ်တဘ့ၣ် 21:22

အဝဲညိကွံာ်ယွၤ, အဝဲအမိၢ်ပၢ်ဖံဖုလၢပျၢၤတဖၣ်အကစၢ်ယွၤ, ဒီးတစူၢ်ဘၣ်ယွၤအတၢ်မၤလိာ်တဖၣ်န့ၣ်ဘၣ်.

လံာ်စီၤပၤခံဘ့ၣ်တဘ့ၣ် 21:9

ဘၣ်ဆၣ်ကီၢ်ယူဒၤအပှၤဂီၢ်မုၢ်တစူၢ်ဘၣ်ယွၤဘၣ်. ဒီးစီၤမနၤၡ့ၤဒုးမၤအဝဲသ့ၣ်လၢတၢ်ဒဲးဘးဒိၣ်ဒၣ်တၢ်တက့ၢ် တဖၣ်ဒၣ်လဲာ်, ဒိၣ်န့ၢ်ဒံးတၢ်ဒဲးဘးတဖၣ်လၢပှၤကလုာ်တဖၣ်မၤတ့ၢ်အီၤ, ပှၤတဖၣ်လၢယွၤနီၣ်ထီၣ်ကွံာ်တ့ၢ်အီၤလၢကီၢ်ပူၤ, ဖဲအပှၤဂီၢ်မုၢ်ဟဲထီၣ်ဒုးတၢ်အခါန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 13:9

သုဟီထီၣ်ကွံာ်တ့ၢ်ယွၤအပှၤလုၢ်တၢ်အခိၣ်တဖၣ်လၢအမ့ၢ်စီၤအၤ ဟရိၣ်အစၢၤအသွဲၣ်တဖၣ်, ဒီးသုဟီထီၣ်ကွံာ်တ့ၢ်ပှၤလ့ၤဝံ ဖိတဖၣ်န့ၣ်လီၤ. လၢအဝဲသ့ၣ်အလီၢ်န့ၣ်သုဃုထၢပာ်လီၤပှၤလုၢ် တၢ်အခိၣ်တဖၣ်ဒ်ပှၤကလုာ်ဂၤတဖၣ်မၤဝဲအသိးန့ၣ်လီၤ. ပှၤတဂၤလၢ်လၢ်လၢအဟဲစိာ်ဂီၤဖံးဖါတဒုမ့ၢ်ဂ့ၤ, သိနွံဒုမ့ၢ်ဂ့ၤန့ၣ်, ပာ်စီဆှံထီၣ်အသး, ဒ်ပှၤလုၢ်တၢ်အခိၣ်တဂၤသ့ဝဲလၢတၢ်တဖၣ်လၢသုကိးအီၤလၢသုကစၢ် တဖၣ်, အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:3

ဆူးကဲၤထီၣ်တၢ်နၢမူတဖၣ်လၢဟံၣ်နိၣ်အတၢ်လူၢ်တၢ်တြီၤဒီးလုၢ် ထီၣ်ပာ်ထီၣ်ဒၣ်လဲာ်အဖိခွါတဖၣ်ဒ်တၢ်လုၢ်မ့ၣ်အူအသိးဆူတၢ်ဂီၤ တၢ်ဖီၣ်တဖၣ်အအိၣ်, မၤဒိးဝဲတၢ်သးဘၣ်အၢအတၢ်မၤတဖၣ်လၢပှၤဂီၢ်မုၢ်မၤဝဲ, ပှၤဂီၢ်မုၢ်လၢယွၤဟီထီၣ်ကွံာ်တ့ၢ်အီၤလၢကီၢ်ပူၤ, ဖဲပှၤအံၣ်စရ့လးဖိတဖၣ်ဟဲနုာ်တ့ၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:14

အါန့ၢ်အန့ၣ်ကီၢ်ယူဒၤအခိၣ်အနၢ်တဖၣ်, ပှၤလုၢ်တၢ်အခိၣ်တဖၣ်ဒီး ပှၤဂီၢ်မုၢ်, ပိာ်ထွဲပှၤကလုာ်လၢအအိၣ်ဝးတရံးအဝဲသ့ၣ်အတၢ်မၤဒဲးဘးအဒိ အတဲာ်တဖၣ်အခံ, ခီဖျိတၢ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်, ဒီးလၢတၢ်န့ၣ်အဃိအဝဲသ့ၣ်မၤဘၣ်အၢယွၤအတၢ်လုၢ်ဟံၣ်လၢယွၤ အနီၢ်ကစၢ်ဒၣ်ဝဲပာ်ကဆှီတ့ၢ်ဝဲန့ၣ်လီၤ.

လံာ်စီၤဧ့စြၤ 9:7

စးထီၣ်လၢပမိၢ်ပၢ်ဖံဖုလၢပျၢၤအမုၢ်နံၤတဖၣ်ဒီးတုၤလီၤခဲ ကနံၣ်အံၤန့ၣ်, ပဝဲဒၣ်, နပှၤဂီၢ်မုၢ်, မၤတ့ၢ်တၢ်ဒဲးဘးဒိၣ်ဒိၣ်မုၢ်မုၢ်န့ၣ် လီၤ. မ့ၢ်လၢပတၢ်ဒဲးဘးတဖၣ်အဃိပဝဲဒၣ်, ပစီၤပၤတဖၣ်, ဒီးပပှၤလုၢ်တၢ်အခိၣ်တဖၣ်, ပဘၣ်တၢ်ဟ့ၣ်လီၤကွံာ် တ့ၢ်ပှၤဆူပှၤတခီဘီမုၢ်ဖိအစီၤပၤတဖၣ်အစုပူၤ, ပဘၣ်တၢ်မၤသံမၤဝီတ့ၢ်ပှၤ, ဂုာ်ဆူၣ်ပျီဆူၣ်ပှၤဒီးစိာ်ထီၣ် ကွံာ်ပှၤဒ်ပှၤဘၣ်တၢ်စၢဃာ်တဖၣ်အသိးန့ၣ်လီၤ. ပဘၣ်တၢ်မၤမဲာ်ဆှးပှၤလၢာ်လၢာ်ဆ့ဆ့ဒ်ပမ့ၢ်ဒံးပဝဲခဲအံၤအသိး န့ၣ်လီၤ.

လံာ်စီၤနဃ့မယၤ 9:33

နမၤတ့ၢ်တၢ်အဘၣ်လၢတၢ်စံၣ်ညီၣ်ပှၤ, ပမၤတ့ၢ်တၢ်ဒဲးဘးဘၣ်ဆၣ်, နမ့ၢ်တ့ၢ်ပှၤလၢအသူၣ်တီသးရၤလီၤ.

လံာ်စီၤနဃ့မယၤ 9:34

ပမိၢ်ပၢ်ဖံဖုလၢပျၢၤတဖၣ်, ပစီၤပၤတဖၣ်, ပခိၣ်ပနၢ်တဖၣ်, ပပှၤလုၢ်တၢ်အခိၣ်တဖၣ် တတိၢ်န့ၢ်ဖံးဃာ်ဘၣ်နတၢ်သိၣ်တၢ်သီ လၢပှၤယူဒၤဖိအဂီၢ်ဘၣ်. အဝဲသ့ၣ်တဒိကနၣ်နတၢ်မၤလိာ်ဒီးနတၢ်ဟ့ၣ်ပလီၢ်သ့ၣ်တဖၣ်န့ၣ်ဘၣ်.

စံးထီၣ်ပတြၢၤ 78:10

အဝဲသ့ၣ်တတိၢ်န့ၢ်ကစၢ်ယွၤ အတၢ်အၢၣ်လီၤအီလီၤဘၣ်, မ့မ့ၢ်သမၢဝဲလၢကလဲၤတၢ်ဒ် ယွၤအတၢ်သိၣ်တၢ်သီအသိးန့ၣ်လီၤ.

လံာ်ယံးရမံယၤ 10:2

အဝဲစံးဝဲဒၣ်, “ပိာ်ထွဲကျဲတဖၣ်လၢပှၤကလုာ်ဂၤတဖၣ်ပိာ်ဝဲန့ၣ်တဂ့ၤ. တၢ်ထံၣ်တဖၣ်လၢမူကပိာ်လိၤလၢသုညီနုၢ်ထံၣ်န့ၣ် မ့ၢ်မၤပျံၤမၤဖုးတ့ၢ်ပှၤကလုာ်ဂၤတဖၣ်ဒၣ်လဲာ်, ပျဲအမၤတံာ်တာ်သုတဂ့ၤ.

လံာ်ယံးရမံယၤ 6:16

ယွၤစံးဘၣ်တ့ၢ်အပှၤဂီၢ်မုၢ်, “ဆၢထၢၣ်ဖဲကျဲဘၣ်သဂၢၢ်လိာ်သးဒီးကွၢ်တၢ်တက့ၢ်. သံကွၢ်က့ၤကျဲဖိလၢပျၢၤတဖၣ်ဒီး, ကျဲမုၢ်အဂ့ၤကတၢၢ်အိၣ်ဝဲဖဲလဲၣ်န့ၣ်တက့ၢ်. လဲၤတၢ်လၢအပူၤဒီး သုကအိၣ်မူဘၣ်လၢတၢ်ဃူတၢ်မုာ်အပူၤန့ၣ်လီၤ.” ဘၣ်ဆၣ်ဒီးအဝဲသ့ၣ်စံးဝဲ, “ပတလဲၤပိာ်ဘၣ်.”

လံာ်ယဃ့းစက့လး 11:21

ဘၣ်ဆၣ်ဒီးယကစံၣ်ညီၣ်ပှၤဂီၢ်မုၢ်လၢအအဲၣ်ဘူၣ်ထီၣ်ဘါထီၣ်တၢ်ဂီၤ တၢ်ဖီၣ်တဖၣ်လၢအဘၣ်အၢဘၣ်သီဒီးအလီၤသးဘၣ်အၢန့ၣ်လီၤ. ယကစံၣ်ညီၣ်အဝဲသ့ၣ်လၢတၢ်လၢအဝဲသ့ၣ်မၤတ့ၢ်ဝဲအဃိလီၤ. ယွၤပၢဘၣ်တၢ်ခဲလၢာ်ကစၢ်, ကတိၤလံတၢ်လံ.’ ”

လံာ်ယဃ့းစက့လး 18:8

အဝဲတဟ့ၣ်လိၢ်လီၤစ့လၢတၢ်အါထီၣ်အဂီၢ်ဘၣ်. အဝဲဂ့ၢ်လိာ်လၢကမၤတၢ်အၢတၢ်သီဒီးဟ့ၣ်ထီၣ်တၢ်စံၣ်ညီၣ်တီလၢ ကယဲၢ်တၢ်ဂ့ၢ်လိာ်ဘှီလိာ်အဂီၢ်န့ၣ်လီၤ.

လံာ်ယဃ့းစက့လး 18:9

ပှၤဒ်သိးန့ၣ်တဂၤစူၢ်ယတၢ်မၤလိာ်တဖၣ်ဒီးတိၢ်န့ၢ်ဟံးဃာ် ယတၢ်ဘူၣ်တၢ်ဘါအတၢ်သိၣ်တၢ်သီတဖၣ်လီၤတံၢ်လီၤဆဲးန့ၣ်လီၤ. အဝဲမ့ၢ်ပှၤအတီအလိၤဒီးအဝဲကမူဝဲဒၣ်လီၤ. ယွၤပၢဘၣ်တၢ်ခဲလၢာ်အကစၢ်စံးတၢ်န့ၣ်လီၤ.

လံာ်ယဃ့းစက့လး 20:16

ယမၤတ့ၢ်တၢ်ဆိၣ်န့ၣ်, မ့ၢ်လၢအဝဲသ့ၣ်စူးကွံာ်ညိကွံာ်ယတၢ်မၤ လိာ်တဖၣ်, လုၢ်သ့ၣ်ခါပတာ်ယတၢ်ဘူၣ်တၢ်ဘါအတၢ်သိၣ်တၢ် သီတဖၣ်ဒီးမၤတရီတပါမုၢ်အိၣ်ဘှံးနံၤ, ဒီးအဝဲသ့ၣ်ဘၣ်သူၣ်ဘၣ် သးလၢကဘူၣ်ထီၣ်ဘါထီၣ်အဝဲသ့ၣ်အတၢ်ဂီၤတၢ်ဖီၣ်တဖၣ်အဃိန့ၣ် လီၤ.

လံာ်ယဃ့းစက့လး 20:21

ဘၣ်ဆၣ်ပှၤတစိၤန့ၣ်ခီၣ်ဆၢစ့ၢ်ကီးယၤန့ၣ်လီၤ. အဝဲသ့ၣ်လုၢ်သ့ၣ်ခါပတာ်ယတၢ်ဘူၣ်တၢ်ဘါတဖၣ်ဒီးတတိၢ်န့ၢ်ဖံးဃာ် ယတၢ်မၤလိာ်တဖၣ်လၢအဟဲစိာ်တၢ်မူဆူပှၤတဂၤလၢ်လၢ်လၢအစူၢ်အီၤ အအိၣ်န့ၣ်ဘၣ်. အဝဲသ့ၣ်မၤတရီတပါမုၢ်အိၣ်ဘှံးနံၤန့ၣ်လီၤ. ယအိၣ်ကတဲာ်ကတီၤယသးလၢယကဒုးကလၢၢ်ဘၣ်အဝဲသ့ၣ်လၢ ယတၢ်သးထီၣ်အသဟီၣ်ဆူၣ်ဖဲန့ၣ်, လၢပှၢ်မုၢ်ကနၢအပူၤဒီးမၤသံကွံာ်အဝဲသ့ၣ်ခဲလၢာ်န့ၣ်လီၤ.

လံာ်ယဃ့းစက့လး 20:24

ယမၤတ့ၢ်တၢ်အံၤ, မ့ၢ်လၢအဝဲသ့ၣ်စူးကွံာ်ညိကွံာ်ယတၢ်မၤလိာ် တဖၣ်, လုၢ်သ့ၣ်ခါပတာ်ယတၢ်ဘူၣ်တၢ်ဘါတၢ်သိၣ်တၢ်သီတဖၣ်, မၤတရီတပါမုၢ်အိၣ်ဘှံးနံၤဒီးဘူၣ်ထီၣ်ဘါထီၣ်တၢ်ဂီၤတၢ်ဖီၣ် တမံၤဃီတဖၣ်လၢအဝဲသ့ၣ်အမိၢ်ပၢ်ဖံဖုလၢပျၢၤတဖၣ်မၤတ့ၢ် အတၢ်အဃိန့ၣ်လီၤ.

လံာ်ယဃ့းစက့လး 5:6

ဘၣ်ဆၣ်, ဝ့ၢ်ယရူၤရှလ့ၣ်ပူထီၣ်တၢ်ထီဒါယတၢ်မၤလိာ်တဖၣ်ဒီးဒုး နဲၣ်အသးလၢအအၢအသီဒိၣ်န့ၢ်ဒံးပှၤကလုာ်အဂၤတဖၣ်တက့ၢ်, တစူၢ်တၢ်ဒိၣ်န့ၢ်ဒံးထံကီၢ်အိၣ်ဝးတရံးအီၤတက့ၢ်န့ၣ်လီၤ. ဝ့ၢ်ယရူၤရှလ့ၣ်ညိကွံာ်ယတၢ်မၤလိာ်တဖၣ်ဒီးတလဲၤတၢ်လၢယတၢ်သိၣ် တၢ်သီတဖၣ်အပူၤဘၣ်.

လံာ်ယဃ့းစက့လး 8:10

အန့ၣ်ဒီး, ယလဲၤနုာ်ဒီးကွၢ်တၢ်လီၤ. တၢ်အဒူၣ်တဖၣ်ဘၣ်တၢ်ကးဘၢ အီၤလၢပှၤတ့ဃာ်တၢ်ဂီၤလၢအမ့ၢ်ဂုၢ်သ့ၣ်တဖၣ်ဒီးဆၣ်ဖိကီၢ်ဖိလၢ အတကဆှီဘၣ်အဂၤတဖၣ်အဂီၤ, ဒီးတၢ်အဂၤတဖၣ်လၢပှၤအံၣ် စရ့လးဖိတဖၣ်ဘူၣ်ထီၣ်ဘါထီၣ်တ့ၢ်ဝဲန့ၣ်လီၤ.

လံာ်ယဃ့းစက့လး 8:14

လၢတၢ်န့ၣ်အဃိ, အဝဲလဲၤဆှၢယၤဆူယွၤအတၢ်လုၢ်ဟံၣ်ကလံၤစိး အတြဲၤဒီးဒုးနဲၣ်ယၤပိာ်မုၣ်တဖၣ်ဟီၣ်တၢ်ယၢၤတၢ်လၢကစၢၢ်တးမူး အတၢ်သံအဃိန့ၣ်လီၤ.

လံာ်ယဃ့းစက့လး 8:16

လၢတၢ်န့ၣ်အဃိ, အဝဲဆှၢယၤဆူယွၤအတၢ်လုၢ်ဟံၣ်အဂၢၤလၢတၢ်အိ ပူၤတခီလီၤ. ဖဲန့ၣ်, ဘူးဒီးတၢ်လီၢ်စီဆှံအကျဲစၢၤ, လၢတၢ်လုၢ်လီၢ်ဒီးတၢ်ခိၣ်ဒုးထီၣ်ဘးအဘၢၣ်စၢၤန့ၣ်ပှၤကအိၣ်ဝဲ ခံဆံယဲၢ်ဂၤဃၣ်ဃၣ်န့ၣ်လီၤ. အဝဲသ့ၣ်ဒီအချၢလၢတၢ်လီၢ်စီ ဆှံတခီဒီးသကူးလီၤအသးဆူမုၢ်ထီၣ်တခီဒီးဘူၣ်ထီၣ်ဘါထီၣ်မုၢ် လၢအဟဲထီၣ်န့ၣ်လီၤ.

လံာ်ဒၤနံးယ့လး 9:10

အိယွၤ, ပကစၢ်ယွၤဧၢ, ဖဲနစံးဘၣ်ပှၤလၢပကဘၣ်အိၣ်မူဒ် နတၢ်သိၣ်တၢ်သီတဖၣ်အသိးလၢနဟ့ၣ်လီၤပှၤခီဖျိနခ့နပှၤဝံသ့ၣ် တဖၣ်န့ၣ်, ပတဒိကနၣ်တ့ၢ်ဘၣ်နၤဘၣ်.

လံာ်တၢ်ဘူၣ်ထီၣ်ဘါထီၣ် 18:3

မၤဒ်အဲၤကူပတူးဖိလၢသုအိၣ် သုဆိးတ့ၢ်လၢအသိးန့ၣ်တဂ့ၤ. ဒီးမၤဒ်ပှၤကနၤဧၣ်ဖိ လၢယဒုးလဲၤနုာ်သုဆူအကီၢ်အပူၤအသိးန့ၣ်တဂ့ၤ.

လံာ်တၢ်ဘူၣ်ထီၣ်ဘါထီၣ် 26:40

မ့မ့ၢ်သုစၢၤသုသွဲၣ်တဖၣ်ကအၢၣ်လီၤအတၢ်ဒဲးဘးဒီးပှၤလၢအဝဲ သ့ၣ်ဟဲလီၤစၢၤလီၤသွဲၣ်လၢအီၤတဖၣ်အတၢ်ဒဲးဘးတဖၣ်လၢ အမၤကမၣ်ယၤဒီးပူထီၣ်ထီဒါယၤ,