လံာ်ယဃ့းစက့လး 11:1 - Sgaw Karen Common Bible

¹ ကစၢ်ယွၤအသးစိာ်ထီၣ်ယၤဒီးဆှၢယၤဆူ ယွၤအတၢ်လုၢ်ဟံၣ်အတြဲၤလီၤ. ဘူးဒီးတြဲၤဖဲန့ၣ်, ယထံၣ်ဘၣ်ပှၤဃုဆံယဲၢ်ဂၤ, အိၣ်ဃုာ်ဒီးစီၤဧၤစူၢ်အဖိခွါစီၤယၤစါနယၤ, ဒီးစီၤဘနါယၤအဖိခွါစီၤပလၤတယၤ, လၢအမ့ၢ်ပှၤကလုာ်အခိၣ် အနၢ်ခံဂၤန့ၣ်လီၤ.

လံာ်ယဃ့းစက့လး 11:1 Iomraidhean Croise

လံာ်စီၤပၤအခီၣ်ထံးတဘ့ၣ် 18:12

တုၤယဟးထီၣ်တဘျီဃီဒီးယွၤအသးမ့ၢ်စိာ်ကွံာ်နၤဆူတၢ်လီၢ်လၢ ယတသ့ၣ်ညါဘၣ်တပူၤပူၤဒီးတၢ်ကမၤအသးဒ်လဲၣ်. ဒီးတုၤယတဲဘၣ်စီၤအၤဃာ်လၢနအိၣ်ဖဲအံၤ, ဒီးအဝဲဃုနၤမ့ၢ်တဘၣ်န့ၣ်ဒီးအဝဲကမၤသံယၤလီၤ. သ့ၣ်နီၣ်ထီၣ်က့ၤလၢယမ့ၢ်တ့ၢ်ပှၤတဂၤလၢအအဲၣ်ထူအဲၣ်ယွၤစးထီၣ် လၢယဖိသၣ်လံၤလံၤန့ၣ်တက့ၢ်.

လံာ်စီၤပၤခံဘ့ၣ်တဘ့ၣ် 2:16

ဒီးစံးဝဲဒၣ်, “ဖဲအံၤပအိၣ်ပဝဲပှၤအဂၤယဲၢ်ဆံ, ခဲလၢာ်ထဲပှၤအဂံၢ်ဆူၣ်ဘါဆူၣ်တဖၣ်န့ၣ်လီၤ. မ်ပလဲၤဒီးဃုထံၣ်န့ၢ်က့ၤနကစၢ်တက့ၢ်. ဘၣ်သ့ၣ်သ့ၣ်ယွၤအသး စိာ်ထီၣ်အီၤဒီးကပာ်တီၢ်အီၤလၢကစၢၢ်ကလိအဒီခိၣ်တတီၤတီၤမ့ တမ့ၢ်တပူၤပူၤလၢတြီၤလာ်န့ၣ်လီၤ.” စီၤအလံၤၡါစံးဆၢဝဲဒၣ်, “တမ့ၢ်ဘၣ်. သုတဘၣ်လဲၤဘၣ်.”

လံာ်စီၤပၤခံဘ့ၣ်တဘ့ၣ် 25:23

တုၤပှၤယူဒၤဖိအသုးခိၣ်တဖၣ်ဒီးအပှၤသုးဖိတဖၣ်လၢအတဟ့ၣ်လီၤ ကွံာ်အသးနၢ်ဟူတၢ်ဂ့ၢ်အံၤန့ၣ်, အဝဲသ့ၣ်ပာ်ဖှိၣ်ထီၣ်အသးဒီးစီၤကဒါလယၤဖဲဝ့ၢ်မံးစပၤန့ၣ် လီၤ. သုးခိၣ်တဖၣ်အံၤန့ၣ်မ့ၢ်ဝဲ, စီၤနသၤနံယၤအဖိခွါစီၤယံး ၡမၤဧ့လး, စီၤကၤရ့ၤအဖိခွါစီၤယိဃၤနၣ်, ပှၤဝ့ၢ်နတိဖးဖိ စီၤတ့ၣ်ဃူမ့းအဖိခွါစီၤစရါယၤ, ဒီးပှၤဝ့ၢ်မၤကၤသးဖိ စီၤယၤစၤနယၤန့ၣ်လီၤ.

လံာ်ယၡါယၤ 1:10

ယရူၤၡလ့ၣ်ဧၢ, နပှၤပၢတၢ်တဖၣ်ဒီး နပှၤဂီၢ်မုၢ်တဖၣ်လီၤဂာ်ဒၣ်ဒီးပှၤအိၣ်လၢဝ့ၢ်စဒိၣ်ဒီးဂမိရၤတဖၣ်လီၤ. ကနၣ်တၢ်လၢယွၤစံးဘၣ်နၤန့ၣ်တက့ၢ်. ပာ်သူၣ်ပာ်သးလၢတၢ်လၢ ပကစၢ်ယွၤသိၣ်လိသီလိနၤန့ၣ်တက့ၢ်.

လံာ်ယၡါယၤ 1:23

နပှၤခိၣ်ပှၤနၢ်တဖၣ်န့ၣ်မ့ၢ်ပှၤပူထီၣ်တၢ်ဒီးမ့ၢ်တၢ်ဘျၣ်တဖၣ်အတံၤ သကိးလီၤ. အဝဲသ့ၣ်တူၢ်လိာ်တၢ်ဟ့ၣ်တဖၣ်ဒီးခိၣ်ဖးလာ်ဆှိးတဖၣ် ထီဘိလီၤ. အဝဲသ့ၣ်တဒီဒၣ်အိၣ်ပှိၤပှၤဖိၣ်ဃဲတဖၣ်လၢ ကွီၢ်ဘျီၣ်ပူၤမ့ၢ်ဂ့ၤ, တဒိကနၣ်ဝဲဒၣ်ဖဲမုၣ်ကမဲတဖၣ်ဆှၢထီၣ် အကွီၢ်မ့ၢ်ဂ့ၤနီတစုဘၣ်ဒီးပှၤမုၣ်ကမဲတဖၣ်အတၢ်လိာ်ကွီၢ်န့ၣ်, တဒိကနၣ်ဝဲဘၣ်.

လံာ်ယဃ့းစက့လး 10:19

အဝဲသ့ၣ်သလၣ်ထီၣ်အဒံးဆ့တဖၣ်ဒီးယူၤထီၣ်ဝဲလၢဟီၣ်ခိၣ်အဖီ ခိၣ်ဖဲယကွၢ်တၢ်အဖၢမုၢ်, ဒီးလ့ၣ်ဖံဘၣ်တဖၣ်သုးဃုာ်ဒီးအဝဲသ့ၣ်န့ၣ်လီၤ. အဝဲသ့ၣ်အိၣ်ကတီၢ်တစိၢ်ဖိဖဲယွၤအတၢ်လုၢ်ဟံၣ်မုၢ်ထီၣ်အတြဲၤ, ဒီးတၢ်ကပီၤဆဲးကပြုၢ်ကပြီၤထီၣ်လၢအဝဲသ့ၣ်အဖီခိၣ်လီၤ.

လံာ်ယဃ့းစက့လး 10:22

အဝဲသ့ၣ်အမဲာ်သၣ်တဖၣ်လီၤဂာ်တမံၤဃီဒ်သိးသိးဒၣ်မဲာ်သၣ်တဖၣ်လၢ ယထံၣ်တ့ၢ်အီၤဖဲထံကျိကဘၢ်အကပၤန့ၣ်လီၤ. တၢ်ဘၣ်တ့တဂၤ စုာ်စုာ်သုးအသးလိၤလိၤဘျၢဘျၢဆူတၢ်မဲာ်ညါန့ၣ်လီၤ.

လံာ်ယဃ့းစက့လး 11:13

ဖဲယကတိၤတၢ်လၢဝံအကျိာ်အဖၢမုၢ်န့ၣ်, စီၤပလၤတယၤလီၤဃံၤသံဝဲလီၤ. ယထိၣ်လီၤဃံၤအီထီလာ်ယသးလၢဟီၣ်ခိၣ်လိၤဒီးကိးသတြီထီၣ်, ယွၤပၢဘၣ်တၢ်ဘၣ်တ့ခဲလၢာ်ကစၢ်ဧၢ, တဘၣ်မၤဒ်န့ၣ်တဂ့ၤ. မ့ၢ်နမၤသံပှၤကိးဂၤဒဲးလၢအအိၣ်လီၤတဲာ်လၢကီၢ်အံၣ်စရ့လး အပူၤအံၤန့ၣ်ဧါ.

လံာ်ယဃ့းစက့လး 11:24

လၢတၢ်ထံၣ်လၢညါခီအံၤအပူၤန့ၣ်, ကစၢ်ယွၤအသးစိာ်ထီၣ်ယၤဒီး ဟဲက့ၤစိာ်က့ၤယၤဆူပှၤဘၣ်တၢ်စိာ်မၢကဲကုၢ်တဖၣ်အအိၣ်လၢကီၢ် ဘၤဘူၤလိၣ်အပူၤန့ၣ်လီၤ. ဝံၤဒီးတၢ်ထံၣ်လၢညါခီအံၤလီၤမၢ်ကွံာ်ဝဲ,

လံာ်ယဃ့းစက့လး 22:27

တၢ်ပၢတၢ်ပြးအပဒိၣ်ပပှၢ်တဖၣ်လီၤဂာ်ဒ်ထွံၣ်မံၤတဖၣ်လၢအအ့ၣ်ဖှီ ကွံာ်ဆၣ်ဖိကီၢ်ဖိတဖၣ်လၢအမၤသံတ့ၢ်ဝဲအသိးန့ၣ်လီၤ. အဝဲသ့ၣ်မၤသံတၢ်ဒ်သိးကထူးထီၣ်တီၤထီၣ်ဝဲအဂီၢ်န့ၣ်လီၤ.

လံာ်ယဃ့းစက့လး 3:12

အန့ၣ်ဝံၤဒီး, ကစၢ်ယွၤအသးစိာ်ထီၣ်ယၤ, ဒီးလၢယလီၢ်ခံတခီ ယနၢ်ဟူဘၣ်တၢ်ကလုၢ်ဖးဒိၣ် သီၣ်ထီၣ်လၢအစံးဝဲ, စံးထီၣ်ပတြၢၤယွၤ အလၤကပီၤလၢ မူခိၣ်ထးန့ၣ်တက့ၢ်.

လံာ်ယဃ့းစက့လး 3:14

ယွၤအစိကမီၤလီၤဘၣ်လၢ ယလိၤအိၣ်ဒီး အသဟီၣ်ဆူၣ်ဒိၣ်မး, ဒီးဖဲအသး စိာ်ဆှၢကွံာ်ယၤန့ၣ်, ယသးခၣ်ဒီးယသးထီၣ်ယဲလီၤ.

လံာ်ယဃ့းစက့လး 37:1

ယကလၢၢ်ဘၣ်ယွၤအိၣ်ဒီးယၤအတၢ်စိတၢ်ကမီၤ, ဒီးအဝဲအ သးဆှၢဃီၤယၤဒီးပာ်လီၤယၤဖဲတြီၤတခါလၢအပှဲၤဒီးတၢ်ဃံတၢ် ကွဲတဖၣ်န့ၣ်လီၤ.

လံာ်ယဃ့းစက့လး 40:6

အန့ၣ်ဝံၤဒီးအဝဲလဲၤဃီၤဆူကျဲစၢၤလၢအဃၣ်အသးဆူမုၢ်ထီၣ် တကပၤန့ၣ်လီၤ. အဝဲလဲၤထီၣ်ဆူအဃီသွါတဖၣ်လိၤဒီးလၢ အဃီခီၣ်ထံးန့ၣ်ထိၣ်ဝဲကျဲစၢၤအကျိၤထံးန့ၣ်လီၤ. အကစီၤထီၣ်ထီဝဲဃုပျၢ်န့ၣ်လီၤ.

လံာ်ယဃ့းစက့လး 41:1

တၢ်န့ၣ်ဝံၤအလီၢ်ခံ, ပှၤတဂၤန့ၣ်ဆှၢယၤဆူဒၢးလၢတၢ်ခၢၣ်သး ကတၢၢ်, လၢအမ့ၢ်တၢ်လီၢ်စီဆှံန့ၣ်လီၤ. အဝဲထိၣ်တၢ်လဲၤထီၣ်က့ၤလီၤအကျိၤလၢ အလဲၤနုာ်ဆူတၢ်လီၢ်အံၤန့ၣ်လီၤ. အကစီၤထီၣ်ထီဝဲဃုပျၢ်,

လံာ်ယဃ့းစက့လး 8:16

လၢတၢ်န့ၣ်အဃိ, အဝဲဆှၢယၤဆူယွၤအတၢ်လုၢ်ဟံၣ်အဂၢၤလၢတၢ်အိ ပူၤတခီလီၤ. ဖဲန့ၣ်, ဘူးဒီးတၢ်လီၢ်စီဆှံအကျဲစၢၤ, လၢတၢ်လုၢ်လီၢ်ဒီးတၢ်ခိၣ်ဒုးထီၣ်ဘးအဘၢၣ်စၢၤန့ၣ်ပှၤကအိၣ်ဝဲ ခံဆံယဲၢ်ဂၤဃၣ်ဃၣ်န့ၣ်လီၤ. အဝဲသ့ၣ်ဒီအချၢလၢတၢ်လီၢ်စီ ဆှံတခီဒီးသကူးလီၤအသးဆူမုၢ်ထီၣ်တခီဒီးဘူၣ်ထီၣ်ဘါထီၣ်မုၢ် လၢအဟဲထီၣ်န့ၣ်လီၤ.

လံာ်ယဃ့းစက့လး 8:3

အဝဲယူာ်ထီၣ်တၢ်လၢအလီၤဂာ်ဖျါဒ်စုတခီအသိးဒီးစှီၤယၤဖဲ ယခိၣ်သူန့ၣ်လီၤ. ဒီးလၢတၢ်ထံၣ်လၢညါခီအံၤအပူၤန့ၣ်, ကစၢ်ယွၤအသးစိာ်ထီၣ်ယၤလၢကလံၤအကျါဒီးဆှၢယၤဆူ ဝ့ၢ်ယရူၤၡလ့ၣ်န့ၣ်လီၤ. အဝဲလဲၤစိာ်ယၤဆူယွၤအတၢ်လုၢ်ဟံၣ် အကလံၤစိးအတြဲၤဆူတၢ်အိပူၤအကျဲစၢၤဖဲတၢ်ဂီၤတၢ်ဖီၣ်အိၣ် ဝဲတခါလၢအမၤသးကဲၤထီၣ်ကစၢ်ယွၤန့ၣ်လီၤ.

လံာ်ဟိၤၡ့ 5:10

ယွၤစံးဝဲဒၣ်, ယသးဒိၣ်ထီၣ်, မ့ၢ်လၢကီၢ်ယူဒၤအခိၣ်အနၢ်တဖၣ် နုာ်လီၤဒုးတ့ၢ်ကီၢ်အံၣ်စရ့လးဒီးဟုၣ်ကွံာ်ထံကီၢ်လၢအအိၣ် အဃိန့ၣ်လီၤ. လၢတၢ်န့ၣ်အဃိ, ယကလူလီၤတၢ်စံၣ်ညီၣ်လၢအဝဲသ့ၣ်တဖၣ်အဖီခိၣ်ဒ် ထံလုၣ်ဘၢတၢ်အသိးန့ၣ်လီၤ.

မၤတၢ် 8:39

တုၤအဝဲသ့ၣ်ဟဲက့ၤထီၣ်လၢထံကျါန့ၣ်ဒီး, ကစၢ်ယွၤအသးဟံးထီၣ်ကွံာ်စီၤဖံလံးပူးန့ၣ်လီၤ. ပဒိၣ်န့ၣ်တထံၣ်လၢၤအီၤနီတဘျီဘၣ်. ဘၣ်ဆၣ်ဒီးက့ၤက့ၤဝဲပှဲၤဒီးတၢ်သူၣ်ခုသးခုန့ၣ်လီၤ.

လံာ်လီၣ်ဖျါ 1:10

ဖဲကစၢ်အမုၢ်တနံၤန့ၣ်, ယွၤအသးစီဆှံပၢၤဃာ်ယၤဒီးယနၢ်ဟူတၢ်အကလုၢ်ဖးဒိၣ် လၢအသီၣ်လီၤဂာ်လၢကွဲၤအကလုၢ်, သီၣ်ထီၣ်ဝဲဒၣ်လၢ ယလီၢ်ခံန့ၣ်လီၤ.