လံာ်ယဃ့းစက့လး 10:6 - Sgaw Karen Common Bible

⁶ ဖဲယွၤမၤလိာ်ပှၤတဂၤလၢအကူကၤဖှီဝါကဆှၣ်ဒ်သိးကဟံးန့ၢ် မ့ၣ်အူတနီၤလၢလ့ၣ်ဖံဘၣ်တဖၣ်အကဆူးလၢအအိၣ်လၢတၢ်ဘၣ်တ့ တဖၣ်အံၤအဖီလာ်န့ၣ်, အဝဲလဲၤနုာ်ဝဲဒီးဆၢထၢၣ်လၢလ့ၣ်ဖံဘၣ်တဖၣ်အကျါတခါအကပၤ န့ၣ်လီၤ.

လံာ်ယဃ့းစက့လး 10:6 Iomraidhean Croise

စံးထီၣ်ပတြၢၤ 80:1

အံၣ်စရ့လးအပှၤကွၢ်သိဧၢ, ဒိကနၣ်ပှၤတက့ၢ်. နဲဒၣ်ပှၤလၢအဆှၢယိၤသးဒ်သိတဖုအသိး, လၢအဆ့ၣ်နီၤကဲစီၤပၤလၢ ခ့ရူာ်တဖၣ်အဘၢၣ်စၢၤတဂၤဧၢ,

စံးထီၣ်ပတြၢၤ 99:1

ယွၤပၢတၢ်, မ်ပှၤကလုာ်တဖၣ်ကနိးကစုာ်တက့ၢ်. အဝဲဆ့ၣ်နီၤပၢတၢ်လၢခ့ရူာ်တဖၣ်အဖီခိၣ်, မ်ဟီၣ်ခိၣ်ဟူးဝးတက့ၢ်.

လံာ်ယဃ့းစက့လး 10:2

ကစၢ်ယွၤစံးဘၣ်ပှၤတဂၤလၢအကူကၤဖှီဝါကဆှၣ်န့ၣ်ဒီးစံးဝဲ, “လဲၤတၢ်လၢလ့ၣ်ဖံဘၣ်အကဆူးလၢတၢ်ဘၣ်တ့တဖၣ်အံၤအဖီလာ်ဒီးမၤ ပှဲၤနစုညါသးဒီးမ့ၣ်အူကဖးတဖၣ်တက့ၢ်. ဝံၤဒီး, မၤလီၤပြံလီၤပြါမ့ၣ်အူကဖးတဖၣ်လၢဝ့ၢ်အဖီခိၣ်န့ၣ်တက့ၢ်. ယကွၢ်အဝဲလဲၤတၢ်န့ၣ်လီၤ.”

လံာ်ယဃ့းစက့လး 10:5

တၢ်အသီၣ်လၢအဟဲထီၣ်လၢတၢ်ဘၣ်တ့တဖၣ်အံၤအဒံးဆ့တဖၣ်န့ၣ်, ဘၣ်တၢ်နၢ်ဟူအီၤလၢယွၤအတၢ်လုၢ်ဟံၣ်အဂၢၤအချၢဒၣ်လဲာ်သ့ဝဲ လီၤ. အတၢ်သီၣ်လီၤဂာ်ဒီးကစၢ်ယွၤသ့တၢ်လၢာ်အကလုၢ်န့ၣ်လီၤ.

လံာ်ယဃ့းစက့လး 10:7

တၢ်ဘၣ်တ့တဖၣ်အကျါတဂၤယူာ်ဃီၤအစုဆူ, မ့ၣ်အူလၢအအိၣ်လၢအဝဲသ့ၣ်အကျါအပူၤ, ထၢထီၣ်မ့ၣ်အူကဖးတနီၤ, ဒီးဒၢနုာ်အီၤဆူပှၤတဂၤလၢအကူကၤတၢ်ဖှီဝါကဆှၣ်အစုပူၤ န့ၣ်လီၤ. ပှၤတဂၤန့ၣ်ဟံးန့ၢ်မ့ၣ်အူကဖးတဖၣ်ဒီးဟးထီၣ်ဝဲလီၤ.

လံာ်ဒၤနံးယ့လး 7:9

ဒီးဖဲယကွၢ်တၢ်အဖၢမုၢ်န့ၣ်, လီၢ်ပစိာ်တဖၣ်ဘၣ်တၢ်ကျဲၤလီၤ ပာ်လီၤအီၤန့ၣ်လီၤ. ပှၤတဂၤလၢအအိၣ်မူတ့ၢ်ဝဲဒၣ်အထူအယိာ် န့ၣ်ဆ့ၣ်နီၤဝဲလၢလီၢ်ပစိာ်တဖၣ်အကျါတဖျၢၣ်အလိၤန့ၣ်လီၤ. အဝဲအတၢ်ကူတၢ်သိးတဖၣ်ဝါဝဲဒၣ်ဒ်မူခိၣ်ဖီအသိးဒီးအခိၣ် သူလီၤဂာ်ဒ်သိဆူၣ်လၢအကဆှီမးန့ၣ်လီၤ. အဝဲအလီၢ်ပစိာ်န့ၣ်ဆီလီၤအသးလၢလ့ၣ်ဖံဘၣ်မ့ၣ်အူတဖၣ်အလိၤ, ဒီးကဲၤကပျီၤလၢမ့ၣ်အူလီၤ.