လံာ်ယဃ့းစက့လး 10:22 - Sgaw Karen Common Bible

²² အဝဲသ့ၣ်အမဲာ်သၣ်တဖၣ်လီၤဂာ်တမံၤဃီဒ်သိးသိးဒၣ်မဲာ်သၣ်တဖၣ်လၢ ယထံၣ်တ့ၢ်အီၤဖဲထံကျိကဘၢ်အကပၤန့ၣ်လီၤ. တၢ်ဘၣ်တ့တဂၤ စုာ်စုာ်သုးအသးလိၤလိၤဘျၢဘျၢဆူတၢ်မဲာ်ညါန့ၣ်လီၤ.

လံာ်ယဃ့းစက့လး 10:22 Iomraidhean Croise

လံာ်ယဃ့းစက့လး 1:1

လၢသၢဆံနံၣ်တနံၣ်, လွံၢ်လါတလါ, လါထီၣ်ယဲၢ်သီတသီန့ၣ်, ယၤ, စီၤဘူၤစံအဖိခွါ, ပှၤလုၢ်တၢ်အခိၣ်စီၤယဃ့းစက့လး အိၣ်ဆိးဒီးပှၤယူဒၤဖိလၢတၢ်စိာ်မၢကဲကုၢ်အီၤတဖၣ်လၢထံ ကျိကဘၢ်အနံၤလၢကီၢ်ဘၤဘူၤလိၣ်အပူၤလီၤ. မူကပိာ်လိၤအိးထီၣ်အသးဒီးယထံၣ်တၢ်ထံၣ်လၢညါခီတမံၤဘၣ်ဃး ဒီးကစၢ်ယွၤလီၤ.

လံာ်ယဃ့းစက့လး 1:10

တၢ်ဘၣ်တ့အမူတဂၤစုာ်စုာ်အိၣ်ဒီးအမဲာ်သၣ်လၢအလီၤဆီလိာ် အသးလွံၢ်ဘ့ၣ်လီၤ. ပှၤကညီအမဲာ်သၣ်လၢတၢ်မဲာ်ညါတကပၤ, ခ့ယုၢ်အမဲာ်သၣ်လၢစုထွဲတကပၤ, ကျီၢ်ဖါအမဲာ်သၣ်လၢစုစ့ၣ် တကပၤ, ဒီးလံာ်ကြီကြၣ်အမဲာ်သၣ်လၢအလီၢ်ခံတကပၤန့ၣ်လီၤ.

လံာ်ယဃ့းစက့လး 1:12

တၢ်ဘၣ်တ့တဂၤစုာ်စုာ်န့ၣ်ကွၢ်ဆၢညါတၢ်ဆူတၢ်အကျိၤလွံၢ်ကပၤ လိာ်, သတးဒီးပှၤတကရူၢ်န့ၣ်လဲၤဝဲဖဲအအဲၣ်ဒိးလဲၤဝဲသ့, ဒီးတလိၣ်အဃၣ်အသးဘၣ်လီၤ.

လံာ်ယဃ့းစက့လး 1:9

တၢ်ဘၣ်တ့တဂၤစုာ်စုာ်အဒံးခံခီသလၣ်ထီၣ်အသးဒ်သိးတၢ်ဘၣ် တ့တဖၣ်ကဒုးကဲထီၣ်တၢ်အက့ၢ်အဂီၤလွံၢ်ကပၤလွံၢ်နၢၣ်ဃူလိာ် အသးလၢအဒံးထိးနါတဖၣ်ထိးလိာ်အသးန့ၣ်လီၤ. ဖဲအဝဲသ့ၣ်သုးအသးဒီး, သုးအသးတကရူၢ်ဃီဒီးတဃၣ်အနီၢ်ခိ တဖၣ်ဘၣ်.

လံာ်ယဃ့းစက့လး 10:11

ဖဲတၢ်ဘၣ်တ့တဖၣ်အံၤသုးအသးန့ၣ်အဝဲသ့ၣ်လဲၤဝဲဖဲအမဲာ်ကွၢ် တၢ်တကျိၤဂ့ၤတကျိၤဂ့ၤသ့, ဒီးဃၣ်အသးအလီၢ်တအိၣ်ဘၣ်. အဝဲသ့ၣ်သုးအသးတပူၤဃီဆူအမဲာ်ကွၢ်တၢ်အကျိၤလၢအဝဲသ့ၣ်သး အိၣ်လဲၤဝဲ, ဒီးအဝဲသ့ၣ်ဃၣ်တရံးအသးအလီၢ်တအိၣ်ဘၣ်.

လံာ်ယဃ့းစက့လး 10:21

အဝဲသ့ၣ်တဂၤစုာ်စုာ်အိၣ်ဒီးအမဲာ်သၣ်လွံၢ်ဘ့ၣ်, အဒံးဆ့လွံၢ်ခီ, ဒီးတၢ်လၢပကွၢ်ဖျါလီၤဂာ်ဒီးပှၤကညီအစုတခီလၢအဒံးဆ့တခီ စုာ်စုာ်အဖီလာ်န့ၣ်လီၤ.

လံာ်ယဃ့းစက့လး 11:1

ကစၢ်ယွၤအသးစိာ်ထီၣ်ယၤဒီးဆှၢယၤဆူ ယွၤအတၢ်လုၢ်ဟံၣ်အတြဲၤလီၤ. ဘူးဒီးတြဲၤဖဲန့ၣ်, ယထံၣ်ဘၣ်ပှၤဃုဆံယဲၢ်ဂၤ, အိၣ်ဃုာ်ဒီးစီၤဧၤစူၢ်အဖိခွါစီၤယၤစါနယၤ, ဒီးစီၤဘနါယၤအဖိခွါစီၤပလၤတယၤ, လၢအမ့ၢ်ပှၤကလုာ်အခိၣ် အနၢ်ခံဂၤန့ၣ်လီၤ.

လံာ်ယဃ့းစက့လး 43:3

တၢ်ထံၣ်လၢညါခီအံၤလီၤဂာ်ဒီးတၢ်တမံၤလၢယထံၣ်တ့ၢ်အီၤဖဲက စၢ်ယွၤဟဲဝဲဒ်သိးကမၤဟးဂီၤဝ့ၢ်ယရူၤၡလ့ၣ်အဂီၢ်ဒီးတဂၤတခါ လၢယထံၣ်ဘၣ်အီၤဖဲထံကျိကဘၢ်အကပၤအသိးန့ၣ်လီၤ. အန့ၣ်ဒီးယထိၣ်ဃံၤလီၤယသးဒီးကျးလီၤယမဲာ်လၢဟီၣ်ခိၣ်လိၤ န့ၣ်လီၤ.

လံာ်ဟိၤၡ့ 14:9

မ်ပှၤလၢအကူၣ်သ့ကိးဂၤဒဲးနၢ်ပၢၢ်တၢ်လၢအကွဲးအသးဖဲအံၤ ဒီးမ်အတိၢ်န့ၢ်ဝဲလၢအသးပူၤန့ၣ်တက့ၢ်. ယွၤအကျဲန့ၣ်မ့ၢ်အဘၣ်ဒီးပှၤဂီၢ်မုၢ်လၢအတီဝဲလိၤဝဲကမူလၢ တၢ်ပိာ်ထွဲအီၤအဃိ, မ့မ့ၢ်ပှၤတၢ်ဒဲးဘးဖိတဖၣ်အခီၣ် ကဘၣ်တိၢ်ဒီးကလီၤဃံၤဝဲမ့ၢ်လၢအဝဲသ့ၣ်လဲၤကပာ်အီၤအဃိန့ၣ် လီၤ.