လံာ်ယဃ့းစက့လး 10:2 - Sgaw Karen Common Bible

² ကစၢ်ယွၤစံးဘၣ်ပှၤတဂၤလၢအကူကၤဖှီဝါကဆှၣ်န့ၣ်ဒီးစံးဝဲ, “လဲၤတၢ်လၢလ့ၣ်ဖံဘၣ်အကဆူးလၢတၢ်ဘၣ်တ့တဖၣ်အံၤအဖီလာ်ဒီးမၤ ပှဲၤနစုညါသးဒီးမ့ၣ်အူကဖးတဖၣ်တက့ၢ်. ဝံၤဒီး, မၤလီၤပြံလီၤပြါမ့ၣ်အူကဖးတဖၣ်လၢဝ့ၢ်အဖီခိၣ်န့ၣ်တက့ၢ်. ယကွၢ်အဝဲလဲၤတၢ်န့ၣ်လီၤ.”

လံာ်ယဃ့းစက့လး 10:2 Iomraidhean Croise

လံာ်စီၤပၤခံဘ့ၣ်တဘ့ၣ် 25:9

အဝဲဒွဲၣ်အူထီၣ်ကွံာ်ယွၤအတၢ်လုၢ်ဟံၣ်, နူၢ်ဧိၤစီၤဧိၤဒီး ကယဲၢ်ပှၤအကါဒိၣ်လၢဝ့ၢ်ယရူၤရှလ့ၣ်ပူၤတဖၣ်အဟံၣ်ခဲလၢာ်,

စံးထီၣ်ပတြၢၤ 140:10

မ်မ့ၣ်အူကဖးလၢဂီၤကဲၤလီၤတဲာ်လၢအလိၤ, မ်အဘၣ်တၢ်တ့ၢ်လီၤကွံာ်အီၤဆူတၢ်ပူၤတပူၤ, ဒီးအသုတဟဲက့ၤထီၣ်က့ၤနီတစုလၢၤတဂ့ၤ.

စံးထီၣ်ပတြၢၤ 18:10

အဝဲဒိးခ့ရူာ်ဒီးယူၤဝဲ, ဟဲဝဲချ့သဒံးလၢကလံၤအဒံးဆ့အဖီခိၣ်လီၤ.

လံာ်တၢ်ဟးထီၣ်ကွံာ် 25:18

မၤထီၣ်တၢ်ဘၣ်တ့အိၣ်ဒီးအဒံးဆ့ခံဂၤလၢထူကိၢ်လိၣ်,

လံာ်ယၡါယၤ 30:30

ယွၤကပျဲပှၤကိးဂၤဒဲးနၢ်ဟူဘၣ်အကလုၢ်ကဟုကညီၢ်ဒီး ကလၢၢ်ဘၣ်အတၢ်သးကဲၤထီၣ်အသဟီၣ်လီၤ. မ့ၣ်အူလၣ်တဖၣ်, တၢ်အၢၣ်အတၢ်သီၣ်ထီၣ်တဖၣ်, သူၣ်အဖျၢၣ်တဖၣ်, ဒီး တၢ်စူၤလီၤဒိၣ်ဒိၣ်မုၢ်မုၢ်တဖၣ်ကအိၣ်ထီၣ်ဝဲန့ၣ်လီၤ.

လံာ်ယဃ့းစက့လး 1:13

လၢတၢ်ဘၣ်တ့တဖၣ်အကျါအံၤ, တၢ်အိၣ်ဝဲတမံၤလၢအအိၣ်ဖျါလီၤဂာ်ဒီးဆှီလၢအကဲၤကပီၤ, ဒီးသုးအသးတပယူာ်ဃီန့ၣ်လီၤ. မ့ၣ်အူကကဲၤကပီၤထီၣ်ဒီးဒုးကပြုၢ်ထီၣ်လီဝၢ်ဒံးန့ၣ်လီၤ.

လံာ်ယဃ့းစက့လး 10:16

ဒီးသုးအသးန့ၣ်လ့ၣ်ဖံဘၣ်တဖၣ်သုးဃုာ်အသးဒီးအဝဲသ့ၣ်န့ၣ် လီၤ. တဘျီလၢ်လၢ် ဖဲအဝဲသ့ၣ်သလၣ်ထီၣ်အဒံးဆ့တဖၣ် လၢကယူၤဝဲအဂီၢ်န့ၣ်, လ့ၣ်ဖံဘၣ်တဖၣ် သုးဒံးဒၣ်အသးဒီးအဝဲသ့ၣ်န့ၣ်လီၤ.

လံာ်ယဃ့းစက့လး 9:11

တုၤနုၤတစု, ပှၤတဂၤလၢအကူကၤဖှီဝါကဆှၣ်န့ၣ်ကဟဲက့ၤ ကဒါက့ၤဒီးပာ်ဖျါက့ၤတၢ်ဆူယွၤအအိၣ်ဒီးစံးဝဲ, ယမၤတ့ၢ်လံတၢ်ဒ်နဟ့ၣ်လီၤနကလုၢ်အသိးန့ၣ်လံ.”

လံာ်ဒၤနံးယ့လး 7:9

ဒီးဖဲယကွၢ်တၢ်အဖၢမုၢ်န့ၣ်, လီၢ်ပစိာ်တဖၣ်ဘၣ်တၢ်ကျဲၤလီၤ ပာ်လီၤအီၤန့ၣ်လီၤ. ပှၤတဂၤလၢအအိၣ်မူတ့ၢ်ဝဲဒၣ်အထူအယိာ် န့ၣ်ဆ့ၣ်နီၤဝဲလၢလီၢ်ပစိာ်တဖၣ်အကျါတဖျၢၣ်အလိၤန့ၣ်လီၤ. အဝဲအတၢ်ကူတၢ်သိးတဖၣ်ဝါဝဲဒၣ်ဒ်မူခိၣ်ဖီအသိးဒီးအခိၣ် သူလီၤဂာ်ဒ်သိဆူၣ်လၢအကဆှီမးန့ၣ်လီၤ. အဝဲအလီၢ်ပစိာ်န့ၣ်ဆီလီၤအသးလၢလ့ၣ်ဖံဘၣ်မ့ၣ်အူတဖၣ်အလိၤ, ဒီးကဲၤကပျီၤလၢမ့ၣ်အူလီၤ.

လံာ်လီၣ်ဖျါ 8:5

အန့ၣ်ဝံၤအလီၢ်ခံ, ကလူးအဝဲန့ၣ်ဟံးန့ၢ်တၢ်ဆိၣ်ကဲၤနၢမူ အလီခီ, မၤပှဲၤဝဲလၢမ့ၣ်အူအိၣ်လၢတၢ်လုၢ်လီၢ်အဖီခိၣ်, ဒီးကွံာ်လီၤဝဲလၢဟီၣ်ခိၣ်အဖီခိၣ်လီၤ. တၢ်သီၣ်ထီၣ်ဝဲဒၣ်ရူၢ်ရူၢ်, လီသီၣ်လီသဲ, လီဝၢ်အဒံး, ဒီးဟီၣ်ခိၣ်ဟူးဝးဆှဲးဆှိးဝဲဒၣ်န့ၣ်လီၤ.