လံာ်ယဃ့းစက့လး 10:19 - Sgaw Karen Common Bible

¹⁹ အဝဲသ့ၣ်သလၣ်ထီၣ်အဒံးဆ့တဖၣ်ဒီးယူၤထီၣ်ဝဲလၢဟီၣ်ခိၣ်အဖီ ခိၣ်ဖဲယကွၢ်တၢ်အဖၢမုၢ်, ဒီးလ့ၣ်ဖံဘၣ်တဖၣ်သုးဃုာ်ဒီးအဝဲသ့ၣ်န့ၣ်လီၤ. အဝဲသ့ၣ်အိၣ်ကတီၢ်တစိၢ်ဖိဖဲယွၤအတၢ်လုၢ်ဟံၣ်မုၢ်ထီၣ်အတြဲၤ, ဒီးတၢ်ကပီၤဆဲးကပြုၢ်ကပြီၤထီၣ်လၢအဝဲသ့ၣ်အဖီခိၣ်လီၤ.

လံာ်ယဃ့းစက့လး 10:19 Iomraidhean Croise

လံာ်ယဃ့းစက့လး 10:1

ယကွၢ်တၢ်ခိၣ်ဒုးဖျၢၣ်သလၢၣ်လၢအအိၣ်လၢတၢ်ဘၣ်တ့ အမူတဖၣ်အဖီခိၣ်ဒီးလၢအဝဲသ့ၣ်အဖီခိၣ်န့ၣ်, တၢ်မၤအသးလီၤဂာ်ဒီးလီၢ်ပစိာ်တခါလၢအဘၣ် တၢ်မၤအီၤလၢတၢ်မျၢ်နံၤလါ, အိၣ်ဝဲလီၤ.

လံာ်ယဃ့းစက့လး 11:1

ကစၢ်ယွၤအသးစိာ်ထီၣ်ယၤဒီးဆှၢယၤဆူ ယွၤအတၢ်လုၢ်ဟံၣ်အတြဲၤလီၤ. ဘူးဒီးတြဲၤဖဲန့ၣ်, ယထံၣ်ဘၣ်ပှၤဃုဆံယဲၢ်ဂၤ, အိၣ်ဃုာ်ဒီးစီၤဧၤစူၢ်အဖိခွါစီၤယၤစါနယၤ, ဒီးစီၤဘနါယၤအဖိခွါစီၤပလၤတယၤ, လၢအမ့ၢ်ပှၤကလုာ်အခိၣ် အနၢ်ခံဂၤန့ၣ်လီၤ.

လံာ်ယဃ့းစက့လး 43:1

ပှၤတဂၤန့ၣ်ဆှၢဃီၤယၤဆူတြဲၤဖးဒိၣ် လၢအကွၢ်တၢ်ဆူမုၢ်ထီၣ်တကပၤ,

လံာ်ယဃ့းစက့လး 43:2

ဒီးဖဲန့ၣ်, ယထံၣ်ဘၣ်အံၣ်စရ့လးအကစၢ်ယွၤအတၢ်အိၣ်ဝဲဆိးဝဲ အတၢ်ကပီၤကပြုၢ်ကပြီၤဟဲဝဲလၢမုၢ်ထီၣ်တခီန့ၣ်လီၤ. ကစၢ်ယွၤ အကလုၢ်န့ၣ်သီၣ်ထီၣ်ဝဲလီၤဂာ်ဒ်ပီၣ်လဲၣ်သီၣ်ထီၣ်ရုၢ်ရုၢ်အသိးဒီး ဟီၣ်ခိၣ်ကပီၤထီၣ်ဝဲဒီးတၢ်ကပီၤကပြုၢ်ကပြီၤန့ၣ်လီၤ.

လံာ်ယဃ့းစက့လး 43:4

တၢ်ကပီၤကပြုၢ်ကပြီၤန့ၣ်လဲၤခီဖျိမုၢ်ထီၣ်အတြဲၤ ဖးဒိၣ်ဒီးလဲၤနုာ်ဆူယွၤအတၢ်လုၢ်ဟံၣ်အပူၤန့ၣ်လီၤ.

လံာ်ယဃ့းစက့လး 8:16

လၢတၢ်န့ၣ်အဃိ, အဝဲဆှၢယၤဆူယွၤအတၢ်လုၢ်ဟံၣ်အဂၢၤလၢတၢ်အိ ပူၤတခီလီၤ. ဖဲန့ၣ်, ဘူးဒီးတၢ်လီၢ်စီဆှံအကျဲစၢၤ, လၢတၢ်လုၢ်လီၢ်ဒီးတၢ်ခိၣ်ဒုးထီၣ်ဘးအဘၢၣ်စၢၤန့ၣ်ပှၤကအိၣ်ဝဲ ခံဆံယဲၢ်ဂၤဃၣ်ဃၣ်န့ၣ်လီၤ. အဝဲသ့ၣ်ဒီအချၢလၢတၢ်လီၢ်စီ ဆှံတခီဒီးသကူးလီၤအသးဆူမုၢ်ထီၣ်တခီဒီးဘူၣ်ထီၣ်ဘါထီၣ်မုၢ် လၢအဟဲထီၣ်န့ၣ်လီၤ.