လံာ်ယဃ့းစက့လး 10:10 - Sgaw Karen Common Bible

¹⁰ လ့ၣ်ဖံဘၣ်တဖၣ်အံၤကပီၤထီၣ်ဝဲဒ်လၢၢ်လုၢ်ဒိၣ်ပှ့ၤဒိၣ်တဖၣ်အ သိး, ဒီးတခါစုာ်စုာ်န့ၣ်လဲၤခီတူာ်လိာ်အသးမၤအသးဒ်လ့ၣ်ဖံဘၣ် တခါအိၣ်ဝဲလၢလ့ၣ်ဖံဘၣ်အဂၤတခါအပူၤအသိးန့ၣ်လီၤ.

လံာ်ယဃ့းစက့လး 10:10 Iomraidhean Croise

လံာ်စီၤပၤအခီၣ်ထံးတဘ့ၣ် 7:30

လ့ၣ်တဆိဘၣ်တဆိစုာ်စုာ်, အိၣ်ဒီးလ့ၣ်ဖံဘၣ်တိၢ်ဘီလွံၢ်ခါဒီး အဝၣ်ရိတိၢ်ဘီတဖၣ်န့ၣ်လီၤ. လၢတၢ်အသနၢၣ်လွံၢ်နၢၣ်န့ၣ်ပၢၢ်တိၢ်ဘီတဖၣ်အိၣ်ဝဲလၢတၢ်ပာ်ထီၣ် သရာ်အဂီၢ်ဝဲ, ဒီးဘၣ်တၢ်ကယၢကယဲစိးပျၤအီၤလၢဖီအတၢ်ဂီၤတဖၣ်န့ၣ်လီၤ.

စံးထီၣ်ပတြၢၤ 104:24

ယွၤဧၢ, နမၤတၢ်အါမံၤလီၤ. နမၤတၢ်ခဲလၢာ်န့ၣ် ပှဲၤမးဒီး တၢ်ကူၣ်သ့မးလဲၣ်. ဟီၣ်ခိၣ်ပှဲၤဝဲဒီး နတၢ်ဘၣ်တ့တဖၣ်လီၤ.

စံးထီၣ်ပတြၢၤ 36:6

နတၢ်တီတၢ်လိၤန့ၣ်လီၤဂာ်ဒီးကစၢၢ်တဖၣ်လၢအအိၣ်ထီၣ်ထီ နတၢ်စံၣ်ညီၣ်တီတဖၣ်န့ၣ် လီၤဂာ်ဒီးပီၣ်လဲၣ်အတၢ်ပူၤယိာ်န့ၣ်လီၤ. ယွၤဧၢ, ပှၤကညီဒီးဆၣ်ဖိကီၢ်ဖိန့ၣ်နကဟုကယာ်အီၤလီၤ.

စံးထီၣ်ပတြၢၤ 97:2

တၢ်အၢၣ်တဖၣ်ဒီးတၢ်ခံးတၢ်နၤအိၣ်ဝးတရံးအီၤ, အဝဲပၢတၢ်လၢတၢ်တီတၢ်လိၤဒီး တၢ်စံၣ်ညီၣ်တီန့ၣ်လီၤ.

လံာ်ယဃ့းစက့လး 1:1

လၢသၢဆံနံၣ်တနံၣ်, လွံၢ်လါတလါ, လါထီၣ်ယဲၢ်သီတသီန့ၣ်, ယၤ, စီၤဘူၤစံအဖိခွါ, ပှၤလုၢ်တၢ်အခိၣ်စီၤယဃ့းစက့လး အိၣ်ဆိးဒီးပှၤယူဒၤဖိလၢတၢ်စိာ်မၢကဲကုၢ်အီၤတဖၣ်လၢထံ ကျိကဘၢ်အနံၤလၢကီၢ်ဘၤဘူၤလိၣ်အပူၤလီၤ. မူကပိာ်လိၤအိးထီၣ်အသးဒီးယထံၣ်တၢ်ထံၣ်လၢညါခီတမံၤဘၣ်ဃး ဒီးကစၢ်ယွၤလီၤ.

လံာ်ယဃ့းစက့လး 1:16

လ့ၣ်ဖံဘၣ်လွံၢ်ခါလၢာ်အံၤလီၤဂာ်လိာ်အသးလီၤ. တခါစုာ်စုာ်ကပီၤထီၣ်ဝဲဒ်လၢၢ်လုၢ်ဒိၣ်ပှ့ၤဒိၣ်တဖျၢၣ်အသိး, ဒီးတခါစုာ်စုာ်လဲၤခီတူာ်လိာ်အသးလၢအဂၤတခါအပူၤ, မၤအသးဒ်လ့ၣ်ဖံဘၣ်တခါအိၣ်ဝဲလၢလ့ၣ်ဖံဘၣ်အဂၤတခါအပူၤ အသိး,

လံာ်ယဃ့းစက့လး 10:11

ဖဲတၢ်ဘၣ်တ့တဖၣ်အံၤသုးအသးန့ၣ်အဝဲသ့ၣ်လဲၤဝဲဖဲအမဲာ်ကွၢ် တၢ်တကျိၤဂ့ၤတကျိၤဂ့ၤသ့, ဒီးဃၣ်အသးအလီၢ်တအိၣ်ဘၣ်. အဝဲသ့ၣ်သုးအသးတပူၤဃီဆူအမဲာ်ကွၢ်တၢ်အကျိၤလၢအဝဲသ့ၣ်သး အိၣ်လဲၤဝဲ, ဒီးအဝဲသ့ၣ်ဃၣ်တရံးအသးအလီၢ်တအိၣ်ဘၣ်.

လံာ်ယဃ့းစက့လး 10:9

ယထံၣ်စ့ၢ်ကီးလၢလ့ၣ်ဖံဘၣ်အိၣ်ဝဲလွံၢ်ခါလၢအလီၤဂာ်လိာ်အသး ဒီးတခါအိၣ်ဝဲလၢတၢ်ဘၣ်တ့တဂၤစုာ်စုာ်အကပၤန့ၣ်လီၤ.

ရိမ့ၤ 11:33

ကစၢ်ယွၤအတၢ်ထူးတၢ်တီၤတဖၣ်ဒိၣ်နီၢ်မးလဲၣ်. အတၢ်ကူၣ်ဘၣ်ကူၣ်သ့ဒီးအတၢ်သ့ၣ်ညါတဖၣ်ယိာ်မးလဲၣ်. အတၢ်စံၣ်ညီၣ်နီၤဖးတဖၣ်မတၤတဲနၢ်ပၢၢ်လၢအဂ့ၢ်ကသ့ တဂၤလဲၣ်. အကျဲတဖၣ်မတၤနၢ်ပၢၢ်ကသ့တဂၤလဲၣ်.