လံာ်ယဃ့းစက့လး 1:8 - Sgaw Karen Common Bible

⁸ လၢအမဲာ်သၣ်လွံၢ်ဘ့ၣ်ဒီးအဒံးလွံၢ်ခီအမဲာ်ညါ, အဝဲသ့ၣ်တဂၤဘၣ်တဂၤစုာ်စုာ်အိၣ်ဒီးပှၤကညီအစုလွံၢ်ခီ, လၢအစုတခီစုာ်စုာ်အိၣ်လၢအဒံးဆ့တခီစုာ်စုာ်အဖီလာ်န့ၣ် လီၤ.

လံာ်ယဃ့းစက့လး 1:8 Iomraidhean Croise

လံာ်ယၡါယၤ 6:6

အန့ၣ်ဒီး, စ့ရၤဖးတဖၣ်အကျါတဂၤယူၤလီၤဝဲဆူယအိၣ်, စိာ်ဝဲဒီးမ့ၣ်အူ ကဖးတကိၢ်လိၣ်လၢအဟံးန့ၢ်ဝဲလၢတၢ်လုၢ်လီၢ်ခီဖျိနီၣ်တံာ်လီၤ.

လံာ်ယဃ့းစက့လး 1:17

ဒ်သိးလ့ၣ်ဖံဘၣ်တဖၣ်သုးအသးဆူတၢ်အကျိၤလွံၢ်ကပၤအကျါ တကျိၤကျိၤကသ့ဝဲအဂီၢ်န့ၣ်လီၤ.

လံာ်ယဃ့းစက့လး 10:11

ဖဲတၢ်ဘၣ်တ့တဖၣ်အံၤသုးအသးန့ၣ်အဝဲသ့ၣ်လဲၤဝဲဖဲအမဲာ်ကွၢ် တၢ်တကျိၤဂ့ၤတကျိၤဂ့ၤသ့, ဒီးဃၣ်အသးအလီၢ်တအိၣ်ဘၣ်. အဝဲသ့ၣ်သုးအသးတပူၤဃီဆူအမဲာ်ကွၢ်တၢ်အကျိၤလၢအဝဲသ့ၣ်သး အိၣ်လဲၤဝဲ, ဒီးအဝဲသ့ၣ်ဃၣ်တရံးအသးအလီၢ်တအိၣ်ဘၣ်.

လံာ်ယဃ့းစက့လး 10:18

ဝံၤဒီးယွၤအိၣ်ဝဲဆိးဝဲအတၢ်ကပီၤကပြုၢ်ကပြီၤဟးထီၣ်ဝဲ လၢယွၤအတၢ်လုၢ်ဟံၣ်အကျဲစၢၤဒီးသုးအသးဆူတၢ်လီၢ်တတီၤလၢ အအိၣ်လၢတၢ်ဘၣ်တ့တဖၣ်အဖီခိၣ်န့ၣ်လီၤ.

လံာ်ယဃ့းစက့လး 10:2

ကစၢ်ယွၤစံးဘၣ်ပှၤတဂၤလၢအကူကၤဖှီဝါကဆှၣ်န့ၣ်ဒီးစံးဝဲ, “လဲၤတၢ်လၢလ့ၣ်ဖံဘၣ်အကဆူးလၢတၢ်ဘၣ်တ့တဖၣ်အံၤအဖီလာ်ဒီးမၤ ပှဲၤနစုညါသးဒီးမ့ၣ်အူကဖးတဖၣ်တက့ၢ်. ဝံၤဒီး, မၤလီၤပြံလီၤပြါမ့ၣ်အူကဖးတဖၣ်လၢဝ့ၢ်အဖီခိၣ်န့ၣ်တက့ၢ်. ယကွၢ်အဝဲလဲၤတၢ်န့ၣ်လီၤ.”

လံာ်ယဃ့းစက့လး 10:21

အဝဲသ့ၣ်တဂၤစုာ်စုာ်အိၣ်ဒီးအမဲာ်သၣ်လွံၢ်ဘ့ၣ်, အဒံးဆ့လွံၢ်ခီ, ဒီးတၢ်လၢပကွၢ်ဖျါလီၤဂာ်ဒီးပှၤကညီအစုတခီလၢအဒံးဆ့တခီ စုာ်စုာ်အဖီလာ်န့ၣ်လီၤ.

လံာ်ယဃ့းစက့လး 8:3

အဝဲယူာ်ထီၣ်တၢ်လၢအလီၤဂာ်ဖျါဒ်စုတခီအသိးဒီးစှီၤယၤဖဲ ယခိၣ်သူန့ၣ်လီၤ. ဒီးလၢတၢ်ထံၣ်လၢညါခီအံၤအပူၤန့ၣ်, ကစၢ်ယွၤအသးစိာ်ထီၣ်ယၤလၢကလံၤအကျါဒီးဆှၢယၤဆူ ဝ့ၢ်ယရူၤၡလ့ၣ်န့ၣ်လီၤ. အဝဲလဲၤစိာ်ယၤဆူယွၤအတၢ်လုၢ်ဟံၣ် အကလံၤစိးအတြဲၤဆူတၢ်အိပူၤအကျဲစၢၤဖဲတၢ်ဂီၤတၢ်ဖီၣ်အိၣ် ဝဲတခါလၢအမၤသးကဲၤထီၣ်ကစၢ်ယွၤန့ၣ်လီၤ.