လံာ်ယဃ့းစက့လး 1:6 - Sgaw Karen Common Bible

⁶ ဘၣ်ဆၣ်ဒီး, အဝဲသ့ၣ်တဂၤဘၣ်တဂၤန့ၣ်, အိၣ်ဒီးအမဲာ်သၣ်လွံၢ်ဘ့ၣ် ဒီးအဒံးဆ့လွံၢ်ခီန့ၣ်လီၤ.

လံာ်ယဃ့းစက့လး 1:6 Iomraidhean Croise

လံာ်တၢ်ဟးထီၣ်ကွံာ် 25:20

တၢ်ဘၣ်တ့အိၣ်ဒီးအဒံးဆ့ခံဂၤအံၤကဘၣ်အိၣ်ကွၢ်လိာ်အမဲာ်လၢ တၢ်အခိၣ်ကၢၢ်တခီစုာ်စုာ်အလိၤဒီးအဒံးဆ့တဖၣ်လၢအသလၣ်ထီၣ် အသးန့ၣ်ကဘၣ်ကျၢၢ်ဘၢတလါအခိၣ်ကၢၢ်န့ၣ်လီၤ.

လံာ်ယၡါယၤ 6:2

စ့ရၤဖးတဖၣ်ဆၢထၢၣ်ဝးတရံးအီၤတဂၤအိၣ်ဒီးအဒံးဆ့ ဃုဘ့ၣ်စုာ်စုာ်လီၤ. မၤဘၢအမဲာ်ခံဘ့ၣ်, ဒီးအနီၢ်ခိခံဘ့ၣ်ဒီးအဂၤခံဘ့ၣ်န့ၣ်သူဝဲလၢကယူၤဝဲအဂီၢ်လီၤ.

လံာ်ယဃ့းစက့လး 1:15

ဖဲယကွၢ်တၢ်ဘၣ်တ့လွံၢ်ဂၤအံၤန့ၣ်, ယထံၣ်ဘၣ်လ့ၣ်ဖံဘၣ်လွံၢ်ခါ လၢအထိးလီၤဘၣ်ဟီၣ်ခိၣ်, တခါအိၣ်လၢတၢ်ဘၣ်တ့တဂၤအကပၤတခီစုာ်စုာ်န့ၣ်လီၤ.

လံာ်ယဃ့းစက့လး 1:23

ဖဲန့ၣ်လၢတၢ်အခိၣ်ဒုးဖျၢၣ်သလၢၣ်အဖီလာ်န့ၣ်, တၢ်ဘၣ်တ့တဖၣ်ဆၢထၢၣ်ဝဲ, တဂၤစုာ်စုာ်သလၣ်ထီၣ်အဒံးခံခီဆူ အဂၤတဂၤလၢအကပၤဒီးမၤဘၢအနီၢ်ကစၢ်ဒီးအဒံးအဂၤခံခီန့ၣ် လီၤ.

လံာ်ယဃ့းစက့လး 10:10

လ့ၣ်ဖံဘၣ်တဖၣ်အံၤကပီၤထီၣ်ဝဲဒ်လၢၢ်လုၢ်ဒိၣ်ပှ့ၤဒိၣ်တဖၣ်အ သိး, ဒီးတခါစုာ်စုာ်န့ၣ်လဲၤခီတူာ်လိာ်အသးမၤအသးဒ်လ့ၣ်ဖံဘၣ် တခါအိၣ်ဝဲလၢလ့ၣ်ဖံဘၣ်အဂၤတခါအပူၤအသိးန့ၣ်လီၤ.

လံာ်ယဃ့းစက့လး 10:14

တၢ်ဘၣ်တ့တဖၣ်စုာ်စုာ်အမဲာ်သၣ်အိၣ်လွံၢ်ဘ့ၣ်လီၤ. အခီၣ်ထံးကတၢၢ်တခါမ့ၢ်ကျီၢ်ဖါအမဲာ်သၣ်, ခံခါတခါမ့ၢ်ခ့ယုၢ် အမဲာ်သၣ်, သၢခါတခါမ့ၢ်ပှၤကညီအမဲာ်သၣ်, ဒီးလွံၢ်ခါတခါမ့ၢ်လံာ်ကြီ ကြာ်အမဲာ်သၣ်န့ၣ်လီၤ.