လံာ်ယဃ့းစက့လး 1:16 - Sgaw Karen Common Bible

¹⁶ လ့ၣ်ဖံဘၣ်လွံၢ်ခါလၢာ်အံၤလီၤဂာ်လိာ်အသးလီၤ. တခါစုာ်စုာ်ကပီၤထီၣ်ဝဲဒ်လၢၢ်လုၢ်ဒိၣ်ပှ့ၤဒိၣ်တဖျၢၣ်အသိး, ဒီးတခါစုာ်စုာ်လဲၤခီတူာ်လိာ်အသးလၢအဂၤတခါအပူၤ, မၤအသးဒ်လ့ၣ်ဖံဘၣ်တခါအိၣ်ဝဲလၢလ့ၣ်ဖံဘၣ်အဂၤတခါအပူၤ အသိး,

လံာ်ယဃ့းစက့လး 1:16 Iomraidhean Croise

လံာ်စီၤပၤအခီၣ်ထံးတဘ့ၣ် 7:33

လ့ၣ်ဖံဘၣ်တဖၣ်လီၤဂာ်ဒီးလ့ၣ်ကဟၣ်အလ့ၣ်ဖံဘၣ်တဖၣ်န့ၣ်လီၤ. အဝၣ်ရိတဖၣ်, အခိၣ်ဒူအကနူၤတဖၣ်, အဒံးတဖၣ်ဒီးအခီၣ်ကျီၤတဖၣ် ဘၣ်တၢ်မၤအီၤလၢတိၢ်ဘီခဲလၢာ်န့ၣ်လီၤ.

လံာ်စီၤယိၤဘး 9:10

အဝဲမၤတၢ်ဒိၣ်တၢ်ထီလၢပှၤကနၢ်ပၢၢ်အီၤတသ့ဒီးတၢ်လီၤ လးတဖၣ်လၢပှၤကဂံၢ်အီၤတသ့ဘၣ်ဒၣ်လဲာ်န့ၣ်လီၤ.

စံးထီၣ်ပတြၢၤ 36:6

နတၢ်တီတၢ်လိၤန့ၣ်လီၤဂာ်ဒီးကစၢၢ်တဖၣ်လၢအအိၣ်ထီၣ်ထီ နတၢ်စံၣ်ညီၣ်တီတဖၣ်န့ၣ် လီၤဂာ်ဒီးပီၣ်လဲၣ်အတၢ်ပူၤယိာ်န့ၣ်လီၤ. ယွၤဧၢ, ပှၤကညီဒီးဆၣ်ဖိကီၢ်ဖိန့ၣ်နကဟုကယာ်အီၤလီၤ.

စံးထီၣ်ပတြၢၤ 40:5

ယွၤပကစၢ်ယွၤဧၢ, နမၤတ့ၢ်တၢ်လီၤလးအါမးလၢပဂီၢ်လီၤ. ပှၤဒ်သိးဒီးနၤတအိၣ်နီတဂၤဘၣ်. နအိၣ်ဒီးတၢ်ကူၣ်ထီၣ်ဖးလီၤလၢ အလီၤလးအါမးလၢပဂီၢ်န့ၣ်လီၤ. ယစံးလၢအဂ့ၢ်တလၢာ်နီတဘျီဘၣ်. အါန့ၢ်ယဂံၢ်သ့တက့ၢ်လီၤ.

လံာ်တၢ်ဟးထီၣ်ကွံာ် 39:13

ဒီးလွံၢ်ဂ့ၢ်တဂ့ၢ်န့ၣ်ထီထီၣ်ဝဲတၢ်မျၢ်လါဟ့တဖျၢၣ်, တၢ်မျၢ်မဟူယၤဂီၤတဖျၢၣ်ဒီးတၢ်မျၢ်နကၤသွဲးတဖျၢၣ်န့ၣ်လီၤ. ဒီးတၢ်မျၢ်တဖၣ်အံၤဘၣ်တၢ်ကွီၤအီၤလၢထူအကွီၤတဖၣ်န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 5:14

အစုတဖၣ်အက့ၢ်အဂီၤဂ့ၤဒိၣ်မး ဒီးအဝဲသိးပသံးတဖၣ်လၢအအိၣ်ဒီးလၢၢ်လုၢ်ဒိၣ်ပှ့ၤဒိၣ်တဖၣ် လီၤ. အနီၢ်ခိလီၤဂာ်ဒ်ကဆီမဲအဘျ့လၢအဘၣ်တၢ်ကယၢကယဲအီၤ ဒီးတၢ်မျၢ်နံၤလါန့ၣ်လီၤ.

လံာ်ဒၤနံးယ့လး 10:6

အနီၢ်ခိကပီၤဒ်တၢ်မျၢ်အသိးလီၤ. အမဲာ်သၣ်ကပြုၢ်ကပြီၤ ဝဲဒ်လီဝၢ်ဒံးတခါအသိး, ဒီးအမဲာ်ချံတဖၣ်ကဲၤက ပျီၤဒ်မ့ၣ်အူအသိးလီၤ. အစုဒုၣ်တဖၣ်ဒီးအခီၣ် တဖၣ်ကပီၤဝဲဒ်တိၢ်ဘီထူးကပီၤသးအသိး, ဒီးအကလုၢ်သီၣ်ဒ်ပှၤ ဂီၢ်မုၢ်ဖးဒိၣ်သီၣ်တထြုးထီၣ်အသိးန့ၣ်လီၤ.

လံာ်ဒၤနံးယ့လး 7:9

ဒီးဖဲယကွၢ်တၢ်အဖၢမုၢ်န့ၣ်, လီၢ်ပစိာ်တဖၣ်ဘၣ်တၢ်ကျဲၤလီၤ ပာ်လီၤအီၤန့ၣ်လီၤ. ပှၤတဂၤလၢအအိၣ်မူတ့ၢ်ဝဲဒၣ်အထူအယိာ် န့ၣ်ဆ့ၣ်နီၤဝဲလၢလီၢ်ပစိာ်တဖၣ်အကျါတဖျၢၣ်အလိၤန့ၣ်လီၤ. အဝဲအတၢ်ကူတၢ်သိးတဖၣ်ဝါဝဲဒၣ်ဒ်မူခိၣ်ဖီအသိးဒီးအခိၣ် သူလီၤဂာ်ဒ်သိဆူၣ်လၢအကဆှီမးန့ၣ်လီၤ. အဝဲအလီၢ်ပစိာ်န့ၣ်ဆီလီၤအသးလၢလ့ၣ်ဖံဘၣ်မ့ၣ်အူတဖၣ်အလိၤ, ဒီးကဲၤကပျီၤလၢမ့ၣ်အူလီၤ.

ရိမ့ၤ 11:33

ကစၢ်ယွၤအတၢ်ထူးတၢ်တီၤတဖၣ်ဒိၣ်နီၢ်မးလဲၣ်. အတၢ်ကူၣ်ဘၣ်ကူၣ်သ့ဒီးအတၢ်သ့ၣ်ညါတဖၣ်ယိာ်မးလဲၣ်. အတၢ်စံၣ်ညီၣ်နီၤဖးတဖၣ်မတၤတဲနၢ်ပၢၢ်လၢအဂ့ၢ်ကသ့ တဂၤလဲၣ်. အကျဲတဖၣ်မတၤနၢ်ပၢၢ်ကသ့တဂၤလဲၣ်.

အ့းဖ့းစူး 3:10

ဒ်သိးဒီးလၢမုၢ်မဆါတနံၤအံၤ, ခီဖျိတၢ်အိၣ်ဖှိၣ်န့ၣ်ယွၤအတၢ်ကူၣ်သ့ကူၣ်ဘၣ်အကလုာ် ကလုာ်ကဘၣ်တၢ်သ့ၣ်ညါမၤလိန့ၢ်အီၤလၢကလူးလၢအပၢတၢ် တဖၣ်ဒီးတၢ်စိတၢ်ကမီၤဘၣ်ဃးမူခိၣ်န့ၣ်လီၤ.