လံာ်ယဃ့းစက့လး 1:15 - Sgaw Karen Common Bible

¹⁵ ဖဲယကွၢ်တၢ်ဘၣ်တ့လွံၢ်ဂၤအံၤန့ၣ်, ယထံၣ်ဘၣ်လ့ၣ်ဖံဘၣ်လွံၢ်ခါ လၢအထိးလီၤဘၣ်ဟီၣ်ခိၣ်, တခါအိၣ်လၢတၢ်ဘၣ်တ့တဂၤအကပၤတခီစုာ်စုာ်န့ၣ်လီၤ.

လံာ်ယဃ့းစက့လး 1:15 Iomraidhean Croise

လံာ်စီၤပၤအခီၣ်ထံးတဘ့ၣ် 7:30

လ့ၣ်တဆိဘၣ်တဆိစုာ်စုာ်, အိၣ်ဒီးလ့ၣ်ဖံဘၣ်တိၢ်ဘီလွံၢ်ခါဒီး အဝၣ်ရိတိၢ်ဘီတဖၣ်န့ၣ်လီၤ. လၢတၢ်အသနၢၣ်လွံၢ်နၢၣ်န့ၣ်ပၢၢ်တိၢ်ဘီတဖၣ်အိၣ်ဝဲလၢတၢ်ပာ်ထီၣ် သရာ်အဂီၢ်ဝဲ, ဒီးဘၣ်တၢ်ကယၢကယဲစိးပျၤအီၤလၢဖီအတၢ်ဂီၤတဖၣ်န့ၣ်လီၤ.

လံာ်ယဃ့းစက့လး 1:6

ဘၣ်ဆၣ်ဒီး, အဝဲသ့ၣ်တဂၤဘၣ်တဂၤန့ၣ်, အိၣ်ဒီးအမဲာ်သၣ်လွံၢ်ဘ့ၣ် ဒီးအဒံးဆ့လွံၢ်ခီန့ၣ်လီၤ.

လံာ်ယဃ့းစက့လး 10:2

ကစၢ်ယွၤစံးဘၣ်ပှၤတဂၤလၢအကူကၤဖှီဝါကဆှၣ်န့ၣ်ဒီးစံးဝဲ, “လဲၤတၢ်လၢလ့ၣ်ဖံဘၣ်အကဆူးလၢတၢ်ဘၣ်တ့တဖၣ်အံၤအဖီလာ်ဒီးမၤ ပှဲၤနစုညါသးဒီးမ့ၣ်အူကဖးတဖၣ်တက့ၢ်. ဝံၤဒီး, မၤလီၤပြံလီၤပြါမ့ၣ်အူကဖးတဖၣ်လၢဝ့ၢ်အဖီခိၣ်န့ၣ်တက့ၢ်. ယကွၢ်အဝဲလဲၤတၢ်န့ၣ်လီၤ.”

လံာ်ယဃ့းစက့လး 10:9

ယထံၣ်စ့ၢ်ကီးလၢလ့ၣ်ဖံဘၣ်အိၣ်ဝဲလွံၢ်ခါလၢအလီၤဂာ်လိာ်အသး ဒီးတခါအိၣ်ဝဲလၢတၢ်ဘၣ်တ့တဂၤစုာ်စုာ်အကပၤန့ၣ်လီၤ.

လံာ်ယဃ့းစက့လး 3:13

ယနၢ်ဟူဘၣ်တၢ်ဘၣ်တ့တဖၣ် အဒံးဆ့ဘၣ်ထံးလိာ်သးလၢ ကလံၤကျါအသီၣ်, ဒီးလ့ၣ်ဖံဘၣ်တဖၣ်အသီၣ်, လၢအသီၣ်ဝဲ ဒိၣ်ထဲသိး ဟီၣ်ခိၣ်ဟူးအသီၣ်န့ၣ်လီၤ.

လံာ်ဒၤနံးယ့လး 7:9

ဒီးဖဲယကွၢ်တၢ်အဖၢမုၢ်န့ၣ်, လီၢ်ပစိာ်တဖၣ်ဘၣ်တၢ်ကျဲၤလီၤ ပာ်လီၤအီၤန့ၣ်လီၤ. ပှၤတဂၤလၢအအိၣ်မူတ့ၢ်ဝဲဒၣ်အထူအယိာ် န့ၣ်ဆ့ၣ်နီၤဝဲလၢလီၢ်ပစိာ်တဖၣ်အကျါတဖျၢၣ်အလိၤန့ၣ်လီၤ. အဝဲအတၢ်ကူတၢ်သိးတဖၣ်ဝါဝဲဒၣ်ဒ်မူခိၣ်ဖီအသိးဒီးအခိၣ် သူလီၤဂာ်ဒ်သိဆူၣ်လၢအကဆှီမးန့ၣ်လီၤ. အဝဲအလီၢ်ပစိာ်န့ၣ်ဆီလီၤအသးလၢလ့ၣ်ဖံဘၣ်မ့ၣ်အူတဖၣ်အလိၤ, ဒီးကဲၤကပျီၤလၢမ့ၣ်အူလီၤ.

လံာ်လီၣ်ဖျါ 4:7

အဆိကတၢၢ်တဒုန့ၣ်လီၤဂာ်ဒီးခ့ယုၢ်, ခံဒုတဒုန့ၣ်လီၤဂာ်ဒီးကျီၢ်ဖါ, သၢဒုတဒုန့ၣ်အိၣ်ဒီးအမဲာ်သၣ်လၢအလီၤဂာ်ပှၤကညီအမဲာ် သၣ်, ဒီးလွံၢ်ဒုတဒုန့ၣ်လီၤဂာ်ဒီးလံာ်ကြီကြၣ်ယူၤလၢတၢ်ဖးဖီ န့ၣ်လီၤ.