လံာ်ယဃ့းစက့လး 1:13 - Sgaw Karen Common Bible

¹³ လၢတၢ်ဘၣ်တ့တဖၣ်အကျါအံၤ, တၢ်အိၣ်ဝဲတမံၤလၢအအိၣ်ဖျါလီၤဂာ်ဒီးဆှီလၢအကဲၤကပီၤ, ဒီးသုးအသးတပယူာ်ဃီန့ၣ်လီၤ. မ့ၣ်အူကကဲၤကပီၤထီၣ်ဒီးဒုးကပြုၢ်ထီၣ်လီဝၢ်ဒံးန့ၣ်လီၤ.

လံာ်ယဃ့းစက့လး 1:13 Iomraidhean Croise

လံာ်တၢ်ကဲထီၣ်အခီၣ်ထံး 15:17

ဒီးတုၤမုၢ်လီၤနုာ်တ့ၢ်လံဒီးတၢ်ခံးလီၤယုၢ်ကလာ်န့ၣ်မ့ၣ်အူ လုၢ်အသပၢၤတဖျၢၣ်ဒီးဆှီကဲၤကပျီၤတဘိအိၣ်ဖျါထီၣ်သတူၢ်ကလာ် ခီဂာ်တ့ၢ်ဖဲဆၣ်ဖိကီၢ်ဖိအကူာ်တဖၣ်အဘၢၣ်စၢၤန့ၣ်လီၤ.

စံးထီၣ်ပတြၢၤ 104:4

နသူကလံၤတဖၣ်ဒ် နပှၤစိာ်တၢ်ကစီၣ်တဖၣ်အသိး ဒီးလီဝၢ်ဒံးတဖၣ်အတၢ်ကပြ့ၢ်ထီၣ်ဒ် နခ့နပှၤတဖၣ်အသိးန့ၣ်လီၤ.

လံာ်ယဃ့းစက့လး 1:7

အခိၣ်တဖၣ်ဘျၢဝဲ, ဒီးအဝဲသ့ၣ်အိၣ်ဒီးခီၣ်မ့ၣ်တဖၣ်ဒ်ကျီၢ်ဖါတ ဒုအသိးဒီးကပြုၢ်ကပြီၤထီၣ်ဝဲဒ်တိၢ်ဘီလၢအဘၣ်တၢ်ထူးဘျ့ တ့ၢ်အီၤအသိးန့ၣ်လီၤ.

လံာ်ယဃ့းစက့လး 10:2

ကစၢ်ယွၤစံးဘၣ်ပှၤတဂၤလၢအကူကၤဖှီဝါကဆှၣ်န့ၣ်ဒီးစံးဝဲ, “လဲၤတၢ်လၢလ့ၣ်ဖံဘၣ်အကဆူးလၢတၢ်ဘၣ်တ့တဖၣ်အံၤအဖီလာ်ဒီးမၤ ပှဲၤနစုညါသးဒီးမ့ၣ်အူကဖးတဖၣ်တက့ၢ်. ဝံၤဒီး, မၤလီၤပြံလီၤပြါမ့ၣ်အူကဖးတဖၣ်လၢဝ့ၢ်အဖီခိၣ်န့ၣ်တက့ၢ်. ယကွၢ်အဝဲလဲၤတၢ်န့ၣ်လီၤ.”

လံာ်ဒၤနံးယ့လး 7:9

ဒီးဖဲယကွၢ်တၢ်အဖၢမုၢ်န့ၣ်, လီၢ်ပစိာ်တဖၣ်ဘၣ်တၢ်ကျဲၤလီၤ ပာ်လီၤအီၤန့ၣ်လီၤ. ပှၤတဂၤလၢအအိၣ်မူတ့ၢ်ဝဲဒၣ်အထူအယိာ် န့ၣ်ဆ့ၣ်နီၤဝဲလၢလီၢ်ပစိာ်တဖၣ်အကျါတဖျၢၣ်အလိၤန့ၣ်လီၤ. အဝဲအတၢ်ကူတၢ်သိးတဖၣ်ဝါဝဲဒၣ်ဒ်မူခိၣ်ဖီအသိးဒီးအခိၣ် သူလီၤဂာ်ဒ်သိဆူၣ်လၢအကဆှီမးန့ၣ်လီၤ. အဝဲအလီၢ်ပစိာ်န့ၣ်ဆီလီၤအသးလၢလ့ၣ်ဖံဘၣ်မ့ၣ်အူတဖၣ်အလိၤ, ဒီးကဲၤကပျီၤလၢမ့ၣ်အူလီၤ.

လံာ်မးသဲ 28:3

ကလူးအံၤအမဲာ်မၤအသးဒ်လီဝၢ်ဒံးအသိး, ဒီးအကူအသိးတဖၣ်ဝါဝဲဒ်မူခိၣ်ဖီအသိးန့ၣ်လီၤ.

၂ သ့းစၤလနံ 1:7

အဝဲဒၣ်ကမၤမုာ်ထီၣ်က့ၤသုဝဲလၢအတူၢ်ဘၣ်တၢ်နး တၢ်ဖှီၣ်, ဒီးပဝဲဒၣ်စ့ၢ်ကီးလီၤ. အဝဲဒၣ်ကမၤတၢ်အံၤဖဲကစၢ်ယ့ၣ်ၡူးအိၣ်ဖျါထီၣ်လၢမူခိၣ်ဃုာ် ဒီးအကလူးလၢအအိၣ်ဒီးအစိအကမီၤတဖၣ်,

လံာ်လီၣ်ဖျါ 10:1

တၢ်န့ၣ်ဝံၤအလီၢ်ခံ, ယထံၣ်ဘၣ်ကလူးလၢအဂံၢ်ဆူၣ်ဘါဆူၣ်အဂၤတဂၤဟဲလီၤ လၢမူခိၣ်န့ၣ်လီၤ. အဝဲဒၣ်ဘၣ်တၢ်ကးဘၢဃာ်အီၤလၢတၢ်အၢၣ် တလိၣ်, ဒီးအိၣ်ဝဲဒီးတၢၢ်ကွဲၤတဘိလၢအအိၣ်ဝးတရံးအဝဲဒၣ် အခိၣ်န့ၣ်လီၤ. အဝဲအမဲာ်သၣ်လီၤဂာ်လၢမုၢ်, ဒီးအခီၣ်လီၤဂာ်လၢမ့ၣ်အူအထူၣ်တဖၣ်လီၤ.

လံာ်လီၣ်ဖျါ 18:1

တၢ်န့ၣ်ဝံၤအလီၢ်ခံ, ယထံၣ်ကလူးအဂၤတဂၤဟဲလီၤလၢမူ ခိၣ်လီၤ. အဝဲဒၣ်အိၣ်ဒီးတၢ်စိဒိၣ်ကမီၤထီ, ဒီးဟီၣ်ခိၣ်ကပြုၢ်ကပြီၤထီၣ်ဝဲဒီဘ့ၣ်ညါ, လၢအတၢ်ကပြုၢ် ကပြီၤအဃိလီၤ.

လံာ်လီၣ်ဖျါ 4:5

လၢလီၢ်ပစိာ်တဖျၢၣ်န့ၣ်အပူၤ, လီဝၢ်ဒံး, ဒီးတၢ်အကလုၢ်သီၣ်ရုၢ်ရုၢ်ဒီးလီသီၣ်လီသဲအကလုၢ်တဖၣ် ဟဲထီၣ်ဝဲန့ၣ်လီၤ. ဖဲလီၢ်ပစိာ်အမဲာ်ညါန့ၣ်ဆှီနွံဘိဘၣ် တၢ်မၤကဲၤကပီၤထီၣ်အီၤ, လၢအမ့ၢ်ဝဲယွၤအသးနွံဖျၢၣ်န့ၣ်လီၤ.