လံာ်ယဃ့းစက့လး 1:10 - Sgaw Karen Common Bible

¹⁰ တၢ်ဘၣ်တ့အမူတဂၤစုာ်စုာ်အိၣ်ဒီးအမဲာ်သၣ်လၢအလီၤဆီလိာ် အသးလွံၢ်ဘ့ၣ်လီၤ. ပှၤကညီအမဲာ်သၣ်လၢတၢ်မဲာ်ညါတကပၤ, ခ့ယုၢ်အမဲာ်သၣ်လၢစုထွဲတကပၤ, ကျီၢ်ဖါအမဲာ်သၣ်လၢစုစ့ၣ် တကပၤ, ဒီးလံာ်ကြီကြၣ်အမဲာ်သၣ်လၢအလီၢ်ခံတကပၤန့ၣ်လီၤ.

လံာ်ယဃ့းစက့လး 1:10 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 12:8

အအံၤမ့ၢ်ပှၤသုးဖိလၢအမံၤဟူသၣ်ဖျါဒီးအိၣ်ဒီးအတၢ်လဲၤခီ ဖျိသ့ၣ်တဖၣ်လၢပှၤကးအဒူၣ်ဖိအကျါလၢအပာ်ဖှိၣ်အသးဒီးစီၤဒၤဝံး အသုးမုၢ်ဖဲအဝဲအိၣ်ဝဲဆိးဝဲလၢတိာ်လၢပှၢ်လၢ်ကျါန့ၣ်လီၤ. အဝဲသ့ၣ်မ့ၢ်ပှၤသ့ပှၤဘၣ်လၢကတီၤဒီးဘီသ့ၣ်တဖၣ်, ဒီးမ့ၢ်ပှၤတဖၣ်လၢအမဲာ်အိၣ်ဖျါလီၤပျံၤဒ်ခ့ယုၢ်တဖၣ်အသိးပှၤ လဲၤတၢ်ချ့ဒ်တၤဟိစဘံလၢကစၢၢ်လိၤအသိးန့ၣ်လီၤ.

လံာ်စီၤယိၤဘး 39:27

လံာ်ကြီကြာ်တဘ့ၣ်, မ့ၢ်အခိးနတၢ်မၤလိာ်ဖဲအကမၤထီၣ် အသွံထီထီလၢကစၢၢ်တဖၣ်အကျါန့ၣ်ဧါ.

တၢ်ကတိၤဒိ. 14:4

ကျီၢ်ဖါတဖၣ်မ့ၢ်တအိၣ်လၢထဲၣ်တၢ်အဂီၢ်ဘၣ်ဒီး, နသိၣ်နဖီ ကအိၣ်ကလီဝဲလီၤ. မ့မ့ၢ်, တၢ်မၤသကိးဃုာ်တၢ်ဒီးအဝဲ သ့ၣ်န့ၣ်, ကမၤပှဲၤနသိၣ်နဖီလၢဘုဧိၤဟုဧိၤလီၤ.

လံာ်ယၡါယၤ 40:31

မ့မ့ၢ်ပှၤလၢအနာ်ယွၤ, လၢတၢ်မၤစၢၤအဂီၢ်တဖၣ်န့ၣ်ကထံၣ်ဝဲလၢ အတၢ်ဂံၢ်တၢ်ဘါဘၣ်တၢ်မၤသီထီၣ်က့ၤအီၤန့ၣ်လီၤ. ကယူာ်ထီၣ်အဒံးဆ့တဖၣ်ဒ်လံာ်ဧိၤတြၤဧိၤအသိးလီၤ. ကဃ့ၢ်ဝဲဒီးအသးတလီၤစၢ်လီၤဘှါဘၣ်. အဝဲသ့ၣ်ကလဲၤတၢ်ဒီးအဂံၢ်အဘါတလီၤစၢ်ဝဲဘၣ်.

လံာ်ယၡါယၤ 46:8

သ့ၣ်နီၣ်ထီၣ်က့ၤတၢ်အံၤ, သုဝဲပှၤမၤတၢ်ဒဲးဘးဖိသ့ၣ်ဧၢ. ကွၢ်ဆိကမိၣ်တၢ်လၢယမၤတ့ၢ်န့ၣ်တက့ၢ်.

လံာ်ယဃ့းစက့လး 1:6

ဘၣ်ဆၣ်ဒီး, အဝဲသ့ၣ်တဂၤဘၣ်တဂၤန့ၣ်, အိၣ်ဒီးအမဲာ်သၣ်လွံၢ်ဘ့ၣ် ဒီးအဒံးဆ့လွံၢ်ခီန့ၣ်လီၤ.

လံာ်ယဃ့းစက့လး 10:14

တၢ်ဘၣ်တ့တဖၣ်စုာ်စုာ်အမဲာ်သၣ်အိၣ်လွံၢ်ဘ့ၣ်လီၤ. အခီၣ်ထံးကတၢၢ်တခါမ့ၢ်ကျီၢ်ဖါအမဲာ်သၣ်, ခံခါတခါမ့ၢ်ခ့ယုၢ် အမဲာ်သၣ်, သၢခါတခါမ့ၢ်ပှၤကညီအမဲာ်သၣ်, ဒီးလွံၢ်ခါတခါမ့ၢ်လံာ်ကြီ ကြာ်အမဲာ်သၣ်န့ၣ်လီၤ.

လံာ်ယဃ့းစက့လး 41:19

ပှၤကညီအမဲာ်သၣ်လၢအဃၣ်ဃီၤအသးဆူသ့ၣ်စူၣ်ပလိၣ်တထံး အအိၣ်ဒီးခ့ယုၢ်အမဲာ်သၣ်လၢအဃၣ်အသးဆူသ့ၣ်စူၣ်ပလိၣ် အဂၤတထံးအအိၣ်န့ၣ်လီၤ. တၢ်န့ၣ်မၤအသးဒ်အံၤအသိး ဝးတရံးတၢ်အဒူၣ်

လံာ်ဒၤနံးယ့လး 7:4

အခီၣ်ထံးတဒုလီၤဂာ်ဒီးခ့ယုၢ်တဒု, ဘၣ်ဆၣ်အိၣ်ဒီးအဒံးဆ့ တဖၣ်ဒ်လံာ်ကြီကြာ်တဘ့ၣ်အသိးန့ၣ်လီၤ. ဖဲယခိးကွၢ်တၢ်အဖၢမုၢ်န့ၣ်အဒံးတဖၣ်ယာ်ဖျ့ကွံာ်ခဲလၢာ် လီၤ. ဒီးဆၣ်ဖိကီၢ်ဖိအၢအၢသီသီန့ၣ်ဘၣ်တၢ်ဝံၢ်ထီၣ် အီၤဒီးဒုးဆၢထၢၣ်အီၤဒ်ပှၤကညီတဂၤအသိးန့ၣ်လီၤ. အန့ၣ်ဝံၤဒီးဘၣ်တၢ်ဟ့ၣ်လီၤအီၤလၢပှၤကညီအသးန့ၣ်လီၤ.

လံာ်တၢ်ဂံၢ် 2:10

လၢကလံၤထံးတခီန့ၣ်, ပှၤလၢအိၣ်လၢရူၤဘ့ၣ်အနီၣ်တယၢ်အဖီလာ် ကပာ်လီၤအသူၣ်ဒဲလီၢ်အဒဲလၢအပှၤကရူၢ်တဖၣ်ဒၣ်ဝဲအပူၤ, လၢအပှၤခိၣ်ပှၤနၢ်တဖၣ်အဖီလာ်ဒ်လၢလာ်အံၤအသိးလီၤ. ရူၤဘ့ၣ်အကရူၢ်, အပှၤအခိၣ်မ့ၢ်, စီၤၡဒ့အူၢ်အဖိခွါစီၤအလံစူၢ်, ဒီးအပှၤ လွံၢ်ကလးဃုကထိယဲၢ်ကယၤဂၤ. စူၤမ့းအိၣ်အကရူၢ်, အပှၤအခိၣ်မ့ၢ်, စီၤၡလူမံၤအ့လးအဖိခွါ စီၤစူၤရံၡးဒံၤ, ဒီးအပှၤ ယဲၢ်ကလးခွံကထိသၢကယၤဂၤ. ကးအကရူၢ်, အပှၤအခိၣ်မ့ၢ်, စီၤဒဧူၤအ့လးအဖိခွါစီၤအ့လယၤ စာ်, ဒီးအပှၤလွံၢ်ကလးယဲၢ်ကထိဃုကယၤယဲၢ်ဆံဂၤ. ပှၤအနီၣ်ဂံၢ်ပာ်ဖှိၣ်ခဲလၢာ်မ့ၢ်ဝဲ, တကလီၢ်ယဲၢ်ကလးတကထိလွံၢ် ကယၤယဲၢ်ဆံဂၤန့ၣ်လီၤ. ရူၤဘ့ၣ်အကရူၢ်ကလဲၤထီၣ်ဝဲခံဖုတဖုလီၤ.

လံာ်တၢ်ဂံၢ် 2:18

လၢမုၢ်နုာ်တခီန့ၣ်, ပှၤလၢအအိၣ်လၢအ့ဖရဲၣ်ကရူၢ်အနီၣ်တယၢ်အဖီ လာ်န့ၣ်ကပာ်လီၤအသူၣ်ဒဲလီၢ်လၢအကရူၢ်တဖၣ်ဒၣ်ဝဲ အပူၤလၢအကရူၢ်ခိၣ်နၢ်အဖီလာ်ဒ်လၢလာ်အံၤအသိးန့ၣ်လီၤ. အ့ဖရဲၣ်အကရူၢ်အပှၤအခိၣ်မ့ၢ် စီၤဧးမံၤဟူးအဖိခွါစီၤအလံၡမၤ, ဒီးအပှၤ လွံၢ်ကလးယဲၢ်ကယၤဂၤ. မနၤၡ့ၤအကရူၢ်အပှၤအခိၣ်မ့ၢ်စီၤပၤဒၤစူၢ်အဖိခွါစီၤကမၤလ့လး, ဒီးအပှၤ သၢကလးခံကထိခံကယၤဂၤ. ဘံၣ်ယၤမံၣ် အကရူၢ်အပှၤအခိၣ်မ့ၢ် စီၤကံးဒဧိနံၤအဖိခွါစီၤ အဘံဒၣ်, ဒီးအပှၤ သၢကလးယဲၢ်ကထိလွံၢ်ကယၤဂၤ. ပှၤအနီၣ်ဂံၢ် ပာ်ဖှိၣ်ခဲလၢာ်မ့ၢ်ဝဲ, တကလီၢ်ဃိးကထိတကယၤ ဂၤန့ၣ်လီၤ. အ့ဖရဲၣ်အကရူၢ်ကလဲၤထီၣ်ဝဲသၢဖုတဖုလီၤ.

လံာ်တၢ်ဂံၢ် 2:25

လၢကလံၤစိးတကပၤန့ၣ်, ပှၤလၢအအိၣ်လၢဒၣ်အကရူၢ်အနီၣ် တယၢ်အဖီလာ်ကပာ်လီၤအသူၣ်ဒဲလီၢ်လၢအကရူၢ်တဖၣ်ဒၣ်ဝဲ အပူၤ, လၢအခိၣ်အနၢ်တဖၣ်အဖီလာ်ဒ်လၢလာ်အံၤအသိးန့ၣ်လီၤ. ဒၣ်အကရူၢ်အပှၤအခိၣ်မ့ၢ် စီၤဧးမံၤၡးဒံၤအဖိခွါစီၤအဃံၤဧ့စ့ၢ်, ဒီးအပှၤ ဃုကလးခံကထိနွံကယၤဂၤ. အၤၡ့ၢ်အကရူၢ်အပှၤအခိၣ်မ့ၢ် စီၤဧးကရၣ်အဖိခွါစီၤပးကံၤအ့လး, ဒီးအပှၤ လွံၢ်ကလးတကထိယဲၢ်ကယၤဂၤ. နးသၤလံ အကရူၢ်အပှၤအခိၣ်မ့ၢ်စီၤဧ့နၣ်အဖိခွါစီၤအဃံရၤ, ဒီးအပှၤ ယဲၢ်ကလးသၢကထိလွံၢ်ကယၤဂၤ. ပှၤအနီၣ်ဂံၢ် ပာ်ဖှိၣ်ခဲလၢာ်မ့ၢ်ဝဲ, တကလီၢ်ယဲၢ်ကလးနွံကထိဃု ကယၤဂၤန့ၣ်လီၤ. ဒၣ်အကရူၢ်ကလဲၤထီၣ်ဝဲလၢလီၢ်ခံကတၢၢ်န့ၣ်လီၤ.

လံာ်တၢ်ဂံၢ် 2:3

လၢမုၢ်ထီၣ်တကပၤန့ၣ်ပှၤလၢအအိၣ်လၢယူဒၤအကရူၢ်အနီၣ်တယၢ်အဖီ လာ်တဖၣ်ကပာ်လီၤအသူၣ်ဒဲလီၢ်လၢအပှၤကရူၢ်တဖၣ်ဒၣ်ဝဲအပူၤ, လၢအပှၤခိၣ်ပှၤနၢ်တဖၣ်အဖီလာ်ဒ်လၢလာ်အံၤအသိးန့ၣ်လီၤ. ယူဒၤအကရူၢ်, အပှၤအခိၣ်မ့ၢ်, စီၤဧမံၤနဒးအဖိခွါစီၤနၤဃၡိၣ်, ဒီးအပှၤခဲလၢာ် နွံကလးလွံၢ်ကထိဃုကယၤ ဂၤန့ၣ်လီၤ. ယံးစၣ်ကၢ် အကရူၢ်, အပှၤအခိၣ်မ့ၢ်, စီၤစူဧၢ်အဖိခွါစီၤနၤသန့လး, ဒီးအပှၤခဲလၢာ် ယဲၢ်ကလးလွံၢ်ကထိလွံၢ်ကယၤဂၤန့ၣ်လီၤ. စဘူလိၣ်အကရူၢ်, အပှၤအခိၣ်မ့ၢ်, စီၤဃ့လူၣ်အဖိခွါစီၤအလံအာ်, ဒီးအပှၤခဲလၢာ် ယဲၢ်ကလးနွံကထိလွံၢ်ကယၤ ဂၤန့ၣ်လီၤ. ပှၤနီၣ်ဂံၢ် ပာ်ဖှိၣ်ခဲလၢာ်မ့ၢ်ဝဲ, တကလီၢ်ဃိးကလးဃုကထိလွံၢ် ကယၤဂၤ န့ၣ်လီၤ. ယူဒၤအကရူၢ်ကလဲၤထီၣ်ဝဲလၢညါလီၤ.

လံာ်လူၤကၣ် 15:10

ဒ်န့ၣ်အသိးယစံးဘၣ်တဲဘၣ်သု, ကစၢ်ယွၤအကလူးတဖၣ်သူၣ်ခု သးခုလၢပှၤတၢ်ဒဲးဘးဖိတဂၤလၢအပီၢ်ယၢ်လီၤက့ၤအသး အဃိန့ၣ်လီၤ.”

1 ကရံၣ်သူး 14:20

ယဒီပုၢ်ဝဲၢ်သ့ၣ်ဧၢ, တဘၣ်လီၤဂာ်ဒီးဖိသၣ်တဖၣ်လၢသုတၢ်ဆိကမိၣ်ဆိကမး အပူၤတဂ့ၤ, ဖဲလၢအဘၣ်ဃးဒီးတၢ်အၢတၢ်သီန့ၣ်လီၤဂာ်ဒီးဖိဒံဖိသၣ်, မ့မ့ၢ်လၢသုတၢ်ဆိကမိၣ်ဆိကမးအပူၤန့ၣ်ကဲပှၤဒိၣ်တုာ်ခိၣ်ပှဲၤ တဖၣ်တက့ၢ်.

လံာ်သိၣ်လီၤသီလီၤတၢ် 28:49

ယွၤကဟဲစိာ်ပှၤကလုာ်တကလုာ်လၢဟီၣ်ခိၣ်အကတၢၢ်တခီလၢကထီဒါသု, ပှၤကလုာ်တကလုာ်လၢသုတသ့ၣ်ညါဘၣ်အကျိာ်န့ၣ်လီၤ. ဒ်လံာ်ကြီကြာ်တဘ့ၣ်အသိး, အဝဲသ့ၣ်ကဟဲသဖှိဃီၤဖီၣ်စှီၤန့ၢ်သုန့ၣ်လီၤ.

လံာ်လီၣ်ဖျါ 4:7

အဆိကတၢၢ်တဒုန့ၣ်လီၤဂာ်ဒီးခ့ယုၢ်, ခံဒုတဒုန့ၣ်လီၤဂာ်ဒီးကျီၢ်ဖါ, သၢဒုတဒုန့ၣ်အိၣ်ဒီးအမဲာ်သၣ်လၢအလီၤဂာ်ပှၤကညီအမဲာ် သၣ်, ဒီးလွံၢ်ဒုတဒုန့ၣ်လီၤဂာ်ဒီးလံာ်ကြီကြၣ်ယူၤလၢတၢ်ဖးဖီ န့ၣ်လီၤ.

လံာ်လီၣ်ဖျါ 5:5

တုၤနုၤတစု ပှၤသူၣ်က့သးပှၢ်အကျါတဂၤစံးဘၣ်ယၤ, “တဘၣ်ဟီၣ်တဂ့ၤ. ကွၢ်တက့ၢ်. ခ့ယုၢ်လၢစီၤယူဒၤအဒူၣ် အထၢအပူၤ, ပှၤဖးဒိၣ်လၢအဟဲလီၤစၢၤလၢစီၤဒၤဝံးတဂၤန့ၣ်, ဒိးန့ၢ်ဘၣ်တၢ်မၤနၢၤလံ, ဒီးအဝဲဒၣ်မၤသ့ၣ်ဖးတၢ်စဲပနီၣ်ဃာ်နွံခါဒီးအိးထီၣ်လံာ်ထူ န့ၣ်သ့ဝဲလီၤ.”

လံာ်ပှၤစံၣ်ညီၣ်ကွီၢ် 14:18

မၤသးဒ်န့ၣ်ဒီး, လၢမူးနွံနံၤတနံၤတချုးလၢစီၤၡံၣ်ၡိၣ်နုာ် လီၤဆူလီၢ်မံဒၢးအပူၤန့ၣ်ပှၤဝ့ၢ်ဖိတဖၣ်န့ၣ်စံးဘၣ်အီၤ, “တၢ်ကဆၢန့ၣ်ကနဲစီအိၣ်ဒံးဝဲသ့ဧါ တၢ်အဂံၢ်အဘါကဆူၣ်န့ၣ်ခ့ယုၢ်အိၣ်ဒံးဝဲသ့ဧါ.” ဒီးစီၤၡံၣ်ၡိၣ်စံးဆၢဝဲဒၣ်, “သုမ့ၢ်တထူစံာ်လၢယကျီၢ်မိၢ်ဘၣ်ဒီး, သုသ့ၣ်ညါတၢ်စံးဆၢခဲအံၤတသ့ဘၣ်လီၤ.”