လံာ်ယဃ့းစက့လး 1:1 - Sgaw Karen Common Bible

¹ လၢသၢဆံနံၣ်တနံၣ်, လွံၢ်လါတလါ, လါထီၣ်ယဲၢ်သီတသီန့ၣ်, ယၤ, စီၤဘူၤစံအဖိခွါ, ပှၤလုၢ်တၢ်အခိၣ်စီၤယဃ့းစက့လး အိၣ်ဆိးဒီးပှၤယူဒၤဖိလၢတၢ်စိာ်မၢကဲကုၢ်အီၤတဖၣ်လၢထံ ကျိကဘၢ်အနံၤလၢကီၢ်ဘၤဘူၤလိၣ်အပူၤလီၤ. မူကပိာ်လိၤအိးထီၣ်အသးဒီးယထံၣ်တၢ်ထံၣ်လၢညါခီတမံၤဘၣ်ဃး ဒီးကစၢ်ယွၤလီၤ.

လံာ်ယဃ့းစက့လး 1:1 Iomraidhean Croise

လံာ်တၢ်ကဲထီၣ်အခီၣ်ထံး 15:1

တၢ်န့ၣ်တဖၣ်အလီၢ်ခံစီၤအၤဘြၣ်ဒိးန့ၢ်ဘၣ်တၢ်ထံၣ်လၢညါခီ တမံၤဒီးနၢ်ဟူယွၤစံးဘၣ်အီၤ, “စီၤအၤဘြၣ်ဧၢ, ပျံၤတၢ်တဂ့ၤ, ယကခိးတြီကွံာ်တၢ်အၢလၢနၤဒီးဟ့ၣ်လီၤနၤတၢ်ဘျုးတၢ်ဖှိၣ်ဖး ဒိၣ်တမံၤန့ၣ်လီၤ.”

လံာ်တၢ်ကဲထီၣ်အခီၣ်ထံး 46:2

ကစၢ်ယွၤကတိၤတ့ၢ်တၢ်ဒီးအီၤလၢတၢ်ထံၣ်လၢညါခီအပူၤဖဲမုၢ် နၤအကတီၢ်ဒီးကိးထီၣ်အီၤ, “စီၤယၤကိာ်ဧၢ, စီၤယၤကိာ်ဧၢ.” ဒီးအဝဲစံးဆၢဝဲ, “မ့ၢ်, ယအိၣ်ဖဲအံၤလီၤ.”

စံးထီၣ်ပတြၢၤ 137:1

ပဆ့ၣ်နီၤလၢဘၤဘူၤလိၣ်အထံကျိတဖၣ်အနံၤ, ဒီးတုၤပသ့ၣ်နီၣ်ထီၣ်က့ၤစံယိၣ်ဒီး, ပမဲာ်ထံလီၤဝဲန့ၣ်လီၤ.

လံာ်တၢ်ဟးထီၣ်ကွံာ် 24:10

ဒီးအဝဲသ့ၣ်ထံၣ်ပှၤအံၣ်စရ့လးဖိအကစၢ်ယွၤန့ၣ်လီၤ. လၢအခီၣ်ဖီလာ်န့ၣ်တၢ်လီၤဂာ်ဒီးတၢ်မျၢ်နံၤလါအိၣ်ဒါလီၤအသး, ဒီးလါအဲးဝဲဒ်မူကပိာ်လိၤအသိးန့ၣ်လီၤ.

လံာ်ယၡါယၤ 1:1

လံာ်အံၤအိၣ်ဃုာ်ဒီးတၢ်ကစီၣ်ဘၣ်ဃးကီၢ်ယူဒၤ ဒီးဝ့ၢ်ယရူၤၡလ့ၣ်အဂ့ၢ်လၢကစၢ်ယွၤလီၣ်ဖျါထီၣ်တ့ၢ်ဆူစီၤအၤမိာ် အဖိခွါဝံယၡါယၤဖဲစီၤဧူးစံယါ, စီၤယိၤသၣ်, စီၤအၤဃး, ဒီးစီၤ ဃံးစကံယၤမ့ၢ်စီၤပၤတဖၣ်လၢကီၢ်ယူဒၤအဆၢကတီၢ်န့ၣ်လီၤ.

လံာ်ယၡါယၤ 6:1

လၢစီၤပၤဧူးစံယါသံဝဲအနံၣ်န့ၣ်, ယထံၣ်ဘၣ်ယွၤလီၤ. အဝဲဆ့ၣ်နီၤဝဲလၢအလီၢ်ပစိာ်အဖီခိၣ်, အိၣ်ထီၣ်ထီဝဲဒီးတၢ်ပာ် ထီၣ်ထီအီၤ, ဒီးအဆ့ကၤဖးဒိၣ်မၤပှဲၤတၢ်လုၢ်ဟံၣ်ဒီဖျၢၣ်လီၤ.

လံာ်ယံးရမံယၤ 29:15

သုကစံးလၢ ယွၤဟ့ၣ်လီၤသုဝံတဖၣ်လၢ ကီၢ်ဘၤဘူၤလိၣ်အပူၤန့ၣ်လီၤ.

လံာ်ယဃ့းစက့လး 1:3

ဖဲန့ၣ်လၢကီၢ်ဘၤဘူၤလိၣ်အပူၤ, လၢထံကျိကဘၢ်အနံၤန့ၣ်, ယနၢ်ဟူယွၤကတိၤတၢ်ဒီးယၤလီၤ. ဒီးယကလၢၢ်ဘၣ်အစိကမီၤလီၤ.

လံာ်ယဃ့းစက့လး 10:1

ယကွၢ်တၢ်ခိၣ်ဒုးဖျၢၣ်သလၢၣ်လၢအအိၣ်လၢတၢ်ဘၣ်တ့ အမူတဖၣ်အဖီခိၣ်ဒီးလၢအဝဲသ့ၣ်အဖီခိၣ်န့ၣ်, တၢ်မၤအသးလီၤဂာ်ဒီးလီၢ်ပစိာ်တခါလၢအဘၣ် တၢ်မၤအီၤလၢတၢ်မျၢ်နံၤလါ, အိၣ်ဝဲလီၤ.

လံာ်ယဃ့းစက့လး 10:10

လ့ၣ်ဖံဘၣ်တဖၣ်အံၤကပီၤထီၣ်ဝဲဒ်လၢၢ်လုၢ်ဒိၣ်ပှ့ၤဒိၣ်တဖၣ်အ သိး, ဒီးတခါစုာ်စုာ်န့ၣ်လဲၤခီတူာ်လိာ်အသးမၤအသးဒ်လ့ၣ်ဖံဘၣ် တခါအိၣ်ဝဲလၢလ့ၣ်ဖံဘၣ်အဂၤတခါအပူၤအသိးန့ၣ်လီၤ.

လံာ်ယဃ့းစက့လး 10:15

(အဝဲသ့ၣ်မ့ၢ်တၢ်ဒ်သိးသိးဒၣ်ဒီးတၢ်ဘၣ်တ့တဖၣ်လၢယထံၣ်န့ၢ်ယဲ ဖဲထံကျိကဘၢ်အကပၤန့ၣ်လီၤ.) ဖဲတၢ်ဘၣ်တ့တဖၣ်အံၤဂဲၤထၢၣ်လၢကလံၤကျါ,

လံာ်ယဃ့းစက့လး 10:20

ယသ့ၣ်ညါနီၣ်အဝဲသ့ၣ်ဒ်အမ့ၢ်တၢ်ဒ်သိးသိးဒီးတၢ်ဘၣ်တ့တဖၣ်လၢ ယထံၣ်ဘၣ်တ့ၢ်အီၤလၢကီၢ်အံၣ်စရ့လးအကစၢ်ယွၤအဂီၤထံးဖဲထံ ကျိကဘၢ်အကပၤန့ၣ်လီၤ.

လံာ်ယဃ့းစက့လး 10:22

အဝဲသ့ၣ်အမဲာ်သၣ်တဖၣ်လီၤဂာ်တမံၤဃီဒ်သိးသိးဒၣ်မဲာ်သၣ်တဖၣ်လၢ ယထံၣ်တ့ၢ်အီၤဖဲထံကျိကဘၢ်အကပၤန့ၣ်လီၤ. တၢ်ဘၣ်တ့တဂၤ စုာ်စုာ်သုးအသးလိၤလိၤဘျၢဘျၢဆူတၢ်မဲာ်ညါန့ၣ်လီၤ.

လံာ်ယဃ့းစက့လး 11:24

လၢတၢ်ထံၣ်လၢညါခီအံၤအပူၤန့ၣ်, ကစၢ်ယွၤအသးစိာ်ထီၣ်ယၤဒီး ဟဲက့ၤစိာ်က့ၤယၤဆူပှၤဘၣ်တၢ်စိာ်မၢကဲကုၢ်တဖၣ်အအိၣ်လၢကီၢ် ဘၤဘူၤလိၣ်အပူၤန့ၣ်လီၤ. ဝံၤဒီးတၢ်ထံၣ်လၢညါခီအံၤလီၤမၢ်ကွံာ်ဝဲ,

လံာ်ယဃ့းစက့လး 3:15

လၢတၢ်န့ၣ်အဃိ, ယဟဲဆူဝ့ၢ်တ့ၤလၤဘံးလၢထံကျိကဘၢ်အနံၤ, ဖဲပှၤဘၣ်တၢ်စိာ်မၢကဲကုၢ်တဖၣ် အိၣ်ဆိးဝဲ, ဒီးယအိၣ်ဖဲန့ၣ် နွံသီ, ဒီးတၢ်လၢယထံၣ်ဘၣ်ဒီး နၢ်ဟူဘၣ်တ့ၢ်တဖၣ် မၤလီၤသဘှံး ယသးန့ၣ်လီၤ.

လံာ်ယဃ့းစက့လး 3:23

လၢတၢ်န့ၣ်အဃိ, ယဟးထီၣ်ဒီး လဲၤဆူတၢ်တြီၤပူၤ, ဒီးဖဲန့ၣ် ယထံၣ်ဘၣ်ယွၤအလၤကပီၤ, ဒ်ယထံၣ်ဘၣ်တ့ၢ်အီၤဖဲထံကျိ ကတၢ်အနံၤအသိးန့ၣ်လီၤ. ယလီၤဃံၤအီထီလာ်လၢ ယမဲာ်သၣ်လၢဟီၣ်ခိၣ်လိၤ,

လံာ်ယဃ့းစက့လး 40:2

လၢတၢ်ထံၣ်ညါခီတမံၤအပူၤန့ၣ်, ကစၢ်ယွၤစိာ်ယၤဆူကီၢ်အံၣ်စရ့ လးပူၤဒီးပာ်လီၤယၤလၢကစၢၢ်ဖးထီတဖျၢၣ်အလိၤန့ၣ်လီၤ. လၢယမဲာ်ညါန့ၣ်ယထံၣ်ဘၣ်တၢ်သူၣ်ထီၣ်တဖၣ်အိၣ် တကရူၢ်လၢအအိၣ်ဖျါလီၤဂာ်ဒီးဝ့ၢ်တဝ့ၢ်န့ၣ်လီၤ.

လံာ်ယဃ့းစက့လး 43:3

တၢ်ထံၣ်လၢညါခီအံၤလီၤဂာ်ဒီးတၢ်တမံၤလၢယထံၣ်တ့ၢ်အီၤဖဲက စၢ်ယွၤဟဲဝဲဒ်သိးကမၤဟးဂီၤဝ့ၢ်ယရူၤၡလ့ၣ်အဂီၢ်ဒီးတဂၤတခါ လၢယထံၣ်ဘၣ်အီၤဖဲထံကျိကဘၢ်အကပၤအသိးန့ၣ်လီၤ. အန့ၣ်ဒီးယထိၣ်ဃံၤလီၤယသးဒီးကျးလီၤယမဲာ်လၢဟီၣ်ခိၣ်လိၤ န့ၣ်လီၤ.

လံာ်ယဃ့းစက့လး 8:3

အဝဲယူာ်ထီၣ်တၢ်လၢအလီၤဂာ်ဖျါဒ်စုတခီအသိးဒီးစှီၤယၤဖဲ ယခိၣ်သူန့ၣ်လီၤ. ဒီးလၢတၢ်ထံၣ်လၢညါခီအံၤအပူၤန့ၣ်, ကစၢ်ယွၤအသးစိာ်ထီၣ်ယၤလၢကလံၤအကျါဒီးဆှၢယၤဆူ ဝ့ၢ်ယရူၤၡလ့ၣ်န့ၣ်လီၤ. အဝဲလဲၤစိာ်ယၤဆူယွၤအတၢ်လုၢ်ဟံၣ် အကလံၤစိးအတြဲၤဆူတၢ်အိပူၤအကျဲစၢၤဖဲတၢ်ဂီၤတၢ်ဖီၣ်အိၣ် ဝဲတခါလၢအမၤသးကဲၤထီၣ်ကစၢ်ယွၤန့ၣ်လီၤ.

လံာ်ဟိၤၡ့ 12:10

ယကတိၤတၢ်ဒီးဝံတဖၣ်ဒီးဟ့ၣ်တ့ၢ်အဝဲသ့ၣ်လၢတၢ်ထံၣ်လၢညါခီ တဖၣ်အါမးဒီးခီဖျိဝံတဖၣ်န့ၣ်, ယဟ့ၣ်ပလီၢ်တ့ၢ်ယပှၤဂီၢ်မုၢ်လီၤ.

လံာ်ယိၤအ့လး 2:28

တၢ်န့ၣ်ဝံၤအလီၢ်ခံဒီးယကလူလီၤယသးစီ ဆှံလၢပှၤကိးဂၤဒဲးအလိၤ, သုဖိခွါတဖၣ်ဒီးသုဖိမုၣ်တဖၣ်ကတဲဖျါယတၢ်ကစီၣ်, သုပှၤပိာ်ခွါသးပှၢ်တဖၣ်ကမံမီၢ်တၢ်, ဒီးသုပှၤပိာ်ခွါသးစၢ်တဖၣ်ကထံၣ်တၢ်လၢညါခီလီၤ.

လံာ်တၢ်ဂံၢ် 12:6

ဒီးယွၤစံးဝဲဒၣ်, “ခဲအံၤဒိကနၣ်တၢ်လၢယကစံးယဲန့ၣ်တက့ၢ်. ဖဲဝံတဖၣ်အိၣ်လၢသုကျါန့ၣ်ယလီၣ်ဖျါယသးဆူအဝဲသ့ၣ်အအိၣ်လၢ တၢ်ထံၣ်လၢညါခီတဖၣ်အပူၤဒီးကတိၤတၢ်ဆူအဝဲသ့ၣ်အအိၣ်လၢတၢ် မံမီၢ်တဖၣ်အပူၤန့ၣ်လီၤ.

လံာ်တၢ်ဂံၢ် 4:3

ဒီးကွဲးနီၣ်ပှၤပိာ်ခွါအသးအိၣ်အနံၣ်သၢဆံဒီးအနံၣ်ယဲၢ်ဆံ အဘၢၣ်စၢၤလၢအကြၢးဝဲဘၣ်ဝဲလၢကမၤတၢ်လၢယွၤအိၣ်ဝဲဆိးဝဲ အဒဲစီဆှံအပူၤအဂီၢ်န့ၣ်လီၤ.

လံာ်မးသဲ 17:9

ဒီးဟဲက့ၤလီၤဝဲလၢကစၢၢ်လိၤအဖၢမုၢ်ဒီး, ယ့ၣ်ၡူးမၤလိာ်အဝဲသ့ၣ်ဒီးစံး, “တချုးလၢပှၤကညီဖိခွါဂဲၤဆၢထၢၣ်က့ၤလၢတၢ်သံဒံးဘၣ် န့ၣ်, တၢ်လၢသုထံၣ်ဘၣ်အံၤ, တဘၣ်စံးဘၣ်တဲဘၣ်ပှၤနီတဂၤတဂ့ၤ.”

လံာ်မးသဲ 3:16

တုၤယ့ၣ်ၡူးဘၣ်တၢ်ဘျၢအီၤဝံၤဟဲက့ၤထီၣ်လၢထံကျါန့ၣ်, တၢ်မၤအသးလၢမူခိၣ်ဘၣ်တၢ်အိးထီၣ်အီၤဒီးအဝဲထံၣ်ဘၣ်ကစၢ်ယွၤ အသးဟဲလီၤလၢအလိၤမၤအသးဒ်ထိၣ်လွံၢ်ယူၤလီၤဒီးစီၢ်လီၤဝဲ အသိးန့ၣ်လီၤ.

လံာ်မၢ်ကူး 1:10

ယ့ၣ်ၡူးဟဲက့ၤထီၣ်က့ၤလၢထံကျါဝံၤတဘျီဃီအဝဲဒၣ်ထံၣ်မူ ခိၣ်အိးထီၣ်အသးဒီးယွၤအသးဟဲလီၤလၢအလိၤဒ်ထိၣ်လွံၢ် အသိးလီၤ.

လံာ်လူၤကၣ် 3:21

ပှၤဂီၢ်မုၢ်ခဲလၢာ်ဘၣ်တၢ်ဘျၢအီၤလၢထံဝံၤအလီၢ်ခံန့ၣ်, ယ့ၣ်ၡူးစ့ၢ်ကီးဘၣ်တၢ်ဘျၢအီၤလၢထံန့ၣ်လီၤ. ဖဲအဝဲဒၣ်ဃ့ဘါထုကဖၣ်တၢ်အဖၢမုၢ်န့ၣ်, မူခိၣ်အိးထီၣ်အသး,

လံာ်လူၤကၣ် 3:23

ဖဲယ့ၣ်ၡူးစးထီၣ်အတၢ်ဖံးတၢ်မၤန့ၣ်, အဝဲအသးအိၣ်သၢဆံဃၣ်ဃၣ်လီၤ. ပှၤအတၢ်ဆိကမိၣ်အိၣ်ဝဲဒၣ်လၢအမ့ၢ် စီၤယိၤသးလၢအဘၣ်တၢ်ထီၣ်ဖိအီၤလၢစီၤဟ့ၤလံတဂၤန့ၣ်အဖိခွါလီၤ.

လံာ်ယိၤဟၣ် 1:51

ဒီးစံးဘၣ်အီၤ, “ယစံးဘၣ်တဲဘၣ်သုတၢ်မ့ၢ်တၢ်တီ, လၢသုကထံၣ်ဘၣ်မူခိၣ်အိးထီၣ်အသးဒီး ကစၢ်ယွၤအကလူးတဖၣ်ဟဲလီၤဒီးက့ၤထီၣ်လၢ ပှၤကညီဖိခွါအအိၣ်န့ၣ်လီၤ.”

မၤတၢ် 10:11

အဝဲထံၣ်ဘၣ်မူခိၣ်အိးထီၣ်အသးဒီးတၢ်တမံၤလၢအလီၤဂာ် ယၣ်ဖးဒိၣ်တဘ့ၣ်ဘၣ်တၢ်စဲၤလီၤအီၤလၢအနၢၣ်လွံၢ်နၢၣ်ဆူဟီၣ်ခိၣ် လီၤ.

မၤတၢ် 10:3

ဘၣ်တနံၤဖဲဟါခီလီၤသၢနၣ်ရံၣ်ဃၣ်ဃၣ်န့ၣ်, အဝဲဒိးန့ၢ်ဘၣ်တၢ်ထံၣ်လၢညါခီတမံၤ, ဖဲအဝဲထံၣ်ဘၣ်ဝဲတြၢၢ်ကလာ်လၢကစၢ်ယွၤအကလူးတဂၤဟဲနုာ်လီၤဆူ အဟံၣ်ပူၤဒီးကိးထီၣ်အီၤ, “စီၤကန့လံးဧၢ” န့ၣ်လီၤ.

မၤတၢ် 7:56

အဝဲဒၣ်စံးဝဲ, “ကွၢ်တက့ၢ်. ယထံၣ်ဘၣ်ယဲမူခိၣ်အိးထီၣ်အသး ဒီးပှၤကညီဖိခွါအိၣ်ဆၢထၢၣ်လၢယွၤအစုထွဲတခီလီၤ.”

၂ ကရံၣ်သူး 12:1

မ့တမ့ၢ်တၢ်လၢအဘျုးအိၣ်ဖှိၣ်အိၣ်သနာ်က့, ယကဘၣ် ကတိၤတၢ်ကဖၢလၢလီၤ. ဘၣ်ဆၣ်ဒီးခဲကနံၣ်အံၤယကကတိၤတၢ်ဘၣ်ဃးတၢ်ထံၣ် တၢ်လၢညါခီဒီးတၢ်လီၣ်ဖျါတဖၣ်လၢကစၢ်ဟ့ၣ်ယၤန့ၣ်လီၤ.

လံာ်လီၣ်ဖျါ 19:11

တုၤနုၤတစုယထံၣ်မူခိၣ်အိးထီၣ်အသး, ဒီးဖဲန့ၣ်ကသ့ၣ်ဖါဝါအိၣ်ဝဲဒၣ် တဒုလီၤ. ပှၤဒိးကသ့ၣ်တဂၤအံၤဘၣ်တၢ်ကိးအီၤလၢ ကလုၢ်တီဒီးတီလိၤန့ၣ်လီၤ. အဝဲဒၣ်စံၣ်ညီၣ်ဒီးဒုးအတၢ်ဒုးသုးတဖၣ်လၢတၢ်တီတၢ်လိၤ အပူၤလီၤ.

လံာ်လီၣ်ဖျါ 4:1

တၢ်န့ၣ်တဖၣ်အလီၢ်ခံန့ၣ်, ယအိၣ်ဒီးတၢ်ထံၣ်လၢညါခီအဂၤ တမံၤ, ဒီးထံၣ်ဘၣ်တြဲၤတဘ့ၣ်အိၣ်အိးထီၣ်အသးလၢမူခိၣ်န့ၣ်လီၤ. ဒီးတၢ်ကလုၢ်လၢအသီၣ်လီၤဂာ်ဒီးကွဲၤအသီၣ်, လၢယနၢ်ဟူဘၣ်တ့ၢ်ယဲအကတိၤတၢ်ဒီးယၤလၢအခီၣ်ထံးန့ၣ်စံးဝဲ, “ဟဲထီၣ်နဲဖဲအံၤ, ဒီးယကဒုးနဲၣ်နၤတၢ်လၢအကဘၣ်မၤအသးဖဲတၢ်တမံၤအံၤမၤ အသးဝံၤအလီၢ်ခံန့ၣ်လီၤ.”