လံာ်တၢ်ဟးထီၣ်ကွံာ် 9:3 - Sgaw Karen Common Bible

³ ယကစံၣ်ညီၣ်နၤခီဖျိတၢ်ဆှၢလီၤတၢ်သံသတြိာ်နးမးလၢနဆၣ်ဖိကီၢ်ဖိလၢအအိၣ်လၢစံာ်ပူၤပှဲၤပူၤ, ကသ့ၣ်အလိၤ, ကသ့ၣ်ယီၤအလိၤ, ကီၤလၤအူးအလိၤ, ကျီၢ်အလိၤ, သိဒီးမဲာ်တဲးလဲးတဖၣ်အလိၤန့ၣ်လီၤ.

လံာ်တၢ်ဟးထီၣ်ကွံာ် 9:3 Iomraidhean Croise

လံာ်တၢ်ကဲထီၣ်အခီၣ်ထံး 47:17

လၢတၢ်န့ၣ်အဃိ, အဝဲသ့ၣ်ဟဲစိာ်အဆၣ်ဖိကီၢ်ဖိအဒၢတဖၣ်ဆူ စီၤယိၤသးအအိၣ်, ဒီးအဝဲဟ့ၣ်ခီလဲန့ၢ်အဝဲသ့ၣ်တၢ်အီၣ်ဒီး အကသ့ၣ်တဖၣ်, အသိတဖၣ်, အမဲာ်တဲးလဲးတဖၣ်, အဂီၤဘုၣ်ဂီၤဖံးဒီးအကသ့ၣ်ယီၤတဖၣ်န့ၣ်လီၤ. နံၣ်အဝဲန့ၣ်, အဝဲလုၢ်အီၣ်အဝဲသ့ၣ်လၢတၢ်အီၣ်ဒ်တၢ်ဟ့ၣ်ခီ လဲလၢအဝဲသ့ၣ်အဆၣ်ဖိကီၢ်ဖိအဒၢတဖၣ်အဂီၢ်လီၤ.

စံးထီၣ်ပတြၢၤ 39:10

တဘၣ်စံၣ်ညီၣ်လၢၤယၤတဂ့ၤ. ယကသံတ့ၢ်မးလၢနတီၢ်ယၤအဃိန့ၣ်လီၤ.

လံာ်တၢ်ဟးထီၣ်ကွံာ် 5:3

ဒီးစီၤမိၤၡ့ဒီးစီၤအၤဟရိၣ်စံးဝဲဒၣ်, “ပှၤဧ့ၤဘြံၤဖိအကစၢ်ယွၤလီၣ်ဖျါထီၣ်အသးလၢပှၤလံ. ဒုးလဲၤလၢ်ပှၤသၢနံၤကျဲဆူပှၢ်မုၢ်ကနၢဒ်သိးပကလုၢ်တၢ်ပာ်တၢ်ဆူယွၤ, ပကစၢ်ယွၤအအိၣ်တက့ၢ်. ပမ့ၢ်တမၤဘၣ်ဒ်န့ၣ်ဒီးအဝဲကမၤသံပှၤလၢတၢ်ဆူးတၢ်ဆါဒီးတၢ်ဒုးတၢ်ယၤန့ၣ်လီၤ.”

လံာ်တၢ်ဟးထီၣ်ကွံာ် 7:4

တုၤနုၤတစုယကဟဲစိာ်တၢ်စံၣ်ညီၣ်ဆါဆါကလဲာ်လၢကီၢ်အဲၤကူပတူးအလိၤ, ဒီးဒုးဟးထီၣ်ကွံာ်ပှၤဂီၢ်မုၢ်, ပှၤအံၣ်စရ့လးဖိ, လၢကီၢ်အဲၤကူပတူးန့ၣ်လီၤ.

လံာ်တၢ်ဟးထီၣ်ကွံာ် 8:19

ဒီးပှၤမၤကဒါပှၤမဲာ်တဖၣ်စံးဘၣ်စီၤပၤ, “တၢ်အံၤမ့ၢ်ကစၢ်ယွၤအတၢ်မၤလီၤ.” ဘၣ်ဆၣ်ဒီးစီၤပၤအသးကိၤဝဲဒ်သိးဒၣ်ယွၤစံးဝဲလၢစီၤပၤ တမ့ၢ်ကဒိကနၣ်စီၤမိၤၡ့ဒီးစီၤအၤဟရိၣ်ဘၣ်န့ၣ်လီၤ.

လံာ်ဧၤမိၣ် 4:10

ယမၢလီၤတၢ်သံသတြိာ်လၢသုကျါဒ်ယမၤတ့ၢ်လၢကီၢ်အဲၤကူပတူး အသိးန့ၣ်လီၤ. ယမၤသံကွံာ်သုပှၤသးစၢ်တဖၣ်လၢတၢ်ဒုးတၢ်ယၤ အပူၤဒီးစိာ်ကွံာ်သုကသ့ၣ်တဖၣ်န့ၣ်လီၤ. ယမၤပှဲၤသုနါဒ့တဖၣ်ဒီးတၢ်သံစိၣ်အတၢ်နၢအုၣ်လၢသုသူၣ်ဒဲ လီၢ်တဖၣ်အပူၤလီၤ. ဘၣ်ဆၣ်ဒီးသုတဟဲက့ၤကဒါက့ၤဆူယအိၣ်ဘၣ်.

မၤတၢ် 13:11

ခဲကနံၣ်အံၤကစၢ်အတၢ်စံၣ်ညီၣ်ကလီၤဘၣ်နၤ, နမဲာ်ကဘျီၣ်ဒီးတထံၣ်ဘၣ်မုၢ်ဆါခီအတၢ်ကပီၤလၢတစိၢ်တလီၢ် အတီၢ်ပူၤလီၤ.” တဘျီဃီဖဲန့ၣ်, အဝဲအမဲာ်ကွၢ်တၢ်ဖျါကဒုကယီၢ်ဝံၤခံးလီၤ ကွံာ်, ဒီးအဝဲဒၣ်ဟးဝ့ၤဝီၤကလၢၢ်တၢ်ဒ်သိးအကထံၣ်န့ၢ်ပှၤလၢ အကဟံးဃာ်အစုဒီးဆှၢအီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:9

တုၤနုၤတစုကွၢ်ထွဲအတၢ်လဲၤတက့ၢ်. ဒီးမ့ၢ်လဲၤတၢ်လိၤလိၤဆူ ဝ့ၢ်ဘ့ၤသၡ့မ့ၣ်န့ၣ်, တၢ်အံၤအခီပညီမ့ၢ်ဝဲကီၢ်အံၣ်စရ့လးအကစၢ်ယွၤဆှၢလီၤတၢ်နးတၢ်ဖှီၣ်အၢအၢသီသီလၢပဖီခိၣ်လီၤ. ဘၣ်ဆၣ်ဒီးမ့တမ့ၢ်ဒ်န့ၣ်ဘၣ်န့ၣ်, ပကသ့ၣ်ညါလၢအဝဲတဆှၢလီၤတၢ်သံသတြိာ်ဘၣ်. မ့ၢ်ဒၣ်တၢ်ဘၣ်ဆၢၣ်ဘၣ်တီၤတမံၤန့ၣ်လီၤ.”