လံာ်တၢ်ဟးထီၣ်ကွံာ် 9:29 - Sgaw Karen Common Bible

²⁹ ဒီးစီၤမိၤၡ့စံးဘၣ်အီၤ, “တဘျီဃီဖဲယဟးထီၣ်လၢဝ့ၢ်ပူၤ ဒီးယကယူာ်ထီၣ်ယစုဒီးဃ့ကညးယွၤလီၤ. လီသီၣ်ကဆိကတီၢ်ဝဲ, ဒီးသူၣ်တလီၤလၢၤဘၣ်ဝဲဘၣ်, တုၤနုၤတစုနကသ့ၣ်ညါလၢဟီၣ်ခိၣ်အံၤမ့ၢ်ယွၤအတၢ်လီၤ.

လံာ်တၢ်ဟးထီၣ်ကွံာ် 9:29 Iomraidhean Croise

လံာ်စီၤပၤအခီၣ်ထံးတဘ့ၣ် 8:22

ဒီးလၢပှၤဂီၢ်မုၢ်အမဲာ်ညါန့ၣ်, စီၤၡလိၤမိၤလဲၤဂဲၤဆၢထၢၣ် လၢတၢ်လုၢ်လီၢ်အမဲာ်ညါ, ဒီးယူာ်ထီၣ်အစု, ဒီးဘါထုကဖၣ်တၢ်စံးဝဲ,

လံာ်စီၤပၤအခီၣ်ထံးတဘ့ၣ် 8:38

ဖဲတၢ်တတၢးတနါမ့တမ့ၢ်တၢ်ဆူးတၢ်ဆါအိၣ်ဝဲလၢအဝဲသ့ၣ်အကျါ မ့ၢ်ဂ့ၤန့ၣ်, ပှၤလၢနပှၤဂီၢ်မုၢ်အံၣ်စရ့လးအကျါတဂၤဂၤ, မ့ၢ်ကွၢ်ဃီၤဆူယွၤအတၢ်လုၢ်ဟံၣ်အံၤ, ယူာ်ထီၣ်အစုလၢတၢ်ထုကဖၣ်အပူၤအိၣ်ဒီးတၢ်သူၣ်ကၢ်သးလီၤန့ၣ်,

လံာ်စီၤဧ့စြၤ 9:5

ဖဲဟါတၢ်လုၢ်တၢ်ပာ်အဆၢကတီၢ်တုၤဃီၤဝဲန့ၣ်, ယဆၢထၢၣ်လၢယတၢ်သူၣ်အုးသးအုးအလီၢ်, ဒီးလၢတၢ်ကူသိးဒံးဒၣ်ယဆ့ကၤတဖၣ်လၢအယာ်န့ၣ်, ယတီၤလီၤလၢတၢ်ထုကဖၣ်အပူၤဒီးယူာ်ထီၣ်ယစုတဖၣ်ဆူယွၤ, ယကစၢ်ယွၤအအိၣ်န့ၣ်လီၤ.

လံာ်စီၤယိၤဘး 11:13

စီၤယိၤဘးဧၢ, ပာ်လိၤပာ်ဘၣ်က့ၤနသးတက့ၢ်. ယူာ်ဃီၤနသးဆူကစၢ်ယွၤအအိၣ်န့ၣ်တက့ၢ်.

စံးထီၣ်ပတြၢၤ 135:6

ယွၤမၤဝဲကယဲၢ်တၢ်ဘၣ်အသး လၢမူခိၣ်, ဒီးလၢဟီၣ်ခိၣ်ချၢ, ဒီးလၢပီၣ်လဲၣ်ပူၤ, ဒီးလၢထံယိာ်ပူၤခဲလၢာ်န့ၣ်လီၤ.

စံးထီၣ်ပတြၢၤ 143:6

ယယူာ်ထီၣ်ယစုဆူနအိၣ်လၢတၢ်ထုကဖၣ်အပူၤ, ယသးအံၤသူအသးလၢနၤဒ် ဟီၣ်ခိၣ်အဃ့အသိးန့ၣ်လီၤ. စ့လၤ

စံးထီၣ်ပတြၢၤ 50:12

တၢ်မ့ၢ်သၣ်ဝံၤယသးဒီးယတစံးဘၣ်နၤဘၣ်. အဂ့ၢ်ဒ်အံၤ, ဟီၣ်ခိၣ်ဒီးတၢ်ခဲလၢာ်လၢအပူၤန့ၣ် မ့ၢ်ယတၢ်လီၤ.

လံာ်တၢ်ဟးထီၣ်ကွံာ် 19:5

ခဲကနံၣ်အံၤ, သုမ့ၢ်စူၢ်ယၤဒီးတိၢ်န့ၢ်ဖံးဃာ်ယတၢ်အၢၣ်လီၤအီ လီၤန့ၣ်သုကကဲထီၣ်ယပှၤဂီၢ်မုၢ်ဒၣ်ယဲလီၤ. ဟီၣ်ခိၣ်ဒီဘ့ၣ်န့ၣ်မ့ၢ်ယတၢ်လီၤ. ဘၣ်ဆၣ်ဒီးသုကမ့ၢ်ယပှၤဃုထၢဖိတဖၣ်,

လံာ်တၢ်ဟးထီၣ်ကွံာ် 20:11

လၢဃုနံၤဃုသီအတီၢ်ပူၤန့ၣ်, ယၤ, ယွၤတ့လီၤဟီၣ်ခိၣ်, မူကပိၤလိၤ, ပီၣ်လဲၣ်ဒီးကယဲၢ်တၢ်အိၣ်လၢအဝဲသ့ၣ်တဖၣ်အပူၤခဲလၢာ်န့ၣ်လီၤ. ဘၣ်ဆၣ်ဒီးနွံသီတသီန့ၣ်ယအိၣ်ဘှံးယဲလီၤ. မၤသးဒ်န့ၣ်ဒီးယၤ, ယွၤ, ဆိၣ်ဂ့ၤမုၢ်အိၣ်ဘှံးအနံၤဒီးမၤစီဆှံအီၤလီၤ.

လံာ်တၢ်ဟးထီၣ်ကွံာ် 8:22

ဘၣ်ဆၣ်ယကပျဲပူၤကီၢ်ကိၡ့ၣ်ဖဲယပှၤဂီၢ်မုၢ်တဖၣ်အိၣ်ဝဲဆိးဝဲဒ် သိးသၣ်ဘုလါသုတအိၣ်ဖဲန့ၣ်နီတဘ့ၣ်တဂ့ၤန့ၣ်လီၤ. ယကမၤတၢ်အံၤဒ်သိးနကသ့ၣ်ညါလၢ, ယၤ, ယွၤအံၤယမ့ၢ်ပှၤလၢအမၤတၢ်အံၤလၢကီၢ်အံၤအပူၤလီၤ.

လံာ်တၢ်ဟးထီၣ်ကွံာ် 8:6

လၢတၢ်န့ၣ်အဃိစီၤအၤဟရိၣ်ယူာ်ထီၣ်အနီၣ်ထိးဘိလၢထံတဖၣ်အဖီခိၣ်, ဒီးဒ့ၣ်တဖၣ်ဟဲထီၣ်ဝဲဒီးမၤပှဲၤကီၢ်အဲၤကူပတူး န့ၣ်လီၤ.

လံာ်တၢ်ဟးထီၣ်ကွံာ် 9:33

တုၤနုၤတစုစီၤမိၤၡ့ဟးထီၣ်ကွံာ်လၢစီၤပၤအမဲာ်ညါဒီးလဲၤ ထီၣ်ဆူဝ့ၢ်ချၢန့ၣ်လီၤ. ဒီးယူာ်ထီၣ်အစုဆူယွၤအအိၣ်ဒီးဃ့ ကညးယွၤန့ၣ်လီၤ. လီသီၣ်, သူၣ်လီၤဒီးတၢ်စူၤလီၤဆိက တီၢ်ကွံာ်အသးခဲလၢာ်န့ၣ်လီၤ.

လံာ်ယၡါယၤ 1:15

ဒီးတုၤသုယူာ်ထီၣ်သုစုလၢတၢ် ထုကဖၣ်အပူၤဒီး, ယတကွၢ်သုဘၣ်. သုဘါထုကဖၣ်ထဲထဲအံၤနာ်က့, ယတဒိကနၣ်ဘၣ်. အဂ့ၢ်ဒ်အံၤ, သုစုတဖၣ်ပှဲၤဒီးတၢ်သွံၣ်လီၤ.

1 ကရံၣ်သူး 10:26

အဂ့ၢ်ဒ်အံၤ, ဒ်တၢ်ကွဲးအသးစံးဝဲအသိးန့ၣ်, “ဟီၣ်ခိၣ်ဒီးတၢ်ခဲလၢာ်ခဲဆ့လၢအအိၣ်လၢအပူၤန့ၣ်, ဘၣ်ထွဲလၢကစၢ်လီၤ.”

1 ကရံၣ်သူး 10:28

ဘၣ်ဆၣ်ဒီး, ပှၤတဂၤဂၤမ့ၢ်စံးဘၣ်နၤ, “တၢ်အီၣ်အဝဲအံၤဘၣ်တၢ်လုၢ်ထီၣ်တ့ၢ်အီၤဆူတၢ်ဂီၤ တၢ်ဖီၣ်အအိၣ်” န့ၣ်တဘၣ်အီၣ်တၢ်အီၣ်အဝဲန့ၣ်တဂ့ၤ. မ့ၢ်တၢ်ကွၢ်တၢ်လၢပှၤလၢအစံးဘၣ်တဲဘၣ်နၤတၢ်ဂ့ၢ်တဂၤန့ၣ် အဂီၢ်, ဒီးမ့ၢ်လၢသးလၢအသ့ၣ်ညါဒၣ်တၢ်အဃိ,

လံာ်သိၣ်လီၤသီလီၤတၢ် 10:14

မူခိၣ်ဒီးအလီၢ်လၢအထီကတၢၢ်ဒၣ်လဲာ်ဘၣ်ဃးဒီးယွၤလီၤ. ဟီၣ်ခိၣ်ဒီးတၢ်လၢအအိၣ်လၢအပူၤကိးမံၤဒဲးန့ၣ်မ့ၢ်စ့ၢ်ကီးအဝဲအတၢ်န့ၣ်လီၤ.