လံာ်တၢ်ဟးထီၣ်ကွံာ် 9:28 - Sgaw Karen Common Bible

²⁸ ဒီးဃ့ကညးယွၤတက့ၢ်. အဂ့ၢ်ဒ်အံၤလီသီၣ်ဒီးသူၣ်လီၤန့ၣ်အါ လံလၢပဂီၢ်လံ. ဒီးယအၢၣ်လီၤလၢယကပျၢ်သုဒီးသုတအိၣ်တဆိးဘၣ် ဖဲအံၤလၢၤဘၣ်.”

လံာ်တၢ်ဟးထီၣ်ကွံာ် 9:28 Iomraidhean Croise

လံာ်စီၤပၤအခီၣ်ထံးတဘ့ၣ် 13:6

စီၤပၤရၤယၤဘၣ်စံးဘၣ်ဝဲ, “ဝံသးစူၤဘါထုကဖၣ်န့ၢ်တၢ်လၢ ယဂီၢ်ဆူယွၤ, နကစၢ်ယွၤအအိၣ်ဒီးဃ့လၢအဝဲကမၤဘျါက့ၤယစုန့ၣ်တက့ၢ်.” ဝံဃ့ဘါထုကဖၣ်တၢ်ဆူယွၤအအိၣ်ဒီးစီၤပၤအစုဘျါက့ၤဝဲဒၣ် န့ၣ်လီၤ.

လံာ်တၢ်ဟးထီၣ်ကွံာ် 10:17

ဒီးခဲကနံၣ်အံၤပျၢ်လၢ်ယတၢ်ဒဲးဘးအအံၤတစုဒီးဃ့ကညးယွၤ, သုကစၢ်ယွၤဒ်သိးကဟံးထီၣ်ကွံာ်တၢ်စံၣ်ညီၣ်လၢအမၤသံတၢ်သ့ အံၤလၢယၤတက့ၢ်.”

လံာ်တၢ်ဟးထီၣ်ကွံာ် 10:24

စီၤပၤကိးန့ၢ်စီၤမိၤၡ့ဒီးစံးဝဲဒၣ်, “လဲၤဘူၣ်ထီၣ်ဘါထီၣ်သု ယွၤတက့ၢ်. သုပှၤပိာ်မုၣ်ပိာ်မၢၤဒီးသုဖိဒံဖိသၣ်ဒၣ်လဲာ် မ်အကလဲၤဃုာ်ဒီးသုတက့ၢ်. ဘၣ်ဆၣ်သုသိ, သုမဲာ်တဲးလဲး, ဒီးသုဂီၤဘုၣ်ဂီၤဖံးတဖၣ်မ်အကအိၣ်လီၤတဲာ်ဖဲအံၤတက့ၢ်.”

လံာ်တၢ်ဟးထီၣ်ကွံာ် 10:8

တုၤနုၤတစုပှၤဒုးဟဲက့ၤစီၤမိၤၡ့ဒီးစီၤအၤဟရိၣ်ဆူစီၤပၤအအိၣ်ဒီးစီၤပၤစံးဘၣ်အီၤ, “သုကလဲၤဘူၣ်ထီၣ်ဘါထီၣ်ဘၣ်ယွၤသုကစၢ်ယွၤလီၤ. ဘၣ်ဆၣ်မ့ၢ်မတၤတဖၣ်ကလဲၤလဲၣ်န့ၣ်မၤလီတံၢ်တက့ၢ်.”

လံာ်တၢ်ဟးထီၣ်ကွံာ် 11:1

ဒီးယွၤစံးဘၣ်စီၤမိၤၡ့ဒီးစံးဝဲဒၣ်, “ယကဒုးဘၣ်ဒံးကီၢ် အဲၤကူပတူးအစီၤပၤဒီးအပှၤဂီၢ်မုၢ်လၢတၢ်နးတၢ်ဖှီၣ်တမံၤဒံးလီၤ. အဝဲန့ၣ်ဝံၤအလီၢ်ခံအဝဲကပျၢ်သုလီၤ. သပှၢ်ကတၢၢ်အဝဲကဟီ ထီၣ်ကွံာ်သုခဲလၢာ်ဖဲအံၤလီၤ.

လံာ်တၢ်ဟးထီၣ်ကွံာ် 8:25

ဒီးစီၤပၤမၢပှၤကိးန့ၢ်အီၤစီၤမိၤၡ့ဒီးစီၤအၤဟရိၣ်ဒီး စံးဝဲဒၣ်, “လဲၤဒီးလုၢ်တၢ်ပာ်တၢ်ဆူသုကစၢ်ယွၤ, ဖဲအံၤလၢကီၢ်အံၤအပူၤတက့ၢ်.”

လံာ်တၢ်ဟးထီၣ်ကွံာ် 8:28

စီၤပၤစံးဝဲဒၣ်, “ယကပျၢ်သုဒ်သိးသုကလဲၤလုၢ်တၢ်ပာ်တၢ်ဆူ ယွၤသုကစၢ်ယွၤအအိၣ်လၢပှၢ်မုၢ်ကနၢဘၣ်ဆၣ်သုတဘၣ်လဲၤယံၤယံၤ ကလဲာ်ဘၣ်. ဒီးဃ့ဘါထုကဖၣ်တၢ်လၢယဂီၢ်တက့ၢ်.”

လံာ်တၢ်ဟးထီၣ်ကွံာ် 8:4

အဝဲသ့ၣ်ကစံၣ်ထီၣ်လၢနလိၤ, နပှၤဂီၢ်မုၢ်ဒီးနပဒိၣ်ပပှၢ်တဖၣ်အ လိၤန့ၣ်လီၤ.”

လံာ်တၢ်ဟးထီၣ်ကွံာ် 8:8

စီၤပၤမၢပှၤကိးန့ၢ်အီၤစီၤမိၤၡ့ဒီးစီၤအၤဟရိၣ်ဒီးစံးဝဲဒၣ်, “ဃ့ကညးယွၤလၢအကဒုးဟးထီၣ်ကွံာ်ဒ့ၣ်ဧိၤကွီၣ်ဧိၤလၢယ အိၣ်, ဒီးလၢယပှၤဂီၢ်မုၢ်အအိၣ်တက့ၢ်. ဒီးယကပျၢ်သုပှၤဂီၢ်မုၢ်ဒ်သိး အဝဲသ့ၣ်လဲၤလုၢ်တၢ်ပာ်တၢ်ဆူယွၤအအိၣ်ကသ့ဝဲန့ၣ်လီၤ.”

လံာ်ယံးရမံယၤ 21:2

“ဝံသးစူၤကတိၤတၢ်ဒီးယွၤလၢပဂီၢ်တက့ၢ်. အဂ့ၢ်ဒ်အံၤ, ကီၢ်ဘၤဘူၤလိၣ်အစီၤပၤနဘူၤကးန့စၢ်ဒီးအဝဲအသုးမုၢ် ကဝီၤဃာ်ဝ့ၢ်လံ. ဘၣ်တဘၣ်ယွၤကမၤတၢ်လီၤလးအါမံၤ အကျါတမံၤလၢပဂီၢ်ဒီးမၢဆူၣ်စီၤနဘူၤကးန့စၢ်လၢအဂုၤ က့ၤဆူအလီၢ်ခံန့ၣ်လီၤ.”

လံာ်တၢ်ဂံၢ် 21:7

ပှၤဂီၢ်မုၢ်ဟဲဆူစီၤမိၤၡ့အအိၣ်ဒီးစံးဝဲဒၣ်, “ပမၤဒဲးဘးလံတၢ်ဖဲပကတိၤတၢ်ထီဒါယွၤဒီးထီဒါနၤန့ၣ် လီၤ. ခဲအံၤဘါထုကဖၣ်ဆူယွၤအအိၣ် ဒ်သိးကဟံးထီၣ်ကွံာ်ဂုၢ်သ့ၣ်တဖၣ်အံၤတက့ၢ်.” မၤသးဒ်န့ၣ်ဒီး, စီၤမိၤၡ့ဘါထုကဖၣ်တၢ်လၢပှၤဂီၢ်မုၢ်အဂီၢ်လီၤ.

မၤတၢ် 8:24

စီၤၡံမိၣ်စံးဆၢက့ၤစီၤပ့းတရူးဒီးစီၤယိၤဟၣ်, “ဝံသးစူၤဃ့ထုကဖၣ်ကစၢ်လၢယဂီၢ်, ဒ်သိးတၢ်လၢသုစံးတ့ၢ်တဖၣ်အသုတဟဲဘၣ်ယၤနီတမံၤတဂ့ၤန့ၣ် တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 12:19

ဒီးအဝဲသ့ၣ်စံးဘၣ်စီၤၡမူၤအ့လး, “တၢ်ဒိၣ်ဧၢ, ဝံသးစူၤဘါထုကဖၣ်ဆူယွၤ, နကစၢ်ယွၤအအိၣ်လၢပဂီၢ်ဒ်သိးပသု တသံတဂ့ၤန့ၣ်တက့ၢ်. ခဲအံၤပသ့ၣ်ညါလီၤတံၢ်လၢ, ပတၢ်ဒဲးဘးအဂၤခဲလၢာ်အမဲာ်ညါန့ၣ်ပမၤတ့ၢ်တၢ်ဒဲးဘးခီဖျိ ပဃ့န့ၢ်စီၤပၤတဂၤအဃိလီၤ.”