လံာ်တၢ်ဟးထီၣ်ကွံာ် 9:27 - Sgaw Karen Common Bible

²⁷ တုၤနုၤတစုစီၤပၤမၢပှၤကိးန့ၢ်အီၤစီၤမိၤၡ့ဒီးစီၤအၤ ဟရိၣ်ဒီးစံးဝဲဒၣ်, “တဘျီအံၤယမၤတ့ၢ်တၢ်ဒဲးဘးလံ. ယွၤအိၣ်လၢတၢ်အဘၣ်တခီ, မ့မ့ၢ်ယၤဒီးယပှၤဂီၢ်မုၢ်ပအိၣ်လၢတၢ်အကမၣ်တခီလီၤ.

လံာ်တၢ်ဟးထီၣ်ကွံာ် 9:27 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:13

စီၤဒၤဝံးစံးဝဲဒၣ်, “ယမၤဘၣ်တ့ၢ်တၢ်ဒဲးဘးထီဒါယွၤလံ.” စီၤနၤသၣ်စံးဆၢဝဲ, “ယွၤပျၢ်နၤလၢနတၢ်ဒဲးဘးလီၤ. နတသံဘၣ်ဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 12:6

စီၤပၤဒီးပှၤခိၣ်ပှၤနၢ်တဖၣ်အၢၣ်လီၤဝဲလၢအဝဲသ့ၣ်မၤတ့ၢ်တၢ် ဒဲးဘးဒီးအဝဲသ့ၣ်စံးဝဲ, “တၢ်လၢယွၤမၤဝဲန့ၣ်, တီဝဲလိၤဝဲလီၤ.”

စံးထီၣ်ပတြၢၤ 129:4

ဘၣ်ဆၣ်တၢ်တီတၢ်လိၤအယွၤတဂၤန့ၣ် မၤပူၤမၤဖျဲးယၤလၢ တၢ်ကဲကုၢ်အပူၤလံ.”

စံးထီၣ်ပတြၢၤ 145:17

ယွၤန့ၣ်တီဝဲလိၤဝဲလၢအတၢ်မၤခဲလၢာ်အပူၤ ဒီးအိၣ်ဒီးတၢ်သးကညီၤလၢ အတၢ်မၤခဲလၢာ်အပူၤလီၤ.

စံးထီၣ်ပတြၢၤ 9:16

ယွၤဒုးနဲၣ်အသးခီဖျိအတၢ်စံၣ်ညီၣ်အတီအလိၤတဖၣ်, ဒီးပှၤတတီတလိၤတဖၣ်န့ၣ်, ဘၣ်ဘျးလၢပျံၤသကွီၤလၢ အမၤဝဲလၢအစုဒၣ်ဝဲလီၤ. ဟံၣ်ကယိၣ်စ့လၤ

လံာ်တၢ်ဟးထီၣ်ကွံာ် 10:16

ဒီးစီၤပၤကိးန့ၢ်စီၤမိၤၡ့ဒီးစီၤအၤဟရိၣ်ချ့ချ့ကလဲာ်ဒီးစံးဝဲဒၣ်, “ယမၤဒဲးဘးဘၣ်ယွၤ, သုကစၢ်ယွၤ, ဒီးသုဝဲသ့ၣ်လံ.

လံာ်တၢ်ဟးထီၣ်ကွံာ် 10:17

ဒီးခဲကနံၣ်အံၤပျၢ်လၢ်ယတၢ်ဒဲးဘးအအံၤတစုဒီးဃ့ကညးယွၤ, သုကစၢ်ယွၤဒ်သိးကဟံးထီၣ်ကွံာ်တၢ်စံၣ်ညီၣ်လၢအမၤသံတၢ်သ့ အံၤလၢယၤတက့ၢ်.”

လံာ်တၢ်ဟးထီၣ်ကွံာ် 8:25

ဒီးစီၤပၤမၢပှၤကိးန့ၢ်အီၤစီၤမိၤၡ့ဒီးစီၤအၤဟရိၣ်ဒီး စံးဝဲဒၣ်, “လဲၤဒီးလုၢ်တၢ်ပာ်တၢ်ဆူသုကစၢ်ယွၤ, ဖဲအံၤလၢကီၢ်အံၤအပူၤတက့ၢ်.”

လံာ်တၢ်ဟးထီၣ်ကွံာ် 8:8

စီၤပၤမၢပှၤကိးန့ၢ်အီၤစီၤမိၤၡ့ဒီးစီၤအၤဟရိၣ်ဒီးစံးဝဲဒၣ်, “ဃ့ကညးယွၤလၢအကဒုးဟးထီၣ်ကွံာ်ဒ့ၣ်ဧိၤကွီၣ်ဧိၤလၢယ အိၣ်, ဒီးလၢယပှၤဂီၢ်မုၢ်အအိၣ်တက့ၢ်. ဒီးယကပျၢ်သုပှၤဂီၢ်မုၢ်ဒ်သိး အဝဲသ့ၣ်လဲၤလုၢ်တၢ်ပာ်တၢ်ဆူယွၤအအိၣ်ကသ့ဝဲန့ၣ်လီၤ.”

လံာ်သးသယုၢ်တၢ် 1:18

ဘၣ်ဆၣ်ဒီးယွၤန့ၣ်မၤတၢ်တီလီၤ. အဂ့ၢ်ဒ်အံၤ, ယတဒိကနၣ်တ့ၢ်ဘၣ်အီၤဘၣ်. ဒိကနၣ်ယၤ, ပှၤဂီၢ်မုၢ်လၢတၢ်အလီၢ်ကိးပူၤဒဲးသ့ၣ်ဧၢ, ကွၢ်ဃီၤယၤလၢယတၢ်ဘၣ်ဒိဆါအံၤတက့ၢ်. ယပှၤပိာ်ခွါသးစၢ်ဒီးပိာ်မုၣ်သးစၢ်တဖၣ်ဘၣ်တၢ်စိာ်မၢကဲကုၢ် ကွံာ်လံအီၤလံ.

လံာ်ဒၤနံးယ့လး 9:14

အိယွၤ, ပကစၢ်ယွၤဧၢ, နအိၣ်ကတဲာ်ကတီၤတ့ၢ်နသးလၢတၢ်စံၣ် ညီၣ်ပှၤအဂီၢ်ဒီးနမၤတ့ၢ်အီၤလီၤ. အဂ့ၢ်ဒ်အံၤနမၤတၢ်အဘၣ် တဘိယူၢ်ဃီဒီးပတဒိကနၣ်တ့ၢ်ဘၣ်နၤဘၣ်.

လံာ်တၢ်ဂံၢ် 21:7

ပှၤဂီၢ်မုၢ်ဟဲဆူစီၤမိၤၡ့အအိၣ်ဒီးစံးဝဲဒၣ်, “ပမၤဒဲးဘးလံတၢ်ဖဲပကတိၤတၢ်ထီဒါယွၤဒီးထီဒါနၤန့ၣ် လီၤ. ခဲအံၤဘါထုကဖၣ်ဆူယွၤအအိၣ် ဒ်သိးကဟံးထီၣ်ကွံာ်ဂုၢ်သ့ၣ်တဖၣ်အံၤတက့ၢ်.” မၤသးဒ်န့ၣ်ဒီး, စီၤမိၤၡ့ဘါထုကဖၣ်တၢ်လၢပှၤဂီၢ်မုၢ်အဂီၢ်လီၤ.

လံာ်တၢ်ဂံၢ် 22:34

စီးဘံးလၣ်စံးဆၢဝဲ, “ယမၤတၢ်ဒဲးဘးလံ. ယတသ့ၣ်ညါယဲလၢနဆၢထၢၣ်လၢကျဲပူၤဒ်သိးနကတြီယၤအဂီၢ်န့ၣ် ဘၣ်. ဘၣ်ဆၣ်ဒီး, ခဲအံၤ, နမ့ၢ်ဆိကမိၣ်လၢယကလဲၤဆူညါအဂီၢ်န့ၣ်ကမၣ် လၢယဂီၢ်ဒီး, ယကက့ၤကဒါက့ၤဆူဟံၣ်လီၤ.”

လံာ်မးသဲ 27:4

ဒီးစံး, “ယမၤဘၣ်တၢ်ဒဲးဘးခီဖျိတၢ်ဆါလီၤကွံာ်ပှၤလၢ အတၢ်ကမၣ်တအိၣ်ဘၣ်တဂၤဆူတၢ်သံအပူၤလံ.” ဒီးအဝဲသ့ၣ်စံးဆၢအီၤ, “တၢ်အဝဲန့ၣ်တဘၣ်ဃးဒီးပှၤဘၣ်. ဘၣ်ဃးဒၣ်ဒီးနၤလီၤ.”

ရိမ့ၤ 2:5

ဘၣ်ဆၣ်ဒီး, နအိၣ်ဒီးသးလၢအကိၤဒီးသးလၢအတပီၢ်ယၢ်လီၤ က့ၤအသးန့ၣ်လီၤ. လၢတၢ်န့ၣ်အဃိ, နပာ်ဖှိၣ်အါထီၣ်တၢ်သးဒိၣ်လၢနဂီၢ်ဒၣ်နဲလၢ တၢ်သးဒိၣ်အမုၢ်တနံၤ, ဖဲယွၤအတၢ်စံၣ်ညီၣ်တီကဘၣ်တၢ်လီၣ်ဖျါထီၣ်အီၤ အကတီၢ်န့ၣ်လီၤ.

ရိမ့ၤ 3:19

ခဲအံၤပသ့ၣ်ညါလၢတၢ်မၤလိာ်ခဲလၢာ်လၢတၢ်သိၣ်တၢ်သီအပူၤန့ၣ်, ဘၣ်ထွဲဒီးပှၤလၢအအိၣ်လၢတၢ်သိၣ်တၢ်သီအဖီလာ်, ဒ်သိးပှၤဟီၣ်ခိၣ်ဖိအသုတကတိၤပူၤဖျဲးအသးနီတဂၤတဂ့ၤဒီး ဟီၣ်ခိၣ်ဒီဘ့ၣ်ကဒိးဘၣ်ကစၢ်ယွၤအတၢ်စံၣ်ညီၣ်အဂီၢ်န့ၣ်လီၤ.

လံာ်စီၤယိၤၡူ 7:20

စီၤဧၤကၣ်စံးဆၢဝဲ, “မ့ၢ်မးယမၤကမၣ်ဘၣ်လံယွၤအံၣ်စရ့လးအကစၢ်ယွၤဒီးတၢ်လၢ ယမၤန့ၣ်မ့ၢ်အအံၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:24

စီၤစီလူးစံးဆၢဝဲ, “မ့ၢ်လီၤ. ယမၤတ့ၢ်တၢ်ဒဲးဘးလီၤ. ယတစူၢ်တ့ၢ်ယွၤအတၢ်မၤလိာ်ဒီးနတၢ်သိၣ်နဲၣ်ယုၤတဖၣ်န့ၣ်ဘၣ်. ယပျံၤတ့ၢ်ယပှၤတဖၣ်ဒီးမၤတၢ်လၢအဝဲသ့ၣ်အဲၣ်ဒိးဝဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:30

“ယမၤတ့ၢ်တၢ်ဒဲးဘးလီၤ,” စီၤစီလူးစံးဝဲဒၣ်, “ဘၣ်ဆၣ်ဒီးအစှၤကတၢၢ်န့ၣ်ပာ်ဖျါထီၣ်နတၢ်ပာ်ကဲယၤလၢယပှၤ ဂီၢ်မုၢ်အခိၣ်အနၢ်တဖၣ်ဒီးကယဲၢ်အံၣ်စရ့လးဒီကီၢ်အမဲာ်ညါတ က့ၢ်. က့ၤကဒါက့ၤဒီးယၤဒ်သိးယဘူၣ်ထီၣ်ဘါထီၣ်ယွၤ, နကစၢ်ယွၤကသ့အဂီၢ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 26:21

စီၤစီလူးစံးဆၢဝဲဒၣ်, “ယမၤကမၣ်တ့ၢ်တၢ်လံ. ဟဲက့ၤကဒါက့ၤစီၤဒၤဝံး, ယဖိခွါဧၢ, ယတမၤဆါကဒီးနၤနီတစုလၢၤဘၣ်. အဂ့ၢ်ဒ်အံၤ, နပျဲပူၤဖျဲးယသးသမူလၢတနၤအံၤအဃိလီၤ. ယမ့ၢ်တ့ၢ်ပှၤအမၢးတဂၤလီၤ. ယမၤတ့ၢ်တၢ်အၢတၢ်သီဖးဒိၣ်လီၤ.”