လံာ်တၢ်ဟးထီၣ်ကွံာ် 9:22 - Sgaw Karen Common Bible

²² တုၤနုၤတစုယွၤစံးဘၣ်စီၤမိၤၡ့, “ယူာ်ထီၣ်နစုဆူမူခိၣ် ဒီးသူၣ်ကလီၤလၢကီၢ်အဲၤကူပတူးဒီကီၢ်ညါအဖီခိၣ်, လၢပှၤဂီၢ်မုၢ်, ဆၣ်ဖိကီၢ်ဖိဒီးကယဲၢ်တၢ်မုၢ်တၢ်ဘိတဖၣ်လၢအအိၣ်လၢစံာ်ပျီ ပူၤအလိၤန့ၣ်လီၤ.”

လံာ်တၢ်ဟးထီၣ်ကွံာ် 9:22 Iomraidhean Croise

လံာ်တၢ်ဟးထီၣ်ကွံာ် 10:21

ဒီးယွၤစံးဘၣ်စီၤမိၤၡ့, “ယူာ်ထီၣ်နစုဆူမူခိၣ်ဒီးတၢ် ခံးသူကလီၤဘၣ်ကီၢ်အဲၤကူပတူး, တုၤဒၣ်လဲာ်ပှၤကကလၢာ်ဘၣ်အီၤကသ့ဝဲလီၤ.”

လံာ်တၢ်ဟးထီၣ်ကွံာ် 7:19

ဒီးယွၤစံးဘၣ်စီၤမိၤၡ့, “တဲဘၣ်စီၤအၤဟရိၣ်လၢကလဲၤစိာ် အနီၣ်ထိးဘိ, ဒီးယူာ်ထီၣ်အီၤလၢထံကျိခဲလၢာ်, ထံကျိၤတဖၣ်ဒီးကမါတဖၣ်အဖီခိၣ်လၢကီၢ်အဲၤကူပတူးအပူၤ တက့ၢ်. ဒီးထံကကဲထီၣ်လၢတၢ်သွံၣ်, ဒီးတၢ်သွံၣ်ကအိၣ်လၢကီၢ်ဒီ ဘ့ၣ်ညါ, တုၤလၢသ့ၣ်သရာ်ဒီးလၢၢ်သရာ်တဖၣ်အပူၤဒၣ်လဲာ်န့ၣ်လီၤ.”

လံာ်တၢ်ဟးထီၣ်ကွံာ် 8:16

ဒီးယွၤစံးဘၣ်စီၤမိၤၡ့, “တဲဘၣ်စီၤအၤဟရိၣ်လၢကတီၢ်ဟီၣ် ခိၣ်လၢအနီၣ်ထိးဘိဒ်သိးဟီၣ်ခိၣ်ကမူၣ်ကကဲထီၣ်ဃးသူဃးလါလၢ ကီၢ်အဲၤကူပတူးဒီဘ့ၣ်ညါအပူၤန့ၣ်တက့ၢ်.”

လံာ်တၢ်ဟးထီၣ်ကွံာ် 8:5

ဒီးယွၤစံးဘၣ်စီၤမိၤၡ့, “တဲဘၣ်စီၤအၤဟရိၣ်လၢကယူာ်ထီၣ် အနီၣ်ထိးဘိလၢထံကျိတဖၣ်အဖီခိၣ်, ထံကျိၤတဖၣ်အဖီခိၣ်, ဒီးကမါတဖၣ်အဖီခိၣ်, ဒီးဒုးဟဲထီၣ်ဒ့ၣ်ဧိၤကွီၣ်ဧိၤဒီးမၤပှဲၤကီၢ်အဲၤကူပတူးန့ၣ်တက့ၢ်.”

လံာ်တၢ်ဟးထီၣ်ကွံာ် 9:21

မ့မ့ၢ်ပှၤလၢအတပာ်ကဲဘၣ်ယွၤအတၢ်စံးဘၣ်တ့ၢ်တဖၣ်န့ၣ်ပာ်တ့ၢ် အကုၢ်အပှၤဒီးအဆၣ်ဖိကီၢ်ဖိတဖၣ်လၢတၢ်ချၢန့ၣ်လီၤ.

လံာ်စီၤယိၤၡူ 10:11

ဖဲပှၤအမိၢ်ဖိတဖၣ်ဃ့ၢ်လီၤဝဲလၢပှၤအံၣ်စရ့လးဖိအသုးမုၢ်အ မဲာ်ညါန့ၣ်, ယွၤဒုးလီၤသူၣ်ဖးဒိၣ်တဖၣ်လၢမူခိၣ်ဆူအဝဲသ့ၣ်အဖီခိၣ်ဒီ ကျဲညါတုၤလီၤလၢဝ့ၢ်ဧစ့ကၤဒီးအဝဲသ့ၣ်သံဝဲလီၤ. ပှၤဘၣ်ဒိသံလၢသူၣ်တဖၣ်န့ၣ် အါန့ၢ်ဒံးပှၤလၢပှၤအံၣ်စရ့လးဖိမၤသံလၢနးတက့ၢ်န့ၣ်လီၤ.

လံာ်လီၣ်ဖျါ 16:21

တၢ်စူၤလီၤသူၣ်ဖးဒိၣ်တဖၣ်, လၢတဖျၢၣ်ဒီးတဖျၢၣ်ဃၢဝဲသၢမၢ ဃၣ်ဃၣ်, ဒီးဟဲလီၤဝဲလၢမူခိၣ်ဒီးလီၤဘၣ်ပှၤကညီတဖၣ်တုၤ ဒၣ်လဲာ်အဆိၣ်အၢကစၢ်ယွၤလၢတၢ်သံသတြိာ်ဘၣ်ဃးဒီးသူၣ်, အဂ့ၢ်မ့ၢ်လၢအမ့ၢ်ဝဲတၢ်သံသတြိာ်လီၤပျံၤလီၤဖုးတမံၤ အဃိန့ၣ်လီၤ.