လံာ်တၢ်ဟးထီၣ်ကွံာ် 9:19 - Sgaw Karen Common Bible

¹⁹ ခဲကနံၣ်အံၤဟ့ၣ်လီၤသုကလုၢ်ဒီးမၤလိာ်လၢသုဆၣ်ဖိကီၢ်ဖိ တဖၣ်လၢသုဘုၣ်အီၤဒီးကယဲၢ်တၢ်တမံၤလၢ်လၢ်လၢအအိၣ်လၢတၢ်ပျီ ပူၤခဲလၢာ်ကဘၣ်တၢ်ပာ်အီၤလၢတၢ်ဒုးခိၣ်ဖီလာ်လၢတၢ်ပူၤဖျဲး အလီၢ်တက့ၢ်. သူၣ်ကလီၤလၢပှၤဂီၢ်မုၢ်ဒီးဆၣ်ဖိကီၢ်ဖိအအိၣ်လီၤတဲာ်လၢတၢ် ချၢတဖၣ်အလိၤဒီးကသံဝဲခဲလၢာ်လီၤ.”

လံာ်တၢ်ဟးထီၣ်ကွံာ် 9:19 Iomraidhean Croise

စံးထီၣ်ပတြၢၤ 78:48

အဝဲမၤသံကွံာ်အဝဲသ့ၣ်အဂီၤဘုၣ်ဂီၤဖံးလၢသူၣ်ဒီး အသိအဖုအဂီၢ်တဖၣ်လၢ လီဝၢ်ဒံးန့ၣ်လီၤ.

လံာ်တၢ်ဟးထီၣ်ကွံာ် 9:25

ဒီးသူၣ်န့ၣ်လီၤဘၣ်လၢကယဲၢ်ကီၢ်အဲၤကူပတူးဒီဘ့ၣ်ညါ, တၢ်လီၢ်ကိးပူၤဒဲးလၢအအိၣ်လၢခိဃုာ်ဒီးပှၤဂီၢ်မုၢ်ဒီးဆၣ် ဖိကီၢ်ဖိခဲလၢာ်အလိၤလီၤ. ဒီးသူၣ်လီၤဘၣ်လၢကယဲၢ်တၢ်မုၢ်တၢ်ဘိလၢစံာ်ပျီပူၤဒီးမၤကၢ် လီၤသ့ၣ်ခဲလၢာ်န့ၣ်လီၤ.

လံာ်တၢ်ဟးထီၣ်ကွံာ် 9:6

လၢမုၢ်ဆ့ၣ်ထီၣ်တနံၤန့ၣ်ယွၤမၤဝဲဒ်အစံးတ့ၢ်ဝဲအသိး, ဒီးပှၤအဲၤကူပတူးဖိတဖၣ်အဆၣ်ဖိကီၢ်ဖိသံဝဲခဲလၢာ်န့ၣ်လီၤ. မ့မ့ၢ်ပှၤအံၣ်စရ့လးဖိအဆၣ်ဖိကီၢ်ဖိတသံဝဲနီတဒုဘၣ်.

လံာ်ယဃ့းစက့လး 33:5

အဝဲအတၢ်သံန့ၣ်မ့ၢ်အတၢ်ကမၣ်ဒၣ်ဝဲမ့ၢ်လၢအဝဲတကနၣ်ဃုာ်ဘၣ် တၢ်ဟ့ၣ်ပလီၢ်အဃိန့ၣ်လီၤ. အဝဲမ့ၢ်ကနၣ်ဃုာ်တၢ်ဟ့ၣ်ပလီၢ်န့ၣ်, အဝဲပူၤဖျဲးသ့ဝဲန့ၣ်လီၤ.

လံာ်ဃဘးကူာ် 3:2

ယွၤဧၢ, ယနၢ်ဟူတ့ၢ်လံတၢ်လၢနမၤတ့ၢ်ဝဲ, ဒီးယသးပှဲၤဒီးတၢ်ကမၢကမၣ်ဖးဒိၣ်လၢတၢ်ယူးယီၣ်ပာ်ကဲ အပူၤန့ၣ်လီၤ. ခဲကနံၣ်အံၤ, တၢ်မၤဖးဒိၣ်တဖၣ်လၢနညီနုၢ်မၤအီၤန့ၣ်, မၤကဒီးလၢပစိၤပကတီၢ်တဖၣ်အပူၤတက့ၢ်. ဖဲနသးဒိၣ်အခါဒၣ်လဲာ်, သူၣ်ကညီၤသးကညီၤဒံးတၢ်တက့ၢ်.