လံာ်တၢ်ဟးထီၣ်ကွံာ် 9:12 - Sgaw Karen Common Bible

¹² ဘၣ်ဆၣ်ဒီးယွၤမၤကိၤထီၣ်စီၤပၤအသး, ဒီးဒ်ယွၤစံးဝဲအသိး, စီၤပၤတဒိကနၣ်ဘၣ်စီၤမိၤၡ့ဒီးစီၤအၤဟရိၣ်ဘၣ်.

လံာ်တၢ်ဟးထီၣ်ကွံာ် 9:12 Iomraidhean Croise

လံာ်တၢ်ဟးထီၣ်ကွံာ် 10:1

တုၤနုၤတစုယွၤစံးဘၣ်စီၤမိၤၡ့, “လဲၤဆူစီၤပၤအအိၣ်တက့ၢ်. အဂ့ၢ်ဒ်အံၤ, ယမၤကိၤတ့ၢ်အဝဲဒီးအပဒိၣ်ပပှၢ်တဖၣ်အသးဒ်သိးယကမၤတၢ်လီၤလးတဖၣ်အံၤလၢအကျါ,

လံာ်တၢ်ဟးထီၣ်ကွံာ် 10:20

ဘၣ်ဆၣ်ယွၤမၤကိၤထီၣ်ကီၢ်အဲၤကူပတူးအစီၤပၤအသး, ဒီးတပျဲလဲၤဘၣ်ပှၤအံၣ်စးရ့လးဖိအတၢ်ဘၣ်.

လံာ်တၢ်ဟးထီၣ်ကွံာ် 11:10

စီၤမိၤၡ့ဒီးစီၤအၤဟရိၣ်မၤတၢ်လီၤလးခဲလၢာ်တဖၣ်န့ၣ်လၢ စီၤပၤအမဲာ်ညါ, ဘၣ်ဆၣ်ဒီးယွၤမၤကိၤထီၣ်စီၤပၤအသးဒီး တပျၢ်ကွံာ်ဘၣ်ပှၤအံၣ်စရ့လးဖိလၢအကီၢ်ဘၣ်လီၤ.

လံာ်တၢ်ဟးထီၣ်ကွံာ် 14:8

ဒီးယွၤမၤကိၤထီၣ်စီၤပၤအသး, ဒီးအဝဲလူၤထွဲပှၤအံၣ်စရ့လးဖိတဖၣ်လၢအဟးထီၣ်ကွံာ်အိၣ်ဒီး တၢ်သးခုလၢတၢ်မၤနၢၤအပူၤန့ၣ်လီၤ.

လံာ်တၢ်ဟးထီၣ်ကွံာ် 4:21

ဒီးယွၤစံးဘၣ်စီၤမိၤၡ့, “တုၤနက့ၤကဒါက့ၤဆူကီၢ်အဲၤကူပတူး န့ၣ်မၤတၢ်လီၤလးတဖၣ်လၢယဟ့ၣ်စိဟ့ၣ်ကမီၤနၤလၢနကမၤအီၤ လၢစီၤပၤဖၤရိၤအမဲာ်ညါတက့ၢ်. ယကမၤကိၤထီၣ်အသးဒ်သိးအသုတပျဲပှၤဂီၢ်မုၢ်တဖၣ်ဟးထီၣ်တဂ့ၤ န့ၣ်လီၤ.

လံာ်တၢ်ဟးထီၣ်ကွံာ် 7:4

တုၤနုၤတစုယကဟဲစိာ်တၢ်စံၣ်ညီၣ်ဆါဆါကလဲာ်လၢကီၢ်အဲၤကူပတူးအလိၤ, ဒီးဒုးဟးထီၣ်ကွံာ်ပှၤဂီၢ်မုၢ်, ပှၤအံၣ်စရ့လးဖိ, လၢကီၢ်အဲၤကူပတူးန့ၣ်လီၤ.

လံာ်တၢ်ဟးထီၣ်ကွံာ် 9:7

စီၤပၤသံကွၢ်ဝဲဒၣ်လၢတၢ်မနုၤမၤတ့ၢ်အသးလဲၣ်. ဒီးဘၣ်တၢ်တဲဘၣ်အီၤလၢပှၤအံၣ်စရ့လးဖိတဖၣ်အဆၣ်ဖိကီၢ်ဖိ တသံနီတဒုဘၣ်အဂ့ၢ်လီၤ. ဘၣ်ဆၣ်အသးကိၤဝဲဒီးတပျၢ်ပှၤဂီၢ်မုၢ် ဘၣ်.

လံာ်ယိၤဟၣ် 12:40

“ကစၢ်ယွၤမၤဘျီၣ်အဝဲသ့ၣ်အမဲာ်ချံတဖၣ် ဒီးမၤကိၤထီၣ်အဝဲသ့ၣ်အသး, ဒ်သိးအမဲာ်ချံတဖၣ်သုတထံၣ်တၢ်တဂ့ၤ ဒီးအသးအသုတနၢ်ပၢၢ်တၢ်တဂ့ၤ, ဒီးအဝဲသ့ၣ်အသုတဃၣ်အသးဆူအအိၣ် လၢအကမၤဘျါက့ၤအဝဲသ့ၣ်အဂီၢ်တဂ့ၤန့ၣ်လီၤ” (ၡါ ၆:၁၀).

ရိမ့ၤ 9:18

လၢတၢ်န့ၣ်အဃိ, ကစၢ်ယွၤသးကညီၤပှၤလၢအသးအိၣ်သး ကညီၤဝဲတဖၣ်, ဒီးမၤကိၤပှၤအသးဖဲအသးအိၣ်မၤဝဲန့ၣ်လီၤ.

လံာ်စီၤယိၤၡူ 11:20

အဂ့ၢ်မ့ၢ်လၢယွၤမၤကိၤထီၣ်အဝဲသ့ၣ်အသးတဖၣ်လၢကဟဲ ထီဒါအံၣ်စရ့လးလၢတၢ်ဒုးအပူၤ, ဒ်သိးအဝဲသ့ၣ်ကဘၣ်တၢ်မၤဟးဂီၤကွံာ်အီၤခဲလၢာ်ဒီးတဒိးန့ၢ်တၢ်သးကညီၤဘၣ်ဒီးကဘၣ်တၢ်မၤ သံကွံာ်အီၤခဲလၢာ်ဒ်ယွၤမၤလိာ်တ့ၢ်စီၤမိၤၡ့အသိးအဃိန့ၣ်လီၤ.