လံာ်တၢ်ဟးထီၣ်ကွံာ် 8:6 - Sgaw Karen Common Bible

⁶ လၢတၢ်န့ၣ်အဃိစီၤအၤဟရိၣ်ယူာ်ထီၣ်အနီၣ်ထိးဘိလၢထံတဖၣ်အဖီခိၣ်, ဒီးဒ့ၣ်တဖၣ်ဟဲထီၣ်ဝဲဒီးမၤပှဲၤကီၢ်အဲၤကူပတူး န့ၣ်လီၤ.

လံာ်တၢ်ဟးထီၣ်ကွံာ် 8:6 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:22

နမ့ၢ်တၢ်ဒိၣ်နီၢ်မးလဲၣ်, ပၢဘၣ်တၢ်ခဲလၢာ်ကစၢ်, ယွၤဧၢ. ပှၤဒ်သိးနၤတအိၣ်ဘၣ်နီတဂၤဘၣ်. ပသ့ၣ်ညါတ့ၢ်ထီဘိလၢထဲဒၣ်နၤတဂၤန့ၣ်နမ့ၢ်ကစၢ်ယွၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 6:14

အဝဲဘါထုကဖၣ်တၢ်စံးဝဲ, “ယွၤ, အံၣ်စရ့လးအကစၢ်ယွၤဧၢ, လၢမူခိၣ်မ့ၢ်ဂ့ၤ, လၢဟီၣ်ခိၣ်မ့ၢ်ဂ့ၤကစၢ်ဒ်သိးနၤတအိၣ်နီ တဂၤဘၣ်. နဟံးဃာ်ဂၢၢ်ကျၢၤနတၢ်အၢၣ်လီၤဒီးနပှၤဂီၢ်မုၢ်ဒီးဒုးနဲၣ်အ ဝဲသ့ၣ်လၢနတၢ်အဲၣ်, ဖဲအဝဲသ့ၣ်အိၣ်မူစူၢ်နၤလၢအသူၣ်ဒီဖျၢၣ်သး ဒီဖျၢၣ်န့ၣ်လီၤ.

စံးထီၣ်ပတြၢၤ 105:30

အထံအကီၢ်အိၣ်ပှဲၤဒီးဒ့ၣ်တဖၣ် ဒီးတုၤလၢအစီၤပၤအနီဒၣ်လဲာ် ပှဲၤဒီးဒ့ၣ်တဖၣ်န့ၣ်လီၤ.

စံးထီၣ်ပတြၢၤ 78:45

အဝဲဆှၢလီၤသၣ်ဘုလါတဖၣ်လၢ အဝဲသ့ၣ်အကျါဒ်သိးကမၤဆါဒီး မၤနးမၤဖှီၣ်အီၤ ဒီးဒ့ၣ်တဖၣ်လၢ အမၤဟးဂီၤကွံာ်အဝဲသ့ၣ်အထံအကီၢ်န့ၣ်လီၤ.

စံးထီၣ်ပတြၢၤ 86:8

ယွၤဧၢ, လၢကစၢ်တဖၣ်အကျါန့ၣ် ပှၤဒ်သိးဒီးနၤတအိၣ်နီတဂၤဘၣ်. ပှၤတမၤတ့ၢ်တၢ်ဒ်နမၤတ့ၢ်အသိးနီတဂၤဘၣ်.

စံးထီၣ်ပတြၢၤ 90:2

တချုးလၢကစၢၢ်ကလိအိၣ်ထီၣ်ဒံးဘၣ်, မ့တမ့ၢ်တချုးလၢနဒုးအိၣ်ထီၣ်ဟီၣ်ခိၣ်ဒံးဘၣ်န့ၣ်, နမ့ၢ်ကစၢ်ယွၤအစိၤစိၤအဃၣ်ဃၣ်ဒီး နကမ့ၢ်ဒံးနဲလီၤစိၤထီလီၤ.

လံာ်တၢ်ဟးထီၣ်ကွံာ် 10:2

ဒီးဒ်သိးသုကတဲသုဖိသုလံၤတဖၣ်လၢယမၤပျုၢ်ပှၤအဲၤကူပတူး ဖိတဖၣ်ဒ်လဲၣ်, ဖဲယမၤတၢ်ပနီၣ်လီၤလးတဖၣ်အခါန့ၣ်လီၤ. ဒီးသုကသ့ၣ်ညါလၢယမ့ၢ်ယွၤန့ၣ်လီၤ.”

လံာ်တၢ်ဟးထီၣ်ကွံာ် 15:11

ယွၤဧၢ, လၢကစၢ်တဖၣ်အကျါန့ၣ်မ့ၢ်မတၤတဂၤလီၤဂာ်ဒ်သိးနၤန့ၣ်လဲၣ်. မ့ၢ်မတၤတဂၤလီၤဂာ်ဒ်သိးနၤလၢတၢ်လီၤလးအတၢ်စီဆှံအပူၤန့ၣ်လဲၣ်. မ့ၢ်မတၤတဂၤမၤတၢ်လီၤလးဒီးမၤတၢ်ဒိၣ်ဒိၣ်မုၢ်မုၢ်တဖၣ်ဒ်နမၤတ့ၢ်အသိးန့ၣ်သ့ဝဲလဲၣ်.

လံာ်တၢ်ဟးထီၣ်ကွံာ် 7:19

ဒီးယွၤစံးဘၣ်စီၤမိၤၡ့, “တဲဘၣ်စီၤအၤဟရိၣ်လၢကလဲၤစိာ် အနီၣ်ထိးဘိ, ဒီးယူာ်ထီၣ်အီၤလၢထံကျိခဲလၢာ်, ထံကျိၤတဖၣ်ဒီးကမါတဖၣ်အဖီခိၣ်လၢကီၢ်အဲၤကူပတူးအပူၤ တက့ၢ်. ဒီးထံကကဲထီၣ်လၢတၢ်သွံၣ်, ဒီးတၢ်သွံၣ်ကအိၣ်လၢကီၢ်ဒီ ဘ့ၣ်ညါ, တုၤလၢသ့ၣ်သရာ်ဒီးလၢၢ်သရာ်တဖၣ်အပူၤဒၣ်လဲာ်န့ၣ်လီၤ.”

လံာ်တၢ်ဟးထီၣ်ကွံာ် 9:14

အအံၤတစုယတစံၣ်ညီၣ်ထဲနပဒိၣ်ပပှၢ်ဒီးနပှၤဂီၢ်မုၢ်န့ၣ်ဘၣ်. မ့မ့ၢ်ယကစံၣ်ညီၣ်စ့ၢ်ကီးနၤဒ်သိးနကသ့ၣ်ညါလၢပှၤဒ်သိးယၤ တအိၣ်ဘၣ်လၢဟီၣ်ခိၣ်ချၢနီတဂၤဘၣ်, န့ၣ်လီၤ.

လံာ်တၢ်ဟးထီၣ်ကွံာ် 9:29

ဒီးစီၤမိၤၡ့စံးဘၣ်အီၤ, “တဘျီဃီဖဲယဟးထီၣ်လၢဝ့ၢ်ပူၤ ဒီးယကယူာ်ထီၣ်ယစုဒီးဃ့ကညးယွၤလီၤ. လီသီၣ်ကဆိကတီၢ်ဝဲ, ဒီးသူၣ်တလီၤလၢၤဘၣ်ဝဲဘၣ်, တုၤနုၤတစုနကသ့ၣ်ညါလၢဟီၣ်ခိၣ်အံၤမ့ၢ်ယွၤအတၢ်လီၤ.

လံာ်ယၡါယၤ 43:10

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, သုမ့ၢ်ယပှၤအုၣ်အသးတဖၣ် လီၤ. ယဃုထၢသုလၢသုကမ့ၢ်ယခ့ယပှၤ, ဒ်သိးသုကသ့ၣ်ညါဒီးစူၢ်က့ၤနာ်က့ၤဒီးနၢ်ပၢၢ်လၢယမ့ၢ်ကစၢ် ယွၤထဲတဂၤဧိၤန့ၣ်လီၤ. လၢယၤအမဲာ်ညါကစၢ်အဂၤတအိၣ်နီတဂၤဘၣ်. ခါလၢအပူၤကွံာ်မ့ၢ်ဂ့ၤ, ခါဆူညါမ့ၢ်ဂ့ၤ, တအိၣ်ဘၣ်နီတဂၤနီတစုဘၣ်.

လံာ်တၢ်ဘူၣ်ထီၣ်ဘါထီၣ် 11:12

သုတဘၣ်အီၣ်တၢ်တမံၤလၢ်လၢ်လၢအအိၣ်လၢထံကျါလၢအတအိၣ်ဒီးအရုမ့ၢ်ဂ့ၤ, အသဒံၣ်မ့ၢ်ဂ့ၤန့ၣ်ဘၣ်.

လံာ်သိၣ်လီၤသီလီၤတၢ် 32:31

အဝဲသ့ၣ်အဒုၣ်အဒါတဖၣ်သ့ၣ်ညါဝဲလၢအဝဲသ့ၣ်အကစၢ်တဖၣ်လၢ အဘူၣ်ဝဲဘါဝဲန့ၣ်အဂံၢ်စၢ်ဘါစၢ်, ဒီးတဒိၣ်ဝဲမုၢ်ဝဲထဲသိးကီၢ်အံၣ်စရ့လးအကစၢ်ယွၤ ဘၣ်န့ၣ်လီၤ.

လံာ်သိၣ်လီၤသီလီၤတၢ် 33:26

ကီၢ်အံၣ်စရ့လးအပှၤဂီၢ်မုၢ်ဧၢ, ယွၤအဂၤတဒ်သိးဘၣ်သုကစၢ်ယွၤဘၣ်. အဝဲဒိးတၢ်ခီဖျိကွံာ်မူကပိာ်လိၤလၢတၢ်ကဟုကညီၢ်အပူၤ, ဒိးတၢ်ခီဖျိကွံာ်တၢ်အၢၣ်တဖၣ်လၢကဟဲမၤစၢၤသုအဂီၢ်န့ၣ်လီၤ.

လံာ်သိၣ်လီၤသီလီၤတၢ် 4:35

ယွၤဒုးနဲၣ်တ့ၢ်တၢ်အံၤမ့ၢ်ဒ်သိးကအုၣ်အသးလၢသုမဲာ်ညါလၢထဲ အဝဲတဂၤဧိၤမ့ၢ်ကစၢ်ယွၤဒီးကစၢ်အဂၤတအိၣ်ဘၣ်အဂ့ၢ်န့ၣ်လီၤ.

လံာ်လီၣ်ဖျါ 16:13

အန့ၣ်ဝံၤဒီးယထံၣ်သးလၢအတကဆှီဘၣ်သၢဒုလၢအလီၤဂာ်ဒီး ဒ့ၣ်တဖၣ်န့ၣ်လီၤ. အဝဲသ့ၣ်ဟဲထီၣ်လၢပယိၤအကိာ်ပူၤ, တၢ်ဒူတၢ်ဃိၤအကိာ်ပူၤ, ဒီးဝံအဘျၣ်တဂၤအကိာ်ပူၤလီၤ.