လံာ်တၢ်ဟးထီၣ်ကွံာ် 8:32 - Sgaw Karen Common Bible

³² ဘၣ်ဆၣ်တုၤလၢအအံၤတစုဒၣ်လဲာ်စီၤပၤမၤကိၤအသးဒီးတပျၢ်ဘၣ် ပှၤဂီၢ်မုၢ်ဘၣ်.

လံာ်တၢ်ဟးထီၣ်ကွံာ် 8:32 Iomraidhean Croise

လံာ်တၢ်ဟးထီၣ်ကွံာ် 4:21

ဒီးယွၤစံးဘၣ်စီၤမိၤၡ့, “တုၤနက့ၤကဒါက့ၤဆူကီၢ်အဲၤကူပတူး န့ၣ်မၤတၢ်လီၤလးတဖၣ်လၢယဟ့ၣ်စိဟ့ၣ်ကမီၤနၤလၢနကမၤအီၤ လၢစီၤပၤဖၤရိၤအမဲာ်ညါတက့ၢ်. ယကမၤကိၤထီၣ်အသးဒ်သိးအသုတပျဲပှၤဂီၢ်မုၢ်တဖၣ်ဟးထီၣ်တဂ့ၤ န့ၣ်လီၤ.

လံာ်တၢ်ဟးထီၣ်ကွံာ် 8:15

ဖဲစီၤပၤထံၣ်ဝဲဒၣ်လၢဒ့ၣ်တဖၣ်သံဝဲန့ၣ်, အသးကိၤထီၣ်ကဒီးဝဲ ဒ်ယွၤစံးတ့ၢ်ဝဲအသိး, ဒီးစီၤပၤတဒိကနၣ်စီၤမိၤၡ့ဒီးစီၤအၤဟရိၣ်ဘၣ်န့ၣ်လီၤ.

လံာ်တၢ်ဟးထီၣ်ကွံာ် 8:31

ဒီးယွၤမၤဝဲဒ်စီၤမိၤၡ့ဃ့ဝဲအသိးလီၤ. သၣ်ဘုလါတဖၣ်ဟးထီၣ်ကွံာ်လၢစီၤပၤအလိၤ, အပဒိၣ်ပပှၢ်တဖၣ်ဒီးအပှၤဂီၢ်မုၢ်အလိၤ, ဒီးတအိၣ်လီၤတဲာ်ဘၣ်နီတဘ့ၣ်ဘၣ်.

လံာ်တၢ်ဟးထီၣ်ကွံာ် 8:8

စီၤပၤမၢပှၤကိးန့ၢ်အီၤစီၤမိၤၡ့ဒီးစီၤအၤဟရိၣ်ဒီးစံးဝဲဒၣ်, “ဃ့ကညးယွၤလၢအကဒုးဟးထီၣ်ကွံာ်ဒ့ၣ်ဧိၤကွီၣ်ဧိၤလၢယ အိၣ်, ဒီးလၢယပှၤဂီၢ်မုၢ်အအိၣ်တက့ၢ်. ဒီးယကပျၢ်သုပှၤဂီၢ်မုၢ်ဒ်သိး အဝဲသ့ၣ်လဲၤလုၢ်တၢ်ပာ်တၢ်ဆူယွၤအအိၣ်ကသ့ဝဲန့ၣ်လီၤ.”

လံာ်တၢ်ဟးထီၣ်ကွံာ် 9:7

စီၤပၤသံကွၢ်ဝဲဒၣ်လၢတၢ်မနုၤမၤတ့ၢ်အသးလဲၣ်. ဒီးဘၣ်တၢ်တဲဘၣ်အီၤလၢပှၤအံၣ်စရ့လးဖိတဖၣ်အဆၣ်ဖိကီၢ်ဖိ တသံနီတဒုဘၣ်အဂ့ၢ်လီၤ. ဘၣ်ဆၣ်အသးကိၤဝဲဒီးတပျၢ်ပှၤဂီၢ်မုၢ် ဘၣ်.

လံာ်ယၡါယၤ 63:17

ဘၣ်မနုၤအဃိနပျဲပဟးဖျိးကွံာ်လၢနကျဲတဖၣ်န့ၣ်လဲၣ်. ဘၣ်မနုၤအဃိနမၤကိၤပသးတုၤဒၣ်လဲာ်ပဃၣ်ကွံာ်ပသးလၢနၤ န့ၣ်လဲၣ်. လၢပှၤလၢအမၤနတၢ်မၤတဖၣ်, လၢပှၤဂီၢ်မုၢ်လၢထီဘိမ့ၢ်နတၢ်ဒၣ်နဲတဖၣ်အဃိ န့ၣ်ဟဲက့ၤကဒါက့ၤတက့ၢ်.

ရိမ့ၤ 2:5

ဘၣ်ဆၣ်ဒီး, နအိၣ်ဒီးသးလၢအကိၤဒီးသးလၢအတပီၢ်ယၢ်လီၤ က့ၤအသးန့ၣ်လီၤ. လၢတၢ်န့ၣ်အဃိ, နပာ်ဖှိၣ်အါထီၣ်တၢ်သးဒိၣ်လၢနဂီၢ်ဒၣ်နဲလၢ တၢ်သးဒိၣ်အမုၢ်တနံၤ, ဖဲယွၤအတၢ်စံၣ်ညီၣ်တီကဘၣ်တၢ်လီၣ်ဖျါထီၣ်အီၤ အကတီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:6

သုဘၣ်မၤကိၤသုခိၣ်ဒ်ကီၢ်အဲၤကူပတူးအစီၤပၤဒီးပှၤအဲၤကူပတူးဖိတဖၣ်အသိးန့ၣ် ဘၣ်မနုၤလဲၣ်. ကစၢ်ယွၤမၤပျုၢ်တ့ၢ်အဝဲ သ့ၣ်တုၤဒၣ်လဲာ်အဝဲသ့ၣ်ပျဲပှၤအံၣ်စရ့လးဖိတဖၣ်ဟးထီၣ်ကွံာ် လၢကီၢ်အဲၤကူပတူးဒ်လဲၣ်န့ၣ်သးပ့ၤနီၣ်တဂ့ၤ.