လံာ်တၢ်ဟးထီၣ်ကွံာ် 8:27 - Sgaw Karen Common Bible

²⁷ ပကဘၣ်လဲၤတၢ်သၢနံၤကျဲဆူပှၢ်မုၢ်ကနၢအပူၤဒီးလုၢ်တၢ်ပာ်တၢ် ဆူယွၤ, ပကစၢ်ယွၤအအိၣ်ဒ်အဝဲမၤလိာ်တ့ၢ်ပှၤအသိးန့ၣ်လီၤ.”

လံာ်တၢ်ဟးထီၣ်ကွံာ် 8:27 Iomraidhean Croise

လံာ်တၢ်ဟးထီၣ်ကွံာ် 10:26

ပပာ်တ့ၢ်အီၤတသ့ဘၣ်. ပကဘၣ်လဲၤစိာ်ပဆၣ်ဖိကီၢ်ဖိတဖၣ်ဃုာ်ဒီး ပှၤလီၤ. တဘၣ်အိၣ်လီၤတဲာ်တ့ၢ်နီတဒုဘၣ်. ဆၣ်ဖိကီၢ်ဖိတဖၣ်လၢပကလုၢ်ထီၣ်ယွၤ, ပကစၢ်ယွၤအဂီၢ်န့ၣ်, ပကဘၣ်ဃုထၢအီၤလၢပကစၢ်ဒၣ်ပဝဲန့ၣ်လီၤ. ဒီးတချုးဒံးဘၣ်လၢပတုၤဃီၤဖဲန့ၣ်န့ၣ်, ပကဘၣ်လုၢ်ထီၣ်ပာ်ထီၣ် ဆၣ်ဖိကီၢ်ဖိမတၤဆူယွၤအအိၣ်န့ၣ်ပသ့ၣ်ညါတသ့ဒံးဘၣ်.”

လံာ်တၢ်ဟးထီၣ်ကွံာ် 3:12

ဒီးကစၢ်ယွၤစံးဆၢအီၤ, “ယကအိၣ်ဒီးနၤလီၤ. ဒီးဖဲနထုးထီၣ်ကွံာ်ပှၤဂီၢ်မုၢ်လၢကီၢ်အဲၤကူပတူးအပူၤန့ၣ်, သုကဘူၣ်ထီၣ်ဘါထီၣ်ယၤဖဲကစၢၢ်အံၤအလိၤန့ၣ်လီၤ. တၢ်န့ၣ်ကမ့ၢ်တၢ်အုၣ်အသးလၢယမၢလီၤနၤန့ၣ်လီၤ.”

လံာ်တၢ်ဟးထီၣ်ကွံာ် 3:18

ယပှၤဂီၢ်မုၢ်အသူၣ်က့သးပှၢ်တဖၣ်ကဒိကနၣ်တၢ်လၢနစံးဘၣ်အဝဲသ့ၣ် န့ၣ်လီၤ. ဒီးနကဘၣ်လဲၤဃုာ်တၢ်ဒီးပှၤအံၣ်စရ့လးအသူၣ်က့သးပှၢ်တဖၣ်ဆူ ကီၢ်အဲၤကူပတူးအစီၤပၤအအိၣ်ဒီးစံးဘၣ်အီၤ, ‘ယွၤ, ပှၤဧ့ၤဘြံၤဖိတဖၣ်အကစၢ်ယွၤလီၣ်ဖျါထီၣ်တ့ၢ်လံအသးလၢပှၤလီၤ. ခဲကနံၣ်အံၤပျဲလၢ်ပှၤဒ်သိးပကလဲၤတၢ်သၢသီကျဲဆူပှၢ်မုၢ်ကနၢ အပူၤဒ်သိးပကလုၢ်ထီၣ်တၢ်လုၢ်တၢ်ပာ်တဖၣ်ဆူယွၤ, ပကစၢ်ယွၤအအိၣ်န့ၣ်တက့ၢ်.’

လံာ်တၢ်ဟးထီၣ်ကွံာ် 34:11

စူၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢယကဟ့ၣ်လီၤသုတနံၤအံၤန့ၣ်တက့ၢ်. ယကဟီထီၣ်ကွံာ်ပှၤအမိၢ်ဖိတဖၣ်, ပှၤကနၤဧၣ်ဖိတဖၣ်, ပှၤဃ့ၤသးဖိတဖၣ်, ပှၤပရးစၤဖိတဖၣ်, ပှၤဃံၤဝံဖိတဖၣ်ဒီးပှၤယဘူၣ်ဖိတဖၣ်ဖဲသုလဲၤထီၣ်ဒုးတၢ်န့ၣ်လီၤ.

လံာ်တၢ်ဟးထီၣ်ကွံာ် 5:1

ဒီးစီၤမိၤၡ့ဒီးစီၤအၤဟရိၣ်လဲၤဆူကီၢ်အဲၤကူပတူးစီၤပၤ အအိၣ်, ဒီးစံးဘၣ်အီၤ, “ယွၤ, ပှၤအံၣ်စရ့လးဖိအကစၢ်ယွၤစံးဒ်အံၤ, ပျၢ်ယပှၤဂီၢ်မုၢ်, ဒ်သိးအကလဲၤမၤဘူၣ်လၢပှၢ်မုၢ်ကနၢလၢတၢ်မၤလၤကပီၤယၤအဂီၢ်န့ၣ်တက့ၢ်.”

လံာ်တၢ်ဟးထီၣ်ကွံာ် 5:3

ဒီးစီၤမိၤၡ့ဒီးစီၤအၤဟရိၣ်စံးဝဲဒၣ်, “ပှၤဧ့ၤဘြံၤဖိအကစၢ်ယွၤလီၣ်ဖျါထီၣ်အသးလၢပှၤလံ. ဒုးလဲၤလၢ်ပှၤသၢနံၤကျဲဆူပှၢ်မုၢ်ကနၢဒ်သိးပကလုၢ်တၢ်ပာ်တၢ်ဆူယွၤ, ပကစၢ်ယွၤအအိၣ်တက့ၢ်. ပမ့ၢ်တမၤဘၣ်ဒ်န့ၣ်ဒီးအဝဲကမၤသံပှၤလၢတၢ်ဆူးတၢ်ဆါဒီးတၢ်ဒုးတၢ်ယၤန့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 10:1

စီၤအၤဟရိၣ်အဖိခွါတဖၣ်လၢအမ့ၢ်စီၤနၤဒးဒီးစီၤအဘံဟူၤ, ဟံးန့ၢ်ဝဲသပၢၤမ့ၣ်အူတဂၤတဖျၢၣ်စုာ်စုာ်ဒီးဒၢနုာ်မ့ၣ်အူအ့ၣ် ဃုာ်ဒီးတၢ်နၢမူလၢအပူၤဒီးလုၢ်ထီၣ်ဝဲဆူယွၤအအိၣ်လီၤ. ဘၣ်ဆၣ်ဒီးမ့ၣ်အူအံၤတမ့ၢ်တၢ်လၢအကဆှီဘၣ်. မ့ၢ်လၢယွၤတမၤလိာ်အဝဲသ့ၣ်လၢကလုၢ်ထီၣ်ဝဲအဃိန့ၣ်လီၤ.

လံာ်မးသဲ 28:20

ဒီးသိၣ်လိသီလိအဝဲသ့ၣ်လၢအကတိၢ်န့ၢ်ဒီး မၤထွဲတၢ်လၢယမၤလိာ်တ့ၢ်သုကိးမံၤဒဲးန့ၣ်တက့ၢ်. ဒီးယကအိၣ်ဒီးသုထီဘိ တုၤတၢ်အစိၤကတၢၢ်တစုန့ၣ်လီၤ.”