လံာ်တၢ်ဟးထီၣ်ကွံာ် 8:26 - Sgaw Karen Common Bible

²⁶ စီၤမိၤၡ့စံးဆၢဝဲဒၣ်, “ပမၤဒ်သိးန့ၣ်တဘၣ်ဝဲဘၣ်. အဂ့ၢ်ဒ်အံၤ, ပှၤအဲၤကူပတူးဖိတဖၣ်ကထီဒါပှၤလၢဆၣ်ဖိကီၢ်ဖိ တဖၣ်လၢပလုၢ်ထီၣ်ပာ်ထီၣ်အီၤဆူယွၤ, ပကစၢ်ယွၤအအိၣ်အ ဃိန့ၣ်လီၤ. ပမ့ၢ်သူဆၣ်ဖိကီၢ်ဖိတဖၣ်အံၤလၢအထီဒါပှၤအဲၤကူပတူး ဖိတဖၣ်ဒီးလုၢ်ထီၣ်ပာ်ထီၣ်အီၤဖဲအဝဲသ့ၣ်ထံၣ်ဝဲအလီၢ်န့ၣ် အဝဲသ့ၣ်ကကွံာ်သံပှၤလၢလၢၢ်လီၤ.

လံာ်တၢ်ဟးထီၣ်ကွံာ် 8:26 Iomraidhean Croise

လံာ်တၢ်ကဲထီၣ်အခီၣ်ထံး 43:32

စီၤယိၤသးဘၣ်တၢ်ကတဲာ်ကတီၤန့ၢ်အီၤတၢ်အီၣ်လၢစီၢ်နီၤခိၣ် တဖျၢၣ်ဒီးအဒီပုၢ်ဝဲၢ်ခွါတဖၣ်တခီလၢစီၢ်နီၤခိၣ်အဂၤတဖျၢၣ် န့ၣ်လီၤ. ဒီးပှၤအဲၤကူပတူးဖိတဖၣ်အီၣ်စ့ၢ်ကီးတၢ်လၢစီၢ်နီၤခိၣ်အဂၤ တဖျၢၣ်, မ့ၢ်လၢအဝဲသ့ၣ်ဆိကမိၣ်ဝဲလၢတၢ်အီၣ်သကိးတၢ်ဒီးပှၤဧ့ၤဘြံၤ ဖိတဖၣ်န့ၣ်မၤဆံးလီၤစှၤလီၤအဝဲသ့ၣ်အသူးအသ့ၣ်အဃိလီၤ.

လံာ်တၢ်ကဲထီၣ်အခီၣ်ထံး 46:34

တဲဘၣ်အီၤသပှၢ်ကတၢၢ်လၢ, သုမ့ၢ်ပှၤကွၢ်ထွဲဆၣ်ဖိကီၢ်ဖိ အဒၢလၢသုသးသမူဒီစိၤ, ဒ်သုမိၢ်ပၢ်ဖံဖုလၢပျၢၤတဖၣ်မၤ တ့ၢ်ဝဲအသိးတက့ၢ်. လၢကျဲဒ်အံၤန့ၣ်, အဝဲကပျဲသုအိၣ်သုဆိးလၢကီၢ်ကိၡ့ၣ်အလီၢ် ကဝီၤအပူၤန့ၣ်လီၤ.” စီၤယိၤသးစံးတၢ်အံၤမ့ၢ်လၢပှၤအဲၤကူပတူးဖိတဖၣ်တမၤဃုာ် တၢ်ဒီးပှၤကွၢ်သိတဖၣ်နီတစဲးလၢအသးဟ့, သးဘၣ်အၢဝဲအဃိလီၤ.

လံာ်စီၤပၤခံဘ့ၣ်တဘ့ၣ် 23:13

စီၤယိၤၡံယၤမၤဘၣ်အၢဘၣ်သီကွံာ်တၢ်လုၢ်လီၢ်တဖၣ်လၢစီၤပၤ စီၤၡလိၤမိၤဘှီထီၣ်တ့ၢ်ဝဲလၢအအိၣ်လၢဝ့ၢ်ယရူၤၡလ့ၣ်အမုၢ်ထီၣ်, ဒီးကစၢၢ်သ့ၣ်စၤယံးအကလံၤထံးလၢတၢ်ကဘူၣ်ထီၣ်ဘါထီၣ်တၢ်ဂီၤ တၢ်ဖီၣ်လီၤသးဘၣ်အၢတဖၣ်လၢအမ့ၢ်ပှၤစံဒိၣ်ဖိအကစၢ်မုၣ်ဧၤၡ တြိး, ပှၤမိၤအးဖိအကစၢ်ကမိၣ်, ဒီးပှၤဧၣ်မိၣ်ဖိအကစၢ်မိလးအဂီၢ်န့ၣ်လီၤ.

လံာ်စီၤဧ့စြၤ 9:1

ဖဲတၢ်တဖၣ်အံၤဘၣ်တၢ်မၤဝံၤအီၤအလီၢ်ခံန့ၣ်, အံၣ်စရ့လးအပှၤဂီၢ်မုၢ်အခိၣ်အနၢ်တနီၤဟဲဒီးတဲဘၣ်ယၤလၢပှၤဂီၢ်မုၢ်, ပှၤလုၢ်တၢ်အခိၣ်တဖၣ်, ဒီးပှၤလ့ၤဝံဖိတဖၣ်တအိၣ်မၤလီၤဖးအသး ဒီးထံကီၢ်အိၣ်ဘူးအိၣ်တံၢ်တဖၣ်လၢအမ့ၢ်ဝဲကီၢ်ဧၣ်မိၣ်, ကီၢ်မိၤအး, ဒီးကီၢ်အဲၤကူပတူးအပှၤဂီၢ်မုၢ်တဖၣ်မ့ၢ်ဂ့ၤ, ပှၤကနၤဧၣ်ဖိတဖၣ်, ပှၤဃ့ၤသးဖိတဖၣ်, ပှၤပရးစၤဖိတဖၣ်, ပှၤယဘူၣ်ဖိတဖၣ်, ဒီးပှၤအမိၢ်ဖိတဖၣ်မ့ၢ်ဂ့ၤန့ၣ်ဘၣ်. အဝဲသ့ၣ်မၤတၢ်လၢအလီၤသးဘၣ်အၢတဖၣ်တမံၤဃီဒ်ပှၤဂီၢ်မုၢ်တဖၣ် အံၤမၤတ့ၢ်ဝဲအသိးန့ၣ်လီၤ.

လံာ်တၢ်ဟးထီၣ်ကွံာ် 3:18

ယပှၤဂီၢ်မုၢ်အသူၣ်က့သးပှၢ်တဖၣ်ကဒိကနၣ်တၢ်လၢနစံးဘၣ်အဝဲသ့ၣ် န့ၣ်လီၤ. ဒီးနကဘၣ်လဲၤဃုာ်တၢ်ဒီးပှၤအံၣ်စရ့လးအသူၣ်က့သးပှၢ်တဖၣ်ဆူ ကီၢ်အဲၤကူပတူးအစီၤပၤအအိၣ်ဒီးစံးဘၣ်အီၤ, ‘ယွၤ, ပှၤဧ့ၤဘြံၤဖိတဖၣ်အကစၢ်ယွၤလီၣ်ဖျါထီၣ်တ့ၢ်လံအသးလၢပှၤလီၤ. ခဲကနံၣ်အံၤပျဲလၢ်ပှၤဒ်သိးပကလဲၤတၢ်သၢသီကျဲဆူပှၢ်မုၢ်ကနၢ အပူၤဒ်သိးပကလုၢ်ထီၣ်တၢ်လုၢ်တၢ်ပာ်တဖၣ်ဆူယွၤ, ပကစၢ်ယွၤအအိၣ်န့ၣ်တက့ၢ်.’

လံာ်တၢ်ဟးထီၣ်ကွံာ် 8:8

စီၤပၤမၢပှၤကိးန့ၢ်အီၤစီၤမိၤၡ့ဒီးစီၤအၤဟရိၣ်ဒီးစံးဝဲဒၣ်, “ဃ့ကညးယွၤလၢအကဒုးဟးထီၣ်ကွံာ်ဒ့ၣ်ဧိၤကွီၣ်ဧိၤလၢယ အိၣ်, ဒီးလၢယပှၤဂီၢ်မုၢ်အအိၣ်တက့ၢ်. ဒီးယကပျၢ်သုပှၤဂီၢ်မုၢ်ဒ်သိး အဝဲသ့ၣ်လဲၤလုၢ်တၢ်ပာ်တၢ်ဆူယွၤအအိၣ်ကသ့ဝဲန့ၣ်လီၤ.”

လံာ်ယၡါယၤ 44:19

ပှၤလၢအတ့တၢ်ဂီၤတၢ်ဖီၣ်တဖၣ်တအိၣ်ဒီးတၢ်ကူၣ်တၢ်ဆးမ့ၢ်ဂ့ၤ, တၢ်သ့ၣ်ညါနၢ်ပၢၢ်မ့ၢ်ဂ့ၤလၢကစံးဝဲ, “ယဒွဲၣ်အူထီၣ်သ့ၣ်တနီၤလီၤ. ယကုၢ်ကိၣ်တနီၤလၢမ့ၣ်အူကဖးအဖီခိၣ်, ဒီးယကၣ်တၢ်ညၣ်ဒီးယအီၣ်အီၤလီၤ. ဒီးသ့ၣ်လၢအအိၣ်တီၢ်န့ၣ်, ယတ့ထီၣ်တၢ်ဂီၤတၢ်ဖီၣ်တခါလီၤ. ဖဲအံၤ, ယတီၤလီၤယဲလၢသ့ၣ်ကူာ်လာ်တကျီၣ်အမဲာ်ညါလီၤ,” န့ၣ်ဘၣ်.