လံာ်တၢ်ဟးထီၣ်ကွံာ် 8:25 - Sgaw Karen Common Bible

²⁵ ဒီးစီၤပၤမၢပှၤကိးန့ၢ်အီၤစီၤမိၤၡ့ဒီးစီၤအၤဟရိၣ်ဒီး စံးဝဲဒၣ်, “လဲၤဒီးလုၢ်တၢ်ပာ်တၢ်ဆူသုကစၢ်ယွၤ, ဖဲအံၤလၢကီၢ်အံၤအပူၤတက့ၢ်.”

လံာ်တၢ်ဟးထီၣ်ကွံာ် 8:25 Iomraidhean Croise

လံာ်တၢ်ဟးထီၣ်ကွံာ် 10:16

ဒီးစီၤပၤကိးန့ၢ်စီၤမိၤၡ့ဒီးစီၤအၤဟရိၣ်ချ့ချ့ကလဲာ်ဒီးစံးဝဲဒၣ်, “ယမၤဒဲးဘးဘၣ်ယွၤ, သုကစၢ်ယွၤ, ဒီးသုဝဲသ့ၣ်လံ.

လံာ်တၢ်ဟးထီၣ်ကွံာ် 10:24

စီၤပၤကိးန့ၢ်စီၤမိၤၡ့ဒီးစံးဝဲဒၣ်, “လဲၤဘူၣ်ထီၣ်ဘါထီၣ်သု ယွၤတက့ၢ်. သုပှၤပိာ်မုၣ်ပိာ်မၢၤဒီးသုဖိဒံဖိသၣ်ဒၣ်လဲာ် မ်အကလဲၤဃုာ်ဒီးသုတက့ၢ်. ဘၣ်ဆၣ်သုသိ, သုမဲာ်တဲးလဲး, ဒီးသုဂီၤဘုၣ်ဂီၤဖံးတဖၣ်မ်အကအိၣ်လီၤတဲာ်ဖဲအံၤတက့ၢ်.”

လံာ်တၢ်ဟးထီၣ်ကွံာ် 10:8

တုၤနုၤတစုပှၤဒုးဟဲက့ၤစီၤမိၤၡ့ဒီးစီၤအၤဟရိၣ်ဆူစီၤပၤအအိၣ်ဒီးစီၤပၤစံးဘၣ်အီၤ, “သုကလဲၤဘူၣ်ထီၣ်ဘါထီၣ်ဘၣ်ယွၤသုကစၢ်ယွၤလီၤ. ဘၣ်ဆၣ်မ့ၢ်မတၤတဖၣ်ကလဲၤလဲၣ်န့ၣ်မၤလီတံၢ်တက့ၢ်.”

လံာ်တၢ်ဟးထီၣ်ကွံာ် 12:31

ဒီးလၢမုၢ်တနၤဃီန့ၣ်စီၤပၤမၢပှၤလဲၤကိးန့ၢ်အီၤစီၤမိၤၡ့ဒီးစီၤအၤဟရိၣ်ဒီးစံးဝဲဒၣ်, “သုဝဲဒီးသုပှၤအံၣ်စရ့လးဖိခဲလၢာ် ဟးထီၣ်ကွံာ်တက့ၢ်. ပာ်တ့ၢ်ယထံယကီၢ်, လဲၤဒီးဘူၣ်ထီၣ်ဘါထီၣ်ယွၤ ဒ်သုဃ့တ့ၢ်လံအသိးန့ၣ်တက့ၢ်.

လံာ်တၢ်ဟးထီၣ်ကွံာ် 8:8

စီၤပၤမၢပှၤကိးန့ၢ်အီၤစီၤမိၤၡ့ဒီးစီၤအၤဟရိၣ်ဒီးစံးဝဲဒၣ်, “ဃ့ကညးယွၤလၢအကဒုးဟးထီၣ်ကွံာ်ဒ့ၣ်ဧိၤကွီၣ်ဧိၤလၢယ အိၣ်, ဒီးလၢယပှၤဂီၢ်မုၢ်အအိၣ်တက့ၢ်. ဒီးယကပျၢ်သုပှၤဂီၢ်မုၢ်ဒ်သိး အဝဲသ့ၣ်လဲၤလုၢ်တၢ်ပာ်တၢ်ဆူယွၤအအိၣ်ကသ့ဝဲန့ၣ်လီၤ.”

လံာ်တၢ်ဟးထီၣ်ကွံာ် 9:27

တုၤနုၤတစုစီၤပၤမၢပှၤကိးန့ၢ်အီၤစီၤမိၤၡ့ဒီးစီၤအၤ ဟရိၣ်ဒီးစံးဝဲဒၣ်, “တဘျီအံၤယမၤတ့ၢ်တၢ်ဒဲးဘးလံ. ယွၤအိၣ်လၢတၢ်အဘၣ်တခီ, မ့မ့ၢ်ယၤဒီးယပှၤဂီၢ်မုၢ်ပအိၣ်လၢတၢ်အကမၣ်တခီလီၤ.

လံာ်တၢ်ဟးထီၣ်ကွံာ် 9:28

ဒီးဃ့ကညးယွၤတက့ၢ်. အဂ့ၢ်ဒ်အံၤလီသီၣ်ဒီးသူၣ်လီၤန့ၣ်အါ လံလၢပဂီၢ်လံ. ဒီးယအၢၣ်လီၤလၢယကပျၢ်သုဒီးသုတအိၣ်တဆိးဘၣ် ဖဲအံၤလၢၤဘၣ်.”

လံာ်ယၡါယၤ 28:22

နံၤဘၣ်ဖၣ်လဲတၢ်ဟ့ၣ်ပလီၢ်လၢယဟ့ၣ်လီၤနၤအံၤတဂ့ၤ. နမ့ၢ်မၤဒ်န့ၣ်ဒီး, နကပူၤဖျဲးအဂီၢ်ကမ့ၢ်တၢ်ကီဒိၣ်တက့ၢ်န့ၣ်လီၤ. ယနၢ်ဟူတ့ၢ်လံယွၤသ့တၢ်လၢာ်အတၢ်ပာ်လီၤအသးလၢကမၤ ဟးဂီၤထံကီၢ်ဒီဘ့ၣ်ညါန့ၣ်လီၤ.

လံာ်လီၣ်ဖျါ 3:9

ဒိကနၣ်တက့ၢ်. မ့မ့ၢ်ပှၤတဖုတကရၢလၢအဘၣ်ထွဲဒီးမုၣ် ကီၤလံၢ်, ပှၤလီတၢ်သ့ၣ်တဖၣ်လၢအစံးလီၤအသးလၢအမ့ၢ် ပှၤယူဒၤဖိဘၣ်ဆၣ်တမ့ၢ်ဘၣ်တဖၣ်န့ၣ်, ယကမၤဒ်သိးအဝဲသ့ၣ်ကဟဲဒီးချံးခီၣ်တီၤလီၤလၢသုခီၣ်ထံး န့ၣ်လီၤ. အဝဲသ့ၣ်ကိးဂၤဒဲးကသ့ၣ်ညါလၢယအဲၣ်သုလီၤ.