လံာ်တၢ်ဟးထီၣ်ကွံာ် 8:18 - Sgaw Karen Common Bible

¹⁸ ပှၤမၤကဒါပှၤမဲာ်တဖၣ်ကျဲးစၢးဒုးအိၣ်ထီၣ်ဃးသူဃးလါတဖၣ်ဘၣ် ဆၣ်ဒီးတကဲထီၣ်ဝဲဒၣ်ဘၣ်. ဒီးဃးသူဃးလါတဖၣ်အိၣ်ဝဲဒၣ်လၢတၢ်လီၢ်ကိးပူၤဒဲး,

လံာ်တၢ်ဟးထီၣ်ကွံာ် 8:18 Iomraidhean Croise

လံာ်တၢ်ကဲထီၣ်အခီၣ်ထံး 41:8

လၢမုၢ်ဆ့ၣ်ထီၣ်န့ၣ်အဝဲဘၣ်ကိၢ်ဘၣ်ဂီၤဝဲ, အဃိမၢပှၤကိးန့ၢ် အီၤကယဲၢ်ပှၤမၤကဒါမဲာ်တဖၣ်ဒီးပှၤကူၣ်ဘၣ်ကူၣ်သ့လၢကီၢ်အဲၤ ကူပတူးပူၤခဲလၢာ်န့ၣ်လီၤ. စီၤပၤတဲဘၣ်အဝဲသ့ၣ်လၢအတၢ်မံ မီၢ်တဖၣ်ဘၣ်ဆၣ်ဒီးပှၤဖးန့ၢ်အီၤအတၢ်မံမီၢ်တသ့ နီတဂၤဘၣ်.

လံာ်တၢ်ဟးထီၣ်ကွံာ် 10:23

ဒီးပှၤအဲၤကူပတူးဖိတဖၣ်ထံၣ်လိာ်အသးတဂၤဒီးတဂၤတသ့ဘၣ်. ဒီးအကတီၢ်ဖဲန့ၣ်ပှၤတဟးထီၣ်ဘၣ်လၢအဟံၣ်ပူၤနီတဂၤဘၣ်. မ့မ့ၢ်ပှၤအံၣ်စရ့လးဖိတဖၣ်အိၣ်ဒီးတၢ်ကပီၤလၢအအိၣ်ဝဲဆိး ဝဲအလီၢ်န့ၣ်လီၤ.

လံာ်တၢ်ဟးထီၣ်ကွံာ် 7:11

တုၤနုၤတစုစီၤပၤကိးထီၣ်အပှၤကူၣ်တၢ်သ့တဖၣ်ဒီးပှၤမၤကဒါ ပမဲာ်တဖၣ်, ဒီးလၢအဝဲသ့ၣ်တဖၣ်အတၢ်မၤကဒါမဲာ်န့ၣ်မၤစ့ၢ် ကီးဝဲဒ်န့ၣ်အသိးလီၤ.

လံာ်တၢ်ဟးထီၣ်ကွံာ် 7:12

အဝဲသ့ၣ်တဂၤဘၣ်တဂၤတ့ၢ်လီၤအနီၣ်ထိးဘိတဖၣ်, ဒီးအနီၣ်ထိးဘိတဖၣ်ကဲထီၣ်ဂုၢ်ခဲလၢာ်န့ၣ်လီၤ. ဘၣ်ဆၣ်ဒီးစီၤအၤဟရိၣ်အနီၣ်ထိးဘိန့ၣ်ယူၢ်လီၤကွံာ်အဝဲသ့ၣ် အနီၣ်ထိးဘိတဖၣ်လီၤ.

လံာ်တၢ်ဟးထီၣ်ကွံာ် 8:7

ဘၣ်ဆၣ်ပှၤမၤကဒါပမဲာ်တဖၣ်ဒုးဟဲထီၣ်စ့ၢ်ကီးဒ့ၣ်ဧိၤကွီၣ်ဧိၤ တဖၣ်လၢကီၢ်အဲၤကူပတူးအပူၤန့ၣ်လီၤ.

လံာ်တၢ်ဟးထီၣ်ကွံာ် 9:11

ဒီးပှၤမၤကဒါပှၤမဲာ်တဖၣ်န့ၣ်ဟဲထီၣ်ဆူစီၤမိၤၡ့မဲာ်ညါတကဲဘၣ် လၢအဝဲသ့ၣ်ပှဲၤဒီးတၢ်ဝ့တၢ်ကျူၤဒ်ပှၤအဲၤကူပတူးဖိအဂၤတဖၣ်အသိးအဃိန့ၣ်လီၤ.

လံာ်ယၡါယၤ 19:12

ကီၢ်အဲၤကူပတူးအစီၤပၤဧၢ, နပှၤဟ့ၣ်ကူၣ်တၢ်လၢအသ့အဘၣ် တဖၣ်န့ၣ်, အိၣ်ဖဲလဲၣ်. ဘၣ်သ့ၣ်သ့ၣ်အဝဲသ့ၣ်တဲဘၣ်နၤလၢယွၤ သ့တၢ်လၢာ်ကစၢ်အတၢ်ကူၣ်ကျဲၤတဖၣ်လၢကီၢ်အဲၤကူပတူး အဂီၢ်ကသ့ဝဲလီၤ.

လံာ်ဒၤနံးယ့လး 4:7

တုၤနုၤတစု, ပှၤဖးတၢ်ဟဲဝံဟဲစိာ်, ပှၤမၤကဒါမဲာ်, ပှၤသ့သမူပယၢ် တၢ်ဒီးပှၤဖးဆၣ်ဧိၤဖီဧိၤအဂ့ၢ်တဖၣ်ဟဲဝဲဒီးယစံးဘၣ်တဲ ဘၣ်အဝဲသ့ၣ်လၢယတၢ်မံမီၢ်န့ၣ်လီၤ. ဘၣ်ဆၣ်ဒီးအဝဲသ့ၣ်ဖးဖျါထီၣ်န့ၢ် ယၤလၢယတၢ်မံမီၢ်အခီပညီတန့ၢ်ဘၣ်.

လံာ်ဒၤနံးယ့လး 5:8

မၤသးဒ်န့ၣ်ဒီး, စီၤပၤအပှၤဟ့ၣ်ကူၣ်တၢ်တဖၣ်ဟဲဝဲလီၤ. ဘၣ်ဆၣ်ဒီးဖးဝဲတၢ်ကွဲးအသးမ့ၢ်ဂ့ၤ, မၤဖျါထီၣ်တၢ်အခီပညီ မ့ၢ်ဂ့ၤတသ့ဘၣ်နီတဂၤဘၣ်.

လံာ်လူၤကၣ် 10:18

ယ့ၣ်ၡူးစံးဆၢအဝဲသ့ၣ်, “ယထံၣ်မုၣ်ကီၤလံၢ်ဟဲလီၤတဲာ်လၢမူခိၣ်ဒ်လီဝၢ်ဒံးအသိးလီၤ.