လံာ်တၢ်ဟးထီၣ်ကွံာ် 8:15 - Sgaw Karen Common Bible

¹⁵ ဖဲစီၤပၤထံၣ်ဝဲဒၣ်လၢဒ့ၣ်တဖၣ်သံဝဲန့ၣ်, အသးကိၤထီၣ်ကဒီးဝဲ ဒ်ယွၤစံးတ့ၢ်ဝဲအသိး, ဒီးစီၤပၤတဒိကနၣ်စီၤမိၤၡ့ဒီးစီၤအၤဟရိၣ်ဘၣ်န့ၣ်လီၤ.

လံာ်တၢ်ဟးထီၣ်ကွံာ် 8:15 Iomraidhean Croise

လံာ်တၢ်ဟးထီၣ်ကွံာ် 14:5

တုၤပှၤတဲဘၣ်ကီၢ်အဲၤကူပတူးအစီၤပၤလၢပှၤအံၣ်စရ့လးဖိ တဖၣ်ထူၣ်ဖျဲးကွံာ်လံန့ၣ်, အဝဲဒီးအပဒိၣ်ပပှၢ်တဖၣ်လဲလိာ်ကွံာ် အတၢ်ပာ်လီၤအသးဒီးစံးဝဲ, “ဘၣ်မနုၤလၢပမၤတၢ်အံၤလၢပပျဲထူၣ်ဖျဲးကွံာ်ပှၤအံၣ်စရ့လး ဖိလၢအမ့ၢ်ပကုၢ်န့ၣ်လဲၣ်.”

လံာ်တၢ်ဟးထီၣ်ကွံာ် 4:21

ဒီးယွၤစံးဘၣ်စီၤမိၤၡ့, “တုၤနက့ၤကဒါက့ၤဆူကီၢ်အဲၤကူပတူး န့ၣ်မၤတၢ်လီၤလးတဖၣ်လၢယဟ့ၣ်စိဟ့ၣ်ကမီၤနၤလၢနကမၤအီၤ လၢစီၤပၤဖၤရိၤအမဲာ်ညါတက့ၢ်. ယကမၤကိၤထီၣ်အသးဒ်သိးအသုတပျဲပှၤဂီၢ်မုၢ်တဖၣ်ဟးထီၣ်တဂ့ၤ န့ၣ်လီၤ.

လံာ်တၢ်ဟးထီၣ်ကွံာ် 7:4

တုၤနုၤတစုယကဟဲစိာ်တၢ်စံၣ်ညီၣ်ဆါဆါကလဲာ်လၢကီၢ်အဲၤကူပတူးအလိၤ, ဒီးဒုးဟးထီၣ်ကွံာ်ပှၤဂီၢ်မုၢ်, ပှၤအံၣ်စရ့လးဖိ, လၢကီၢ်အဲၤကူပတူးန့ၣ်လီၤ.

လံာ်တၢ်ဟးထီၣ်ကွံာ် 8:14

ဒီးပှၤအဲၤကူပတူးဖိတဖၣ်ပာ်ဖှိၣ်ဝဲဒၣ်တပူၣ်တပူၣ်တုၤကီၢ်ဒီဘ့ၣ်နၢအုၣ်ဝဲလၢအဃိန့ၣ်လီၤ.

လံာ်တၢ်ဟးထီၣ်ကွံာ် 8:16

ဒီးယွၤစံးဘၣ်စီၤမိၤၡ့, “တဲဘၣ်စီၤအၤဟရိၣ်လၢကတီၢ်ဟီၣ် ခိၣ်လၢအနီၣ်ထိးဘိဒ်သိးဟီၣ်ခိၣ်ကမူၣ်ကကဲထီၣ်ဃးသူဃးလါလၢ ကီၢ်အဲၤကူပတူးဒီဘ့ၣ်ညါအပူၤန့ၣ်တက့ၢ်.”

လံာ်တၢ်ဟးထီၣ်ကွံာ် 8:28

စီၤပၤစံးဝဲဒၣ်, “ယကပျၢ်သုဒ်သိးသုကလဲၤလုၢ်တၢ်ပာ်တၢ်ဆူ ယွၤသုကစၢ်ယွၤအအိၣ်လၢပှၢ်မုၢ်ကနၢဘၣ်ဆၣ်သုတဘၣ်လဲၤယံၤယံၤ ကလဲာ်ဘၣ်. ဒီးဃ့ဘါထုကဖၣ်တၢ်လၢယဂီၢ်တက့ၢ်.”

လံာ်တၢ်ဟးထီၣ်ကွံာ် 8:29

စီၤမိၤၡ့စံးဆၢဝဲဒၣ်, “တုၤယဟးထီၣ်လၢနအိၣ်တဘျီဃီန့ၣ်ယကဃ့ ကညးယွၤဒ်သိးသၣ်ဘုလါတဖၣ်ကဟးထီၣ်ကွံာ်လၢနလိၤ, ဒီးလၢနပဒိၣ်ပပှၢ်တဖၣ်ဒီးလၢနပှၤဂီၢ်မုၢ်အလိၤန့ၣ်လီၤ. ဘၣ်ဆၣ်ဒီးနတဘၣ်လီန့ၢ်ကဒီးပှၤဒီးတြီပှၤဂီၢ်မုၢ်လၢကလဲၤလုၢ် တၢ်ပာ်တၢ်ဆူယွၤအအိၣ်န့ၣ်ဘၣ်.”

လံာ်တၢ်ဟးထီၣ်ကွံာ် 8:32

ဘၣ်ဆၣ်တုၤလၢအအံၤတစုဒၣ်လဲာ်စီၤပၤမၤကိၤအသးဒီးတပျၢ်ဘၣ် ပှၤဂီၢ်မုၢ်ဘၣ်.

လံာ်တၢ်ဟးထီၣ်ကွံာ် 8:8

စီၤပၤမၢပှၤကိးန့ၢ်အီၤစီၤမိၤၡ့ဒီးစီၤအၤဟရိၣ်ဒီးစံးဝဲဒၣ်, “ဃ့ကညးယွၤလၢအကဒုးဟးထီၣ်ကွံာ်ဒ့ၣ်ဧိၤကွီၣ်ဧိၤလၢယ အိၣ်, ဒီးလၢယပှၤဂီၢ်မုၢ်အအိၣ်တက့ၢ်. ဒီးယကပျၢ်သုပှၤဂီၢ်မုၢ်ဒ်သိး အဝဲသ့ၣ်လဲၤလုၢ်တၢ်ပာ်တၢ်ဆူယွၤအအိၣ်ကသ့ဝဲန့ၣ်လီၤ.”

တၢ်ကတိၤဒိ. 26:11

ပှၤအမၢးတဂၤလၢအမၤကဒီးတၢ်ဟးဂီၤအတၢ်မၤခံစုတစုတစုန့ၣ်, လီၤဂာ်ဒ်ထွံၣ်တဒုက့ၤကဒါက့ၤဆူအတၢ်ဘှိးအသိးန့ၣ်လီၤ.

တၢ်ကတိၤဒိ. 29:1

ဖဲနဘၣ်တၢ်သိၣ်ဃီၣ်နၤကိးဘျီဒဲးန့ၣ်နခိၣ်မ့ၢ်ကိၤအါထီၣ်ဒီး, မုၢ်ကအိၣ်ဝဲတနံၤလၢနကဘၣ်တၢ်မၤလီၤကလဲနၤဒီး တၢ်မၤဘျါက့ၤနၤတအိၣ်လၢၤနီတဘျီဘၣ်.

လံာ်ပှၤစံၣ်တဲၤတဲလီၤတၢ် 8:11

ဘၣ်မနုၤအဃိပှၤမၤတၢ်ထီဒါတၢ်သိၣ်တၢ်သီတဖၣ်ညီကဒၣ်န့ၣ်လဲၣ်. မ့ၢ်လၢတၢ်လုၢ်သ့ၣ်ခါပတာ်တၢ်သိၣ်တၢ်သီအံၤတဘၣ်တၢ်စံၣ်ညီၣ် အီၤချ့ချ့ဘၣ်အဃိလီၤ.

လံာ်ယၡါယၤ 26:10

နသးကညီၤဘၣ်ပှၤအအၢအသီတဖၣ်ဒၣ်လဲာ်, အဝဲသ့ၣ်တမၤလိန့ၢ်တၢ်အဘၣ်နီတစုဘၣ်. လၢပှၤဂီၢ်မုၢ်အတီအလိၤအကီၢ် တဘ့ၣ်အံၤအပူၤဒၣ်လဲာ်, အဝဲသ့ၣ်မၤဒံးတၢ်ကမၣ်လီၤ. အဝဲသ့ၣ်ဂ့ၢ်လိာ်လၢကသ့ၣ်ညါ ပာ်ကဲနတၢ်ဒိၣ်တၢ်မုၢ်လီၤ.

လံာ်ဟိၤၡ့ 6:4

ဘၣ်ဆၣ်ယွၤစံးဝဲဒၣ်, ကီၢ်အံၣ်စရ့လးဒီးကီၢ်ယူဒၤဧၢ, ယကမၤတၢ်မနုၤဒီးသုန့ၣ်လဲၣ်. သုတၢ်အဲၣ်ယၤအံၤဟါမၢ်ကွံာ်ချ့ချ့ ကလဲာ်ဒ်မုၢ်ဂီၤအဘှ့ၣ်အသိး, လီၤဂာ်ဒ်ပစီၤထံလၢအလီၤမၢ် ကွံာ်လၢဂီၤထၢၣ်သၢတဂီၤအဆၢကတီၢ်အသိးန့ၣ်လီၤ.

ဧ့ၤဘြံၤ 3:15

အအံၤမ့ၢ်လၢတၢ်ကွဲးအသးစံးဝဲ, “သုမ့ၢ်နၢ်ဟူကစၢ်ယွၤအကလုၢ်တနံၤအံၤဒီး, တဘၣ်မၤကိၤသုခိၣ်ဒ်သုမိၢ်ပၢ် ဖံဖုလၢပျၢၤတဖၣ် မၤဝဲအသိး, ဖဲအဝဲသ့ၣ်ထီဒါကစၢ်ယွၤအခါန့ၣ်တဂ့ၤ.”

ဧ့ၤဘြံၤ 3:8

တဘၣ်မၤကိၤသုခိၣ်ဒ်သုမိၢ်ပၢ်ဖံဖုလၢပျၢၤတဖၣ် မၤဝဲဖဲအဝဲသ့ၣ်ထီဒါယွၤအကတီၢ် ဖဲအဝဲသ့ၣ်အိၣ်လၢပှၢ်မုၢ်ကနၢ ဒီးမၤကွၢ်ယွၤအသိးန့ၣ်တဂ့ၤ.

လံာ်လီၣ်ဖျါ 16:9

အဝဲသ့ၣ်ဘၣ်တၢ်မၤကိၢ်ဃိာ်အီၤလၢတၢ်ကိၢ်လၢအဆူၣ် နးမးတမံၤအံၤ, ဒီးအဝဲသ့ၣ်ဆိၣ်အၢကစၢ်ယွၤလၢအအိၣ်ဒီး တၢ်စိတၢ်ကမီၤလၢတၢ်သံသတြိာ်တဖၣ်အံၤအလိၤတဂၤန့ၣ် အမံၤလီၤ. ဒီးအဝဲသ့ၣ်တဃၣ်ကွံာ်လၢအတၢ်ဒဲးဘးတဖၣ်ဒီး တစံးထီၣ်ပတြၢၤကစၢ်ယွၤအတၢ်ဒိၣ်တၢ်မုၢ်န့ၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 6:12

ဂီၤဖံးမိၢ်တဖၣ်စးထီၣ်လဲၤတၢ်လၢကျဲမုၢ်ခိၣ်ဆူဝ့ၢ်ဘ့ၤသၡ့ မ့ၣ်ဒီးလဲၤလိၤလိၤဆူန့ၣ်လီၤ. ဒီးတလဲၤလီၤဆူကျဲကပၤဘၣ်. ဖဲအလဲၤတၢ်လၢကျဲမုၢ်ခိၣ်အလိၤန့ၣ်အဝဲသ့ၣ်ကိးတၢ်ဒီးလဲၤဝဲလီၤ. ပှၤဖလ့ၡသးဖိအစီၤပၤယဲၢ်ဂၤပိာ်ထွဲလ့ၣ်ကဟၣ်အခံ တုၤလၢဝ့ၢ်ဘ့ၤသၡ့မ့ၣ်အဆၢန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:3

အဝဲသ့ၣ်စံးဆၢဝဲဒၣ်, “သုမ့ၢ်ဆှၢက့ၤကီၢ်အံၣ်စရ့လးအကစၢ် ယွၤအတလါစီဆှံဒီးအလီၢ်အိၣ်ဝဲလၢသုကဘၣ်ဟ့ၣ်ဃုာ်ဒီး တၢ်ဟ့ၣ်ကနၢၤတမံၤဆူအအိၣ်သပှၢ်ကတၢၢ်လၢ တၢ်လိးက့ၤသုတၢ်ဒဲးဘးအဂီၢ် လီၤ. ယွၤအတၢ်အၢၣ်လီၤအီလီၤအတလါစီဆှံန့ၣ်တၢ်ဟ့ၣ်ကနၢၤမ့ၢ် တအိၣ်နီတမံၤဒီး တဘၣ်က့ၤကဒါက့ၤဝဲဘၣ်. လၢကျဲဒ်အံၤန့ၣ်သု ကဘၣ်တၢ်မၤဘျါက့ၤသုဒီးသုကနၢ်ပၢၢ်လၢဘၣ်မနုၤအဃိအဝဲစံၣ်ညီၣ် သုတဘိယူာ်ဃီလဲၣ်အဂ့ၢ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 6:6

သုဘၣ်မၤကိၤသုခိၣ်ဒ်ကီၢ်အဲၤကူပတူးအစီၤပၤဒီးပှၤအဲၤကူပတူးဖိတဖၣ်အသိးန့ၣ် ဘၣ်မနုၤလဲၣ်. ကစၢ်ယွၤမၤပျုၢ်တ့ၢ်အဝဲ သ့ၣ်တုၤဒၣ်လဲာ်အဝဲသ့ၣ်ပျဲပှၤအံၣ်စရ့လးဖိတဖၣ်ဟးထီၣ်ကွံာ် လၢကီၢ်အဲၤကူပတူးဒ်လဲၣ်န့ၣ်သးပ့ၤနီၣ်တဂ့ၤ.

လံာ်စီၤၡမူၤအ့လးအခီၣ်ထံးတဘ့ၣ် 6:9

တုၤနုၤတစုကွၢ်ထွဲအတၢ်လဲၤတက့ၢ်. ဒီးမ့ၢ်လဲၤတၢ်လိၤလိၤဆူ ဝ့ၢ်ဘ့ၤသၡ့မ့ၣ်န့ၣ်, တၢ်အံၤအခီပညီမ့ၢ်ဝဲကီၢ်အံၣ်စရ့လးအကစၢ်ယွၤဆှၢလီၤတၢ်နးတၢ်ဖှီၣ်အၢအၢသီသီလၢပဖီခိၣ်လီၤ. ဘၣ်ဆၣ်ဒီးမ့တမ့ၢ်ဒ်န့ၣ်ဘၣ်န့ၣ်, ပကသ့ၣ်ညါလၢအဝဲတဆှၢလီၤတၢ်သံသတြိာ်ဘၣ်. မ့ၢ်ဒၣ်တၢ်ဘၣ်ဆၢၣ်ဘၣ်တီၤတမံၤန့ၣ်လီၤ.”