လံာ်တၢ်ဟးထီၣ်ကွံာ် 8:14 - Sgaw Karen Common Bible

¹⁴ ဒီးပှၤအဲၤကူပတူးဖိတဖၣ်ပာ်ဖှိၣ်ဝဲဒၣ်တပူၣ်တပူၣ်တုၤကီၢ်ဒီဘ့ၣ်နၢအုၣ်ဝဲလၢအဃိန့ၣ်လီၤ.

လံာ်တၢ်ဟးထီၣ်ကွံာ် 8:14 Iomraidhean Croise

လံာ်စီၤပၤအခီၣ်ထံးတဘ့ၣ် 18:26

အဝဲသ့ၣ်ဟံးန့ၢ်ဃီၤဂီၤဖံးဖါလၢအဘၣ်တၢ်ဟဲစိာ်န့ၢ်အီၤ, ကတဲာ်ကတီၤထီၣ်ဝဲဒီးဘါထုကဖၣ်တၢ်ဆူဘဧၤလးအအိၣ်တုၤမုၢ်ထူၣ် အကတီၢ်န့ၣ်လီၤ. အဝဲသ့ၣ်ကိးသတြီထီၣ်ဝဲ, “ဘဧၤလးဧၢ, စံးဆၢပှၤတက့ၢ်.” ဒီးဂဲၤကလံာ်ဝဲဝးတရံးတၢ်လုၢ်လီၢ်လၢအဘှီထီၣ်ဝဲန့ၣ်လီၤ. ဘၣ်ဆၣ်တၢ်စံးဆၢတဟဲနီတမံၤဘၣ်.

လံာ်စီၤပၤအခီၣ်ထံးတဘ့ၣ် 18:29

အဝဲသ့ၣ်ကိးကလူဒိၣ်ထီၣ်ဒံးဒ်ပှၤအပျုၢ်တဖၣ်အသိးတုၤလီၤလၢ မုၢ်ဃ့ၢ်လီၤပှၤလုၢ်တၢ်ပာ်တၢ်အကတီၢ်, ဘၣ်ဆၣ်တၢ်စံးဆၢတဟဲနီတမံၤဘၣ်, တၢ်တနၢ်ဟူဘၣ်တၢ်အသီၣ်နီတမံၤစ့ၢ်ကီးဘၣ်.

လံာ်တၢ်ဟးထီၣ်ကွံာ် 7:21

ညၣ်အိၣ်လၢထံကျိနံၤလါအပူၤတဖၣ်သံဝဲ, ဒီးနၢအုၣ်ဝဲတုၤဒၣ် လဲာ်ပှၤအဲၤကူပတူးဖိတဖၣ်အီထံန့ၣ်တသ့လၢၤဘၣ်လီၤ. ဒီးတၢ်သွံၣ်အိၣ်ဝဲလၢတၢ်လီၢ်ကိးပူၤဒဲးလၢကီၢ်အဲၤကူပတူး အပူၤန့ၣ်လီၤ.

လံာ်တၢ်ဟးထီၣ်ကွံာ် 8:13

ဒီးယွၤမၤဝဲဒ်စီၤမိၤၡ့ဃ့ဝဲအသိးဒီးဒ့ၣ်ဧိၤကွီၣ်ဧိၤ တဖၣ်သံကွံာ်ဝဲဒၣ်လၢဟံၣ်တဖၣ်အပူၤ, လၢတၢ်အဂၤတဖၣ်အပူၤဒီးလၢစံာ်ခိၣ်ပျီပူၤန့ၣ်လီၤ.

လံာ်တၢ်ဟးထီၣ်ကွံာ် 8:15

ဖဲစီၤပၤထံၣ်ဝဲဒၣ်လၢဒ့ၣ်တဖၣ်သံဝဲန့ၣ်, အသးကိၤထီၣ်ကဒီးဝဲ ဒ်ယွၤစံးတ့ၢ်ဝဲအသိး, ဒီးစီၤပၤတဒိကနၣ်စီၤမိၤၡ့ဒီးစီၤအၤဟရိၣ်ဘၣ်န့ၣ်လီၤ.

လံာ်တၢ်ဟးထီၣ်ကွံာ် 8:24

ဒီးယွၤဆှၢလီၤသၣ်ဘုလါဂီၢ်မုၢ်ဆူစီၤပၤအနီပူၤ, ဒီးအပဒိၣ်ပပှၢ်အဟံၣ်ပူၤန့ၣ်လီၤ. ဒီးကီၢ်အဲၤကူပတူးဒီဘ့ၣ် ညါဟးဂီၤဝဲလၢသၣ်ဘုလါတဖၣ်အံၤအဃိလီၤ.

လံာ်တၢ်ဟးထီၣ်ကွံာ် 9:11

ဒီးပှၤမၤကဒါပှၤမဲာ်တဖၣ်န့ၣ်ဟဲထီၣ်ဆူစီၤမိၤၡ့မဲာ်ညါတကဲဘၣ် လၢအဝဲသ့ၣ်ပှဲၤဒီးတၢ်ဝ့တၢ်ကျူၤဒ်ပှၤအဲၤကူပတူးဖိအဂၤတဖၣ်အသိးအဃိန့ၣ်လီၤ.

လံာ်ယၡါယၤ 19:11

ဝ့ၢ်စိၤဧၣ်အခိၣ်အနၢ်တဖၣ်မ့ၢ်ပှၤအပျုၢ်တဖၣ်လီၤ. ကီၢ်အဲၤကူပတူးအပှၤကူၣ်သ့ကတၢၢ်တဖၣ်ဟ့ၣ်ကူၣ်တၢ်လၢတၢ် သးတဆးအပူၤလီၤ. အဝဲသ့ၣ်တဲစီၤပၤလၢအဝဲသ့ၣ်မ့ၢ်ပှၤ လီၤစၢၤလီၤသွဲၣ်လၢပှၤကူၣ်သ့ဒီးစီၤပၤလၢပျၢၤတဖၣ်ဘူၣ် ဝဲဒ်လဲၣ်.

လံာ်ယၡါယၤ 34:2

ယွၤသးထီၣ်ဘၣ်ပှၤကလုာ်ခဲလၢာ်ဒီးအဝဲသ့ၣ်အသုး မုၢ်သံၣ်ဘိခဲလၢာ်လီၤ. အဝဲစံၣ်ညီၣ်ဃၣ်တ့ၢ်အဝဲသ့ၣ် ဆူတၢ်ဟးဂီၤအပူၤလံ.

လံာ်ယဃ့းစက့လး 39:11

ယွၤစံးဝဲဒၣ်, “တုၤတၢ်တဖၣ်အံၤခဲလၢာ်မၤအသးန့ၣ်, ယကဟ့ၣ်လီၤစီၤကိးလၢတၢ်ခူၣ်လီၤဘျၢလီၤအလီၢ်တတီၤလၢ ကီၢ်အံၣ်စရ့လးအပူၤ, လၢပှၤလဲၤတၢ်ဖိတဖၣ်အတြီၤပူၤ, လၢပီၣ်လဲၣ်သံအမုၢ်ထီၣ်တခီန့ၣ်လီၤ. စီၤကိးဒီးကယဲၢ်အဝဲ အသုးမုၢ်ခဲလၢာ်, ကဘၣ်တၢ်ခူၣ်လီၤဘျၢလီၤအီၤဖဲန့ၣ်ဒီး တြီၤန့ၣ်ကဘၣ်တၢ်ကိးအီၤလၢစီၤကိးအသုးမုၢ်အတြီၤန့ၣ်လီၤ.

လံာ်ယိၤအ့လး 2:20

ယကသုးကွံာ်ဒွဲၣ်ဧိၤသကံၤဧိၤအဖုအဂီၢ်လၢအဟဲလၢကလံၤစိး ဒီးနီၣ်ကွံာ်အဝဲသ့ၣ်တနီၤဆူပှၢ်မုၢ်ကနၢလီၤ. ယကနီၣ်ကွံာ်အခိၣ်လၢတၢ်မဲာ်ညါတဖၣ်ဆူပီၣ်လဲၣ်သံအပူၤဒီး အခိၣ်လၢတၢ်လီၢ်ခံတဖၣ်ဆူပီၣ်လဲၣ်ဖးဒိၣ်အပူၤန့ၣ်လီၤ. အဝဲသ့ၣ်အစိာ်တဖၣ်ကနၢအုၣ်ဒီးယကမၤဟးဂီၤကွံာ်အဝဲသ့ၣ် လၢတၢ်လၢမၤဘၣ်တ့ၢ်သုခဲလၢာ်အဃိန့ၣ်လီၤ.