လံာ်တၢ်ဟးထီၣ်ကွံာ် 7:9 - Sgaw Karen Common Bible

⁹ “အဲၤကူပတူးအစီၤပၤမ့ၢ်စံးဘၣ်သုလၢသုကဘၣ်တၢ်မၤတၢ်လီၤ လးတမံၤလၢတၢ်အုၣ်သးအဂီၢ်န့ၣ်, တဲဘၣ်စီၤအၤဟရိၣ်လၢကဟံးထီၣ်အနီၣ်ထိးဘိဒီးတ့ၢ်လီၤကွံာ် လၢစီၤပၤအမဲာ်ညါန့ၣ်တက့ၢ်. ဒီးကကဲထီၣ်လၢဂုၢ်တဘိလီၤ.”

လံာ်တၢ်ဟးထီၣ်ကွံာ် 7:9 Iomraidhean Croise

လံာ်တၢ်ဟးထီၣ်ကွံာ် 10:13

မၤသးဒ်န့ၣ်ဒီးစီၤမိၤၡ့ယူာ်ထီၣ်အနီၣ်ထိးဘိဒီးယွၤဒုးဟဲ ကလံၤလၢမုၢ်ထီၣ်လၢအအူတၢ်လၢကီၢ်န့ၣ်အဖီခိၣ်သ့တနံၤကျၢၤ ဒီးသီတနၤကျၢၤန့ၣ်လီၤ. တုၤမုၢ်ဆ့ၣ်ထီၣ်ဒီးကလံၤလၢမုၢ်ထီၣ်ဟဲစိာ်ဃုာ်ဒွဲၣ်ဧိၤသကံၤ ဧိၤန့ၣ်လီၤ.

လံာ်တၢ်ဟးထီၣ်ကွံာ် 4:17

ဟံးထီၣ်နီၣ်ထိးဘိအံၤလၢနစုပူၤဒ်သိးနကဒုးနဲၣ်တၢ်ပနီၣ် လီၤလးသ့ၣ်တဖၣ်န့ၣ်တက့ၢ်.”

လံာ်တၢ်ဟးထီၣ်ကွံာ် 4:2

ဒီးယွၤစံးဘၣ်အီၤ, “တၢ်အိၣ်လၢနစုပူၤန့ၣ်မ့ၢ်မနုၤတမံၤ လဲၣ်.” ဒီးစံးဆၢဝဲဒၣ်, “မ့ၢ်နီၣ်ထိးတဘိလီၤ.”

လံာ်တၢ်ဟးထီၣ်ကွံာ် 4:20

ဒီးစီၤမိၤၡ့ဟံးန့ၢ်အမါဒီးအဖိခွါတဖၣ်, ဒီးဒုးဒိးအီၤလၢကသ့ၣ်ယီၤ, ဒီးက့ၤက့ၤဝဲဒၣ်ဆူကီၢ်အဲၤကူပတူးလီၤ. ဒီးစီၤမိၤၡ့စိာ်ထီၣ်နီၣ်ထိးဘိလၢအစူပူၤလၢကစၢ်ယွၤစံး ဘၣ်အီၤလၢကဘၣ်ဟံးန့ၢ်ဝဲန့ၣ်လီၤ.

လံာ်တၢ်ဟးထီၣ်ကွံာ် 4:3

ဒီးယွၤစံးဝဲဒၣ်, “တ့ၢ်လီၤကွံာ်အီၤဆူဟီၣ်ခိၣ်လိၤတ က့ၢ်.” ဒီးတုၤစီၤမိၤၡ့တ့ၢ်လီၤကွံာ်ဝဲဆူဟီၣ်ခိၣ်လိၤန့ၣ်ဒီးကဲ ထီၣ်ဝဲလၢဂုၢ်တဘိအဃိစီၤမိၤၡ့ထွးထီၣ်ဃ့ၢ်ဝဲလီၤ.

လံာ်တၢ်ဟးထီၣ်ကွံာ် 7:8

ယွၤကတိၤတၢ်ဒီးစီၤမိၤၡ့ဒီးစီၤအၤဟရိၣ်, ဒီးစံးဝဲဒၣ်,

လံာ်တၢ်ဟးထီၣ်ကွံာ် 9:23

လၢတၢ်န့ၣ်အဃိစီၤမိၤၡ့ယူာ်ထီၣ်အနီၣ်ထိးဘိဆူမူခိၣ်လီၤ. ဒီးယွၤမၢလီသီၣ်, ဒီးသူၣ်လီၤ, ဒီးလီဖျးလီၤတၢ်ဆူဟီၣ်ခိၣ်လိၤန့ၣ်လီၤ. ယွၤဆှၢလီၤ,

လံာ်ယၡါယၤ 7:11

“ဃ့ယွၤနကစၢ်လၢကဟ့ၣ်နၤတၢ်ပနီၣ်တမံၤတက့ၢ်. မ့ၢ်တၢ်ဟဲထီၣ်လၢတၢ်ယိာ်ပူၤလၢပှၤသံတဖၣ်အကီၢ်ပူၤ, မ့တမ့ၢ်, တၢ်ဟဲလီၤလၢမူခိၣ်တၢ်လီၢ်ထီၣ်ထီမ့ၢ်ဂ့ၤ, သ့ဝဲန့ၣ်လီၤ.”

လံာ်ယဃ့းစက့လး 29:3

စံးလၢတၢ်အံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဘၣ် ကီၢ်အဲၤကူပတူးအစီၤပၤန့ၣ်တက့ၢ်. ယမ့ၢ်နဒုၣ်နဒါ, နသမၣ် ဖးဒိၣ်လၢအမံလီၤလၢ နထံကျိအပူၤန့ၣ်လီၤ. နစံးနဲလၢထံကျိ နံၤလါမ့ၢ်နတၢ်ဒီးနမၤအီၤလၢ နနီၢ်ကစၢ်ဒၣ်နဲလီၤ.

လံာ်မးသဲ 12:39

ဘၣ်ဆၣ်ဒီးယ့ၣ်ၡူးစံးဆၢဝဲ, “ပှၤတစိၤလၢအအၢအသီဒီး အသးတတီဒီးယွၤသ့ၣ်ဧၢ, သုဃုတၢ်လီၤလးဘၣ်ဆၣ်တၢ်လီၤလးအဂၤ တဘၣ်တၢ်ဟ့ၣ်လီၤသုဘၣ်. ကဘၣ်တၢ်ဟ့ၣ်လီၤသုထဲဒၣ်တၢ်လီၤလးလၢ အမၤအသးဒီးဝံယိၤနါတမံၤဧိၤန့ၣ်လီၤ.

လံာ်ယိၤဟၣ် 10:38

ဘၣ်ဆၣ်ယမ့ၢ်မၤအီၤဒီး, သုမ့ၢ်တနာ်ယၤဒၣ်လဲာ်, နာ်တၢ်လၢယမၤတဖၣ်ဒ်သိးသုကသ့ၣ်ညါဒီးနၢ်ပၢၢ်လီၤတံၢ်လၢ ပၢ်အိၣ်လၢယပူၤဒီးယအိၣ်လၢပၢ်အပူၤန့ၣ်တက့ၢ်.”

လံာ်ယိၤဟၣ် 2:18

အန့ၣ်ဒီးပှၤယူဒၤဖိအခိၣ်အနၢ်တဖၣ်စံးဘၣ်အီၤ, “နမၤတၢ်လီၤလးမနုၤသ့လၢကဒုးနဲၣ်ပှၤလၢယွၤ ဟ့ၣ်နၤတၢ်အခွဲးအယာ်လၢနကမၤတၢ်အံၤန့ၣ်လဲၣ်.”

လံာ်ယိၤဟၣ် 6:30

အဝဲသ့ၣ်စံးဆၢဝဲ, “ဒ်သိးပကထံၣ်ဘၣ်ဒီးစူၢ်က့ၤနာ်က့ၤနၤ အဂီၢ်န့ၣ်, နကမၤတၢ်လီၤလးမနုၤတမံၤလဲၣ်. နကမၤတၢ်မနုၤလဲၣ်.