လံာ်တၢ်ဟးထီၣ်ကွံာ် 7:7 - Sgaw Karen Common Bible

⁷ ဒီးဖဲအဝဲသ့ၣ်ကတိၤတၢ်ဒီးအဲၤကူပတူးအစီၤပၤအကတီၢ်န့ၣ်, စီၤမိၤၡ့အသးအိၣ်ဝဲဃိးဆံ, ဒီးစီၤအၤဟရိၣ်အသးအိၣ်ဝဲ ဃိးဆံသၢနံၣ်န့ၣ်လီၤ.

လံာ်တၢ်ဟးထီၣ်ကွံာ် 7:7 Iomraidhean Croise

လံာ်တၢ်ကဲထီၣ်အခီၣ်ထံး 41:46

စီၤယိၤသးအသးအိၣ်အနံၣ်သၢဆံဖဲအစးထီၣ်မၤတၢ်လၢကီၢ်အဲၤကူ ပတူးအစီၤပၤအဂီၢ်န့ၣ်လီၤ. ဒီးစီၤယိၤသးဟးထီၣ်လၢစီၤပၤအနူၢ်ပူၤစီၤပူၤဒီးလဲၤတၢ် လၢကီၢ်အဲၤကူပတူးဒီဘ့ၣ်ညါန့ၣ်လီၤ.

စံးထီၣ်ပတြၢၤ 90:10

ပနံၣ်တဖၣ်အမုၢ်နံၤန့ၣ်မ့ၢ်အနံၣ်နွံဆံလီၤ. ဒီးလၢတၢ်ဂံၢ်တၢ်ဘါအဃိန့ၣ် မ့ၢ်အိၣ်ဝဲဃိးဆံဘၣ်ဆၣ်ဒီး, ဟဲစိာ်န့ၢ်ဒၣ်ပှၤတၢ်ကိၢ်တၢ်ဂီၤ ဒီးတၢ်သူၣ်အုးသးအုးန့ၣ်လီၤ. တၢ်အိၣ်မူအံၤတစိၢ်ဖိဒီးလဲၤပူၤကွံာ်ဝဲ, ဒီးပယူၤထီၣ်ကွံာ်လီၤ.

လံာ်တၢ်ဟးထီၣ်ကွံာ် 2:23

အါနံၣ်အါလါပူၤကွံာ်ဝံၤအလီၢ်ခံန့ၣ်ကီၢ်အဲၤကူပတူးအစီၤ ပၤသံဝဲဒၣ်လီၤ. ဘၣ်ဆၣ်ဒီးပှၤအံၣ်စရ့လးဖိတဖၣ်ကအုကစွါဝဲ လၢအဘၣ်တၢ်မၢကဲကုၢ်အဃိဒီးကိးပသူထီၣ်လၢတၢ်မၤစၢၤအဂီၢ် လီၤ. ဒီးအဝဲသ့ၣ်အတၢ်ကိးပသူထီၣ်ဘးဆူကစၢ်ယွၤအအိၣ်လီၤ.

လံာ်တၢ်ဟးထီၣ်ကွံာ် 7:8

ယွၤကတိၤတၢ်ဒီးစီၤမိၤၡ့ဒီးစီၤအၤဟရိၣ်, ဒီးစံးဝဲဒၣ်,

လံာ်တၢ်ဂံၢ် 33:39

ဖဲအသးအိၣ်တကယၤခံဆံသၢနံၣ်န့ၣ်အဝဲသံဝဲဖဲန့ၣ်ဖဲပှၤအံၣ် စရ့လးဖိတဖၣ်ဟးထီၣ်လၢကီၢ်အဲၤကူပတူးအပူၤအလီၢ်ခံအနံၣ် လွံၢ်ဆံ, ယဲၢ်လါတလါထီၣ်အဆိကတၢၢ်တသီအနံၤန့ၣ်လီၤ.

မၤတၢ် 7:23

တုၤစီၤမိၤၡ့အသးပှဲၤထီၣ်အနံၣ်လွံၢ်ဆံဒီး, အဝဲပာ်လီၤအသးလၢအကဃုသ့ၣ်ညါဝဲအဒီပုၢ်ဝဲၢ်ပှၤအံၣ်စရ့လး ဖိတဖၣ်အိၣ်ဘၣ်ဆိးဘၣ်ဒ်လဲၣ်အဂ့ၢ်န့ၣ်လီၤ.

မၤတၢ် 7:30

စီၤမိၤၡ့အိၣ်ဝဲဖဲတၢ်လီၢ်န့ၣ်ပှဲၤထီၣ်အနံၣ်လွံၢ်ဆံဝံၤအလီၢ်ခံ, ဘၣ်တနံၤလၢပှၢ်မုၢ်ကနၢဘူးဒီးကစၢၢ်စံၤနါန့ၣ်, ကလူးတဂၤအိၣ်ဖျါထီၣ်လၢအမဲာ်ညါလၢမ့ၣ်အူလၣ် အပူၤ, ဖဲမ့ၣ်အူအီၣ်ထီၣ်တပှီာ်တလိၣ်အကတီၢ်န့ၣ်လီၤ.

လံာ်သိၣ်လီၤသီလီၤတၢ် 29:5

လၢအနံၣ်လွံၢ်ဆံအတီၢ်ပူၤ, ယွၤဆှၢတ့ၢ်သုခီဖျိပှၢ်မုၢ်ကနၢ, ဒီးသုကူသုသိးဒီးသုခီၣ်ဖံးတဖၣ်တလီၢ်လံၤကွံာ်ဘၣ်.

လံာ်သိၣ်လီၤသီလီၤတၢ် 34:7

ဖဲစီၤမိၤၡ့သံန့ၣ်အသးအိၣ်ဝဲတကယၤခံဆံနံၣ်, ဒီးအဝဲအဂံၢ်ဆူၣ်ဘါဆူၣ်ဒံးဒၣ်ဒ်အညီနုၢ်အသိး, ဒီးအမဲာ်ချံအတၢ်ထံၣ်ဂ့ၤဒံးဝဲလီၤ.

လံာ်စီၤယိၤၡူ 24:5

လၢခံဒီး, ယဆှၢလီၤစီၤမိၤၡ့ဒီးစီၤအၤဟရိၣ်ဒီးယဒုး လီၤဘၣ်တၢ်ကီတၢ်ခဲဖးဒိၣ်လၢကီၢ်အဲၤကူပတူး အလိၤန့ၣ်လီၤ. ဘၣ်ဆၣ်ယထုးထီၣ်ကွံာ်သုန့ၣ်လီၤ.