လံာ်တၢ်ဟးထီၣ်ကွံာ် 7:23 - Sgaw Karen Common Bible

²³ အခိၣ်တလိာ်စီၤပၤက့ၤကဒါက့ၤဆူအနီပူၤဒီးတကနၣ်ဃုာ်ဒၣ်လဲာ် တၢ်ဂ့ၢ်အံၤလၢၤဘၣ်.

လံာ်တၢ်ဟးထီၣ်ကွံာ် 7:23 Iomraidhean Croise

လံာ်စီၤယိၤဘး 7:17

ဘၣ်မနုၤပှၤကညီမ့ၢ်တၢ်အကါဒိၣ်လၢနဂီၢ်ထဲန့ၣ်လဲၣ်. ဘၣ်မနုၤနပာ်သူၣ်ပာ်သးလၢအမၤတၢ်တဖၣ်န့ၣ်လဲၣ်.

စံးထီၣ်ပတြၢၤ 62:10

သန့ၤသုသးလၢတၢ်မၤအၢတၢ်တဂ့ၤ. မုၢ်လၢ်ဒိးန့ၢ်တၢ်တမံၤမံၤလၢတၢ်မၤန့ၢ်ဆူၣ်ပှၤဂၤ အတၢ်န့ၣ်တဂ့ၤ. သုတၢ်စုလီၢ်ခီၣ်ခိၣ်န့ၣ်မ့ၢ်အါထီၣ်ဒၣ်လဲာ် ပာ်သုသးလၢအီၤန့ၣ်တဂ့ၤ.

လံာ်တၢ်ဟးထီၣ်ကွံာ် 7:22

တုၤနုၤတစုစီၤပၤအပှၤမၤကဒါပမဲာ်တဖၣ်မၤတၢ်ဒ်န့ၣ်အသိးခီ ဖျိအတၢ်သ့တၢ်ဘၣ်န့ၣ်လီၤ. ဒီးစီၤပၤအသးကိၤဒံးဝဲ ဒၣ်ဒ်အလီၢ်လီၢ်န့ၣ်လီၤ. ဒ်ယွၤစံးဝဲအသိးစီၤပၤဂ့ၢ်လိာ်လၢ ကဒိကနၣ်စီၤမိၤၡ့ဒီးစီၤအၤဟရိၣ်န့ၣ်လီၤ.

လံာ်တၢ်ဟးထီၣ်ကွံာ် 7:24

ဒီးကယဲၢ်ပှၤအဲၤကူပတူးဖိခဲလၢာ်ခူၣ်တၢ်လၢထံကျိနံၤလါ အကၢၢ်နံၤလၢထံအီအဂီၢ်မ့ၢ်လၢအဝဲသ့ၣ်အီထံလၢထံကျိပူၤ တသ့ဘၣ်အဃိန့ၣ်လီၤ.

လံာ်တၢ်ဟးထီၣ်ကွံာ် 9:20

စီၤပၤအခ့အပဒိၣ်ပပှၢ်တနီၤပျံၤတၢ်လၢယွၤစံးဘၣ်တ့ၢ်ဝဲ တဖၣ်အဃိ, ဒီးမၢအကုၢ်အပှၤတဖၣ်ဒီးအဆၣ်ဖိကီၢ်ဖိတဖၣ်က့ၤနုာ် ဆူတၢ်ဒုးခိၣ်အဖီလာ်လၢတၢ်အိၣ်သဒၢအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 9:21

မ့မ့ၢ်ပှၤလၢအတပာ်ကဲဘၣ်ယွၤအတၢ်စံးဘၣ်တ့ၢ်တဖၣ်န့ၣ်ပာ်တ့ၢ် အကုၢ်အပှၤဒီးအဆၣ်ဖိကီၢ်ဖိတဖၣ်လၢတၢ်ချၢန့ၣ်လီၤ.

တၢ်ကတိၤဒိ. 22:17

ဒိးနနၢ်, ဒီးယကသိၣ်လိနၤတၢ်လၢပှၤကူၣ်သ့တဖၣ်ကတိၤတ့ၢ်ဝဲလီၤ. မၤလိအဝဲသ့ၣ်အတၢ်သိၣ်လိတဖၣ်,

တၢ်ကတိၤဒိ. 24:32

ယကွၢ်တ့ၢ်တၢ်အံၤ, ဒီးဆိကမိၣ်တၢ်ဘၣ်ဃးတၢ်အံၤ, ဒီးမၤလိန့ၢ်တၢ်မၤလိတမံၤလၢတၢ်အံၤန့ၣ်လီၤ.

တၢ်ကတိၤဒိ. 28:14

စူၢ်ယွၤထီဘိတက့ၢ်. ဒီးနကသူၣ်ဖှံသးညီလီၤ. နခိၣ်မ့ၢ်ကိၤဒီး, နကဘၣ်တၢ်မၤဟးဂီၤနၤလီၤ.

တၢ်ကတိၤဒိ. 29:1

ဖဲနဘၣ်တၢ်သိၣ်ဃီၣ်နၤကိးဘျီဒဲးန့ၣ်နခိၣ်မ့ၢ်ကိၤအါထီၣ်ဒီး, မုၢ်ကအိၣ်ဝဲတနံၤလၢနကဘၣ်တၢ်မၤလီၤကလဲနၤဒီး တၢ်မၤဘျါက့ၤနၤတအိၣ်လၢၤနီတဘျီဘၣ်.

လံာ်ယၡါယၤ 26:11

နဒုၣ်နဒါတဖၣ်တသ့ၣ်ညါဝဲ လၢနကစံၣ်ညီၣ်အဝဲသ့ၣ်ဘၣ်. ယွၤဧၢ, မၤမဲာ်ဆှးအဝဲသ့ၣ်ဒီးပျဲအ ဝဲသ့ၣ်တူၢ်ဘၣ်တၢ်တက့ၢ်. ပျဲအဝဲသ့ၣ်တူၢ်ဘၣ်နတၢ်စံၣ်ညီၣ် လၢနကတဲာ်ကတီၤပာ်စၢၤန့ၣ်တက့ၢ်. ဒုးနဲၣ်အဝဲသ့ၣ်လၢနအဲၣ်နပှၤဂီၢ်မုၢ်ထဲလဲၣ်န့ၣ်တက့ၢ်.

လံာ်ယၡါယၤ 47:7

နဆိကမိၣ်တ့ၢ်လၢနကမ့ၢ်နီၢ်ပၤမုၣ်တဂၤထီဘိ, ဒီးတပာ်လ့ၣ်ပာ်ကါတၢ်သ့ၣ်တဖၣ်အံၤမ့ၢ်ဂ့ၤ, ဒီးတၢ်ခဲလၢာ်အံၤကလဲၤကတၢၢ်အသးဒ်လဲၣ်န့ၣ်မ့ၢ်ဂ့ၤ, နတဆိကမိၣ်ထီၣ်စ့ၢ်ကီးဘၣ်.

လံာ်ယံးရမံယၤ 36:24

ဘၣ်ဆၣ်ဒီး, စီၤပၤမ့ၢ်ဂ့ၤ, အပဒိၣ်ပပှၢ်ခဲလၢာ်မ့ၢ်ဂ့ၤလၢ အနၢ်ဟူ တ့ၢ်တၢ်အံၤန့ၣ်, တပျံၤတၢ်မ့ၢ်ဂ့ၤ, တဒုးနဲၣ်ဘၣ်တၢ်သူၣ်အုး သးအုးအပနီၣ်မ့ၢ်ဂ့ၤနီတဂၤဘၣ်.

လံာ်ယံးရမံယၤ 5:3

သပှၢ်ကတၢၢ်ယွၤကွၢ်ဃုတၢ်သူၣ်တီသးလိၤန့ၣ်လီၤ. အဝဲဒိတီၢ်သုဘၣ်ဆၣ်သုတပာ်လ့ၤပာ်ကဲအီၤဘၣ်. အဝဲမၤသဘှံးသုဘၣ်ဆၣ်သုတမၤလိန့ၢ်တၢ်ဘၣ်. သုခိၣ်ကိၤဒီးသုတဃၣ်ကွံာ်သုသးလၢသုတၢ်ဒဲးဘးတဖၣ်ဘၣ်.

လံာ်ယဃ့းစက့လး 40:4

အဝဲစံးဘၣ်ယၤ, “ပှၤကညီလၢအသံသ့ဧၢ, ကွၢ်တၢ်ထံထံဆးဆး, ကနၣ်တၢ်လီၤတံၢ်လီၤဆဲးဒီးတိၢ်န့ၢ်တၢ်ကိးမံၤဒဲးလၢယဒုးနဲၣ်နၤ, မ့ၢ်လၢနဘၣ်တၢ်စိာ်ဃီၤနၤဖဲအံၤလၢတၢ်အံၤအဂ့ၢ်အဃိတက့ၢ်. နကဘၣ်တဲဘၣ်က့ၤကီၢ်အံၣ်စရ့လးအပှၤဂီၢ်မုၢ်, တၢ်လၢနထံၣ်ဘၣ်အီၤခဲလၢာ်န့ၣ်လီၤ.”

လံာ်ဃဘးကူာ် 1:5

တုၤနုၤတစု, ယွၤစံးဘၣ်အပှၤဂီၢ်မုၢ်, “ခိးကွၢ်ပှၤကလုာ်တဖၣ်လၢအအိၣ်ဝးတရံးနၤဒီးနကကမၢက မၣ်လၢတၢ်လၢနထံၣ်ဘၣ်န့ၣ်လီၤ. ယကမၤတၢ်တမံၤလၢနတနာ်ဘၣ်အီၤဖဲနနၢ်ဟူလၢအဂ့ၢ်န့ၣ်လီၤ.

လံာ်မၤလကံ 2:2

သုကဘၣ်ယူးယီၣ်ယၤခီဖျိတၢ်လၢသုမၤလီၤ. သုမ့ၢ်တဒိကနၣ်တၢ်လၢယစံးဘၣ်ဒီး, ယကဟဲစိာ်တၢ်ဆိၣ်အၢလၢသုဖီခိၣ်လီၤ. ယကပာ်တၢ်ဆိၣ်အၢလၢတၢ်လၢသုဒိးန့ၢ်လၢသုဂီၢ်န့ၣ်လီၤ. မ့ၢ်မးယပာ်လီၤတ့ၢ်လံတၢ်ဆိၣ်အၢလၢတၢ်သ့ၣ်တဖၣ်န့ၣ်အဖီခိၣ်, မ့ၢ်လၢသုတတိၢ်န့ၢ်ယတၢ်မၤလိာ်အဃိလီၤ.

လံာ်သိၣ်လီၤသီလီၤတၢ် 32:46

အဝဲစံးဝဲ, “မၤလီၤတံၢ်လၢသုကစူၢ်ကယဲၢ်တၢ်မၤလိာ်တဖၣ်အံၤ လၢယဟ့ၣ်လီၤသုတနံၤအံၤန့ၣ်တက့ၢ်. တဲကဒါက့ၤအီၤဆူသုဖိတဖၣ်, ဒ်သိးအဝဲသ့ၣ်ကစူၢ်ကယဲၢ်ကစၢ် ယွၤအတၢ်သိၣ်လိတဖၣ်လၢတၢ်သူၣ်တီသးရၤအပူၤတက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 4:20

ဘူးလၢအကသံန့ၣ်ပိာ်မုၣ်လၢအမၤစၢၤအီၤန့ၣ်စံးဘၣ်အီၤ, “အိၣ်ဒီးတၢ်သးဒူတက့ၢ်. နမၤန့ၢ်ဖိခွါတဂၤလီၤ.” ဘၣ်ဆၣ်ဒီးတကနာ်ဃုာ်ဝဲဘၣ်ဒီးတစံးဆၢအီၤတၢ်နီတမံၤဘၣ်.