လံာ်တၢ်ဟးထီၣ်ကွံာ် 7:20 - Sgaw Karen Common Bible

²⁰ တုၤနုၤတစုစီၤမိၤၡ့ဒီးစီၤအၤဟရိၣ်မၤဝဲဒ်ယွၤမၤလိာ်ဝဲအသိးန့ၣ်လီၤ. လၢစီၤပၤဒီးအပဒိၣ်ပပှၢ်တဖၣ်အမဲာ်ညါန့ၣ်စီၤအၤဟရိၣ်ယူာ်ထီၣ် အနီၣ်ထိးဘိဒီးတီၢ်ထံကျိ အမဲာ်ဖံးခိၣ်ဒီးကယဲၢ်ထံအိၣ်လၢအပူၤခဲလၢာ်ကဲထီၣ်တၢ်သွံၣ် န့ၣ်လီၤ.

လံာ်တၢ်ဟးထီၣ်ကွံာ် 7:20 Iomraidhean Croise

လံာ်စီၤပၤခံဘ့ၣ်တဘ့ၣ် 4:29

စီၤအလံၤၡါဃၣ်ဃီၤအသးဆူစီၤက့ၤဃစံအအိၣ်ဒီးစံးဝဲဒၣ်, “မၤချ့ချ့, ဟံးထီၣ်ယနီၣ်ထိးဘိဒီးလဲၤတၢ်တက့ၢ်. အိၣ်ကတီၢ်ဒ်သိးနကဆၢဂ့ၤဆၢဝါပှၤလၢနဘၣ်သဂၢၢ်အီၤနီ တဂၤတဂ့ၤ. ဒီးပှၤတဂၤဂၤမ့ၢ်ဆၢဂ့ၤဆၢဝါနၤန့ၣ်ဟံးန့ၢ်တၢ် ဆၢကတီၢ်လၢနကစံးဆၢအီၤအဂီၢ်တဂ့ၤ. လဲၤလိၤလိၤဆူဟံၣ်န့ၣ်ဒီးယနီၣ်ထိးဘိအံၤပာ်လီၤအီၤလၢဖိ သၣ်ပိာ်ခွါအလိၤတက့ၢ်.”

စံးထီၣ်ပတြၢၤ 105:29

အဝဲဒုးကဲထီၣ်အဝဲသ့ၣ်အထံကျိတဖၣ်, ဆူတၢ်သွံၣ်ဒီး မၤသံကွံာ်အညၣ်တဖၣ်ခဲလၢာ်လီၤ.

စံးထီၣ်ပတြၢၤ 78:44

အဝဲဒုးကဲထီၣ်ကဒါထံကျိတဖၣ်ဆူတၢ်သွံၣ် ဒီးပှၤအဲၣ်ကူပတူးဖိတဖၣ် တအိၣ်ဒီးထံလၢကအီဝဲနီတစဲးဘၣ်.

လံာ်တၢ်ဟးထီၣ်ကွံာ် 4:9

ဒီးလၢတၢ်လီၤလးခံမံၤအံၤအဃိအံၤဒၣ်လဲာ်အဝဲသ့ၣ်မ့ၢ်တနာ် ဒံးဝဲနၤ, ဒီးတဒိကနၣ်ဘၣ်တၢ်လၢနတဲအီၤန့ၣ်, ဟံးန့ၢ်ထံတနီၤလၢထံ ကျိနံၤလါဒီးလူလီၤအီၤဆူဟီၣ်ခိၣ်လိၤတက့ၢ်. ထံန့ၣ်ကကဲထီၣ်တၢ်သွံၣ်န့ၣ်လီၤ.”

လံာ်တၢ်ဟးထီၣ်ကွံာ် 7:10

လၢတၢ်န့ၣ်အဃိစီၤမိၤၡ့ဒီးစီၤအၤဟရိၣ်လဲၤဆူစီၤပၤအအိၣ် ဒီးမၤဝဲဒ်ယွၤမၤလိာ်ဝဲအသိးန့ၣ်လီၤ. စီၤအၤဟရိၣ်တ့ၢ်လီၤအနီၣ်ထိးဘိ လၢစီၤပၤဒီးအပဒိၣ်တဖၣ်အမဲာ်ညါ, ဒီးကဲထီၣ်ဝဲလၢဂုၢ်တဘိလီၤ.

လံာ်တၢ်ဟးထီၣ်ကွံာ် 7:21

ညၣ်အိၣ်လၢထံကျိနံၤလါအပူၤတဖၣ်သံဝဲ, ဒီးနၢအုၣ်ဝဲတုၤဒၣ် လဲာ်ပှၤအဲၤကူပတူးဖိတဖၣ်အီထံန့ၣ်တသ့လၢၤဘၣ်လီၤ. ဒီးတၢ်သွံၣ်အိၣ်ဝဲလၢတၢ်လီၢ်ကိးပူၤဒဲးလၢကီၢ်အဲၤကူပတူး အပူၤန့ၣ်လီၤ.

လံာ်တၢ်ဟးထီၣ်ကွံာ် 7:6

ဒီးစီၤမိၤၡ့ဒီးစီၤအၤဟရိၣ်မၤဝဲဒ်ယွၤမၤလိာ်အဝဲသ့ၣ်အသိးန့ၣ်လီၤ.

လံာ်ဃဘးကူာ် 3:8

ယွၤဧၢ, မ့ၢ်ထံကျိတဖၣ်အံၤမၤဒိၣ်ထီၣ်နသးဧါ. မ့ၢ်ပီၣ်လဲၣ်အံၤမၤကဲၤထီၣ်နသးဧါ. ဖဲနဟဲစိာ်တၢ်မၤနၢၤဆူနပှၤဂီၢ်မုၢ်အအိၣ်ဒီး, နဒိးလၢတၢ်အၢၣ်တဖၣ်အဖီခိၣ်, ကလံၤမုၢ်တၢ်အၢၣ်မ့ၢ်နလ့ၣ်ကဟၣ်လီၤ.

လံာ်လီၣ်ဖျါ 8:8

တၢ်န့ၣ်ဝံၤအလီၢ်ခံ, ကလူးခံဂၤတဂၤအူထီၣ်အကွဲၤလီၤ. တၢ်တမံၤလၢအလီၤဂာ်ကစၢၢ်ဖးဒိၣ်လၢမ့ၣ်အူအီၣ်အီၤ တဖျၢၣ်, ဘၣ်တၢ်ကွံာ်လီၤအီၤဆူပီၣ်လဲၣ်ပူၤလီၤ. ပီၣ်လဲၣ်သၢပူတပူကဲထီၣ်တၢ်သွံၣ်န့ၣ်လီၤ.