လံာ်တၢ်ဟးထီၣ်ကွံာ် 7:17 - Sgaw Karen Common Bible

¹⁷ ဒီးခဲကနံၣ်အံၤ, ကစၢ်စီၤပၤဧၢ, ယွၤစံးဝဲဒၣ်လၢနကသ့ၣ်ညါလၢ အဝဲမ့ၢ်မတၤခီဖျိတၢ်လၢအကမၤဝဲန့ၣ်လီၤ. ကွၢ်, ယကတီၢ်ထံကျိအမဲာ်ဖံးခိၣ်အံၤဒီးကကဲထီၣ်ဝဲလၢတၢ်သွံၣ် န့ၣ်လီၤ.

လံာ်တၢ်ဟးထီၣ်ကွံာ် 7:17 Iomraidhean Croise

လံာ်စီၤပၤအခီၣ်ထံးတဘ့ၣ် 20:28

ဝံတဂၤလဲၤဆူစီၤပၤအၤဃာ်အအိၣ်ဒီးစံးဝဲ, “အအံၤမ့ၢ်တၢ်လၢယွၤစံးဝဲန့ၣ်လီၤ. မ့ၢ်လၢပှၤစူၤရံဖိ သ့ၣ်တဖၣ်စံးဝဲလၢယမ့ၢ်ကစၢၢ်ကလိအကစၢ်တဂၤဒီးတမ့ၢ်ဘၣ်တၢ်ပၢၤ ခိၣ်အကစၢ်ဘၣ်အဃိယကဟ့ၣ်နၤတၢ်မၤနၢၤလၢအဝဲသ့ၣ်အသုးမုၢ်ဖး ဒိၣ်အဖီခိၣ်ဒီး, နၤဒီးနပှၤဂီၢ်မုၢ်ကသ့ၣ်ညါလၢယမ့ၢ်ယွၤန့ၣ်လီၤ.”

လံာ်စီၤပၤခံဘ့ၣ်တဘ့ၣ် 19:19

ခဲကနံၣ်အံၤ, ယွၤပကစၢ်ယွၤဧၢ, မၤပူၤမၤဖျဲးပှၤလၢပှၤအၤၡူၢ် ဖိတဖၣ်အစုပူၤဒ်သိးကယဲၢ်ပှၤကလုာ်ခဲလၢာ်လၢဟီၣ်ခိၣ်ချၢကသ့ၣ် ညါဝဲလၢထဲနၤတဂၤဧိၤနမ့ၢ်ကစၢ်ယွၤတက့ၢ်, အိယွၤဧၢ.”

စံးထီၣ်ပတြၢၤ 105:29

အဝဲဒုးကဲထီၣ်အဝဲသ့ၣ်အထံကျိတဖၣ်, ဆူတၢ်သွံၣ်ဒီး မၤသံကွံာ်အညၣ်တဖၣ်ခဲလၢာ်လီၤ.

စံးထီၣ်ပတြၢၤ 78:44

အဝဲဒုးကဲထီၣ်ကဒါထံကျိတဖၣ်ဆူတၢ်သွံၣ် ဒီးပှၤအဲၣ်ကူပတူးဖိတဖၣ် တအိၣ်ဒီးထံလၢကအီဝဲနီတစဲးဘၣ်.

စံးထီၣ်ပတြၢၤ 83:18

မ်အဝဲသ့ၣ်, သ့ၣ်ညါလၢထဲနၤတဂၤဧိၤန့ၣ်နမ့ၢ်ယွၤ, ပှၤပၢတၢ်အဒိၣ်ကတၢၢ်လၢဟီၣ်ခိၣ်ချၢန့ၣ်တက့ၢ်.

စံးထီၣ်ပတြၢၤ 9:16

ယွၤဒုးနဲၣ်အသးခီဖျိအတၢ်စံၣ်ညီၣ်အတီအလိၤတဖၣ်, ဒီးပှၤတတီတလိၤတဖၣ်န့ၣ်, ဘၣ်ဘျးလၢပျံၤသကွီၤလၢ အမၤဝဲလၢအစုဒၣ်ဝဲလီၤ. ဟံၣ်ကယိၣ်စ့လၤ

လံာ်တၢ်ဟးထီၣ်ကွံာ် 1:22

လၢခံကတၢၢ်န့ၣ်, စီၤပၤဟ့ၣ်လီၤအကလုၢ်ဆူပှၤအဲၤကူပတူးဖိ ဒီးစံးဝဲ, “ဟံးန့ၢ်ပှၤဧ့ၤဘြံၤဖိသၣ်ပိာ်ခွါဖိလၢအအိၣ် ဖျဲၣ်ထီၣ်သီကိးဂၤဒဲးဒီးတ့ၢ်လီၤကွံာ်အီၤဆူထံကျိနံၤလါ အပူၤတက့ၢ်. မ့မ့ၢ်ဖိသၣ်ပိာ်မုၣ်ဖိတဖၣ်န့ၣ်ပျဲအမူကိးဂၤဒဲး တက့ၢ်.”

လံာ်တၢ်ဟးထီၣ်ကွံာ် 10:2

ဒီးဒ်သိးသုကတဲသုဖိသုလံၤတဖၣ်လၢယမၤပျုၢ်ပှၤအဲၤကူပတူး ဖိတဖၣ်ဒ်လဲၣ်, ဖဲယမၤတၢ်ပနီၣ်လီၤလးတဖၣ်အခါန့ၣ်လီၤ. ဒီးသုကသ့ၣ်ညါလၢယမ့ၢ်ယွၤန့ၣ်လီၤ.”

လံာ်တၢ်ဟးထီၣ်ကွံာ် 4:9

ဒီးလၢတၢ်လီၤလးခံမံၤအံၤအဃိအံၤဒၣ်လဲာ်အဝဲသ့ၣ်မ့ၢ်တနာ် ဒံးဝဲနၤ, ဒီးတဒိကနၣ်ဘၣ်တၢ်လၢနတဲအီၤန့ၣ်, ဟံးန့ၢ်ထံတနီၤလၢထံ ကျိနံၤလါဒီးလူလီၤအီၤဆူဟီၣ်ခိၣ်လိၤတက့ၢ်. ထံန့ၣ်ကကဲထီၣ်တၢ်သွံၣ်န့ၣ်လီၤ.”

လံာ်တၢ်ဟးထီၣ်ကွံာ် 5:2

ဒီးစီၤပၤစံးဝဲဒၣ်, “ယွၤမ့ၢ်မတၤတဂၤလၢယကဘၣ်ဒိကနၣ်အကလုၢ်ဒီးပျၢ်ပှၤအံၣ်စရ့ လးဖိန့ၣ်လဲၣ်. ယတသ့ၣ်ညါဘၣ်ယွၤဘၣ်. ဒီးယတပျၢ်စ့ၢ်ကီးပှၤအံၣ်စရ့လးဖိဘၣ်.”

လံာ်တၢ်ဟးထီၣ်ကွံာ် 6:7

ဒီးယကဒုးကဲထီၣ်သုလၢယပှၤဂီၢ်မုၢ်, ဒီးယကကဲထီၣ်သုကစၢ်ယွၤလီၤ. ဒီးသုကသ့ၣ်ညါလၢယမ့ၢ်ယွၤ, သုကစၢ်ယွၤဖဲယမၤထူၣ်ဖျဲးသုလၢကီၢ်အဲၤကူပတူး အတၢ်မၢကဲကုၢ်အပူၤန့ၣ်လီၤ.

လံာ်တၢ်ဟးထီၣ်ကွံာ် 7:20

တုၤနုၤတစုစီၤမိၤၡ့ဒီးစီၤအၤဟရိၣ်မၤဝဲဒ်ယွၤမၤလိာ်ဝဲအသိးန့ၣ်လီၤ. လၢစီၤပၤဒီးအပဒိၣ်ပပှၢ်တဖၣ်အမဲာ်ညါန့ၣ်စီၤအၤဟရိၣ်ယူာ်ထီၣ် အနီၣ်ထိးဘိဒီးတီၢ်ထံကျိ အမဲာ်ဖံးခိၣ်ဒီးကယဲၢ်ထံအိၣ်လၢအပူၤခဲလၢာ်ကဲထီၣ်တၢ်သွံၣ် န့ၣ်လီၤ.

လံာ်တၢ်ဟးထီၣ်ကွံာ် 7:5

ဒီးပှၤအဲၤကူပတူးဖိတဖၣ်ကသ့ၣ်ညါလၢယမ့ၢ်ယွၤ, ဖဲယယူာ်ထီၣ်ယစုထီဒါအဝဲသ့ၣ်ဒီးဒုးဟးထီၣ်ကွံာ်ပှၤအံၣ်စရ့လးဖိ တဖၣ်လၢကီၢ်အဲၤကူပတူးန့ၣ်လီၤ.”

လံာ်ယဃ့းစက့လး 25:17

ယကစံၣ်ညီၣ်အဝဲသ့ၣ်နးနးကလဲာ်ဒီးဟ့ၣ်ကၣ်တၢ်လၢအဝဲသ့ၣ်အဖီ ခိၣ်လၢလၢပှဲၤပှဲၤန့ၣ်လီၤ. အဝဲသ့ၣ်ကကလၢၢ်ယတၢ်သးဒိၣ်ထီၣ်န့ၣ်လီၤ. အန့ၣ်တစုအဝဲသ့ၣ်, ကသ့ၣ်ညါလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 29:9

ကီၢ်အဲၤကူပတူး ကကဲထီၣ်တၢ်အိၣ်ကလီအလီၢ်တပူၤလၢအဘျုး တအိၣ်ဘၣ်န့ၣ်လီၤ. အန့ၣ်ဒီးနကသ့ၣ်ညါလၢယမ့ၢ်ယွၤန့ၣ်လီၤ.

လံာ်ယဃ့းစက့လး 30:19

တုၤယစံၣ်ညီၣ်ကီၢ်အဲၤကူပတူးလၢကျဲဒ်အံၤအပူၤန့ၣ်အဝဲသ့ၣ် ကသ့ၣ်ညါဝဲလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 30:8

ဖဲယဒွဲၣ်အူထီၣ် ကီၢ်အဲၤကူပတူးလၢမ့ၣ်အူဒီး အပှၤတြီဆၢတၢ်တဖၣ်ဘၣ်တၢ်မၤသံကွံာ်အီၤန့ၣ် အဝဲသ့ၣ်ကသ့ၣ်ညါဝဲလၢယမ့ၢ်ယွၤန့ၣ်လီၤ.

လံာ်ယဃ့းစက့လး 32:15

ဖဲယဒုးအိၣ်သယုၢ်အိၣ်ကလီကီၢ်အဲၤကူပတူးဒီးမၤဟးဂီၤကယဲၢ် ပှၤလၢအအိၣ်ဆိးဖဲန့ၣ်ခဲလၢာ်ဒီးအဝဲသ့ၣ်ကသ့ၣ်ညါဝဲလၢယမ့ၢ် ယွၤန့ၣ်လီၤ.

လံာ်ယဃ့းစက့လး 32:6

ယကလူလီၤနသွံၣ်တဖၣ်တုၤလၢအရၤလီၤအသးလၢကစၢၢ်ကလိ တဖၣ်အဖီခိၣ်ဒီးမၤပှဲၤထံဖိကျိတဖၣ်န့ၣ်လီၤ.

လံာ်ယဃ့းစက့လး 38:23

လၢကျဲဒ်အံၤန့ၣ်ယကဒုးနဲၣ်ပှၤကလုာ်တဖၣ်လၢယမ့ၢ်ပှၤတဂၤ လၢအဒိၣ်ဝဲဒီးစီဝဲဆှံဝဲန့ၣ်လီၤ. အန့ၣ်ဒီးအဝဲသ့ၣ် ကသ့ၣ်ညါဝဲလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 39:28

အန့ၣ်ဒီးယပှၤဂီၢ်မုၢ်ကသ့ၣ်ညါလၢယမ့ၢ်ယွၤ, အဝဲသ့ၣ်အကစၢ်ယွၤ န့ၣ်လီၤ. အဝဲသ့ၣ်ကသ့ၣ်ညါတၢ်အံၤမ့ၢ်လၢယဆှၢဃီၤအဝဲသ့ၣ် ဆူတၢ်စိာ်မၢကဲကုၢ်အလီၢ်, ဒီးခဲကနံၣ်အံၤ, ပာ်ဖှိၣ်က့ၤ အဝဲသ့ၣ်ဒီးဟဲက့ၤစိာ်ကဒါက့ၤအဝဲသ့ၣ်ဆူအကီၢ်ဒၣ်ဝဲအပူၤ တပာ်လီၤတဲာ်ကွံာ်ဘၣ်အဝဲသ့ၣ်နီတဂၤဒၣ်လဲာ်အဃိန့ၣ်လီၤ.

လံာ်ဒၤနံးယ့လး 4:17

တၢ်စံၣ်ညီၣ်အံၤဘၣ်တၢ်ပာ်လီၤအီၤလၢကလူးလၢအသူၣ်ပ့ၢ်သး ဆှါဒီးမဲာ်စီၣ်နါစီၣ်တဖၣ်န့ၣ်လီၤ. မၤသးဒ်န့ၣ်ဒီး, တုၤလၢတၢ် အကတၢၢ်တစုန့ၣ်မ်ပှၤအမူတဖၣ်ကသ့ၣ်ညါဝဲလၢတၢ်ထီ ကတၢၢ်ကစၢ်ယွၤတဂၤအိၣ်ဒီးတၢ်စိတၢ်ကမီၤ လၢကပၢတၢ်လၢပှၤကညီအဘီအမုၢ်တဖၣ်အဖီခိၣ်ဒီးဟ့ၣ်လီၤဝဲဆူ ပှၤလၢအဃုထၢဝဲတဂၤလၢ်လၢ်ဒ်အတၢ်ဘၣ်အသးဒၣ်ဝဲအသိးသ့, တုၤဒၣ်လဲာ်ဆူပှၤအသးစူၤဒီးဆီၣ်လီၤအသးနးကတၢၢ်န့ၣ်တက့ၢ်.

လံာ်ဒၤနံးယ့လး 4:32

ဒီးနကဘၣ်တၢ်နီၣ်ထီၣ်ကွံာ်နၤလၢပှၤကညီအကျါ, ဒီးနတၢ်အိၣ်တၢ်ဆိးအလီၢ်ကမ့ၢ်ဝဲလၢဆၣ်ဖိကီၢ်ဖိအမံၤတဖၣ် အသိးအကျါလီၤ. နကအီၣ်တပံၢ်တမါဒ်ဂီၤဖံးတဒုအသိး လၢနွံနံၣ်အတီၢ်ပူၤလီၤ. တုၤနုၤတစု, နကသ့ၣ်ညါက့ၤလၢတၢ်ထီကတၢၢ်ကစၢ်ယွၤတဂၤပၢတၢ်လၢပှၤဟီၣ် ခိၣ်ဖိအဘီအမုၢ်တဖၣ်အဖီခိၣ်ဒီးဟ့ၣ်လီၤတၢ်ဆူပှၤလၢအဃု ထၢဝဲဒ်အသးအိၣ်ဒၣ်ဝဲအသိးအစုပူၤသ့ဝဲန့ၣ်လီၤ.”

လံာ်ဒၤနံးယ့လး 4:37

ခဲကနံၣ်အံၤ, ယၤစီၤနဘူၤကးန့စၢ်စံးထီၣ်ပတြၢၤ, ယူးယီၣ်ဒီး မၤလၤကပီၤမူခိၣ်အစီၤပၤန့ၣ်လီၤ. အဂ့ၢ်ဒ်အံၤ, အတၢ်မၤခဲလၢာ်ဘၣ်ဝဲ, ဒီးအကျဲတဖၣ်တီဝဲလိၤဝဲန့ၣ်လီၤ. ပှၤလၢအမၤတၢ်လၢတၢ် ပာ်ထီၣ်ထီအသးတဖၣ်န့ၣ်ဆီၣ်လီၤဝဲဒၣ်သ့လီၤ.”

လံာ်ဒၤနံးယ့လး 5:21

အဝဲဘၣ်တၢ်နီၣ်ထီၣ်ကွံာ်အီၤလၢပှၤကညီတဖၣ်အသိးအကျါ ဒီးအသးကဲထီၣ်ဒ်ဆၣ်ဖိကီၢ်ဖိတဒုအသးအသိးလီၤ. အဝဲအိၣ်ဆိးတ့ၢ်ဝဲလၢ ကသ့ၣ်ယီၤမံၤတဖၣ်အကျါ, အီၣ်တပံၢ်တမါဒ်ဂီၤဖံးတ ဒုအသိးဒီးမံလီၤဝဲလၢတၢ်ပျီပူၤဒီးဘၣ်စီၣ်ဝဲလၢမူခိၣ်ပစီၤထံလီၤ. လၢခံကတၢၢ်န့ၣ်, သ့ၣ်ညါက့ၤဝဲလၢတၢ်ထီကတၢၢ်ကစၢ်ယွၤ တဂၤန့ၣ်ပၢတၢ်လၢပှၤဟီၣ်ခိၣ်ဖိအဘီအမုၢ်တဖၣ် အဖီခိၣ်ဒီးဟ့ၣ်လီၤတၢ်ဆူပှၤလၢအဃုထၢဝဲဒ်အသးအိၣ်ဒၣ်ဝဲအ သိးတဂၤလၢ်လၢ်အစုပူၤန့ၣ်လီၤ.

လံာ်ဒၤနံးယ့လး 5:23

နပာ်ထီၣ်ထီတ့ၢ်နသးထီဒါမူခိၣ်အကစၢ်ဒီးဟဲစိာ်နုာ်လီခီတဖၣ်လၢ ဘၣ်တၢ်ဟဲက့ၤစိာ်အီၤလၢအတၢ်လုၢ်ဟံၣ်ဒီးနဲဒၣ်ဒီးနပဒိၣ်ပပှၢ်တဖၣ်, နမါတဖၣ်ဒီးနသံၣ်မါတဖၣ်ဒၢနုာ်အီစပံးထံလၢအပူၤလီၤ. ဒီးနစံးထီၣ်ပတြၢၤကစၢ်ထူ, ကစၢ်စ့, ကစၢ်တိၢ်ဘီ, ကစၢ်ထး, ကစၢ်သ့ၣ်ဒီးကစၢ်လၢၢ်လၢအတထံၣ်တၢ်, တနၢ်ဟူတၢ်ဒီး တသ့ၣ်ညါတၢ်နီတမံၤတဖၣ်န့ၣ်လီၤ. မ့မ့ၢ်ကစၢ်ယွၤလၢအစံၣ်ညီၣ် နတၢ်မူ, တၢ်သံဒီးအပၢၤဃးကယဲၢ်နမၤတၢ်တမံၤလၢ်လၢ်န့ၣ်နတမၤလၤ ကပီၤတ့ၢ်အီၤဘၣ်.

လံာ်လီၣ်ဖျါ 11:6

အဝဲသ့ၣ်အိၣ်ဒီးတၢ်စိတၢ်ကမီၤလၢအကကးတံာ်ဃာ်မူခိၣ်ဒ်သိး, ဖဲဆၢကတီၢ်လၢအဝဲသ့ၣ်ကတိၤတၢ်လၢဝံအကျိာ်န့ၣ်မူခိၣ် အသုတစူၤနီတစဲးတဂ့ၤန့ၣ်လီၤ. အဝဲသ့ၣ်အိၣ်စ့ၢ်ကီးဒီးတၢ်စိတၢ်ကမီၤလၢထံမူအဖီခိၣ်လၢ အကလဲလိာ်အီၤဆူတၢ်သွံၣ်အဂီၢ်န့ၣ်လီၤ. အဝဲသ့ၣ်အိၣ်စ့ၢ်ကီးဒီးတၢ်စိတၢ်ကမီၤလၢအကတီၢ် ဟီၣ်ခိၣ်လၢတၢ်သံသတြိာ်အကလုာ်ကလုာ်အဘျီတဖၣ် အဘျီဖဲအဝဲသ့ၣ်အသးဒၣ်ဝဲအသိးန့ၣ်လီၤ.

လံာ်လီၣ်ဖျါ 8:8

တၢ်န့ၣ်ဝံၤအလီၢ်ခံ, ကလူးခံဂၤတဂၤအူထီၣ်အကွဲၤလီၤ. တၢ်တမံၤလၢအလီၤဂာ်ကစၢၢ်ဖးဒိၣ်လၢမ့ၣ်အူအီၣ်အီၤ တဖျၢၣ်, ဘၣ်တၢ်ကွံာ်လီၤအီၤဆူပီၣ်လဲၣ်ပူၤလီၤ. ပီၣ်လဲၣ်သၢပူတပူကဲထီၣ်တၢ်သွံၣ်န့ၣ်လီၤ.